انعكاس

by نورهان إبراهيم

إحنا مش بنخف من الوجع إحنا بنفوق منه بس ، لإن مهما حاولنا ننسى و نتعافى بتفضل دايما في حتة موجودة جوانا بتوجعنا كل ما ندوس عليها ،
الوجع عرض مش مرض ... أي حاجة بنعملها بتبقى زي المسكن اللي بناخده لما بنتوجع علشان نقدر نكمل و نقف على رجلينا من جديد لحد ما نحس بالوجع مرة تانية فناخد مسكن تاني علشان نرجع نفوق و نتعايش ،
الوجع مهم ... إحنا بنكبر بالوجع ، بنتعلم بالوجع ، بنقوى بالوجع ، و الأهم اننا مهما اتوجعنا الوجع ما يكسرناش.

144 pages, Paperback

First published November 22, 2019

Reviews

[Fatma Farid · Rating 5 out of 5]

كتاب انعكاس للكاتبه الشابه دكتورة نورهان ابراهيم.
الكتاب هو باكورة أعمال الكاتبه ..والحقيقه أنه ممتع ولطيف وخفيف علي القلب 💞
نورهان حاولت تغوص جوه النفس البشرية بطريقه عفويه وبسيطه وقدرت تدينا أمثلة ونماذج واقعيه توضح فكرتها .
الكتاب فعلا زي ما هي قالت عبارة عن فضفضه 🥰 مواقف وأوجاع وضغوط نفسيه معظمنا مر بيها واختبرها ...ومحاولة منها لمد طوق نجاة بإعطاء حلول وافكار للتغلب على المشاعر السلبيه المصاحبه لهذه التجارب .
نورهان كتبت بالعاميه فجعلت الكتاب سهل الاستيعاب قريب من القلب ..واستشهدت بأقوال علماء ومفكرين مما اضفي مصداقيه علي الكتاب .
الكتاب يعتبر جيد جدا كتجربه أولي للمؤلفه وأسلوبه يبشر بنتائج رائعه في المستقبل .
الناس الي بتحب نوعية علاقات خطرة والخروج عن النص حيعجبهم الكتاب♥️