O home que mercou un libro

by Paco Martín

“Son as nove e vinte minutos do día 23 de xuño e hai menos de media hora que Aníbal Hortensio López da Carricova saíra da casa coa intención de camiñar os tres ou catro quilómetros que, de acordo cos consellos do médico, debía andar cada día para beneficio do seu corpo e mesmo da súa mente. Aníbal non ten máis ca vinte e catro anos pero non poderiamos dicir que estea en moi boa forma física. Sóbranlle oito ou dez quilos de peso en opinión do seu endocrinólogo, e na do monitor do ximnasio ó que ás veces acode cumpriría darlle elasticidade a uns músculos que teñen unha clara tendencia a se atrofiar por escaseza de uso...”

Así dá comezo esta nova obra de Paco Martín que é, sobre todo, un libro sobre os libros, sobre o esforzo que hai detrás de todos e cada un dos libros. Un libro para ler os que devecen por ler como respirar.

104 pages, Paperback

Published December 1, 2019

Reviews

[uxi · Rating 3 out of 5]

gustoume bastante o libro. merqueino sabendo que era un libro autoconclusivo, e un tanto fóra do que moita xente entendería por normal.
vexo que este, mais ca ser un libro de fantasia, ou dalgo ficticio, é un libro que nos fai pensar, a min polo menos, a importancia que non lle damos, e que ten a lectura.


a parte, é un libro moi cortiño, unha lectura rápida e sencilla que me fixo replantexar o motivo polo que leo, ou ao menos, entender por que o fago

[SANDRA · Rating 1 out of 5]

Unha perda de tempo. Unha historia difícil de crer e carente de emoción. A parte do restaurante destila un cheiro clasista que non casa nada ben nos tempos dos móbiles.