Գահերի խաղը. ինչպես հաղթել շախմատում

by Tigran Petrosian, Armen Amirkhanyan (Translator), Gnel Nalbandyan (Editor)

Այս գրքի վրա Տիգրան Պետրոսյանը սկսել է աշխատել 1980-ականների սկզբին, բայց այդպես էլ չի ավարտել այն։ Նրա մահից հետո ամփոփ տեսքի է բերել շախմատիստի այրին՝ Ռոնա Պետրոսյանը։

Գիրքը կազմելիս օգտագործվել են Պետրոսյանի դասախոսությունները, որոնք նվիրված են շախմատային ռազմավարական նրբություններին, ռեպորտաժներ, հեռուստատեսային եւռադիոձայնագրություններ, շաբաթաթերթերում հրատարակված հոդվածներ: Նրա կնոջ՝ Ռոնա Պետրոսյանիջանքով հաջողվել է գտնել Պետրոսյանի դասախոսություններիձայնագրությունները, որոնք համարվում են անվանի շախմատիստի ուսուցողականլավագույն նյութերը:

Տիգրան Պետրոսյանն ունեցել է պաշտպանողական խաղաոճ, ինչի շնորհիվստացել է «Երկաթե Տիգրան» պատվանունը: Հազվադեպ էր հարձակվում եւավելի շատ ջանք էր գործադրումհակառակորդի հարձակումները կանխելու, քան իր հարձակումները կազմակերպելու համար։ Համբերատարությունն ուլավ պաշտպանվելու վարպետությունը նրան դարձրել էին դժվար պարտվողշախմատիստ:

Գրքում հավաքված են աշխարհի չեմպիոնի կարեւոր հոդվածները, պարտիաների մեկնաբանությունները, քայլերի համակարգումը, դասախոսությունները: Լեգենդար շախմատիստի 14 դասերն ընդգրկում ենշախմատային պարտիայի բոլոր փուլերը՝ գիրքը դարձնելով ինքնակատարելագործման հիանալի ձեռնարկ:

384 pages, Hardcover

First published January 1, 1987

About the author

Tigran Vartanovich Petrosi︠a︡n, the world chess champion from 1963-1969

Reviews

[Artak Aleksanyan · Rating 5 out of 5]

Ուղիղ մեկ տարի առաջ, երբ սկսում էինք հրատարակչական գործը, մեր նպատակն էր ներկայացնել թարգմանական ու ոչ գեղարվեստական գրականություն, որի բացն այսօր կա։ Պարզվեց թարգմանելու այնքան շատ բան կա, որ սկսեցինք ֆիլտրել։ Երկու ֆիլտր կար. ընտրում էինք լավագույնները, որոնց կոմերցիոն հաջողությունն ապահովված էր, կամ էլ որոնց հայերեն թարգմանությունների բացակայությունն աններելի էր։ Հենց այդպիսի գիրք է Տիգրան Պետրոսյանի այս աշխատությունը։ Մենք այն թարգմանեցինք միայն մեկ պատճառով. տխուր է, որ ռուսերեն կա, իսկ հայերեն՝ ոչ։

90-ամյա հոբելյանն էլ աշխարհի չեմպիոնին գիտակրթական առաքելությամբ վերհիշելու պատեհ առիթ է։ Առավել ևս, որ շախմատային հանրությունը պետք է պարբերաբար ստանա իր բնագավառի նոր, թարմ և կարևոր գրականության գոհարները։

Հայաստանը շախմատային գերտերություն է։ Սա պարզապես տպավորիչ նախադասություն չէ: Սա ռազմավարական ուղենիշ է: Այդ գերտերությունը պետք է ունենա իր տարեգրությունը, իր լեգենդները, իր ավանդույթների ու արժեքների գիտա-հանրամատչելի շտեմարանը: Մենք առաջին երկիրն ենք, որը շախմատը պաշտոնապես ընդգրկել է դպրոցական ծրագիր:

Շախմատը պարտադիր առարկա է Հայաստանի և Արցախի 1500 դպրոցներում: Այս տարվա դրությամբ՝ ավելի քան 50 հազար դպրոցական է զբաղվում շախմատով: Սա գուցե մոտենում է մեր երկրի Զինված ուժերում ծառայողների քանակին:

Երիտասարդ շախմատիստների այս ինտելեկտուալ բանակի մասնագիտական ու գիտական գրականության արսենալը մշտապես պետք է համալրել ու թարմացնել: Այս գրականությունը պետք է մեր շախմատային գերտերության հիմնադիր հայրերի փորձը նոր սերնդին փոխանցելու համար։ Տիգրան Պետրոսյանից դեպի Ռաֆայել Վահանյան, հետո Լևոն Արոնյան եւ հիմա էլ՝ այս կրթօջախ ոտք դնող պատանիները։ Նոր գրականությունը պիտի ստեղծվի կամ թարգմանվի ու ներկայացվի հենց այստեղ՝ Շախմատի տանը, որը մեր ապագա գրոսմայստերների դարբնոցն է։ Տիգրան Պետրոսյանի այս դասախոսությունների շարքը՝ հայերեն հղկված թարգմանությամբ, մշտական արդիականությամբ և դաստիարակչական հզոր լիցքերով, հուսով ենք, որ արժանի տեղ կգրավի այս կրթօջախի գրադարանում և սաների սեղաններին: