دوائر الانتقام

by Amir Atef

ما الذي يفعله بنا التشفي؟ وماذا ينتج عن الرغبة الجامحة في الانتقام؟
محاولات الانتقام تصنع منا وحوشًا لا ترى حقيقة الأمور بقدر ما تدفعنا كل مرة للتشفي من خلال ارتكاب جريمة جديدة..
يفاجأ ضابط المباحث الذي تقاعد عن العمل بإجباره على التحقيق في قضية سلسلة جرائم قتل حدثت تحت دوافع خفية، وبمجرد الشروع في التحقيقات تتكشف له أسرار جديدة كل مرة عن دوافع تلك الجرائم التي حرَّكها الغل والرغبة في الانتقام؛ لتكشف عن حقيقة التشوه الذي يطرأ على الإنسان إذا حبس نفسه داخل دوائر الانتقام.
تفاصيل القضية المثيرة، وملفات التحقيقات تنذر بأحداث خطيرة ستحدث حتمًا إذا لم يتم القبض على الجناة..
ترى كيف يتم حل القضية؟ وما هو الدافع الحقيقي وراء كل ما يحدث؟

Genres: Thriller

272 pages, Paperback

First published January 22, 2020

About the author

الكاتب أمير عاطف، عضو اتحاد كتاب مصر، من مواليد القاهرة ـ مصر ، 10 أكتوبر عام 1984 ، ليسانس آداب جامعة عين شمس ـ قسم حضارة أوروبية ، درس الأدب اليوناني واللاتيني وله عدة مقالات نقدية عن أعمال الكُتَّاب الإغريق القديمة... وهو الآن بصدد عمل مشروع أدبي يتناول فيه العلاقة بين آداب الشعوب في القرون الأولى...
** صدر له:
* رواية "طارىء" حالياً عن دار دوِّن للنشر والتوزيع صدرت في شهر سبتمبر 2014... ....
* رواية أخرى بعنوان "لا شيء مما سبق " صدرت في يناير2016 عن دار دوِّن للنشر والتوزيع...
* رواية "لوغاريتم" عن دار دوِّن للنشر والتوزيع في يناير 2017
* رواية "لا تبدأ القتل" عن دار دوِّن للنشر والتوزيع في يناير 2018
* رواية "دوائر الانتقام" عن دار دوِّن للنشر والتوزيع في يناير 2020
* رواية "جزيرة جريشة" عن دار دوِّن للنشر والتوزيع في يناير 2022
* رواية "لم يحن وقتك بعد" عن دار دوِّن للنشر والتوزيع في يناير 2025
========================================
The writer Amir Atef, Member of the Federation of Egypt Writers. was born in Cairo, Egypt, October 10, 1984, Bachelor of Arts, studied Greek and Latin literature and has several critical articles on the work of ancient Greek writers ...
** issued to him:
1 - The novel "Emergency - Tare' "in September 2014.
2 - "None of the above - la shai' mema sabaq", in January 2016.
3 - "Logarithm - Logharitm" in January 2017
4 - "Don't start the Kill - la tabda' al katl" in January 2018
5 - "Revenge Circles - dawaer al entekam" in January 2020
6 - Greisha Island - Gezeret Greisha - in January 2022
7 - "Your Time Has Not Come Yet – lam yahan waktok baad" in January 2025
all published by by Dawn Publishing and Distribution...

* Source: Wikipedia

Reviews

[Mohamed Fawzy · Rating 5 out of 5]

تهت وسط دوائر الإنتقام لهذه الرواية الرائعة
تقرأ وكأنك تشاهد- كانت الوصف الأقرب لحالي أثناء قرائتي للرواية-
قرائتي الأولي للمؤلف أمير عاطف ومتأكد بأنها لن تكون الأخيرة....
تعرفت بهذه الرواية علي روائي متميز
تذكرت -الحلزونة ياما الحلزونة- التي أركبنا إياها أمير عاطف في روايته ونحن نفكر معه
ونلهث بحثاعن الفاعل ...لو كانت كل رواياته بذات المستوي
فأظنني سأكون من عشاق كتاباته وسأبحث عن سائر أعماله لأري إن كانت بذات الجودة
نقاط الروعة وجمال الرواية بدت شديدة الوضوح بالنسبة لي
حبكة متماسكة شديدة الإتقان ... أحداث سريعة لم تترك بينها فراغاً أو وقتاً للملل... بل قد تلهث من سرعة الأحداث
الحوارات الدارجة بين الشخضيات بالعامية كانت شديدة الإتقان والواقعية وكان لها تأثيرها السحري
فشعرت معها بالعجرفة و الكبر و الإستكانه والتحالف مع الواقع والتحدي واليأس
وأحاسيس أخري كثيرة رأيتها ولمستها في الحوار الواقعي الدائر بين شخصيات الرواية
أما عن السلبيات فإنني كما تذكرت الحلزونة في بداية الرواية تذكلرت سنيما الأطفال التي كنت أتابعها في صغري في ختام الرواية
هل كان زياد ضرغام حريص وبلهفة واضحة أن يطمئن عل التماثيل كلما خلا بنفسه ... أكان يفعل هذا لأجل تماثيل الجبس ؟
الحادث والجثث التي دفنت ... والتي من المفروض انها لأولاده !
فهل الأعداد وأحجام الجثث لم تلفت أنتباهه
وهل التشريح من قبل الطب الشرعي لم يكشف أن هذه الجثث وإن كانت حتي محروقة ليست لأولاده
... مع التذكير فقط بأن هذا قد لا ينطلي علي أي أب مكلوم عادي ... وليس ضابط شرطة مخضرم ولمؤاخذة
.......
اسمح لي يا سيد أمير عاطف أن أخلع القبعة إحتراماً لموهبتك.. بإستثاء تلك السلبيات الصغيرة
راقتني موهبتك كثيراً وبدت مميزة للغاية بين جيل شباب الكتاب
أتحفظ علي كثير منهم عند مقارنة المكانة التي يتمتعون بها بالموهبة التي يمتلكونها
لكنني شعرت معك أنني أمام كاتب مخضرم من أولئك
الذين أضاعواسنوات عمرهم أمام المنضدة يخطون الأوراق
.. ويتناول أقداح القهوة بلا توقف .. وينفثون غالباً الدخان كتنين غاضب
....
الرواية ضمن مكتبتي الورقية
وهي واحدة من الروايات التي سأهدي نسختها الورقية لأصدقائي لقرائتها
وسأنصح بها راغبي إقتناء الأعمال الجيدةلضمها لمكتبتهم كما فعلت أنا

[Amir Atef · Rating 5 out of 5]

أنا اللي كاتبها فطبيعي أحبها وأديها خمس نجوم :D
لكن أعد كل اللي هيقراها إنها هتعجبه بنسبة تفوق 95 %
ودة لأني مؤمن بيها جدًا... وتعبت فيها سنتين، ومكنش ينفع أنشرها إلا لما أحس إنها تليق بقرائي وتوقعاتهم
استمتعوا بدوائر الانتقام... وهنتظر آراءكم :)

[Hazem Walid · Rating 2 out of 5]

أمير عاطف من أحسن الكتاب الي الناس تبدأ معاهم قراءة رواياته ممتعة بحبكة كويسه و احداث متشابكه و متسارعه،و بتكون قريبه جدًا من فكرت الافلام الاكشن إلي معظم الناس هتحبها أو على الأقل بتشدها أنها تتفرج عليها ...
نجي للرواية
من رأيي في نوعين من روايات الجريمة و الاثارة و الغموض نوع بعد ما تخلصه تفتح بوقك و أنت مش مصدق الي حصل و ازاي و صل لكده بس لو بدأت الرواية تاني هتعرف تجمع الموضوع وصل كده ازاي و كل حاجة واضحه بس أنت الي مخدش بالك و نظرتك للرواية في القراءة التانية هتختلف تمامًا ،بس المهم أن كل حاجة منطيقة ...
و النوع التاني من الروايات روايات " الإجابة محمد منير" الي هو أنت لو وقف على راسك مش هتعرف الحل –من وجهت نظري ده مش ذكاء ده تقليل بعقل القارئ-زي من الي بنى الاهرامات الفضائين يا باشا سهله اهو، و لو قريت الرواية تاني مش هتفرق في حاجة عشان الاحداث مايشه في مكان و أنت عارف أن مره واحده القاتل أو الشرير هيظهر أهلا أنا عاطف-الشرير أو القاتل- أنا معاكوا في الرواية هنا.. فمن رأيي ده نوع ضعيف جدًا من الحبكات واحد من بره يجي يشيل الليلة و يلا نقفل الرواية ..
دوائر الانتقام ..
القصة كويسه سريعة جدًا أحداثها كتير و فيها تعقيد حلو في الأول ..
الشخصيات بجانب زياد ضرغام الي كان مرسوم كويس باقي الشخصيات كلها عادية جدًا متوقعة جدًا شخصيات زي ما قال الكتاب –شخصيات نمطية جدًا-و يمكن ديه كانت اكبر مشكلة بنسبالي في الرواية .
الاسلوب بسيط يميل للبساطة الشديدة بس كان في المجمل كويس و مش محتاج أكتر منه لسير الاحداث..
الحبكة كويسه بس عادية و مكرره بس تنفع فيلم أو تحسها فيلم مصري أصيل 
في الاخير أمير عاطف كاتب أنا بحبه و مسلي جدًا و ممتع و رواياته دائمًا بتكون من أول الكتب إلي برشحها لحد بدأ قراءة ...

[Mahmoud elesawy · Rating 5 out of 5]

الروايه مبهره يا امير
قريتها مرتين لغايه دلوقتي
انت استاذ في رسم الشخصيات بالذات شخصيه زياد ضرغام
بتعقد الاحداث وبتشد انتباهنا في اتجاه عشان بتحضر قنبله في جزء متواري من الاحداث هتنفجر فجاه وتلاقي نفسك بتجري تشوف ايه الي حصل بالظبط
بتقلب الاحداث راسا علي عقب وبتقدر تصنع نهايه تليق بالغموض الي في الروايه
بحسك مستمتع بخداع القارئ وبتكون قاعد علي جنب مولع سيجاره ومبسوط 😃 منتهي الساديه في معامله القارئ 😃😃😃😃😃
بتبهرني كل يوم عن التاني بقدرتك علي تعقيد الاحداث وازاي تشد الي بيقرا انه يعرف ازاي هتفك العقده ديه تاني
حراام لو رواياتك متحولتش لسيناريو فيلم او مسلسل كمان
وشخصيا تخيلته مسلسل بطوله يوسف الشريف الي هيقوم بدور زياد ضرغام
تستاهل التقدير علي مجهودك
وانت فعلا تعبت في الروايه ديه من غير مشوف بس النتيجه ديه متظهرش الا انك تعبت في حبكه الروايه واحداثها والاهم هو انك تصنع نهايه تليق بالمجهود ده
النهايه هي الكريزه الي بتزين الروايه او التراب الي بترميه علي تورته شكلها حلو
وانا شخصيا منتظر العمل الجاي
ومنتظر اتخدع تاني منك انت لما بتخدعني يبقي نجحت في فكرتك مهو لو حطيت احداث نمطيه توقعتها او هتوقعها يبقي منجحتش
هي نزال بين الكاتب والقارئ لو القارئ فاز بيه يبقي اسوا فوز ولو خسر يبقي اجمل خساره اني الكاتب تفوق علي ذكاء القارئ وخدعه وابهره
ده تقييمي لاي عمل من النوعيه ديه
هل قدرت تخدعني وتمشيني في طريق واكتشف اني النهايه في طريق تاني ؟
نجحت في ده كا كاتب وانتصرت عليا كقارئ ؟ يبقي انا سعيد بخسارتي قدامك
فشلت يبقي انا فزت بس اسوا فوز ليا لاني للاسف مبعرفش ارجع اقرا تاني لنفس الكاتب مهما كان لاني ببساطه خيالي تفوق عليه ❤️
امنيتي من الكاتب اني متصدمنيش في العمل الجاي لاني منتظر منك مستوي عالي يتفوق توقعي وتحفزي ازاي هتخدعني المره الجايه
برافو يا امير برافو برافو برافو
قريتها مرتين في ٣ ايام 😃😃😃😃

[Ola Wadood · Rating 5 out of 5]

كالعاده اول روايه ببدأها بعد المعرض بتكون روايتك بس واضح انك السنه دي تفوقت علي نفسك لدرجه اني مستنتش المعرض يخلص حتي 😂 انا حرفيا كنت فاتحه الروايه عشان اقرأ التوقيع والاهداء ف اقل من يوم ونص لقتني بخلصها 😍
مش هنختلف كتير عن انك كل مره بتبهرني فعلا
بجد انا كل مره بعيش مع شخصياتك كأنهم حقيقين
مشكلتي مع اي روايه اني بتوقع الاحداث ودا بيخليني احس بالملل كتير بس ف دوائر الانتقام مقدرتش احس بالملل دا ف ولا صفحه فعلا وكل ما بتوقع حاجه بلاقيني لغيتها وتوقعت عكسها وهكذا ولحد اخر سطر انا بجد كنت متوقعه حاجه تانيه خالص
شابوه يا امير بجد مش عارفه اقول ايه علي الروايه بس بجد خطفتني اكتر من اي روايه تانيه ومتأكده انها هتخطف كل اللي هيقراها 😍
الف مبروك وعقبال السنه اللي جايه 💖

[Haytham Ahmed · Rating 5 out of 5]

من أفضل الروايات البوليسية في السنين الأخيرة ،أمير عاطف بجد من المؤلفين اللي بستمتع حرفياً وانت بتقرا رواياته بسبب اللغة البسيطة و بناؤه للشخصيات بواقعية شديدة لدرجة تحسسك إنك فعلا قابلت الشخص ده قبل كدة في مكان ما ،،غير طبعا حبكة الاثارة و التشويق اللي بيخلقها في الرواية و فيه ميزة مهمة جدا أنه بيعطي للقارئ جرعات فلسفية من خلال الحوار بين الشخصيات
اعتقد انه في المستقبل القريب هيكون واحد من أهم كاتبي النوع ده من الروايات بالتوفيق يا Amir Atef

[Noha Dahan · Rating 5 out of 5]

امير دايما بيخدني لعالم الشخصيات و الاكشن حرفيا بمسك القصة مش بعرف اسيبها و دايما لازم ابتدي بيها حصيلة معرض الكتاب رواية فيها شخصيات كثيرة يمكن اهم شخصية زياد ضرغام ظابط الشرطة اللي يحصله اختطاف من عصابة تجار اثار و يفقد ولادة بتبدي القصة باحداثها المثيرة اللي خلصتها في يوم و نص
الرواية اكثر من رائعة

[Doaa Gamil · Rating 5 out of 5]

اشترتها امبارح من المعرض وقرتها فى الباس وانا مروحه لقيت نفسى خلصت حوالى خمسين صفحه ومحستش بالوقت :D
كل مره بقرا لامير عاطف بحس انه بتطور فعليا وبستمتع جدا باي روايه لي لكن دى بالذات المؤلف راح لمنطقه تانيه خالص محدش بيشاركو فيها , ولنا قعد سنتين مينزلش روايات انا قلت خلاص امير افلس او مبقاش عندو جديد يقدمو
لكن لا هو اثبت انه مهما غاب فهو قادر يتربع على عرش روايات الاكشن والغموض والتشويق
روايه مكتوبة حلو اوى وباين فيها التعب اللى اتكلم عنو في صفحته
لازم الرواية دة تتحول لفيلم او تمثيلية وكل اعمالو والله
عجبنى اوى شخصية مروة شعبان وزياد ضرغام والعلاقة اللى بينهم
وفى شخصية تانية عجبتني بس مش هينفع اقول عليها عشان محرءش احداثها
برافو لامير وكالعاده مستنية روايتك الجديده
ومستنية اوقع منك كل الروايات اللى معايا :(

[Hala Attar · Rating 5 out of 5]

بالله عليك كيف عرفت انني مزبهلة ومندهشة وفاغرة فمي :D
من المؤكد أنك رأيتني وأنا أقرا روايه جديدة لامير عاطف :"D
بعد هذه الرواية أشهد أن لا كاتب استطاع ان يجعلنى مغرمة بكتاباته ولا استطيع تركها قيد انملة الا امير عاطف
وقد اصبحت الان احمل هم انتظارى عام اخر لاقرا له روايه جديده
واتمنى الا يكون عامين
رسم الشخصيات جاء متقنا جدا خصوصا فى البطل زياد درغام وعلمت اشياء عن ضابط المباحث وحياته لم اكن اعرفها وقد سلط عليها المؤلف الضوء واعتقد انه يريد ان يقول انه انسان عادى مثله مثلنا وله مشاعر واحاسيس وخير وشر
مروة نفس الشيء ولمياء ووليد
لن اتحدث عن النهاية والمفاجاة التي جعلتنى اقفز عاليا وانا اصرخ :D
وانا مستغربة كيف لم تترجم اعمال امير عاطف الا الان! اقسم بالله انه يستطيع مضاهاة اكبر واعظم كتاب الجريمة والغموض والتشويق
احييك من كل قلبى فقد جعلت لمعرض الكتاب 2020 طعم

[Roba Aziz · Rating 5 out of 5]

بعد سنتين من الرواية الأخيرة بنبدأ مع دوائر الانتقام إللي فعلا مينفعش تتوقع حاجة فيها لأن مهما توقعت هتلاقي النهاية حاجة تانية مفاجأة بمعني الكلمة
رواية تخلصها في قعدة من الاحداث المتتابعة و مفاجأت إللي مربوطة ببعض و بتشدك إنك تكمل رواية للاخر
آخر كام صفحة في حتة تانية مع النهاية فعلا شابووه يا أمير

[نفين احمد · Rating 5 out of 5]

من اول الرواية لآخرها القارئ بيلف ورا البطل زياد ضرغام في دواير
الأحداث في تصاعد من التشويق من دقيقة للتانية حتى آخر لحظة
تركيبة غريبة متناقضة ومحببة ومثيرة في شخصية البطل ،شبكة نفسية متداخلة ومعقدة داخل شخصية بمنتهي الغموض والوضوح
رواية من النوع السهل الممتنع
للمرة الخامسة ارفع القبعة للكاتب امير عاطف
عمل مميز واتمنى يتجسد على الشاشات
بالتوفيق ❤

[Gahgah Ge · Rating 5 out of 5]

الرواية أكثر من رائعة وفعلا تستحق أن الواحد يقراها مرة واتنين من كتر ما هى ممتعة وطبعا طريقة المؤلف أمير عاطف الغير عادية فى سرد الأحداث والحبكة الدرامية غير عنصر التشويق والإثارة إللى موجود طول الرواية والنهايات البعيدة تماما عن اي توقع بتخلي اي حد يقرأ الرواية مايسيبهاش غير لما يخلصها وده طبعا مش جديد على أمير وبجد استمعت بالرواية جدا جدا جداااااا

[Ahmed Cobra · Rating 5 out of 5]

ايييييييييه الرحلة دي!! اييييه الجمال دة
لو حد سالنى اذكر تلات روايات مكتملة الاركان هتكون دواءر الإنتقام منهم مفيش كلام
دماغ الكاتب ذريه مفيش كلام
منين جاب القصة دى والصراعات دى وازاي قدر يعمل كل دة ويخليني اشوف فيلم على ورق
مسكت الرواية الساعة 11 بليل عشان ابص بصة وابدا فرايتها الصبح لقيتنى بقدرت قادر الساعة خمسة الفجر ومخلصها
حاولت اتوقع وولا حاجة توقعتها طلعة صح
خمس نجوم
خمس نجوم ايه المفروض الروايات الى زى دى يكون لاها كاتيجوري تانى خالص عالجودريدز
شكرا امير عاطف وشكرا دون

[Soha Waheed · Rating 5 out of 5]

للمره الخامسه امير عاطف يثبت للجميع انه كاتب قادر على خطف الانفاس
شعرت ان كل حواسى متجمده وانا اقرا تلك الروايه واريد معرفه القادم بسرعه خصوصا العلاقه بين زياد درغام ومروه
حاولت توقع عده اشخاص ولكن كلعاده يقلب امير عاطف كل الاحداث فى النهايه ويثبت ان نسيج حبكته قوى جدا
اتمنى الا يتاخر الكاتب عن عام واحد لانه حرام جدا انتظر عامين لاقرا روايه فى غضون ساعات :(

[Ahmed Gohary · Rating 3 out of 5]

تجربتي الثانية مع امير بعد طارئ ويوجد تطور ملحوظ في اسلوب الكاتب فالرواية جيدة لولا النهاية لكانت استحقت الاربع نجوم عن جدارة

نجح امير في البداية في نسج رواية بوليسية مكتملة الاركان وكانت تسير بشكل جيد جدا حتي تقريبا ال٥٠ صفحة الاخيرة وبعدها تحولت
الرواية تماما فيوجد بعض الثغرات المعتمدة علي الصدفة واللامنطقية مثل

عودة زياد الي الخدمة فهو خط رئيسي للأحداث وكان مجهول تماما للقاتل فكيف اعتمد علية في اعدادة لخطتة
ثانيا ما هي دوافع مروة لمساعدة كريم ،ولماذا تركوا الرواية لزياد وكشف خطتهم بالرغم من ان هذا دليل ادانتهم
ولو الاموال هي هدف مروة فبعد توضيح زياد لها انة غني ومع اعترافة بأبوتها كان المتوقع ان تكمل حياتها معة بشكل طبيعي
موضوع ايضا اخفاء الاولاد عن زياد كان غريب جدا وبلا هدف،كان كفيل باصابتة بالجنون والطبيعي ان يتم ذلك بالاتفاق معة
المشهد الاخير والانتقام من منصور النمر احداثة غير منطقية بالمرة



برغم ذلك لكني استمتعت بالرواية

[Menna Tallah · Rating 2 out of 5]

البداية كانت حلوه اوي... و شديتني جدا... بس النهايه غير مقنعه.. في حاجات كتير مش وضحه.. ايه الي خال لميا ترجع فاجأه كده.. هو امتي بدل التماثيل...

[Sama ziada · Rating 5 out of 5]

العدالة الشعرية هي أول جملة جت في بالي أول ما خلصت الرواية -اللي حرفيا قعدت وخلصتها في يوم -
إزاي نقدر ننتقم من اللي أذونا آذى لا يمكن نسيانه آذى فعلي حقيقي آذى منقدرش نتغافل عنه زي الحالة دي
الآذى ده هو اللي حصل للشخصيتين المحوريتين في الرواية الظابط والكاتب " حخليهم بصفاتهم بدل الأسامي " الظابط اللي إتأذى آذى قاتل في آبنائه ومراته والكاتب اللي قتلوا حبيبته وسجنوه طام
إزاي كان ممكن ينسوا ويكملوا حياتهم ، مينفعش كان لازم العدالة تتطبق ولو بإيدهم
وفي الآخر الكاتب علم الظابط معنى الإنتقام الحقيقي، وأعتقد دي إللي خلته ميقدرش يقبض عليه لأنه شاف نفسه فيه وقرر ينتقم هو كمان من اللي آذاه آذى قطعي ويخليه يقدر يرفع راسه أدام مراته.
تعب السنتين مراحش والله يا كاتبنا الرواية تحفة والحبكة ولا أروع الأسلوب بقيت خلاص لو الرواية مش محطوط عليها أسمك حعرف إنك يا كاتبنا المؤلف لأنه فعلا إسلوبك مشوفتوش في كاتب تاني
أمير عاطف بيعرف بخليك تشوف الشخصيات بيجيب أسلوب الشخصية اللي أدامك بالظبط الظابط والكاتب والصايع وابن الناس
بيرسم الشخصية والله مش بيألفها.

[Islam Abd El.Fattah · Rating 5 out of 5]

يا جدعان الكاتب دة دماغه سم :"D
مش ممكن تكون دماغ طبيعيه اقسم بالله
انا قريت كل كتب امير عاطف وفى حاجه مشتركة بينهم كلهم هو انك من اول سطر فالرواية خلاص هو مسكك من قفاك مش هتقوم غير اما تخلصها
الماتش فاتنى مخدتش بالى انه جه وخلص وانا ماسك الروايه
خيوط متشابكة وكل ما اقول اتحلت الاقى المؤلف مطلعلى لسانو والاقيها تتشابك اكتر وسميفونية بيلعب بيها فى السرد والحوار والاحداث وكان الرواية محكية على نفس واحد
شابوة لامير عاطف ولازم اقراها تانى وتالت
يكش اشوفها فيلم قريب لانها اقسم بالله تستحق تبقى فيلم وبطولة امير كرارة او احمد السقا
ومتاكد انها لو اترجمت الغرب هينبهرو بيها

[Tarek Belal · Rating 4 out of 5]

رواية بوليسية عن سلسة من جرائم القتل بدافع الانتقام . الإثارة و التشويق حاضرين بقوة فى الرواية من البداية حتى النهاية . المفاجآت و التقلبات لا تنتهى حتى الصفحة الأخيرة لدرجة تحس معها أنها ينطبق عليها الوصف الشهير: فيلم هندى

[Eng Mony · Rating 3 out of 5]

الرواية كانت ماشية عظيمه وكانت هتبقي عالميه فعلا لحد اخر عشر صفحات وقلبت علي فيلم هندي ومش بس كده لا دي جت عند اخر صفحتين كمان وانتهت نهاية مسلسل مصري

[Fady Mohamed Refaat · Rating 5 out of 5]

رهيبة رهيبة رهيبة !!!!
تشويق من أول سطر لآخر كلمة !!!
خلصتها في قعدتين متتاليتين ، من أحلى وأجمل ما قرأت.. رااااااائعة.. تستحق ١٠٠ نجمة مش بس ٥

[Feras Elbendary · Rating 2 out of 5]

اسلوب الكتابه جيد لكن القصه فيلم هندي

[محمد سمير · Rating 4 out of 5]

بحب نوعية الروايات الاجتماعية اللي فيها حريمة وتشويق .. البلوت تويست عظيم وغير متوقع والاحداث سريعة ومحتاحة صفحات اكتر لان الكاتب كان بيجري بالتحداث واحنا بنجرى وراه
فيه حاجات كتير مش مفهومة زي تصرفات مروة اللا منطقية وكمان رجوع اطفاله ومراته .. لان غيابهم كل الفترة دي كان لا منطقي وحتي لو وليد كان خفاهم عن ابوهم عشان يجيب حق اخته من النمر فده متحققش ولو اتحقق كان ممكن غيابهم يتمنطق اكتر .. مكنش لازم النهاية تبقي سعيدة وعوضا عن كده كان ممكن رجوع علاقة مروة بأبوها تكون هي النهاية السعيدة كمان رد فعل زياد بموضوع اخفاء ولاده عنه الهادي المتصالح ده كان لا منطقي.. كمان في تفاصيل وفرش للاحداث واعطاء عمق للشخصيات كان مفروض يحصل .. لكن الرواية في المجمل جميلة

[hend · Rating 4 out of 5]

Did not expect an Arabic book to be that much of a page turner. The plot was excellent and intricately written. I took one star off because the ending was unrealistic and it felt like the author was sick of continuing the story so he just wrote anything to be done with it.

[Eman Al-Husseini · Rating 3 out of 5]

الرواية بوليسية.. حبكتها وأحداثها شيقة فعلا وشدتني
أربع جرائم قتل بيُرتكبوا في خلال ٣٦ ساعة وبنفس الطريقة والأسلوب والفاعل مجهول

بس كان فيها تفاصيل غير منطقية وملاحظات مش هاتمر على القاريء بسهولة
زي مثلا إزاي البطل شال جثة مضروبة بالنار من غير ما ملابسه يطولها دم ويخرج بعدها على طول ويروح شغله؟!!!
وإزاي يشيل جثة ملفوفة في مشمع بإيديه بدون جوانتي مثلا ويرميها بعيد وبعد ما يلاقوا الجثة الطب الشرعي يغفل عن البصمات إللي على المشمع؟!!
ده كان السبب في نقص النجمتين
لكن الحبكة والفكرة كانت جميلة فعلا 👍

[Rania AlJassim · Rating 3 out of 5]

رواية شيقة غير مملة، أحداثها خاصة في البداية كانت سريعة و مترابطة و حبكتها جيدة، لكن في الثلث الاخير لم اشعر بعمق الاحداث او واقعيتها، الرواية تصبح لفيلم مشوق و باعتقادي انها كفيلم ستنجح

[REEM · Rating 1 out of 5]

المفروض السينما الهندية تيجى تتعلم من الرواية دى والله.
واحد زى زياد ضرغام اللى اسمه اتقال و هو بيتكلم عن نفسه بتاع ستين مرة، معرفش ان ولاده مكانوش فى العربية اما ملاقاش الجثث المتفحمة، و مراته عاملة الفيلم الهندى ده ليه و ايه الاستفادة الله اعلم.
مروة و عصمت اللى قلبهم ابيض اوى لدرجة ان هما ساعدوا واحد ميعرفهوش يرتكب كل الجرائم دى لا بجد مفيش طيبة كده.
الحوار بالعامية مع الفصحى فى نفس الجملة و كمية يا روح امك اتقالت بشكل عجيب 😂.
و لمياء اللى رجعت بعد الفيلم ده عادى و هى بتحبه زى الاول و اكتر بعد كمية العلاقات و العك ده كله لانه اتعلم الدرس اللى هو ايه الله اعلم 🤷🏽‍♀️
و حاجة كمان مش لازم ننساها كل الستات فى الرواية دى خاينة و سكيرة و حشاشة و بتقع فى حب زياد ضرغام 😂😂

[Roba Mostafa · Rating 3 out of 5]

الرواية ممتعة جدا و تشد اي حد انه يقرأ و يكمل، الحبكة حلوة و السرد كويس، مش احسن حاجة لأمير عاطف من وجهه نظري، لوجود كتير من الأحداث غير مبررة من رأيي، زي انه يآمن لبنته و يتعامل معاها كأنه يعرفها فعلاً ده شئ غير مبرر او مايتصدقش، و النهاية بصراحة مبتذلة جدا مكنش موفق فيها من وجهه نظري، نهاية تليق جدا للأفلام العربي، شايفة انها تنجح اكتر ك فيلم عن انها رواية، ناقصها شوية تفاصيل في المشاهد ووصف زيادة عشان الاحداث كتيرة اوي عشان يعرف يشد انتباهك بس مفهاش دقة
طبعاً لفت نظري حبكة الرواية، و انها بعيدة كل البعد عن منطق الإنسان عمره ما هيعرف يجيبها لوحده مهما فكر، ف كون انك تجيب طرف اخر غير معروف من اول الرواية عشان تحبكها مش أحسن حاجة

[Wasim · Rating 5 out of 5]

الرواية هايلة يا امير تستحق الخمس نجوم بجد .. انا قريتلك لا شيء مما سبق وكانت الرواية الاولى الي اقرأها ليك بعدها جيبت لا تبدأ القتل والسنة دي جبت دواير الانتقام من المعرض والحقيقة ماخيبتش ظني رواية جميلة جدا جدا وللمرة الاولى في حياتي اخلص رواية في يومين فقط لكن هي تستاهل الحقيقة .. في بعض الاوقات كنت بحس اني دوخت من كتر التفاصيل لكن الحقيقة ربطهم ببعض كان محبوك وخليتني اتصور كل مشهد بعيني وبأدي مكان الممثلين كمان .. تحياتي لمشهد توقيع الرواية ♥️

[Mahmoud Hamed · Rating 5 out of 5]

خمس جرائم قتل تحبس الأنفاس، الرواية بدأت بداية هادئة ثم انطلق بنا الكاتب كالبرق الخاطف فى كل مكان
هنا يلقى بورقة وهناك، يطرح أسئلة من خلال شخصياته
التى لازلت متعلقاً بها إلى الآن..
الرواية قرأتها فى جلستين خلال على مدار يومين متتاليين
نجح فيها الكاتب فى صنع حبكته باقتدار وفشلت أنا فى تخمين القاتل للنهاية وهذا شئ يحسب للكاتب..
بالتوفيق للكاتب فيما هو قادم