كوابيس قبل النوم

كوابيس قبل النوم #1

by عبدالرحمن حجاج

أنا هو أنا، ملعون بعدم الإكتراث، ملعون بالإعتياد، ملعون بعدم قُدرتي على الوصول إلى الذروة في أي شيء، ملعون بكوني شخصاً Expired لا تفوح مني رائحة العفن ولكن الأفضل للآخرين عدم إستخدامي
أنا العدو الأكبر لدى نفسي، لا أُوذيها حقاً، ولكني أيضاً لا أنفعها، أنا من يدفن نفسه في العمل لساعات وساعات لأتفادى وقتاً قد أقضيه مع نفسي، أنا من يعيش في ماضي لن يعود وحاضر لا أكترث لوجوده وينتظر مُستقبلاً لا أمل فيه.

Genres: Thriller

155 pages, Paperback

Published January 22, 2020

About the author

عبدالرحمن حجاج كاتب وروائي مصري (مواليد الاسكندرية ١٩٩٢) تخرج من كلية الاعلام قسم اذاعة وتلفزيون، يعمل في مجال الاعلام كمدير ابداعي، معد برامج، صحفي ومخرج.

صدر له ( حنين اضطراري-آخر أيام آدم-زي كل سنة- ثلاثية كوابيس قبل النوم-في حضرة الموت-السكان الأصليين للقلب-بتوقيت الفراق).

Reviews

[دينا عماد · Rating 4 out of 5]

الرواية هي تاني قراءاتي لحجاج بعد زي كل سنة
في الروايتين حسيت أنه بيكتب بطريقة البازل
قطع متناثرة وعليك تجمعها

الموضوع خلق تشويق رهيب علشان افهم الربط بين القطع المتناثرة دي ..بالإضافة أن الرواية مش طويلة
فتخليك تقراها مرة واحدة أو على مرتين بالكتير

المهم بقى ان الربط بيعمل مفاجأة 😀
لا ثواني مفاجأة ايه... دي شوية مفاجآت كل ما تتفاجئ تلاقي مفاجأة تانية تفاجئك

الرواية جيدة ومشوقة

[Toka Elsayed · Rating 3 out of 5]

☠️️اسم الكتاب : كوابيس قبل النوم ١ - البداية
☠️️اسم الكاتب : عبدالرحمن حجاج
☠️️نوع الكتاب : غموض/نفسي /اجتماعي
☠️اصدار عن : دار الرسم بالكلمات
☠️️عدد الصفحات : ١٨٤ على أبجد
☠️️التقييم : ⭐⭐⭐

🔺️ عن الرواية /

يونس ليل الطبيب النفسي الشهير الذي يعالجهم بنمط مختلف في عيادته لن تجد شيزلونجاً تتمدد عليه ولكنك بالرغم من ذلك ستشعر بالكثير من الأريحية وستفضي إليه بكل ما بجعبتك من أسرار فهو ماهر في جعلك تصل إلى أعماق أعماقك لتحكي أدفن أسرارك .
مع أربعة مرضى نفسيين يسرد علينا في مشاهد غي رمتصلة كل واحد منهم بمعضلتة النفسية ، ومشاكله التي جعلت حياته جحيم لاتطاق بين شريف باشا ، كنزي ، حاتم ، تيا تجدنا نتنقل بين الفصام ، الخيانة، الوحده والألم ، الغدر وعدم الشعور بالأمان ...

فنحن هنا في رحلة بين العديد والعديد من الأمراض النفسية معرفة تعريفاً علمياً دقيقاً في محاولات لمعالجتها ...

لتتحول الروايه لصراع مخيف بين النفس البشريه في مفاجأة غير متوقعة فما علاقه جميع الابطال ببعضهم البعض ؟
هذا ما سنعرفه ونحن نمسك بكل خيوط الشخصيات واحداً تلو الآخر .

🔺️اللغة والسرد /

جائت الرواية بلغة فصحى سردا عامية مصرية حواراً ، لتكون سهله كأنك تشاهد فيلما عربياً ملئ بالمشاهد
والمشاعر والفلاش باك ... ( وان كنت افضل لوكانت كلها فصحى فالكاتب اجادها ) .

🔺️الشخصيات /

-نجح الكاتب في جعلي اتعاطف مع شريف وكلي شغف لمعرفة ماحدث له ، وكذلك كرهي كنزي لتبريرها الدائم للخيانة .
- واستفزازي مع تعاطفي من يونس في كثير من الأحيان .

🔺️ الحبكة /

كنت أشعر اني في لغز مكون من الكثير من القطع اسعى لتجميعها مع تقليب كل صفحة ، اجاد الكاتب التلاعب بعقلي والتنقل من شخصية للأخرى بسهولة وذكاء ، فالروابة تحمل حبكة قويه لآخر صفحة فيها .

🔺️النهاية /

جائت مفاجأة وغير متوقعة مليئة بالكثير من الغموض الذي يحتاج لإيضاح وهو غيؤ مقصود ل او مقصود ربما إكمال باقي السلسلة ...
وان كنت توقعت من نصف الرواية شريف ويونس
دون حرق للأحداث ...

🔺️ السلبيات /

- كثير من الإسهاب في وصف لوحات فان خوخ ، كثير من وصف المشاعر الذي جعلتني امر عليها بعيني فقط دون اهتمام .
- هناك ثبات ودقه في بعض الوصف الشاعري المرتب الذي لايملكه مريض نفسي بكل هذه الدقه .

-النهاية تحولت لصالح يونس على عكس سير الاحداث بلا منطقية .

- لم اندمج مع رسائل ثيو وفينسنت وان كتت فهمت دورها فالنهاية .

🔺️ الغلاف /

مثير للإنتباه به الأرنب رفيق الرحلة في الرواية لم افهمه من الغلاف ولكن عرفت قصته بين صفحات الروايه ووجدت الغلاف ملائم جدا ، اما بالنسبة لإسم الروايه فبلا شك هو الاقوى .

🔺️الإقتباسات /

❞ ‏ كل باب أفتحه معتقدًا أنه باب الهروب يسحبني إلى عشرات الأبواب الأخرى؛ فأشعر بالضياع والوجع . ❝

❞ ‏ أنا العدو الأكبر لدى نفسي، لا أؤذيها حقًا؛ ولكني أيضًا لا أنفعها ❝

❞ ‏ أتعرف ما الذي يستطيع تحريرنا من هذا السجن؟‫ العاطفة القوية الحقيقية؛ الحب بقوته السحرية، يمكنه ذلك… ولكن… ما هو الحب يا ثيو؟ ومتى سنتأكد إن كان هذا الحب حقيقيًا حقًا… أم مثله مثل الخيالات الدائمة..❝

🔻في النهاية انا متشوقه لمعرفة
باقي الأحداث في الأجزاء القادمة ...
بلا ادنى شك ..

[Ramy · Rating 2 out of 5]

خليك ف الروايات القديمة العربية و المترجمة ...لا تنس تلك القاعدة ...
النوايا الحسنة او الفكرة الحسنة لا تصنع رواية جيدة ...لا تنس تلك القاعدة ايضا

تالت قراءات 2024 ...رواية جديدة ....
عن ضابط ...و طبيب نفسي ... و فنسنت "التقليد"....
و ثلاث نساء .... و صديق تخيلي
حبكة متصاعدة ...
فيها اسامي 3 ستات لخبطوني صراحة "سيزول سبب اللخبطة فى النهاية"

ثم حبكة مغايرة سريعة فى اخر الرواية ...
برضه بينهيها المؤلف بشكل ركيك لصالح البطل بدون سبب او مبرر

و بناء ركيك للحبكتين


انا اعرف الضابط اللى يقلب محامي او محقق خاص ...
انما ضابط ايه دا اللى بيقلب دكتور


رسايل مكتبهاش فنسنت فان جوخ ....عن نفسي كنت باقفز تلك الفقرات و مبقرهاش
وصف ممتاز للوحات فان جوخ و المعاني فيها

...اغاني انغام تتخلل الرواية ...

الرواية ليها جزء ثاني كوابيس قبل النوم ٢: مصحة الموت الأسود
بل و ثالث ...
كوابيس قبل النوم ٣: الجحر

ساقرأ الجزء الثاني ربما تتحسن حبكة المؤلف ...و إن لم يكن فلا داعي لقراءة الجزء الثالث ...

الكتاب القادم : ألطاف

[Rana Mohamed · Rating 4 out of 5]

"العباقرة فقط من يخلقون أصدقاء خياليين."
~ كوابيس قبل النوم، البداية، ص. ٦٣
...
تقييمي: ٤.٥/⭐

الرواية ممتعة جدا جدا ♥️
كان بقالي فترة بواجه صعوبة إني أخلص قراءة الروايات ولكن حقيقي الرواية دي رجعتني تاني لمود القراية السريع من كتر جمالها.♥️
حقيقي حبيت أوي الوصف فيها، سواء للحالة النفسية للشخصيات أو الأماكن اللي حواليهم.
حبيت جدا تنوع شخصيات الرواية وتداخل السرد مع الحوار بشكل شيق، تطور الأحداث كان مبهر جدا، والإثارة والتشويق اللي في كل فصل، بالذات أخر أربع فصول.🔥🔥
وكمان عجبتني مقتبسات كتيرة جدا من الرواية حسيت إنها فعلا بتعبر عني أوي.😍
والنهاية غير متوقعة تماما! 🤯
كل التحية والتقدير للكاتب عبدالرحمن حجاج. 🥰❤️🙏🏼

[Youssry Effat · Rating 4 out of 5]

اهلا بيك فى المصحة .. بيقولوا دخول الحمام مش زى خروجه و كمان دخول المصحة
دى مش زى الخروج منها ده لو كان مكتوبلك خروج اصلا !!

كوابيس قبل النوم ؟؟؟
اسم يشد جدا و حكاية عن يونس الطبيب النفسي اللى حياته ملغبطة جدا
و بنشوف معاه رحلته و علاجه لاكتر من حاله عنده ف العيادة
واللى بنشوف مع كل واحد منهم مغامرة مختلفة و رحلة من العلاج النفسي
و بالاضافة لمشروع التخرج الخاص ببنت اخت يونس و مساعدته ليها
يونس بيلاقي نفسه داخل فى اكتر من حكاية و ارتباطه باكتر من موضوع
وده اللى بيظهر من خلال الكتابة اللى عملها الكاتب عبد الرحمن حجاج

و سواء بقصد او بدون قصد فهو قدر من خلال الشكل ده للكتابة انه يضيف كتير و يساعد الرواية بشكل كبير انها تفضل ملاغبطاك كدة لحد مرحلة معينة
و ممن لو انت غاوى قراءة تلقط الفكرة و العمل ينتهي بالنسبالك و تكمل قراءة بس عشان تثبت انك صح و الحقيقة ده حصل معايا و الكاتب مرضاش يزعلني و كأنه بيسقفلك بس مرة واحدة بيخطفك و بيعمل لفة او بلوت تويست تاني مكنش ع البال ... و لا الخاطر

ف تفتكروا ايه اللى بيحصل بظبط و ايه موضوع الكوابيس و المصحة
ايه علاقة فنسنت فان جوخ و اخوه بالحكاية دى كلها ؟؟


بداية مع اسلوب الكاتب و ما يتمنضه من لغة و سرد و خوار
الكاتب قدر يوازن بينهم بشكل كويس و معقول
استخدم اللغة العربية الفصحؤ ف الاجزاء السردية
و استخدم الجمل العامية المصرية فى الحوار بين الابطال
و دى دايما بتكون طريقته ف الكتابة غالبا بس المرة دى ف تطور شوية
ى استخدام اللغة عن زى كل سنة مثلا ة
يمكن فى بعض الاحيان كنت بحس ان السرد زاد او طال
او ان فى جمل مكررة بصيغ مختلفة تؤدى لنفس المعني
تانى حاجة و هى الفكرة و الحبكة
كعادة حجاج انه مع اى حبكة بيعملها بيحب يكتب بطىيقة البازل
او بمعني تاني انى مع كل صفحة يدخلك فى امتر من خكاية و يجبلك مشهد من كل شخصية مع التانية و ده اللى ساعد جدا مع فكرة العمل
نها تطلع بشكل ده و تفضل مثيرة للاخر

نيجي للشخصيات
و هنا بقى عايز اقول ان كان ليا رايين ف. الجزء الاول كنت مبسوط
الدنيا حلوة و بالسنبالى الشخصيات ادت اللى عليها و كفى
بس مع الجزء التاني و فرد مساحة اكبر للتعريف عليهم حسيت وقتها بالتقصير فى ابراز الشخصيات فى الجزء الاول و خص��صا الابطال

Instgram : Bookaffe
Youtube : Bookaffe

اشوفك دايما مبسوط بالقراءة
ومتنساش انك كتابك اللى جاي هنا فى بوكافية
#bookaffe #بوكافية

[Asser elnokaly · Rating 4 out of 5]

حلوة بس لخبطة اوي و بيدخل من حتة لحتة فا توهان شوية...

[محمد حياه · Rating 4 out of 5]

هذا هو العمل الأول الذي أقرؤه للفنان الكاتب عبدالرحمن حجاج .. وكانت تجربة ممتعة وسريعة بشكل مبدع لا تلحق أنفاسك معها وشيقة بشكل كبير .. وهذا يجعلني أقول بثقة أني أنتظر بشغف قراءة باقي أعماله

القصة: الرواية تنتمي لأدب الأجتماعي النفسي مع الكثير من التشويق نجح الكاتب في أن يجذبك من أول المقدمة كي تتلهف لمعرفة ما سوف يحدث لتصتدم بمفاجئة كبيرة وعظيمة تقلب جميع الاحداث رأسًا على عقب .. وبرغم شغفي بعلم النفس وعالمه إلا أني أشكر الكاتب على المعلومات التي أضافها لي والتي دونتها كي أكمل البحث عنها وأنا أحترم الكاتب الذي يسعى في عمله لأضافة شيء للقارئ

اللغة: سهلة وبسيطة وغير مكلفة فكان السرد باللغة العربية الفصحى والحوار صاحب نصيب الاسد من العمل باللغة العامية المصرية المتزنة

الحبكة: متماسكة بشكل كبير ولكن صدمة النهاية تجعلك تريد ان تقرأ العمل مرة ثانية فكيف تم خداعي بتلك الطريقة

الشخصيات: ليس بالعدد الكثير ولكنها تتساوى في مساحة تواجدها بشكل متقارب بعيد عن شخصية البطل يونس الذي كان هو محور الأحداث ومعه تنتج المشاهد

النقد: - الفقرات الحوارية كانت طويلة نوعًا ما دون فصلها بسرد وصفي
- الوصف المكاني لم يأخذ حظه الكافي من العمل
- كنت أريد سرد المزيد عن خلفيات وتاريخ بعض الشخصيات

التقيم : 4\5

أشكرك أستاذي الفاضل الفنان الكاتب عبدالرحمن حجاج على هذا التجربة الممتعة ومنتظر بشغف عملك القادم
أخيك محمد حياه

[Basant Salem · Rating 4 out of 5]

مكنتش حابة أسلوب الكاتب في البداية وحسيت كأني بقرأ كتاب مش رواية ولكن بعد وضوح الأحداث ف أنا تعمقت بشدة لدرجة أني حسيت نفسي يونس وريماس وشريف وحنين وكنزي وحاتم .. ترابط رسائل فنسنت مع الفصل خلى الموضوع له مذاق تاني خالص ومميز بشكل ميتوصفش ، حقيقي كانت تجربة موفقة مع أني ف البداية كنت شاكة جدا بسبب كونها الأكثر مبيعا ومحدش كان بيعمل عنها مراجعات ، بس أقدر وأقول بجدارة أنها تستحق وقتي وعدم نومي حاليًا ومتشوقة للجزء الثاني!

[Ayman Attia · Rating 2 out of 5]

مبدئيا كدة الرواية دي نسخة من مسلسل Hannibal مع شوية تعديلات و كمان الاحداث داخلة في بعضها و اوقات كتيرة مش بتعرف مين بيتكلم او مين الشخصية اللي بيتكلمو عليها ده غير ان نهاية مش منطقية مفيش اي حاجه تبني ليها ده غير انها تسليك للبطل في الاخر و مش عارف هقدر اقرأ باقي الاجزاء ولا لا

[Nouran Esmat Elraghy · Rating 5 out of 5]

اسم الكتاب : كوابيس قبل النوم
اسم الكاتب :عبد الرحمن حجاج
عدد الصفحات : ١٥١
التقييم :٥/٥
دار النشر : الرسم بالكلمات
انا أول مرة اقرأ ل عبد الرحمن حجاج بس حاسة ان اسلوبه غريب جداً تستمتع بالكتاب واسلوب الكاتب وطريقته رغم غموض الفكره اللي بيتكلم عنها
غير بقي إن الموضوع غريب انا مقريتش فيه قبل كده بس منكرش إنها روعة و ممتعة زي فنجان القهوة لازم تتقرأ بهداوة عشان تستمتع لآخر بق فيها ☺️
وفيها تشويق غريب متقدرش تسيب الكتاب غير لما يخلص ودي ميزة في الكاتب الشاطر إنه يخليك ماسك فيه لحد ما توصل للنهايه
يعمل إثارة وغموض للقارئ يخليك تشك في نفسك اصلا تفضل ترجع لأول الروايه عشان تعرف انت فاهم فعلا ولا لأ
غير بقي ان نهايه الرواية غير متوقعه خالص لحد ما تخلص مش هتقدر تخمن النهاية دي
العبقرية تكمن في قدرة الكاتب علي تشريح المجتمع ووصفه ليك بأدق التفاصيل اللي تخليك عايش هناك فعلا حتي لو انت معندكش فكرة عن المجتمع ده
🌺🌺

[Inham Gamal · Rating 5 out of 5]

عبد الرحمن حجاج "في رأيي المتواضع" هو و بكل فخر(احمد مراد) القادم و بقوه كمان.
حجاج عنده عبقريه في ابتكار و اختيار الشخصيات و حبكة الاحداث اكتر من رائعة ❤🔥.
علم النفس و الامراض النفسية هوايا عندي و من المواضيع اللي بنبهر بيها جدا ❤ عشان كده(كوابيس قبل النوم) رواية شدتني جدا و انبهرت بيها و كنت في حالة من اني عاجزة عن التعبير عن حلاوتها🔥.
الرواية حلاوتها و انت بتقرأها انها " و في رأيي المتواضع" تتميز بإسلوب(السهل الممتنع) و انت بتقرأها مبتبقاش عارف اللي كتب الكلام ده بيجيب الكلام ده منين ولا جابه ازاي، كلامها و احداثها بيلمسوا القلب و بيأثروا فيه.
النهاية غير متوقعة بالمره و صادمه بس انا اتبسط 🔥😂❤
من الآخر عبد الرحمن حجاج بيكتب و كلامه بيرشق ❤🔥.

[Alanoud Talal · Rating 3 out of 5]

عدد الصفحات : ٢٠٠ صفحة
نوع الكتاب : خيال - غموض
لهجة سرد الكتاب : الفصحى و الحوارات بالمصري




نبذة عن الكتاب : تدور احداث الجزء الاول عن الطبيب النفسي يونس الذي يحكي لنا عن المرضى الذين يعالجهم كنزي الخائنة و شريف الضابط و حاتم الممثل ولكن الدكتور يونس يعاني من كوابيس تهاجمه في يقظته لانه لا ينام بسبب خوفه من هذه الكوابيس هل من المعقول ان يكون الدكتور النفسي يونس هو ايضا مريض !؟؟




فكرة الرواية حلوة لكن اسلوب الكاتب ماكان الافضل بالنسبالي مدري كان شويا يلخبطني و كمان الانتقال بين الاحداث شويا يلخبط و كان في حاجات عن نفسي حسيت مالها داعي وشقحتها 😂😂😂 بس ما انكر ان الفكرة والاحداث حلوين وحتى النهاية صدمتني، فيها نقطة تجاوزات

[عبدالرحمن عابد · Rating 4 out of 5]

أعتقد أنها من رواياتي المفضلة من قراءات هاي السنة،وبحس أي شخص بحب يقرأ بعلم النفس والأمراض النفسية رح تعجبه الرواية .
الرواية أول جزء من الثلاثية وناوي أكملهم بس بعد فترة لأنها محتاج تركيز.
ما بدي أحكي كثير عن الحبكة لأنها من الروايات الي يفضل أنك تقرأها وأنت ما تعرف أشي.
الرواية تنقرأ بسرعة، التويست متنفذ بطريقة جيدة بس حسيت النهاية استعجل فيها الكاتب+قصة الحب الها دور كبير في الحبكة وما حسيت إني قدرت أحس بحب البطل لحبيبته +وكنت أتمنى الكاتب يتعمق أكثير بالأمراض النفسية التي انطرحت بالرواية
سعيد أني أعطيت الكاتب فرصة ثانية بعد زي كل سنة الي ما عجبتني كثير

[Ahmed Mamdouh · Rating 3 out of 5]

في نوع من الروايات بيخلّي الواحد يحس إنها عشوائية ومش مفهومة، وبيمشي مع الرواية لغاية ما ييجي فصل يبدأ يفسّر كل حاجة، فتكشف له الرواية ويتبيّن إنها مترتّبة ومش عشوائية وخلاص. الرواية دي بالنسبة لي كانت ماشية بالطريقة دي، وحاسسها عشوائية ولخبطة وكنت على وشك أقفلها، لكن جات اللحظة اللي بدأت فيها الرواية تتكشف.

[Walaa Ali · Rating 3 out of 5]

تهت فيها كتير و قرات انها من تصنيف الرعب النفسي اعتقد انها حاجات كتيرة اوي و لكني حقيقي تهت فيها جامد جدا اتمنى ان باقي الاجزاء تكون اوضح منها

[Books With Sagda · Rating 4 out of 5]

"الخيانة هي خرق للعهد ب أي طريقة ، مش كل العهود بتحتاج ورقة وقلم يا دكتور"

يونس احمد ليل أو دكتور يونس ليل، دكتور نفسي بنشوف حكاياته مع المرضى،وبنشوف أحداث وصدمات غير متوقعة! يونس الكوابيس بتطارده ف كل حتى، وهو نايم، و وهو صاحي برضه...

بصراحة بحب الجزء الاول جدا ، احداثه تحفة ومشوقة، ممكن بس فالبداية الأحداث كانت بطيئة شوية لكن غير كده ف هي عجبتني جدا♥️

[maged senara · Rating 3 out of 5]

"الحاجات لما بتزيد عن حدها بتنقلب لضدها"
قد تكون مدخلا هاما للحديث عن الرواية، ياسمين، الفتاة التي تحب يونس أو شريف، يهواها ويتعلق بها، يتزوجان، لكن ياسمين تمنحه كل شئ دون مقابل، تتفانى في حبه مع الأيام، والإنسان في الحب هكذا، إن حصل ��لى كل شيء يشعر بالزهد، ويتحول الحب لنوع من الامتلاك ليس إلا، ويبقى الملل.
...
يونس أو شريف، شخص مصاب بحالة فصام وهلاوس سمعية وبصرية، يعيش بشخصيتين، ليس كمستر هايد ومستر جيكل بالضبط، لكن كيونس المعالج لشريف، الرافض للاعتراف بمرضه.
يقع في حب حنين، ريماس في صورتها النقية، وكنزي في الصورة النجسة، وتبقى حنين هي الوسط ما بين الملاك والشيطان، يحاول يونس الحفاظ عليها، لكنها تتغير مع الأيام، خاصة بعد تعرفها على الفنان حاتم نور، حينها تبدأ المعاناة، يفقد شريف عمله، وتزداد هلاوسه كيونس الطبيب النفسي، يتأكد من خيانة زوجته، فيقرر الانتقام.. وتحدث المفاجأة بعدما قرر التخلص من حنين وحاتم، يجد نفسه في مصحة نفسية في مواجهة حنين، تلك التي كان من المفترض أنه قتلها بمساعدة النونو، يشعر بالذهول، تعترف له أن كل ما يحدث له هلاوس، فصام، وهي ما فعلت به هذا، منذ زواجهما كانت تضع له الأدوية في الطعام ليصل لذلك، وما السبب؟ كانت حنين هي شقيقة ياسمين، وقد عادت للانتقام.. يجد نفسه يطعن قلم الرصاص رقبتها، ويذهب لأسوان ليرتمي في أحضان عصفورة، يريد أن يولد من جديد
...
رواية جيدة، تمتلأ بالمفاجآت، بسرد بسيط، وأسلوب سلس، بها تحليل نفسي جيد لحد كبير، بالإضافة لكونها احتوت على الحديث عن بعض الأمراض النفسية في سياق حواري بشكل لا بأس به
...
ما يعاب على الرواية
كثرة الحوار بشكل مبالغ فيه وعدم منطقيته أحيانا مثل
- احكي لي أكتر عنها.. مراتك أو يعني اللي كانت مراتك
- هي الشجرة المحرمة، اللي شكلها ساطع وبيلمع بس أما تلمسها ترميك لنهايتك.. إلخ
طبعاً هنا الإجابة بشكل شاعري وطريقة منمقة، لا تتناسب مع الحدث ومع الشخصية اللي بيعاني من مرض نفسي، فالبتالي ترتيب الكلام بالشكل ده، وبأسلوب لطيف كده مش منطقي خالص.
تاني حاجة.. الإسهاب غير المبرر أحياناً.. يعني في صفحة 33 حين الحديث عن كنزي، يستطيع الكاتب أن يكتب السطور العشرة في سطرين ليس إلا، فالإسهاب في غير موضعه يصيب الرواية بالترهل.
تالت حاجة.. الإمساك بالمؤلف في العمل وذلك يظهر في بعض الجمل الاعتراضية أو التعقيبية.. مثل
كعادتها تيا، أو كعادة كل ما خلق الله من نساء، يقولون أمامهم ربع ساعة لتتحول إلى ساعة أو ربما خمسة! النساء يرتدون الساعات ولا يجيدوا قراءة الوقت.
طبعاً الجملة لم يكن لها أي سياق أو ضرورة، وحينما ذكرت، ظهر الكاتب ليعلن عن نفسه بشكل واضح، وهذا دوماً ما يصيب السرد في مقتل
...
في المجمل رواية جيدة، تشويقية نفسية، بها الكثير من المتعة، وأتمنى الأفضل في قادم الأعمال

[Ismail El-Ebiary- إسماعيل الإبياري · Rating 3 out of 5]

عبد الرحمن حجاج كاتب ذكي و صاحب أسلوب مميز

[Amr · Rating 3 out of 5]

كوابيس قبل النوم الجزء الأول ❤️
تقييمي 3/5 ( تقييم ك رواية منفصله)
الكاتب : عبد الرحمن حجاج
دار : الرسم بالكلمات


أنا هو أنا، ملعون بعدم الاكتراث، ملعون بالاعتياد، ملعون بعدم قدرتى على الوصول إلى الذروة فى أى شىء، ملعون بكونى شخصا EXPIRED، لا تفوح منى رائحة العفن ولكن الأفضل للآخرين عدم استخدامى.. وفوق كل هذا.. ملعون بكوابيس الصحو التى تلتهمنى ببطء مخيف..

الدكتور النفسي لو بقى مريض نفسي ممكن يحصل ايه؟

جاهز تقابل أسوء كوابيسك؟


حبيت القصة وكنت متحمس اوي اعرف التكمله لحد ما لقيت الأحداث بتجري بسرعه اوي وفي حاجات كتير مفهمتهاش (ده طبيعي عشان جزء اول) بس انا معرفتش أصدق البلوت تويست زي البطل انا و هوا اتصدمنا من النهاية ومكنتش مقتنع ان حد ممكن يعمل كده...

محبتش الجزء الرومنسي عشان كان فيه رومانسية اوفر لا تناسبني 😂
بس ده ليه تفسير ف الأحداث ف تمام..

اكيد هقرا الجزء الثاني عشان اكمل قصة يونس وعندي أمل يبقى احسن من الجزء الأول..

[Ayatt · Rating 3 out of 5]

أولي قراءاتي لعبدالرحمن حجاج🤯
فالأول هتحس إنك مش فاهم أي حاجه، بس بعد كدا هتلاقي الحوار بدأ يربط بعضه شويه وكل خمس ثواني حرفيا مفاجأه جديده😆
مش قادره أعمل موڤ أون من اللي حصل فٱخر الروايه دا لحد دلوقتي😃
وأعتقد لسه مستنيني مفاجٱت كتير فباقي الثلاثيه🏃

[RO Dy]

الرواية اللى من كتر حلاوتها خلصتها فى يوم فيها كميه تفاصيل تجنن حاجة كده تخطف القلب والعقل اللى فى اخر الروايه خليتنى اقول ايه الدماغ دى والعظمه دى كلها
ف أنا أقدر أقول إن حجاج بيعمل عظمه ⁦❤️⁩😍

[Mohammed Elhomosany · Rating 3 out of 5]

''مش كل ما هو حقيقي هو الحقيقة''
رواية كوابيس قبل النوم للكاتب المبدع عبدالرحمن حجاج، عن دار الرسم بالكلمات، الجزء الاول الطبعة الأولى 2019
طبيب نفسي في الـ35 من عمره يعيش حياة طبيعية لدرجة الملل لكن ماذا لو كان كل ما هو في حياته كذبة وماذا لو كانت كل كذبة تصطحب الأخرى في يدها
سلسلة من المتاعب والحقائق الغير مكشوفة ولكن... هل دومًا الحقيقة حقيقية من الأساس..؟

الرواية بتطرح فكرة مثيرة جدًا للإهتمام في إطار نفسي يقع داخل حدود مصر بشكل ذكي جدا، الرواية بتسأل سؤال واضح وصريح ومحدد جدًا ''ماذا لو كل حاجة واجهتها مكانتش الحقيقة'' والجواب على السؤال ده كان بسؤال تاني طرحته الرواية بعدين وهو ''هل كل حقيقة هي الحقيقة اصلا؟''
ودي فكرة جديدة جدا تحديدا على العالم العربي واتطرحت بشكل مميز جدا من داخل عقل وحياة الدكتور يونس أحمد ليل، البطل الي اتحاكى بطريقة واقعية جدا وساحرة جدا والي انا بشوفه رفعت اسماعيل الجديد مش من حيث الحاجات الي بيعيشها لكن من حيث الوقع القوي بتاعه على قلوب الناس، شخصية هتعيش بإسمها ومهما كملت مش هنزهق منها.
لكن رغم ذلك في الجزء الاول محسيتش بمشاعر نحو شخصيات كتير لكن ده اتطور وبقوة في الأجزاء الي بعدها
حوارات الشخصيات كانت واقعية بالعامية المصرية لكن لم تخلو من بعض الكليشيهات البسيطة أحيانًا لكن ده لم يؤثر إطلاقًا على قوة ومتعة العمل
لغة الكاتب بسيطة جدا تناسب جميع الأعمار وممتعة جدا وتكون في بعض الأحيان شعرية جدًا (رسائل فينسنت) وبعض الاحيان فلسفية بإمتياز
الوصف في الرواية كان ممتع جداا ولكن كان بيبقى زايد شوية في بعض المشاهد لكن ده مكانش عيب ابدا بالنسبالي.
الأحداث في الرواية وشكلها كان أشبه بالـpuzzle الي بتقعد تجمعه طول الرواية لغايت ما توصل للقطعة الأخيرة والأهم في النهاية والي بتشرحلك كل حاجة وكمان تصدمك وممكن تكتشف أن كل القطع الي كنت بتجمعها من البداية ليست إلا جزء بسيط جدا من عدد قطع اكبر بكتير، النهاية كانت تلخبط شوية لكنها مقبولة جدا واتطورت بشكل مبهر في الأجزاء الي بعدها
ايقاع الرواية كان جذاااب جداااا بيخليك تكمل غصب عنك عشان تعرف اي الي هيحصل
بتدور أحداث الرواية في مصر في فترة زمنية مقاربة من الي بنعيش فيها (قبلها بشوية في بداية الأحداث) والرواية رغم كونها في عالمنا لكنها لا تخلو من بعض الfiction المتماسك جدا مع الاحداث وكان من اكتر الحاجات الي ميزتها
عالم الرواية متماسك جدا، الأزمنة من اقوى ما فيها ووصف الأماكن/الدول/المحافظات من اجمل ما يمكن
نجح عبدالرحمن حجاج في..
بناء عالم متماسك قوي بزمن ممتاز متماشي مع أحداث الرواية
ونجح جدا جدا جدا في المحافظة على لفت انتباه القارئ لغايت آخر الرواية
وأبدع في توزيع الأحداث بأحسن شكل ممكن للرواية
وكذلك لغة الرواية الي كانت جميلة جدا رغم كرهي الحوارات العامية في الروايات إلا أن العامية هنا كانت جميلة جدا وممتعة وفيها بعض الكوميديا المصرية الجميلة بدون بهرجة زيادة او محاولة غصب القارئ على الضحك
على الجانب الآخر الجزء الاول من الرواية لم ينجح في.. جعل القارئ يتعلق بشخصيات عدى يونس احمد ليل والنهاية قد تكون غير مفهومة لبعض الناس وقد يعيدوا قراءة النهاية اكتر من مرة عشان يفهموها.
في النهاية
رواية كوابيس قبل النوم سواء الجزء الاول او السلسلة عموما هي من أقرب الروايات الى قلبي، مش بس عشان عالمها مش بس عشان أحداثها ولا حتى عشان المعلومات الي فيها بل عشان الكاتب قدر يعلقني بشخصية أشيد بيها لسنين طويلة قدام وكمان قدر يبني علاقات ومشاعر تخليني ابص لنفسي في المراية واسأل ''هل فعلا كل شخص يستحق الحب؟ وهل كل شخص يستحق فرصة تانية؟''
وسؤال اخير ليك مش بس ليا ''لو اكتشفت أن اقرب شخص ليك كان اكتر شخص بيضمر ليك شر، هل هتقدر تسامحه وهل هتقدر تتخطاه؟''
تقييمي النهائي لكل جزء من أجزاء سلسلة كوابيس قبل النوم من عشرة
1- 7.5/10
2- 10/10
3- 9/10

[Basem Mohammed · Rating 5 out of 5]

رواية كوابيس قبل النوم
الروايه الي قدمت كل حاجه بشكل متكامل تقريبا من حيث
قصة،شخصيات،حبكه،تطور شخصيات،بلوتتويست،تسلسل زمني قوي
و قدمت اكتر من كده و لكن مهما كتبت مش هقدر اوصف كل حاجه فيها هنقسم المراجعه دي علي كام جزء منها
1-تلخيص سريع للقصة
2-رايي الشخصي
3-التسلسل الزمني في الروايه
4-نهاية الروايه
------------------------
اولآ:تخليص سريع للرواية
تبداء احداث الروايه مع مريم و زميلتها تيا الي بيروح لعيادة خال مريم (دكتور يونس)عشان يساعدهم في مشروع التخرج بتعهم الي بيكون عن العلاح النفسي و الحالات الغريبه و ايه الي بيحصل لهم،و هل فعلا العلاج النفسي بيجيب نتيجه ولا لا ،فا يبداء دكتور يونس يحكي ليهم شوية تفاصيل عن المرضي الي كان بيعالجهم و حالتهم النفسيه و المرض الي كانو بيعانو منه و امتي كان بينجح مع مريض و انتي كان بيفشل،بتبتدي الحواديت عن المرضي الي كان بيعالجهم و بنبتدي نشوف ربط غريب بي حياة يونس الشخصيه و حياة أحد المرضي عنده الي كان اسمه شريف باشا،و بنبداء نشوف أن يونس برضو مريض نفسي و بيعاني من هلاوث غريبه زي (أشخاص بي أقنعة حيوانات )،بنبتدي نشوف حاجات غريبه مش منطقية في حياة يونس و كأن في جزء ناقص منها و الجزء ده مستخبي جوا عقله هل يا تري يونس هيستسلم للهلاوث الي سماها(كوابيس قبل النوم)ولا هيحاربها و نعرف اكتر عن حياته
ـــــــــــــ
ثانيآ:رايي الشخصي
الروايه فكرتها الاساسيه كانت عاديه دكتور نفسي بيعاني من مرض نفسي ،و لكن الي مكنش عادي هي تنفيذ الفكره ،تنفيذ الفكره في الروايه كان عبقري جدا لدرجة انو يخليك تقول الروايه دي فريده من نوعها و فكرة جديده ،الروايه سردها كان عظيم جدآ و ده شئ مش غريب علي استاذ عبدالرحمن حجاج قدملنا طريقة سرد عبقرية رغم سرعتها الي انك بتحس بي التفاصيل مع كل سطر بتقرائه
---------------------
ثالثآ:التسلسل الزمني
،و لو اتكلمنا عن التسلسل الزمني في الروايه فا هو عبقري جدا ،المشهد يبقي ماشي تحس فيه حاجه مش مفهومه فا يديك فلاش باك عشان يفهمك الي بيحصل و ميحسسكش انك تايه و مش فاهم حاجه رغم أن دي هي فكرة الرواية انك قاعد مش فاهم بظبط ايه الي بيحصل مع يونس و هل الي بيحصل ده حقيقه ولا من كوابيس الصحو الي بتراوده مش اكتر
---------------
رابعآ:نهاية الروايه
نهاية الروايه كانت غير متوقعة بالنسبه ليا خصوصا انك مره واحده لقيت أن يونس اتحول من دكتور نفسي لي مريض نفسي محبوس في مصحه و وقت ما تفكر تقفل الروايه و الاحداث تخلص علي هنا ،لا،استاذ عبد الرحمن حجاج يفاجئك بي بلوتويست عظيم غير متوقع يخليك تقول ايه الي بيحصل ده ،امتي،ازاي ،طب و بعدين ،و ينهي الجزء الاول من السلسله العظيمه دي عشان يخليك تتحمس للجزء التاني

رايي أنها روايه متكامله و أن تقريبا عمري ما هقدر احكي عن روايه ده كله تاني زي ما حكيت عن كوابيس قبل النوم
تقييمي ليها اكيد 5/5
متحمس اشوفكم تقرائوها

[Omneya · Rating 4 out of 5]

كثيرا ماراودتنى فكرة هل للطبيب أو المعالج النفسي مشكلات تؤرقه هو الآخر ، هل يعانى هؤلاء الأطباء مثلنا أم أنهم يحملون من العلم والفهم مايمكنهم من تجاوز كافة الأزمات ، كما يبدو..

يونس طبيب نفسي يستعرض عددا من الحالات التى سعى جاهدا لعلاجها وتطرق إليها واحدة تلو الأخرى فى محاولة لمساعدة ابنة أخته وصديقتها فى أحد الأبحاث الخاصة بدراستهما.. يتحدث يونس عن خبراته فيقدم للفتاتين وجبة دسمة من أغرب الأمراض النفسية والحالات التى تعرض لها.. كما استعرض جزءا كبيرا من محادثاته مع تلك الحالات فكان تناول الأحداث مضطربا سريع التنقل بين حالة وأخرى.. ازداد السرد اضطرابا وازدادت الأمور تكشفا ليتضح الغرض الحقيقي من اتخاذ هذا الأسلوب فى تقديم العمل ، فكان نمطا شديد الذكاء ولكنه شديد الخطورة أيضا أحي الكاتب عليه.


هؤلاء الأطباء ال نفسيين هم بؤساء مثلنا ولربما كانوا أكثر ضعفا من فرط مايحملونه من أمراض وهموم تخصهم وتخص كل من لجأ إليهم فيصبحون فريسة لكل من أراد استغلال ضعفهم أو التلاعب بعقولهم..

.......

العرض المشوق لحالات المرض النفسي و الأسلوب الذى اتبعه الكاتب للكشف عن أعراض كل حالة وحجم البؤس الذى أحدثه المرض بها ينم عن كاتب مطلع متأمل دارس وواعي لكل ماتناوله..

ترك الكاتب نهاية العمل مفتوحة وإن كانت صادمة ، إلا أنها تعدنا لجزء ثان من تلك الكوابيس التى عادة تلاحقنا يقظة أكثر من ملاحقتها لنا مناما.. كوابيس الماضي... ظلال كل تجربة مريرة عشناها

استخدم الكاتب اللغة العربية الفصحى سردا والعامية حوارا وجاءت أحداث العمل ومفاجأته متلاحقة لا يشوبها الملل من قريب أو بعيد. كما تعرض ، مثلما ذكرت سابقا ، إلى عدد من الأمراض النفسية شديدة الغرابة وحمل العمل ملمحا جميلا من النوبة وعنها  وعن طبيعتها الجميلة وأغانى منير ، وتطرق إلى قرية المسامحة ذات العرف شديد الغرابة والذى لم اتوقع أبدا وجوده ببلادنا..

[Youssef Ahmed · Rating 4 out of 5]

رواية: (كوابيس قبل النوم) للكاتب عبد الرحمن حجاج
تصنيف الرواية: رعب مع بعض من الرومانسية
عدد الصفحات: 200
دار نشر: الرسم بالكلمات

نبذة عن الرواية:
(د. يونس أحمد ليل) ... طبيب نفسي مشهور ... حياته عادية ... ناجح في مجاله .. اتجوز (ريماس) البنت اللي بيحبهاا و عايش عادي ... يومه بقى روتيني .. يصحى الصبح بدري يروح الشغل يشرب كوباية النسكافيه و يستقبل حالات لحد ما يخلص و يرجع البيت
في مرة بتجيله زيارة من بنت أخته (مريم) و صاحبتها (تيا) عشان يساعدهم في مشروع تخرجهم اللي بيتكلم عن الطب النفسي و بدأ يحكيلهم عن قصص شوية مرضى عنده .. و من الزيارة ديه بيبدأ يشوف كوابيس .. مش و هو نايم بل كمان بيشوفها و هو صاحي .. لدرجة انه مبقاش عارف يفرق بين الواقع و الخيال
فإيه اللي هيحصل؟ و ايه سبب الكوابيس ديه؟ و ايه علاقتها بزيارة (مريم) و (تيا)؟

رأيي:
الرواية عجبتني و حبيت طريقة الكتابة جدا و ازاي انها قدرت تعيشني في حالة من التوهان و اللغبطة و مش عارف امسك خط سير الأحداث و هو ده المطلوب .. مع انها في الأول كانت مضايقاني بس لما اتعودت عليها عجبتني ... و ميكس الرعب مع الرومانسية البسيطة اللي في الرواية عجبني و مضايقنيش مع إني مبحبش الرومانسية ... الكتاب باللغة العربية الفصحى و الحوار بالعامية و لكل الناس اللي بتقول ان العامية وحشة او مش بتدخلني في مود الكتاب اقدر اقولهم اقرأ الرواية ديه و هتغير فكرتك عنها ... و الوصف في الرواية من ناحية بقى وصف المشاعر و وصف لوحات فان جوخ عجبني رغم انه ساعات كان بيبقى كتير بشكل مبالغ فيه بس متضايقتش اوي ... و اندمجت جدا مع رسائل فينسنت لـ ثيو ... و كان فيه حاجات غير مفهومة فضلت اسأل نفسي عليها بس عرفت اني هعرف التفسير في الجزء التاني و التالت
و في النهاية تقييمي النهائي 4/5 و متحمس اقرأ الجزء الثاني و الثالث
سلام ( :

[دينا ممدوح · Rating 3 out of 5]

القراءة الأولى لقلم عبد الرحمن حجاج بعد أن وضعت العديد من اعماله على قائمتي.
استمعت للرواية صوتيًا على تطبيق أبجد خلال الأيام الماضية، وكانت بداية ممتعة ونهاية مربكة.
تبدأ الرواية بالحديث على لسان يونس الطبيب النفسي، الذي نتعرف على الحالات في عيادته والتي لا تشبه أي عيادة نفسية أخرى
تتوالى الحكايات ما بين حاتم وحنين وريماس وتقى وغيرهم فتشعر وكأنك تنتقل من قصة إلى قصة.
الرواية كانت كقطع البازل التي تلقى على أذنك وعليك ترتيبها، ربما في النسخة الورقية كان الأمر سيكون أسهل، ولكن في النسخة الصوتية الامر مشتت بعض الشيء خاصة أن الالقاء كان بصوت شخص واحد فقط.
في منتصف الرواية عرفت اللغز وما قصة يونس، ولكن عند الوصول للنهاية والبلوت تويست الأخير وجدت أنه كان ضروريًا لأخذ الرواية لمنحنى أعلى وربما هذا ما جعلني أمنحها النجمة الثالثة وحدها.
أما فتح مسار جديد في نهاية الرواية لبناء جزء ثاني فلم أتقبله ولكن لن أحكم عليه إلا بعد قراءة الجزء التالي الذي بدأت فيه بالفعل فورًا.

اللغة في الرواية كانت سلسلة استخدم الفصحى في السرد والعامية في الحوار والذي كان مناسب ولكنني لم أفضل بعض الألفاظ.

أحببت تداخل المعلومات ما بين اللوحات والأمراض النفسية المختلفة وفكرة تداخل الأغاني في النص من أكثر الأفكار المحببة لي.

[Aiat Khalifa · Rating 5 out of 5]

Abdelrahman Haggag
كوابيس قبل النوم
كنت فاكرة اني معايا كتاب عادي شوية رعب على أكشن على جريمة وخلاص
لكن للمرة الثالثة يؤكد الكاتب انه حقيقي مختلف و الكتاب عبارة عن تشريح مفصل لحالة نادرة من حالات علم النفس من اضطراب الهوية التفارقي
قدر الكاتب يقنعني ان الطبيب النفسي يعالج صديقه ضابط الشرطة مما الم به من ضغوط نفسية و الفنان الذي كان يشعر بالوحدة و حنين التي كانت ترسم يوميًا لوحاتها داخل مركب 🛶 يسبح بها في بحيرات الفيوم و ريماس التي كان يسعد لإسعادها و رضائها
رسائل فينسينت ڤان جوخ لأخيه ثيو و ما تحمل في طياتها من أسرار لحياته التي إنتهت بالانتحار ومدى تماشيها مع حالته
ان تجد نفسك تهرب للنوم خوفًامن كوابيس صحوك المرعبة
ان تعتقد نفسك الأذكى و الأدهى و الأمكر ثم تجد نفسك الضحية الساذجة لمكر وانتقام الأنثى
حقيقي الكتاب فيه إبداع و إلمام بالحالة و المراجعة بصورة دقيقة
اقتباس:أكتب لكي أرتاح أكتب لكي أظل على قيد الحياة
النساء يرتدون الساعات ولا يجيدون قراءة الوقت
بعض الأشياء تحدث لأنها يجب ان تحدث لا لسبب محدد
مافيش حد اتجرح وصبر وطلع من بعد صبره انسان سليم
صفقت لها لإنها حاربتني بنفس أسلحتي

[Ahmed Ezzeldien · Rating 4 out of 5]

أول قراءاتي للكاتب عبد الرحمن حجاج، وكانت تجربة جيدة جدًا، خاصة مع استكمال تلك التجربة للنهاية، فحتى قرب نهاية الثلث الثاني من الرواية كانت الرواية بالنسبة لي تقييمها ربما 3 من 5 نجوم، رواية مسلية تعكس عدة اهتمامات للكاتب، بالإضافة لبعض الأساليب السردية الجيدة، لكن مع بداية الثلث الأخير للرواية انقلب كل شيء بسبب عدة أشياء حدثت في الحبكة، فارتفع تقييم الرواية عندي.

ربما الذي أثر سلبًا على تجربة قراءتي من بداية الرواية لنهايتها هو الحوار بالعامية، ليس حوارًا منفرًا مثلما فعلت الكثير من الروايات الأخرى، ولم أشعر بضرورة الفرط في استخدامه لهذا الحد، خاصة مع دخول العديد من أبيات الأشعار والأغاني، التي بالفعل قد أضافت لأجواء الرواية، لكني شعرت أنها زائدة قليلًا من خلال تجربتي الشخصية وخيالي الشخصي أثناء القراءة، بالإضافة لكلمات إنجليزية لم أجد ضرورة من وجودها، حيث أنها ليست اقتباسًا مثلًا أو اسمًا لفيلم، بل كانت كلمات عادية يمكن استبدالها بكلمات عربية بسهولة، مثل:
Internet connection!

كتاب جيد بحبكة جيدة، وشجعني بالتأكيد لأن أقرأ أكثر لعبد الرحمن حجاج.

[Fares Ahmed · Rating 4 out of 5]

3.5 ⭐️
من قرأ أعمال الكاتب السابقة سيفهم جيدًا ما أقصد، إذ يمكن ملاحظة التطور الكبير في أسلوبه العام. هناك فروقات واضحة بين رواياته الأولى وهذه الرواية.
الربط بين القصة وقصة "فينسنت فان جوخ" كان مميزًا للغاية، وجزء الرسائل كان أكثر من رائع.
رسم الشخصيات كان ضعيفًا إلى حد ما، لكنني أعذرت الكاتب؛ لأن هناك أجزاء أخرى قادمة.
Plot twist قوي جدًا وغير متوقع.
الرواية قصيرة وسلسة، ولن تشعر بالملل أثناء قراءتها، إذ يمكن إنهاؤها في جلستين على الأكثر.
أما الحوار العامي، فلم يزعجني إطلاقًا؛ فقد كان مكتوبًا بأسلوب بعيد عن الابتذال.
الرواية مكتوبه بأسلوب قطع متناثره و نهايات مقطعوه، رغم أنه لم يروق لي كثيرًا و لكنه أعطى حماسه شديدة لاستكمال الرواية حتى الصفحة الأخيرة.

***
أشتري الرواية على ضمانتي و متقلقش!!

[Donia Darwish · Rating 5 out of 5]

ليك فى الأدب النفسى !!! طيب ليك فى التشويق كمان 😁 حلو جدااا .... شمر وادخل على الرواية ديه بقى .. دايما بتجذبنى الروايات والأفلام اللى بتاخدنى للعالم النفسى والرواية جمعت ما بين الجانب النفسى وعنصر التشويق بالرغم من صغر عدد صفحاتها إلا إنها مليئة بالأحداث وتبقى مش عارف تتعاطف مع الابطال ولا تكرههم ...
تويست رهيب فى الأحداث وديه كانت مفاجأة الرواية
مش عايزة أحرق أحداثها فبالتالى مش هعرف اتكلم عليها
ياريت تتعمل فيلم 😁
حواراتها سهلة وانت ماشى فى الرواية بتقابلك معلومات لطيفة بالنسبة ليا كان أول مرة اعرفها
اسلوب الكتابة السهل الممتنع كتابة راقية الحمد لله رواية خالية من الالفاظ النابية والحوارات و الايحاءات الجنسية...