جولة تفصيلية في قلب على وشك السقوط

by Nada Elshabrawy, ندى الشبراوي

ديوان بالعامية المصرية

سيبوا آمالكوا ـ لو مُصِرين تدخلوا ـ برة
والناس اللي هتدخل بيها مضطرة
أنا أسفه ليكوا مقدمًا
آمالكوا هتضيع للأبد

Genres: Poetry

234 pages, Paperback

Published January 1, 2020

About the author

ندى الشبراوي، شاعرة مصرية، درست القانون، عملت كمدرسة ثم بائعة كتب ثم في قطاع النشر والمكتبات وصناعة المحتوى وكتابة الأغاني. قناتها على يوتيوب من القنوات الأكثر متابعة في الوطن العربي في كل ما يتعلق بالكتب، وفاز ديوانها الشعري الاول "جولة تفصيلية في قلب على وشك السقوط" بجائزة أحمد فؤاد نجم لشعر العامية في ٢٠٢٠. وصدر ديوانها الثالث "خطأ ٤٠٤" في ٢٠٢٥.
حصلت على ماجستير في الادب والثقافة الفرانكوفونية من جامعة كونتكت في الولايات المتحدة في ٢٠٢٤ وتعد الآن دكتوراه في نفس الجامعة. وبالرغم من ذلك لازالت تلعن معظم الأشياء.



Nada Elshabrawy is a content creator and poet.

Her Arabic YT channel on books “Dodet Kotob” has grown quickly, with approximately 150k subscribers, and her episodes have had a strong influence
on readers in the Arabic language.
Born in 1995 in Almahalla Alkubra, she graduated with a degree in law from Mansoura University and later moved to Cairo to concentrate on creative writing and publishing. She has an MA in Literature and Cultural Studies from the University of Connecticut and is perusing a PhD at the same university now.
In 2020, her first poetry collection came out titled “A Descriptive Tour in an Almost Fallen Heart”, in 2021 her second poetry collection "Curses" was published. both books were shortlisted for the Ahmed Foad Negm Poetry Award. Her third poetry collection "Error 404" was published in 2025.

Reviews

[Nada Elshabrawy · Rating 5 out of 5]

https://youtu.be/Is2opnLHRZI

أول أغنية من الديوان.

[يوسف ممدوح · Rating 4 out of 5]

عمق سطحي
و قلب هش
و دمعة دافية
و نوم خفيف
فوق ملامح وش عيل
تعبيرات إنسان مخيف
غير كدا العالم لطيف
...
ديوان من نوعية الكتب القادر على سحبك من العالم و تخليك تخلصه فـ قعده واحدة و من غير ما تحس بالوقت.. أثناء قرابتي للديوان محسيتش تماماً إني قدام ديوان أول و تجربة أولى للكاتبة شابة.. بل بالعكس و انا بقرأ الديوان دا كل الإحساس الي كان بيجيلي إني بقرأ لشاعرة شابة متمكنه من قلمها فعلاً.. كتاب خلاني معجب أكتر و أكتر بـ " ندى الشبراوي" الشاعرة.. أو بمعنى أدق " دودة كتب".

- مقتطفات من الديوان💚✨:

المجد للي بيقدروا
رغم المواجع يظهروا
جامدين
لو حتى كان القلب بينقط حنين
بيحطوا فوق الجرح بنج
و يلفوا فوق البنج شاش
و يلفوا القلب اللي باش
صبر و روتين
المجد للي الحب غاية فـ عرفهم
عكس الخلايق كلهم
واخدينه شرع و دين
المجد للي برغم إن الخوف معشش وسطهم
و برغم قَطمِة وسطهم
حلوين..
...
إتولدنا عشان نتنسي و نموت
فـ مفيش وسيلة موت إلا اما موتناها
مولود بقلب عجوز ف مدينة بنت بنوت
يلعن أبو التجربة حبستنا جواها.

[Mohamed · Rating 4 out of 5]

ديوان خفيف، شبابي وباللغة العامية اليسيرة لا تصل للانحطاط ولا ترقى للتعقيد..اغلب القصائد عن المراحل النفسية والحزن والحب والمناجاة الالهية واحوال البلد بشكل بسيط..مناسب لبداية قراءة الشعر

أكتر قصائد عجبتني كانت المناجاة والخوف

عندي مشكلة يمكن دي حاجة شخصية أكتر، تقسيم الديوان سايب صفحات كتيرة فاضية او القصائد كنت مش مستوعب ان في منهم متصل وانها طويلة، اعتقد كان مهم يبقى في اي علامات اضافية غير الارقام في بعض القصائد

[Omar Elsafty · Rating 3 out of 5]

هذا الصداع ابن الحرام
هيخلي راسك تنفجر
ف نهايته و خلاصة الكلام
قوم هز طولك و انتحر
_______
الكلام ، كل الكلام ، أصبح بلا جدوي
.بلا شعر بلا أوهام ، بلا عمق بلا قهوة

[Shrouk Ebrahim · Rating 4 out of 5]

اول تجربة لقراءة شعر بالعامية و استمتعت جدا بالكتاب ⁦😊

[Omnia Helmy · Rating 4 out of 5]

"مين اللي تاه؟
أنا،
و لا المشاعر نَفسها
و لا جميع الحاجات اللي كنت بحبها
و إحساس السعادة اللي بالغ مُنتهاه
مين اللي تاه؟"

[Ali Elgarby · Rating 5 out of 5]

مابعرفش احكم عالشعر اوى او اقيمه، تقييمى دايما فيه سنة اڤورة لكن حتى لو فده ماينفيش ان الديوان رائع ومؤثر،ليا عالاقل، جدا جدا.
الديوان ده من النوعية اللى تبقى عاوزه يبقى رايح جاى معاك فالشنطة بتتنطط بيه فالمواصلات، كتاب صديق فعلا.
حسيت انه كتاب شتوى شوية عشان كدة هعيد قرأته تانى أول ما يمشى ويسيبنا الصيف اللعين😅.

[Marina · Rating 3 out of 5]

مشاوير تجيب مشاوير
أشعار بدون تفسير
عاشت كما الأغراب
ماتت في حادث سير .

[Farah Tarek · Rating 4 out of 5]

بعترف اني مليش في الشعر معظم الي قريتة فيه عشوائي و من ناس مشهورة و كبار ...فبالتالي شهادتي مجروحة ...و لكني استمتعت ☺
كتيير من القصايد لمستني ،حتي الي ملمسنيش ،
و دا " وارد في اي نص عموما " حسيت اني لمست فية شعور الكاتبة او اقول الشاعرة ..
باختصار كتجربة اولي ليا و ليها فهي ناجحه و مبشرة بالمزيد
ملحوظة: الغلاف رائع يا رجاله....عجبني جدا، هو ابيض فا بيتوسخ بسرعة أه بس انا اعتبرتها مقصودة من المصمم و كدة 😅😅

[Alaa33arafa · Rating 5 out of 5]

حاجة كده ولا اروع مع كل سطر حرفيا كنت بلاقي نفسي ومع كل قصيدة كنت بقعد بعدها فترة حقيقي من اقرب الدواوين لقلبي السنة دي واعتقد انه هيفضل واخد مكان خاص في قلبي كدة مهما قرات

[Dina Hisham · Rating 3 out of 5]

احترفت الشعر فترة
احترفت الكدب فترة
قالوا مرة عليا شاطرة
بس ده مبقاش مؤكد
-
السكات سجني المؤبد

لمستني عدة شطور قرأتها وأحببتها ولكن عانيت بعض التشتت في اذا كان المتكلم في بضعة اجزاء ذكر ام انسي ولكني احببت التعبيرات بشكل عام والجدير بالذكر انني قرأته بناء علي اعجابي الشديد بشخص ندي الشبراوي من خلال فيديوهاتها علي اليوتيوب وانها تعد تجربتي الأولي مع الشعر العامي واثارني الفضول لمعرفة هذا الجانب المختلف من ندي واعجبني عملها الدؤب واتمني لها النجاح وانتظر دواوين اخري ناجحه لها وسعيدة بشدة لاقتنائي الديوان

[Ziad Elmorshdy · Rating 3 out of 5]

التجربة الثانية مع شعر ندي ولعلي اخطئت بقراءة لعنات قبل هذا الديوان الذي كان متفاوتا بشكل محير فبعض القصائد كانت خلابة و آسرة و البعض الاخر لم اجد بينه ترابطا و لا انكر اني لم استطع فهم البعض
وتجربة الشعر العامي الحر المتحرر من القافية و الوزن تجعله اصعب في الحكم عليه بقواعد محددة وانما فقط التذوق الادبي و كل و ذائقته
لكنه جميل و يستحق القراءة
وبالاخص حظ الملايكة ومشاهد و فيلم درجة تالتة و هن مفضلاتي

[Osama Mohamed · Rating 4 out of 5]

ديوان شبابي خفيف مناسب لجلسة قراءة واحدة.

[Mina Habib · Rating 3 out of 5]

* البداية لازم تكون مع العنوان لأنه حقيقي مختلف و يشدك و الأهم إنه في وقت زي دلوقتي اللي العنواين فيه أصبحت أقصر ما يكون و لا تتعدي ال3 كلمات - ما عدا بعض الاستثناءات أكيد - يأتي هذا الديوان بهذا العنوان و يجبرك تأخد بصة عليه كده، و هنا يجب ألا ننسي الغلاف المميز، لون واحد monochrome أسود علي خلفية بيضاء pure contrast فلازم يشد عينك تبص عليه.

* هذا الديوان هو roller coaster أو بالمصري الشعبي الجميل حبة فوق و حبة تحت، أنت في رحلة هتقابل فيها كل المشاعر، مع الوضع في الاعتبار إن الغالبية العظمي جداً مشاعر حزينة أو ذات نهايات حزينة، حب و فراق و خوف و أمان و غربة و وحدة و موت و انعزال و نجاح و فشل.

* إن كان فيه شئ يؤخذ علي هذا الديوان فهو طوله، الديوان طويل 230 صفحة كتير خاصة إن القصائد أو النصوص اللي جوة تعتبر قصيرة و علي قد ما ده زود احساس الـ roller coaster إلا انه خلي فيه صعوبة بالتعلق بالنصوص / القصائد. و مع ذلك في رأيي القصائد الصغيرة اللي من 4- 6 سطور و بالكتير 8 كانت الأفضل و الأكثر قابلية في أنها تعلق في دماغي، عملاً بمبدأ معاني / مشاعر مكثفة في أقل عدد كلمات/ سطور هتخليك تعيد قراءتها و تعيد تذوقها للتأكد أنك حصلت علي النكهة كلها.

* النقطة الأخري التي تؤخذ علي العمل هي كسر إيقاع و موسيقي الكلام، أنا عارف إن الشعر العامي الحديث لا يلتزم بوزن و قافية وتقريباً تخلص من أغلب خصائص الشعر الكلاسيكي، و لكن هذا لا يمنع من وجود تقطيع معين للكلام بيحمل شئ من المزيكا الخفية في الخلفية تخليك قادر تحس إنك لسه بتقرأ شعر، و الكلام ده موجود في العمل و لكن كسر الايقاع كان كتير في القصيدة الواحدة و زي ما قلنا علي قصر القصيدة ده كان بيفصلني و بيحسسني إن فيه حاجة مش مريحة و مع محاولة إعادة قراءة القصيدة/ المقطع من قصيدة اللي حسيت عنده بالمشكلة مش في كل مرة كنت بقدر الاقي النقطة اللي عندها هيبقي فيه السكتة أو النفس و تبقي بداية تغيير إيقاع الكلام. بالنسبة ليا في الشعر العامي الحديث بشوف إن مصطفى إبراهيم و بالذات في ديوانه المانيفستو هو الأفضل و اللي بشوف إنه كان قادر يحقق نقطة الايقاع و المزيكا الخفية في الكلام مع سهولة إيجاد نقاط تغييرهم تقريباً في الديوان كله. و علي قد ما أنا قادر أفتكر إني لما قرأت ‫ويسترن يونيون فرع الهرم: ديوان بالعامية المصرية‬ لنفس الشاعر وجدت نفس الخاصية موجودة.

[Mohammad Abdelsalam · Rating 2 out of 5]

النصف الأول من الديوان من الواضح جدا انه افضل من النصف الثاني من الديوان قد يكون ذلك لأن الديوان كتب علي فتره طويله من الزمن الكتابة تصرح انها متأثرة بأسلوب صلاح جاهين وهو شيء واضح في النصف الأول من الكتاب في اتباع بعض القصائد أسلوب ديوان الرباعيات لكن في الناحية الجمالية فقط من حيث السجع ولكن شعر صلاح جاهين يبز بالحكمة اما هنا المخيم على الديوان هو الكئبة فقط لا غير وبعض ذكر لبعض الخبرات العاطفية في إطار "ان الناس بتحبب تجرب" ولكن لي اعتراض واضح على بعض الألفاظ المستخدمة لأن من المفترض ان الكاتبة من خلفية إسلامية "سب الدين" يحرم الإسلام بكل شكل من الأشكال سب المقدسات سواء مقدسات الإسلام نفسه او مقدسات المخالفين اعلم تمام العلم انها التجربة الأولي للكاتبة ولا انكر انها قد تكون تجربة معقولة كتجربة أولي لكن كنت أتوقع اكثر من هذا

[Khaled Ahmed · Rating 3 out of 5]

لو كل شيء في الدنيا يشبه شيء
فَ أنا
هشبه لصوت البحر
عشان دايمًا هنا
لكن ماهوش مفهوم
وقلبي ممكن يبقى شبه الموت
سامعين؟
سامعين؟
ده صوت قلبي وهو بيدقدق
والدق ده بيقل يوم عن يوم
احسبوا لو تعرفوا،
فاضل قد ايه وآجي هنا ماسمعش صوت؟

[Youssef Dawod · Rating 3 out of 5]

متخيل؟ لأ مش متخيل
عجّزت وكل الكون عيل
وبقيت أول م النور بيبان
بستنى الليل انه يليّل
متخيل؟ لأ مش متخيل

[عبدالرحمن · Rating 4 out of 5]

‏”بعد تُقل الدم، والخِفة
‏زِف قلبي ياحُزن، فـ الزفة
‏ع الوجع والشوق واللهفة
‏وانت سيبنا ولِف كام لفة
‏وإن رجعت والساعات كفت
‏وإن لاقيت المكان كفىٰ!“

[Chelsealove · Rating 3 out of 5]

ديوان اجمل ما فيه انك بتشوف نفسك فيه
مشاعر واقعية وتجارب معظمنا بيعيشها اتعبر عنها بكلمات بسيطة ومؤثرة
مجهود مميز للكاتبة 👏👏

[عبدالرحمن العدوي · Rating 4 out of 5]

متعوب فيه اوي اوي اوي.

[pəˈteɪtəʊ · Rating 4 out of 5]

ولقد ذَكرتُك كل ليل ونهار
وآمنت بيك والكل كان كُفار
وعاهدت ضيِّك يبقى ليا أمان
يا من هواه كان حُب عادي زمان
دلوقتي حُبك يُعتبر إدمان.

[Obada · Rating 3 out of 5]

حبيت الديوان
"افتقاد الحضن والأشواق
واحتياج البوسة والضمه
قد يؤدي ل انهيار أعصاب
أو أقله هتبكي في الضلمة"

[قسمت خالد · Rating 4 out of 5]

حلو.. بجد حلو
قريته بعد لعنات.. بس يظل حلو😊

" لو تروح وتقول مسافر مين، يفضلنا يا صديق؟!"

[Samira Mohamed · Rating 4 out of 5]

"الكلام، كل الكلام، اصبح بلا جدوى
بلا شعر بلا أوهام، بلا عمق بلا قهوة"
اول تجربه ليا من الشعر العامي ومبسوطة جدا بيها، مقدرتش اسيب الديوان غير لما اخلصه ،وفي حاجات لمستني جدا وهفضل فكراها للابد
تجربه تساهل 🤚🏻

[Hassan Ahmed · Rating 5 out of 5]

👏👏👏👏👏

[Abd El · Rating 1 out of 5]

بحاول اشوف الحلوه فيه مش لاقي حاجه كده تنافس السناونو من الاخر

[Amena · Rating 3 out of 5]

3.5

[Teemo · Rating 3 out of 5]

متوسط، ديوان ليس سيء لكن متوسط