زراد

by باسم الخشن

الجزء الأول من ثنائية زراد
(مملكة الملاعين)
فانتازيا سوداوية تدور معظم أحداثها في مملكة زراد من اربع وجهات نظر مختلفة لكاهنة نار وقاتل مأجور وطبيب الوباء ونبيلة مطرودة
في وقت تحاصر المملكة بالكثير من الأخطار .

جلالة الملك.

أخط تلك الكلمات آملًا أن تتفهم أسباب ما أنوي فعله.. أقسمت سلالة (آنشتون) منذ الوباء الأول على ألا يدخل الوباء مملكتنا مرة أخرى، لم يحنث أي من أسلافي بذلك القسم... وكوني آخر الناجين من سلالتي لن يجعلني أول الحانثين.
السفن المحملة بالوباء ترسو على شواطئنا، ومن تبقى من النبلاء في (ثيام) يتهامسون بأن تلك لعنة القمر الغائب، وأن وجودك سوف يكون سبب دخول الوباء مرة ثانية لـ(زراد).
تلك المرة مُخلصًا (زراد) من الملاعين، ومن كهنة النار، ومؤذنًا بعودة من تبقى من النبلاء المؤمنين، ليرفعوا ذكر القمر الغائب مرة أخرى.

جلالة الملك إذا دخل الوباء ديارنا سيكون هذا عاري وحدي، ولن يتحمله غيري. ولا يوجد ما أستطيع صنعه لإيقاف ذلك… ليس وأنا هُنا في (زراد).
الوباء قادم مع قاطني ما خلف الوادي، في أرض الممالك القديمة، والمؤكد أن مصدر الوباء إما في الوادي أو في (بحر السجراء)؛ فلن يطيق مريض رحلة الوادي أو ركوب البحر ذلك مؤكد.
اليوم وبعد أن أُسَلِّم رسالتي سأنطلق مرتحلًا إلى أراضي الممالك القديمة باحثًا عن مصدر الوباء، ذلك الأمل الوحيد.
إما تحييد المصدر وإما تخليق علاج منه، هذا أو أن تنتهي سلالة (آنشتون) قبل أن يدخل الوباء (زراد).
طبيب الوباء.
(سيفاد آنشتون).

Genres: Fantasy

268 pages, Paperback

Published January 23, 2020

About the author

كاتب مصري ومترجم ولد في لندن حصل على شهادة
الماجيستير من جامعة ويسترن أستراليا في علم الإجرام.
عمل مع كمدرب في عدة دول وعمل أيضا مع منظمة الأمم المتحدة في مشاريع إعادة تأهيل اللاجئين .
تخصص في كتابة الفنتازيا والإثارة

Egyptian author and translator born in London UK.
Graduated from faculty of art Alexandria university
psychology department
has a master degree in Criminology from University of Western Australia.
Specialised in fantasy and thriller

Reviews

[باسم الخشن · Rating 5 out of 5]

[Hazem Walid · Rating 4 out of 5]

الرواية ديه كانت من ترشحات بودكاست ما بين محمد عصمت و باسم الخشن( الكاتب) و ده لينك الحلقة عشان شكلها فتحت خير علينا..
https://www.youtube.com/watch?v=_9BDX...
نجي للرواية..
الرواية فانتازية برسم لعالم كامل من عادات وتقاليد للآلهه لمخلوقات –سحرية- لمدن مختلفة بعقائدها المتنوعة ..
و لو حبينا نصنف الرواية أكتر هي فنتازيا قاتمة- سوداوية- (grim fantasy) و أهم شيء يمكن بنسبالي يميز النوع ده بيعدًا عن السوداوية و الجو ده، هي الشخصيات بتكون رمادية مفيش خير أو شر بمعناهم المعروف مفيش بطل مفيش خطوط واضحة للشخصيات هما بشر و ماشين بقى..
ده تصنفي أنا للرواية و لو صح فمن أكبر الامثلة لل grim fantasy هي أغنية الجليد و النار لجورج رر مارتن
و النوع ده أنا بحبه جدًا ..
الرواية بتمشي مع كذا شخصية في كذا مكان و كله ليه حدث أو حبكة بتحركة و فيه منهم بتقابل و فيه منهم لأ ..
الكاتب باني عالم كامل بنسبالي مش يمكن اكتر حاجة مميزة بس مرسوم كويس جدًا و متعوب في تفصيلة ،و باين منه أن الكاتب على اطلاع و فاهم هو بيعمل ايه..
الشخصيات كويسه جدًا في منهم المرسوم كويس و فيه المتوسط بس كمجمل الشخصيات واضحة..
اللغة و الأسلوب كويسين جدًا..
و الرواية فيها روسومات و ده شيء رائع بنسبالي يمكن مش وا ضحين أوي و كده بس برضه شيء رائع😊
نجي لكام مشكلة كده بنسبالي كام واحده كده بسيطة و واحده مشكلة كبيرة بنسبالي ..
ليه مفيش خريطه ليه ليه؟؟
الفصول أحسن تبدأ بأسم الشخص إلي معاه القصة في الوقت ده، أو المكان الي احنا فيه للتسهيل..
بنسبالي الرواية كانت لازم تكون اكبر ،الفنتازيا و خصوصًا النوع ده أنت محتاج تدخلني جوه العالم محتاج وصف كتير لشبه كل حاجة عشان اعرف اعيش جوه العالم ،الرواية صغيرة جدًا بنسبى للكاتب كان عاوز يقدمة ،الفصول في الرواية صغيرة و التنقلات سريعة مكنتش عارف ولا ارتبط بالشخصيات ولا بالاحداث بسبب صغر الرواية بجد الاجزاء الجايه لازم تكون اكبر..
و يا ريت خريطة 
محاولة كويسه جدًا جدًا و أكيد تقرأ..

[طارق سيد · Rating 4 out of 5]

رواية فانتازيا ممتازة هي الافضل في ٢٠٢٠ بالنسبة لي
نوع مختلف عن الفانتازيا العربية المعاصرة.
قائمة علي تقنية سرد متطورة و تعدد أبطال جذاب مصحوب بلغة قوية.
للمزيد من التفاصيل
مراجعة مرئية للعمل
#زراد #مملكة_الملاعين للكاتب#باسم_الخشن
#كوكب_الكتب

https://youtu.be/axv-Wxx_aY8

[Youssry Effat · Rating 4 out of 5]

.

"فى ارض الملاعين من صار وليمة للغيلان فقد نجا "

جملة بيبدا بيها الكاتب كلمته على ضهر الغلاف .. جملة تشدك انك تستمر فى القراءة لتكتشف انك قدام رواية من نوع الفانتازيا القاتمة او الفانتازيا السوداء و يمكن ده نوع مش منتشر فى الادب العربي والحقيقة ده خلاني متخوف فى البداية بعض الشىء من العمل و فى نفس الوقت متحمسله
و الحماس مرحش و بالعكس بقى يزيد مع كل صفحه .. الكاتب بياخدك من ايدك فى رحلة داخل عالم و مملكة زراد و بيبدا معاك
فى نقطة زمنيه محددة داخل عالم زراد و تحديدا فى يوم مقدس بالنسبالهم و هو يوم اكتمال القمرين !!
قمرين .. اه قمرين نسيت اقولك ان المكان ده فيه قمرين و يمكن لما تدخل فى الاحداث اكتر تعرف ان عددهم كان اكبر من كدة !!
وعشان منتهوش ف حكاية القمرين .فنكمل حكايتنا بقي ..اليوم ده هو يوم مقدس و عيد بالنسبالهم
و بعد كدة بتبدا بقي تتعرف علي الحكاية اكتر و على المملكة بكل اطرافها و شخصياتها بداية من الملك السجين
لكهنة النار و طبيب الوباء لنبلاء المملكة نفسهم وهتمشي مع كل طرف بحبكته بحكايته
والحقيقة الكاتب كان متمكن جدا فى الحكاية و قدر يمسك خيوطه بشكل ممتاز وعرف يوظف احداثه بشكل متناغم جدا و قدر يحافظ على رتم الاحداث لحد نقطة النهاية اللى بتقف عندها فى عز حيرتك و تشويقك للجزء التاني من العمل .. بنقف عند نقطه محورية و كتير من الاحداث المتوقفة فى نهاية الجزء الاول
حبيت جدا ان الكاتب عرف يوظف فى حكايته انه يحكيلي و يكلمنى عن تاريخ زراد و قدر يعمل ده مش فى شكل مونولج يزهق او سارد بيحكي الكلام ده ..اتعمل بشكل جيد جدا و حواري بين احد ابطال الرواية
بالاضافة كمان لفكرة اختراع لغات خاصة بالعالم ده طبعا ده بقي غير الرسومات الداخليه اللى بتمشي معاك طول الرواية
و حقيقي دورها جميل جدا و مساعد ف تخيل بعض الشخصيات داخل الرواية و كنت اتمني انه لو كان فى خريطة ما او شكل ما يحسسك بالمناطق المجاورة ل زراد و شكل زراد نفسها .. هو الكاتب قدر يوصفها بشكل رائع و من الممكن تخيل زراد و باقي المناطق مع وجود الخريطة كانت هتبقي داعم رائع جدا
حقيقي الكاتب تمكن جدا فى الرواية و منتظر بشده باقي السلسلة

اسم الكتاب : زراد
اسم الكاتب : باسم الخشن
التصنيف : فانتازيا سوداء
عدد الصفحات : 265
دار النشر : ن
تقييمى الشخصي : 4\5
لينك مراجعة الحلقة على اليوتيوب :
https://yt.vu/veu3Hfut2XU

Instgram : youssrybooks
Youtube : Bookaffe

[كيرلس عاطف · Rating 5 out of 5]

أنا مش من محبي الفانتازيا، لكنها فعلا رواية قوية، من حيث تصميم الوحوش والمعارك وبناء العالم وسرد تاريخ الممالك.. فعلا فانتازيا سوداوية، حسستني بخطورة الاحداث وان مش كل حاجة هتخلص على خير، بل الابطال ممكن يموتوا او كل حاجة تدمر في اي ثانية

[ضحى صلاح · Rating 5 out of 5]

من أجمل الأشياء اللي قريتها، واللي نفسي تتحول لجيم جدًا.
الرواية فانتازية قاتمة، دي حاجة أول مرة أقرا زيها عربي.. أو زيها عموما مقارنة باللي قريته في أدب الفانتازيا لحد دلوقت
مش عارفة إزاي ممكن واحد يتكتب عنها من غير ما يحرق
اللغة جميلة جدًا ومناسبة تمامًا للأجواء الأسطورية الخاصة بالرواية.
الشخصيات متنوعة مافيش شخصية شبه التانية
والأسماء عجبتني جدًا، وكانت بتلزق في دماغي بسهولة
إيه الحكاية؟
زراد مملكة أهلها اسمهم الملاعين؟ مين اللي لعنهم؟ الملك.. لعنهم ليه؟.. هتعرفوا لما تقروا..
في نبلاء برا زراد.. زراد بالنسبالهم ملكهم، عاوزين يرجعوها.. ده حلمهم.. طب هما برا زراد ليه؟ هتعرفوا لما تقروا بردو...
مين سيفاد آنشتون اللي اسمه على الغلاف الخلفي للرواية؟
ده طبيب الوباء، وآخر النبلاء، واللي مايعتبرش نبيل ولا ملعون.. طب إيه حكايته وحكاية الوباء؟
هتعرفوا لما تقروا بردو..
أهم حاجة تقروا بتركيز علشان تاخدوا بالكم من اللي بين السطور.

[Omar Khaled · Rating 2 out of 5]

قبل ما ابدأ اكتب النقد احب اقول انا كنت متحمس جدا اني اقرا الرواية دي اول ما شفت الوصف بتاعها قبل معرض الكتاب لكن معرفتش اجيبها وقتها للاسف و فضلت اشوف بعدها اراء الناس الايجابية عنها و زاد حماسي اكتر اني اقراها و كنت سعيد جدا ان رواية من اللون ده اللي مبعرفش اقرا شبهه الا فالروايات الغربية كان حاجة لطيفة جدا.
و بعد ما عرفت اكتر عن الكاتب من goodreads و انه متابع جيد لادب الفانتازيا الغربي زاد حماسي اكتر.
و لو هي دي الحاجة الوحيده اللي عملتها الرواية انها ادتني امل في كتابة فانتازيا حلوه فده شيء يحسب ليها.

لكن رغم كل ده لون زي ده من الادب مش متقن عندنا فالعالم العربي و معظم المكتوب فيه مستواه اقل من المتوسط ما عدا قلائل ، مقدرش اقول ان زراد كانت من القلائل لكن ده ميمنعش ان في جواها بريق امل لروايات اخري افضل من نفس الكاتب او ناس تانية تقراها و تقول انا ممكن اكتب احسن.

بكل موضوعية الرواية عشوائية جدا سواء فخطوط الحبكة او فالشخصيات او حتي فطريقة سرد الفصول
اللي مقدرش اقول ان ده عيب الكاتب كليا ، الرواية محتاجة تنقيح و تنظيم لغوي اولا و ده اكيد أثر على الافكار اللي كان الكاتب بيحاول يعرضها.

حاجات وحشة فالرواية :
١) الفانتازيا القاتمة اللي بتدعيها الرواية مبنية جواها على : الحاجات مقرفة والحاجات مقرفة و الدم و ال profanity ، ده مش تفسير سيء للفانتازيا القاتمة على قد ما هو ظلم ليها ، الفانتازيا القاتمة مبتقومش على ان واحد يحط ايده فبنطلونه و يضحك و يبقي كدا قاتمة عشان profane ، وريني الشخصية دي فموقف سودوي بتاخد فيه قرار أكثر سوداوية و بعد كل قولي انك grim dark.
٢)الرواية عشوائية جدا و بيبان ده فحاجات كتير ، شخصيات بتعمل حاجات عشان لازم تتعمل و شخصيات بتلاقي حاجات عشان لازم يلاقوها عشان القصة تتحرك و حاجات معينه تحصل.
على سبيل المثال : نبي الصيد يقابل سيفاد بالصدفه ، نبي الصيد يضحي بدمه بالصدفه و نبي الصيد ييجي فآخر الرواية لسيفاد عشان يقتله بردو بالصدفه و عشان الصدف دي سيفاد يقدر يبقي نبي اله الخوف فالآخر عشان " character arc " بتاعه يكتمل ( الارك اللي هو اساسا انه غبي و فاشل و نخاس اطفال و بيتجنن فالآخر )
مصادفات تانية جميلة بردو هي ان الفيدا بتلاقي نبيل حديدي فوسط الصحرا و بيبقي مهم اوي فالاخر انه ينقذهم ، و صدفه جميلة تانية ان ميرا تقابل خاشيد فوسط الغابة و هو قرب يموت عشان تنقذه و يحكيلها حدوتة المملكة بعدين.
٣) بعض الشخصيات الرئيسية ضحلة جدا.
القائد اللي اتهزم فقرر يبقي سكير ، طبيب الوباء الاكثر من ضحل : شخصية غبية جدا و متعجرف بغباءه و مفيش حاجة تانية بيعملها غير كدا طول الرواية.
و شخصيات تانية زي عاند و مساعد الفيدا و الفيدا نفسها و قائد الجيش كلها شخصيات لها وتيرة واحده لا تتغير و مبترحش فاي حتة من اول الرواية لآخرها.
٤) القصة بتحصل بسرعه اوي اوي رغم ان في وقت كبير نسبيا بيعدي بين كل فصل و التاني و مفيش مساحة انك تقعد مع شخصية بشكل كاف انك تتعرف عليها اكتر او تتعرف حتي علي الخط اللي هيا فيه ، كل اربع او خمس صفح خط مختلف و شخصية مختلفة و مفيش تركيز على حاجة بشكل جيد ، لا احنا تابعنا خط معين بشكل مكثف و لا احنا استفدنا حاجة من الخطوط الكتير الا انها ..كتير.
٥) رغم ان عالم الرواية واضح ان فيه ثقافات و ممالك كتير لكن احنا مشفناش اي معلم من معالم الثقافات دي غير قشور و اسماء بتترمي فقط لغرض انك تعرف ان العالم ده كبير من غير وزن حقيقي لمعناهم و لا لتواجدهم فالعالم.
٦) الكتابة و التنسيق كانوا محتاجين شغل اكتر من كدا و ده أثر على انسياب الرواية و فعالية الافكار اللي فيها.


حاجات كويسة فالرواية :
1) الافكار اللي فالرواية تستحق التقدير سواء " السحر " اللي فالعالم او جزء من التاريخ اللي شوفناه و الاديان اللي اتعرفنا عليها كلها كان ليها شعائر مثيرة للاهتمام.

2) مشاهد قتال جيده حقيقي ، وصف اكتر من اللازم فبعض الاوقات و تعقيد اكتر من اللازم فاوقات تانية بس جيده.
3) التأثر ب brandon sanderson واضح فالرواية للاحسن او للاسوأ بس وجود تأثير لكاتب كبير فرواية عربية ده شيء لطيف.
4) في اربع صفحات مكتوب فيها شخصية مبنية بشكل جميل و مؤثر ، ميرا شخصية كان لها صراع مبني كويس ( الشخصية الوحيده اللي عندها شبه character arc )و طالما فيه جوده اهو هنا ليه مش فباقي الشخصيات الرئيسية.
5)فانتازيا عربي مكتوبة عشان تبقي فانتازيا بسحر و ممالك قديمه و الهه و ثقافات متعددن و مكتوبة مش عشان تاخد اسم فانتازيا و تبقي حاجة تانية ده شيء عظيم لواحده و يحسب للكاتب انه حاول يكتب حاجة مختلفة ووثق انه يقدر يعملها و عملها ، كلنا بشر و بنغلط اكيد
لكن قدرات الكاتب واضحه انه عنده امكانية يبقي كاتب جيد جدا بأفكاره و باطلاعه
الرواية بس كانت محتاجة مراجعتين تلاتة كمان لغويا اولا و محاولة للم الخيوط دي كلها عشان تبقي متزنه و متناسقة و الشخصيات يبقي لها ثقل درامي غير انهم مجرد قطع عشان الحبكة تكتمل مش اكتر.
اتمني اشوف الجزء التاني احسن بكتير و اشوف اعمال تانية من استاذ باسم و غيره احسن و احسن عشان الفانتازيا العربية تستحق.

[انس · Rating 4 out of 5]

رواية لطيفة و حلوة و في تطور ملحوظ عن رواية ظل بابليون و لكن عندي مشكلة ، هوا يعني ايه حبارم 😂

[عبدالرحمن أمجد · Rating 5 out of 5]

#مراجعة
#bookreviews
#review
رواية زراد واحدة من أكثر الروايات اللي عجبتني و حيث إني بتوقع بشكل كبير صدور الجزء التاني منها في المعرض الجاي (نقول يا رب) فكان لازم نتكلم عنها في مراجعة عشان اللي مش عارف يعرف و ياريت يجيب ناس تعرف .
الرواية من بقلم الكاتب باسم الخشن و من إصدار دار نون عن سنة 2020
التصنيف :
الرواية تصنف على أنها فانتازيا ديستيوبيا أو Grim fantasy و التصنيف ده نادر في اللغة الإنجليزية و غيرها من اللغات .
الغلاف :
الغلاف من تصميم محمود رأفت و لو عاملت الغلاف بشكل منفصل عن الرواية فأكيد هو جميل لكنه للأسف مش بيعبر عن أي حاجة جوا الرواية أو براها أو أي حاجة عموماً ، هو قطعة مبهمة مش عارف إذا كان ده جزء من العالم ولا لا و كان فيه حاجات كتير تنفع تكون غلاف و كان هيكون أفضل بكتير .

القصة :
1- الرواية متعددة الشخصيات المحورية و فيها كذا شخصية تنفع تكون أبطال روايات لوحديهم و النوع ده صعب جداً و نرفع القبعة للكاتب عليه انو عمله بشكل ممتاز
2-القصة بتتكلم عن مملكة تدعى زراد كانت بتعبد الأقمار في عصر النبلاء و بعد ترك النبلاء للملكة أصبح الدين المنتشر هو عبادة النار تحت سلطة شخص يدعى الآراكون ، في ظل كل ده في وباء على وشك الإنتشار مرة تانية في زراد و المسؤول عن منعه هو (سيفاد) آخر سليل لعائلة (أنشتون) و اللي بيحتل منصب طبيب الوباء .
على الناحية الأخرى بتعتلي ابنة عائلة بونيوم قيادة النبلاء بفكر جديد مختلف عن أجدادها اللي تركوا زراد فيا ترى ايه اللي هيحصل .

السرد :
السرد كان ممتاز و على الرغم من أن ده أول رواية أقراها للكاتب إلا أنه ليه بصمة خلاص اطبعت عندي أقدر من خلالها أميز أسلوبه و ده ساعد فيه سرده بالمضارع و ده للأمانة كان ليه عيوبه لأني كنت حاسس في البداية إني بقرا سيناريو ولكن مع الوقت إتعودت ، و المضارع كان بيدي للحدث نوع من الحرارة و كأن الحدث لسة طازة و بيحصل قدامك .

الشخصيات :
وزي ما ذكرنا فوق في أكثر من شخصية تنفع تكون بطل رواية لوحدها و بالفعل أغلب الشخصيات وصلت لحالة التجسد حتى البسيط منها و هتلاحظ لو كملت الرواية أن مفيش شخصية تقريباً ينفع تشيلها و القصة تمشي و كأن شيئاً لم يكن و ده دليل على البناء المحكم اللي تم قبل الكتابة .

عيوب :
في وجهة نظري أبرز عيب في الرواية هو عدم تواجد خريطة و اللي كان بيحسسني بنوع من التوهان و اللي كان أفضل بكتير من الرسومات اللي جوا الكتاب فعلى الرغم من أن الرسومات فعلا جميلة لكن الخريطة ليها أولوية .
خلاصة :
رواية زراد رواية فانتازيا من تصنيف نادر أساسا في اللغة الإنجليزية و غيرها من اللغات و تجربة فريده تستحق الدعم و تقيمي العام ليها جيد جدأً و منتظر الجزء التاني منها على أحر من الجمر .

[Ahmed Al-Mahdi · Rating 5 out of 5]

الفانتازيا لونٌ أدبيّ قديم، منذ أن صاغ الإنسان القديم الأساطير والملاحم ليرويها حول حلقاتِ النَّار في اللّيالي الباردة أو يحكيها الشُّعراء وهم يعزفون على آلاتهم الوتريَّة الموسيقيَّة، حكاياتٌ صاغها الإنسان من أجل فهم الكون والطَّبيعة وأسرارهما، أساطير الآلهة والأبطال الشُّجعان والمخلوقاتِ السّحريّة.

رواية "زراد: مملكة الملاعين" هي الرّواية الثّانية للكاتب باسم الخشن بعد رواية ظل بابليون
التَّي تنتمي إلى أدب الفانتازيا بدورها، ولكنَّها فانتازيا حضريّة تدور أحداثها في مصر في الزّمن الحاضر مع جوٍّ من الجماعاتِ السريّة والميثولوجيا القديمة. أما رواية "زراد: مملكة الملاعين" فهي فانتازيا ملحميَّة، تدور أحداثها في عالمٍ خياليّ من اختلاق الكاتب بممالِكِه ومُدنه وآلهته ودياناته وأقماره.

عالم زراد خياليّ مفعمٌ بالتّفاصيل، ولكنّه مظلمٌ ومقبض، فبداية الرّواية تُخبرِك عن الوباء الذّي يجتاح مملكة زراد، وهو ليس الوباء الأوّل من نوعه، أوّل وجه تراه هو طبيب الوباء يطلُّ بقناع الغراب الذّي يرتديه. هو عالَمٌ كئيب لن ترغب في العيش فيه، ولكنَّه سيثير اهتمامك وسترغب في معرفةِ المزيد عنه بمجرّد أن تقرأ السُّطور الأولى.

يمكن قراءة مراجعتي للرواية كاملة على موقع المحطة من هنا.

[Mohammed Ali · Rating 4 out of 5]

خاشيد، حيف، صاريف، ساليك، ميرا، جيرد، داليف، عاند، سيفاد آنشتون، أحاذ، هيشا ديلرث، هينادا بونيوم، آروين نيزاد، غتناق السعدبي.
حبارم، غيلان، أغوش، سقريات.
دي مش تعاويذ لأ 😃 دي أسماء شخصيات وكائنات في رواية زراد للمبدع باسم الخشن.
رواية فانتازية كما يقول الكتاب:
- خلق العالم والديانات والأشخاص بأسمائهم وسماتهم وحتى حيواناتهم الأليفة -والغير أليفة🙄- والديانات اللي يدينون بيها، كل ده نجح فيه باسم بشكل حلو جدًا.
- متعود من الروايات الفانتازية انه بيمهد لك الأول عن العالم الجديد اللي انت داخل عليه وعلى الشخصيات، لكن باسم قرر أنه يدخل في الموضوع على طول 😂 فجأة لقيت نفسي مع طبيب الوباء ليلة اكتمال القمرين وماشي بالأطفال، اللي هو مين دول طيب 😒😂 لكن بعد شوية صفحات كنت اندمجت تمامًا وسط عالم زراد بدون ما احس بأي شئ غريب.
- اللغة عربية فصحى سردًا وحوارًا بالإضافة انها عظيمة جدًا.
- عجبني نقطة ان مفيش حد خيّر بشكل مطلق ولا شرير بشكل مطلق، الكل بيتحرك بناءً على المصالح، المعتقدات، الخوف، كل واحد بيظهر جانبه الآخر مع مرور الصفحات وده -ان صح التعبير- طبيعة بشرية، كلنا معتقادتنا بتتغير سواء بالخبرة أو بالزمن وحتى بالمواقف اللي بنتعرض ليها يوميًا.
- كنت مستغرب الأول ازاي الملك وسجين يعني وحتى كهنة النار بقوتهم بيطيعوه لكن فهمت لما وصلت للحكاية بتاعة الأبناس وأصلهم، وي برضه من الحاجات اللي عجبتني جدًا ان باسم مش بيسيبك كدة كتير لأ بيفهمك كل حاجة ويشرحلك كل حاجة في مكانها المناسب، مش بشكل سردي وخلاص، لأ بذكاء شديد فجأة بتلاقي نفسك عرفت كل حاجة.
من النقطة اللي فاتت دي كنت بس أحب أعرف اكتر عن الآركون والنبلاء الحديدين، مين دول وقصتهم ايه، متضايقتش اوي لما معرفتش، بس كان ممكن يساعد على استمتاعي بالرواية بشكل أفضل.
أسوأ حاجة بقى ان الرواية خلصت فجأة، اللي هو باشا في حرب شغالة جوا 😂 ونبي مات وطبيب الوباء هيرجع ازاي، طب نجح في مهمته ولا لأ؟ طب أحاذ راح فين وساب الناس؟ طب هل قضينا على الوباء؟ أسئلة كتير وخطوط كتير مفتوحة، معرفش لو باسم مقرر ان في جزء تاني ان شاء الله! مفيش حاجة في الرواية بتقول كدة، بس اللي أنا واثق منه اني قدام قلم قوي وكاتب من العيار الثقيل، ده للأسف أول عمل اقراه لباسم لكن مش هيكون الأخير ان شاء الله.
الرواية قوية جدًا وبرشحها بقوة.

[منار بدر الدين · Rating 4 out of 5]

"يجب أن تعلم أننا نسكن تلك الأراضي قبل أن تخطو روح واحدة فيما تطلقون عليه الآن (أراضي الممالك العظمى).. في (أرض ما خلف الوادي).. (الممالك القديمة) بدأت الحياه، ومشت الآلهة بيننا، ولم تذهب الآلهة لأرض الممالك العظمى إلا لتحترق.. لذا حين اخترنا أن نُقدس الصمت فنحن نعرف جيداً أن في النهاية، فقط الصمت سيسود."

اسم الكاتب: باسم الخشن
اسم العمل: زراد –مملكة الملاعين-
نوع العمل: فانتازيا/ grim fantasy عن دار نون
عدد الصفحات: 265

الغلاف:
مش هبالغ لو قولت أن غلاف زراد كان من أكتر الأغلفة المميزة ما بين أغلب الأعمال اللي اقتنيتها من معرض الكتاب السابق، الألوان.. لمحة الغموض، والسوداوية اللي فيه كانت موفقة جدا وبتعبر بشكل كبير عن الجو العام، والإطار اللي بتدور فيه أحداث الرواية، تحية كبيرة للمصمم محمود رأفت عليه..

ملخص القصة:
بتدور الأحداث من منظور أكثر من شخصية..
فبنشوف مملكة زراد والحياه، والسياسة فيها من خلال كاهنة من كهنة النار اللي شبه استولوا على المملكة بعد طرد النبلاء منها، على صعيد تاني بنخوض رحلة طويلة مع طبيب الوباء اللي ساهم بدور كبير في علاج الوباء السابق، لكن المشكلة إن على أبواب المملكة وباء جديد.. ومع رحيل الطبيب المخاوف بتتزايد، بالإضافة لمحاولة إحدى النبلاء أنها تكون جيش مهول بالاستعانة بالمرتزقة؛ عشان تسترجع حكم مملكة زراد بأي تمن..

الحبكة والسرد:
لازم أقول هنا أن برغم صغر حجم زراد نسبيا (كونها رواية فانتازيا وفيها بناء عالم كامل جديد بكل أركانه) إلا إن الكاتب قدر يخلق العالم دا بكافة جوانبه بمنتهى الاحترافية، توازي الخطوط، المشاهد، وظهور الشخصيات كان عظيم وموفق جدا.. وتعمد الكاتب ينقل بين مشاهد الشخصيات في أكتر اللحظات تشويقيا اللي بتدفعنا بدورها أننا نجري في الأحداث عشان نعرف مصير الشخصيات، اللي باختلاف لونها كانت مرسومة بدقة.. لكن هستطرد في دا أكتر لما نوصل لنقطة الشخصيات..
الكاتب قدر يخلق أحداث برتم متوازن جدا.. فمكنش فيه لحظة هدوء نسبي إلا ويتبعها حدث صادم يمنع أي نوع من الملل، بالإضافة لأن المشاهد الأكثر هدوء دي نفسها كانت مهمة للأحداث، وبيتسرد فيها معلومات هامة خاصة ببناء العالم والشخصيات والصراعات.. ودا بدوره بيأكد أن مفيش أي نوع من الحشو أو الإطالة غير المبررة في الأحداث..
صدقا الصراعات السياسة والحروب وتداخل مصاير الشخصيات المختلفة - الأبعد ما تكون عن بعضها - في الرواية دي كان من أفضل ما قرأت مؤخرا.. بدون إنكار عنصر الصدمة المتوالي في الحبكة، والنهاية المحمسة جدا للجزء التاني..
تصميم الوحوش الأسطورية في العمل والمعلومات الكثيفة عنهم.. بل ووجود رسومات موضحة أكثر لهيئتهم أضاف رونق للعمل..
بالنسبة للغة والسرد فأقل ما يقال عنهم أن لا غبار عليهم وكانوا ممتازين، واستمتعت جدا بقراءة عمل بلغة رنانة وسيل من العبارات والجمل الفصيحة بالشكل دا..

الشخصيات:
بناء الشخصيات في العمل كان رائع بمعنى الكلمة، واهتم الكاتب بإبراز كل جوانبهم حتى في الشخصيات الثانوية، بل وممكن نعتبر بعض الشخصيات مرجع لبناء شخصيات قوية ممتازة ومن أمثلتهم: الملك السجين، والفيدا (هينادا) اللي مش هبالغ لما أقول أنها واحدة من أفضل الشخصيات النسائية اللي قرأتها في عمل أدبي..

الملخص:
عمل فانتازي مبهر، اندمجت في أحداثه ومع شخصياته بشكل كبير لدرجة دفعتني اعيد قراءته على غير عادتي مع أي عمل بقرأه..
بناء العالم، توازي خطوط الشخصيات والأحداث، الصراعات، الحروب والوحوش الأسطورية كانوا مبهرين مغزولين في حبكة بتتوالى فيها الصدمات وعنصر التشويق، ونهاية محمسة جدا للقادم..
وفي انتظار الجزء الجديد بقوة..

[Ahmed Ibrahem · Rating 4 out of 5]

زراد عالم السحر و الخيال... تأخذك الرواية لعالم سحري من الاثارة و التشويق فانتازيا من نوع خاص كتلك التي عايشنا سطورها في حكاوي الف ليلة و ليلة الفكرة العامة للرواية جيدة الي جانب حبكة قويه و سلاسة فالسرد و لغة عربية فصحي.... الملك السجين و ثورة النور و الملاعين و النبلاء و كهنة النار و الطبيب صاحب وجه الغراب... استطاع الكاتب سرقة حواسنا بسطوره في تلك الرواية... عيب واحد فقط كان يفصلني بعض الشيء و هو المط في بعض الأمور الفرعية التي كانت تخرجني بعض الشيء من مود الرواية و اجوائها الي جانب بعض الجمل الحواريه التي شعرت انها لا تميل للفصحي ... بالتوفيق للكاتب العزيز و الاخ المحترم باسم الخشن

[Heba Alshorbagy · Rating 4 out of 5]

تجربتي الاولى في قراءة الفنتازيا !! كنت مستغربة طريقة كتابة روايات الفنتازيا اول ما بدأت اقرأ زراد ، بس بعد ما قطعت فيها اكتر من ٨٠ صفحة تحول استغرابي للشكل الروائي ده ، لإعجاب كبير بالحبكة اللي خليتني ما قدرتش اسيبه .
حبيت التفاصيل و ال back stories اللي خلت عالم زراد واقعي جدا بالرغم ان كله من خيال الكاتب .
الكاتب كمان قدر يوصل انطباع لكل مكان مذكور في الرواية بطريقة تخلي سهل على خيالك الانتقال بينهم مع الاحداث .

[Marwan · Rating 4 out of 5]

أفضل رواية فانتازيا مصرية
حقيقة تلك كانت تجربتي الأولي مع الكاتب باسم الخشن ولم أتوقع أن تكون الرواية بهذا الجمال أبدا،لقد خالف الكاتب توقعاتي وصدمني برواية فانتازيا من الدرجة الأولي،من وجهة نظري لا تشوبها شائبة.
جاء سردها وحوارها بلغة عربية فصحي سليمة مئة بالمئة،شخصيات الرواية مرسومة بدقة عالية جداا،وكل موضوع في مكانه الصحيح.
استمتعت جدا بهذا العمل وأظن أنني سأبحث عن الأعمال الأخري للكاتب لكي أقرأها.
وبإنتظار الجزء الثاني بشدة❤️🔥

[Mayas · Rating 5 out of 5]

ما هذا الفن ؟رائعة!

[Qamar Mohamed · Rating 2 out of 5]

.

[Heba · Rating 4 out of 5]

الرواية حلو جدا. مستنيين الجزء التاني.

[Saif Awad · Rating 4 out of 5]

روايه رائعه
عالم كامل من ابداع الكاتب سلاسه و تصارع الاحداث ممتاز
تجربه موفقه

[Mohammed Esmat · Rating 5 out of 5]

قُليّل أوي لمّا بنقرا فانتازيا مكتوبة بالعربي
وقُليِّل أوي لمّا بتكون مكتوبة كويس جدًا
وقُليّل أوي أوي لمّا بيكون الكاتب مُتمرِّس ومُتمكِّن من أدواته بالشكل المُبهِر دا
باسم الخشن نجح في إنه يكسبني قارئ ليه ومؤمن بقلمه جدًا
وأكيد مُنتظِر أي عمل قادم ليه بفارغ الصبر

[Basant Hany · Rating 5 out of 5]

رواية في قمه الروعة بصراحه مكتوبه صح اوي و ده المتوقع من كاتب زي باسم الخشن الرواية مظبوطه اوي و بتنقلك عالم تاني بجد متشوقه جدا للجزء التاني ارشحها لي اي حد بيحب الفانتزيا ❤

[لوك النباتي Luke Daniels · Rating 1 out of 5]

وصلت لصفحة ١٠٤.. لم استطع الإكمال.. البداية كانت جيدة ولكن شعرت بتشتييت لازمني طوال فترة القراءة بسبب الدخول السريع في الاحداث، الشخصيات الكثيرة بدون اي تعمق بها.. عشوائية السرد والأحداث.. والاخطاء الإملائية هنا وهناك..ربما اعود لقراءتها في وقت لاحق، لا ادري..

[Norova · Rating 3 out of 5]

18/80
الرواية جميلة وسردها جميل
كنت أتمنى أنه كتبها كاملة في جزء واحد
لأنها قصيره جدا جدا ،(هذا الجزء ) على ملحمة ضخمة
وعالم جديد مبني من أجل هذه القصة
أتمنى أن الجزء الثاني يكون بنفس الجودة
وأنه مايستعجل عليها ويطبخها على نار هادية
بالنسبة لأكثر جزئية عجبتني كانت جزئية الوباء
حابة اعرف الى ما تنتهي
وجدا حبيت غلاف الرواية

[Ahmed · Rating 4 out of 5]

رائعة هي هذه الرواية .التنقل بين الشخصيات، الاحداث المشوقة ،الشخصيات المكتوبة بطريقة مبهرة ،خلق عالم مميز ووصف غير معقد ولغة قوية جدا جدا و الرسومات في الرواية كانت جيدة لكن اتمنى ان تتحسن ف الجزء الثاني.

انصح بشدة بهذه الرواية

[Violinista Yanni · Rating 5 out of 5]

اه يا سيفاد يا ابن الكلب😲😲😲😲
الجزء التاني بسرررعة

[Mohamed · Rating 5 out of 5]

ثاني رواية مع الكاتب بعد شرق جهنم و نفس المستوي الرائع من السرد و ترابط الأحداث و الاثارة و الحبكه و الجميل في هذه الرواية انها بناء لعالم أخر فانتازي لا أعرف إن كان للرواية جزء أخر لكن أتمني أعلم بعض الأشياء لماذا المهنة مختلفين في طبيعة الأجساد و القوة عن الباقي من أين جاء النبلاء الحديدين ماذا حدث في معركة زراد هل يوجد تنانين في هذا العالم في النهاية شكرا للكاتب علي الرواية

[Fatma Galal · Rating 5 out of 5]

تقييم متأخر للأسف، لكن الرواية دي من احسن ما قرأت في السنتين اللي فاتوا .. أحداث متماسكة وشخصيات متعددة كل شخصية فيهم مختلفة عن التانيه .. لغة قوية تدل على ثقافة الكاتب واللي قدر يمسك خيوط الرواية كلها بمنتهي التمكن، فانتازيا سوداء عميقة ورائعة، هتتوه في مملكة الملاعين وتحتار تختار صف مين واذا عاوز النبلاء وهينادا خاصة يرجعوا ولا يبقى الحال كما هو عليه، ورحلة طبيب الوباء الغريبة اللي مليانه مفاجآت، رواية تستحق القراءة بتمعن وتركيز (هتركز كدة كدة لان الأحداث هتخطفك) وتستحق العودة لقرائتها مرات ومرات ..
في انتظار الجزء التاني على أحر من الجمر

[محمود طلعت · Rating 5 out of 5]

بدأت بحاجات كتيرة مش مفهومة بس لما تبدأ تبان كل حاجة بتبقى حماس
شكرا

[Hager Moharram · Rating 3 out of 5]

Between 3 and 4 stars,
Definitely looking forward for part 2 and what will happen
First of all in fantasy genre and especially that one a map is needed, I was in dire need for a map.
Secondly I needed either a glossary of terms and creatures (with art work for the creatures as there were plenty of art work inside the book) or an appendix of terms and creatures or footnotes.
I would have loved a prologue at the beginning with the back story to set the mood for the book early on especially the book was not long and it took me some time to get acquainted with the story and by 30% in the book I was hooked.
There were minimal typo mistakes, however some of the Arabic sentence structures were overly complicated.
Overly 3.5 stars and waiting for part 2.

[Dina Heikal · Rating 4 out of 5]

This is a grade a fantasy novel a genre rarely found here. I am glad to find an author who knows what he is doing. Who knows how to build a world from scratch. I can feel how excited the author is in his words and how proud of his world. He is right. I can feel the effort done here. This book is shorter than it should, the story deserves double the size. I needed more resolutions at the end.