بقاء

by نورهان أبو بكر

ما الذى ستفعله عندما تخسر الأهل والمنزل والحب والعمل؟ هذا السؤال واجهته "نالا" فجأة، بعد أن اجبرتها الحياة على خسارة كل شئ دون سابق انذار

Paperback

First published January 1, 2020

About the author

مصرية شابة . من مواليد 1993 ، خريجة كلية إعلام جامعة القاهرة ، نُشرت لها عدة مقالات في مجلة " كلمتنا "، و لها العديد من المقالات في المواقع الإليكترنية . اشتهرت على مواقع التواصل الاجتماعي باسم "نفسية بكوغتي" و كانت المضيفة و المتحدثة الرئيسية في العديد من الحفلات.

Reviews

[Hager Abdelmonem · Rating 2 out of 5]

رواية: بقاء
لـ: نورهان أبو بكر
عدد الصفحات: ٣٤٣ صفحة
دار النشر: الرواق للنشر والتوزيع
مصمم الغلاف: كريم آدم

نبذة عن الرواية:
تبدأ الرواية بفتاتين في مرحلة الشباب تقودهما الظروف للبحث عن منزل ليعيشا فيه وحدهما بعد انفصال والديهما، فهل ستجدان منزلاً جديداً ويقبلهما صاحبه في عُرف لا يسمح لفتاة أن تعيش وحدها؟!!
وماذا سيحدث.

- في الحقيقة يمكن للرواية أن تنتشلك في المائة صفحة الأولى، ولكن بعد ذلك يحدث فراغ كبير، حيث ستجعلك الكاتبة تمتلئ بأحاديث لا داعي لها.

- تكرر الكاتبة دائماً أن هناك سر لعين، سر لعين بينها وبين والدها، وأظنك فهمت، دون أن أكتب لك مائة صفحة لأخبرك به.

- اللغة فصحى جيدة في السرد، وعامية مصرية في الحوار.

- الرواية ليس بها حبكة، هي واقعية وهدفها المنشود هو العائلة وأسسها وأعتقد أنها أوصلت ذلك بعد فقرة من الملل.

- في البداية شعرت أن الكاتبة تحكي تفاصيل حياتها ومع الوقت ازداد إحساسي بذلك، وأتمنى لها الخير في القادم إن كان ذلك صحيحاً.


- اقتباس:
"لطالما شعرت أن الانتظار ما هو إلا دقائق ضائعة .. دقائق تمر في عدم".

- الغلاف بسيط جيد، لم يعبر عن الفكرة المنشودة كاملة لكنه اقترب منها.

[Ahmed Adel · Rating 5 out of 5]

ينفع أدي الرواية سبع نجوم مش بس خمسة؟ يا ريت كان ينفع...
بداية كده أنا جبت الرواية من معرض الكتاب عشان أشجع نورهان لأني متابعها من قبل ٢٠١٣ وكنت دايما اقول لها عايزين نقرا لك حاجة.. وكنت حابب اشجعها واخرجها م الموود الوحش اللي كانت فيه..
لما جبته قررت ادخل اشوف ريفيوز الكتاب اللي قبله "فاميليا" فلقيت الناس مبهدلينها! قلت ربنا يستر ودي تبقى حلوة... خصوصا إنها الرواية الأولى...
الصراحة الرواية فاقت كل توقعاتي من حيث الحبكة والسرد وتنقلات الزمن! يمكن الحاجة الوحيدة اللي توقعتها كانت كم المعاناة والتعب في الرواية، بس برضه فاقت توقعاتي لأن الكم مهول! المفروض تبقى اسمها "كفاح" أو "وجع" مش "بقاء"...
الرواية مؤلمة جدا جدا وعمري ما تعبت كده وانا باقرا عمل أدبي.. والله كان فيه مشاهد وفصول باحس إني بانهج وانا باقراها وباعمل مجهود! فيه مشاهد قطعت قلبي ومش عارف ازاي حد يبقى عنده القدرة على تحمل كل الأحداث دي!
واضح ان دراسة الإعلام أثرت على نورهان لأنها كاتبة نهاية (ومشاهد عامة في النُّص برضه) سينمائية جدا، بتتحرك بين مشهد ومشهد وزمن وزمن بسلاسة كبيرة وحرفية حد بقاله زمن في مجال الرواية أو الإخراج السينمائي!
عجبني كمان ان الرواية بعيدة عن التقليدية بتاعة قصة رومانسية ومش عارف إيه.. أو فانتازيا خيالية مش موجودة.. لا دي قمة في الواقعية وحسستني قد إيه احنا ف نعم مش حاسين بيها والله..😢
نفسي لو شفت نالا دي أبوس راسها واقول لها يا بنتي انتي بطلة بجد وقوية وتستاهلي جايزة البنت المثالية وربنا يقويكي ع اللي بيحصل فيكي😘.. تستاهل حضن بجد.. 😢
مش عايز أبان باطبل لنورهان.. طبعا من النقط السلبية كتر الأخطاء النحوية والمطبعية لكن ككل مش مأثرة قوي الحمد لله.. لو ينفع بس تتراجع وتتعدل في الطبعات الجاية يبقى يا ريت 😇

[Nada Radwan · Rating 3 out of 5]

الزُبد كلها كانت في آخر الرواية. بتلقي الضوء على بعض القيم المهمة زي:
١.الأبناء لهم حقوق على الآباء ومن حقهم أن يشعروا بالأمان والطمأنينة مع آبائهم وأمهاتهم.
٢. كن صريح وواضح مهما حصل.
٣. العيلة مش بس اللي من لحمك ودمك. العيلة معنى كبير ويشمل مل اللي متمسك بيك ومؤمن بيك ومش بيتخلى عنك.

[Ahmed Fouad · Rating 4 out of 5]

فرغت من قراءة تلك الرواية بعد ما يُقارب اليوم و نصف اليوم من القراءة المتواصلة..
لطالما آمنت بأن الأدب هو تلك الكلمات الحقيقية الصادقة، و صدقها لا يكمن فى كونها حدثت بالفعل فى عالمنا الذى نتشاطره جميعنا، بل حدثت صدقًا فى عقل مؤلفها. كما حدثت فى قلب القارئ و رُسمت كلوحة تتكامل مع كل حرف يُقرأ.
و هذا الكلام ينطبق بشدة على رواية "بقاء"، باكورة الإنتاج الروائية للكاتبة نورهان أبو بكر التى قابلتها فى معرض الكتاب و بدت لى شخصية فى غاية اللطف و البساطة و الروعة.
و لكن بعيدًا عن هذا، أقول للجميع و لها إن كانت ستقرأ تلك الكلمات؛ أنها كتبت عملا أدبيًّا حقيقيًّا بلا أدنى شك، خلقتْ عالمًا تتشابك أحداثه و تتعقد و لكنها لا تنفرط من يدها رغم هذا، ثمة تملُّك شديد من أدواتها كروائية و قاصّة، ثمة خيط متين قوى تمسك به بحرفية تشى بموهبة لا شك بها.
و أقول عنها، و لها، فى الأخير أن عليها الافتخار بروايتها، و بنفسها؛ فإن نورهان قد رَوَتْ؛ روت بكل صدق قصة حقيقية حتى و إن لم تحدث بالفعل، و روت ظمأ الكثيرين ممن مروا بحكاية مشابهة أو مُطابقة أن يُسمعوا، أن يقرأ العالم عن ألمهم، و لهذا فى رأيى وُجد الأدب قراءةً و كتابةً، و لهذا السبب أخال أنّى أتحلى بكل هذا العشق داخلى للأدب.. لهذا يظل الأدب هو دارى الوحيد الذى ليس لى فى سواه انتماء، و ليس لى فى سواه بقاء.

[Nour · Rating 5 out of 5]

بقاء رواية بعيدة كل البعد عن فزلكة الروايات رواية واقعية جدا جدا حتي ولو اشتد الالم فهذه هي الحياة مليئة بالكبوات والمتاعب لتصل للسعادة الرواية دي حتي لو بعيدة عن حياتك فهي هتلمسك بشكل او بأخر بسبب خطوطها الكتيرة اكيد هتلاقي ولو كلمة واحدة شبهك او حسيتها قبل كده اعجبت بها وبشدة مع اني من الناس اللي صعب تتأثر اوي بس بجد انا حساها جدا ❤

[Mohammed Taqqei · Rating 5 out of 5]

الرواية فيها كمية وجع تكفي بلد بحالها.

فخور بالبطلة إنها قدرت تعيش بعد كل اللي حصلها، وربنا يسامح نورهان أبوبكر على اللي عملته فينا بسبب الرواية دي.

لكل محبين النكد والمعاناة، الرواية دي لازم تكون الاختيار الاول ليكم .

[Mina Habib · Rating 3 out of 5]

"الخذلان .. ذلك الإحساس الخبيث الذي يتسلل بداخلك مع مرور الوقت ليقتل كل ذرة أمل قد تبقت .. فطوال حياتي ظللت أفكر في أيهم أشد وجعاً، أن تُخذل من شخص من المفترض أن يكون قدوة لك أم من شخص من المفترض أنه يرفع كل آمالك إلي حد السماء .. لا وجود للوعود الدائمة بالأمان .. و كل شيء مهدد بالانهيار في أي لحظة .."

لا ينام المرء قرير العين مطمئناً إلا في بيته .. فالبيت هو رمز الآمان ..و العائلة هي رمز الدفء .. و كلاهما يشكلان نقطة الارتكاز التي يستند عليها المرء لينطلق في حياته. تخيل أن يتلاشي كل هذا .. تخيل أن تجد الآمان في عدة أماكن و لكن بيتك ليس واحداً منهم .. تخيل أن يصبح بيتك مصدر الخطر لا مصدر الطنأنينة و الآمان .. كيف ستصبح حياتك في هذه الحالة؟ كيف ستواجه العالم منفرداً بظهر مكشوف؟ هل يمكن حينها أن تكون بيتاً جديداً يصبح مصدر سعادتك و آمانك؟ أم ستجد أن كل محاولاتك لا طائل منها و الدفء و الطمأنينة قد هربا من حياتك إلي الأبد؟!

#كتاب_من_ع_الرف – مراجعة رواية بقاء للكاتبة نورهان أبو بكر – الأسرة .. العائلة .. فتاتان في مواجهة العالم
https://youtu.be/N6wJDE-_3zU

هذه القناة مساحة هحاول أعبر فيها عن رأيي و أفكاري في حاجات كتير بشكل عام، و رأيي في الكتب بشكل خاص - بما أنها من أهم الحاجات اللي في حياتي.

فلو أنت مهتم بأنك تسمع رأي حد في كتاب قرأته أو عاوز تقرأه اتفضل عندنا - و إن شاء الله - تجد ما يسرك.

فيديو جديد يوم الاثنين من كل أسبوع علي الـ YouTube
و بوست جديد كل يوم سبت علي صفحة الـ Facebook

أعملوا like للفيديو و share علي قد ما تقدروا و اشتركوا في قناة الـ YouTube

ممكن تتابعني و تتابع أحدث القراءات علي موقع Goodreads:
https://www.goodreads.com/mina_habib_...

رابط صفحة الـ Facebook :
https://www.facebook.com/mn.3a.el.raf

رابط قناة الـ YouTube :
https://www.youtube.com/@mn-3a-elraf/

أتمني الفيديو يعجبكم 😊 ..و شكراً لكل الناس اللي بتدعمني وبتدعم المحتوي بأي طريقة يقدروا عليها

[AhMed MosTafa · Rating 5 out of 5]

خلصت قراءة الرواية في حوالي يومين ودي حاجة غريبة عني لأني ملول مش من اللي بيقعد يقرأ كتير
لكن أسلوب نورهان أبو بكر في الكتابة كالعادة سلس وسهل فهمه وبيشدك على طول عايز تعرف ايه اللي هايحصل الصفحة الجاية لحد ما خلصتها في يومين
بجد بجد الرواية فظيعة وحلوة أوووي

[Safinaz Sadek · Rating 5 out of 5]

ماذا تكون الحياة غير " ما فقد" و " ما وجد" و " ما سيبقى"… جملة كانت علي بالي اثناء قراءة رواية بقاء.. اقتبستها من الاجزاء الثلاثة داخلها.
الجميل في هذه ا��رواية انها لا تفصح بكل أسرارها الا في الصفحات الأخيرة مما جعلني في شوق لمعرفة المزيد مع كل صفحة .
وشخصياتها حقيقية نجدهم حولنا في الحياة .
برغم ما فقدته نالا و فريدة بإنفصال ابيهم وامهم الا انهم وجدوا في الذين حولهم العائلة التي فقدوها .. " من قال إن العيلة لازم يكون ما بينهم صلة قرابة ولا دم بس..الصاحب..ممكن يكون احسن من ألف أهل"
شكرا ً علي هذه المتعة بين الصفحات وفي انتظار الجديد دائما

[منه عيسي · Rating 3 out of 5]

"غريبة هي الاشياء التي دوما نحتفظ بيها علي حالها حتي وان كانت قديمة ونأبي التغير البسيط فيها.. وما ان تتغير نشعر بالندم علي كل هذا الوقت الضائع اعتقادا منا انها كانت اجمل"
بتناقش الروايه حكايه بنت اسمها نالا مرت بصعوبات كتير مابين نظرت وظلم المجتمع ليها وحكمه القاسي بدون اي وجه حق عليها وليه ديما بنحط الغلط واللوم علي الابناء وبنسني دور الاباء في حياتهم واد ايه بياثرو عليهم نفسيا
*الابناء ليهم حق علي الابناء في توفير اساسيات في حاجات كتير ليهم *مش شرط تكون العيله ناس من لحمك ودمك ممكن يكون شخص وفي ليك وصاحب مخلص
*الي مش حبيته في الروايه حسيت في عدم تنسيق في السرد ♥️

[Hanaa Abdou · Rating 3 out of 5]

الهدف اللى عايزة توصله الكاتبة واضح جدا وبتاكد عليه دائما بالتصريح أو بالمعالجة، ودى الطف حاجة فبها، الأحداث يمكن اختصارها جدا جدا يعنى لو لغيت من بعد ال ٩٠ صفحة الاولى ٩٠ صفحة وكملت عادى مش هتحس أن فيه اى حاجة ناقصة وان الرواية ماشية طبيعية جدا، الفلاش بالك المستخدم في الاحداث كام في بعض الأحيان يحتاج تمهيد او اى إشارة له حتى لا يحدث تشتت للقارىء. لغة الرواية غير موحدة فمرة تستمتع بكتابة الفصحى اللطيفة وتارة تخرج للعامية مضافة لها بعض كلمات إنجليزية.

[Rana Raouf | رانا رؤف · Rating 4 out of 5]

أول تجربة قراءة لنورهان أبو بكر وإن شاء الله مش الأخيرة
مميزات الرواية:
١- الرواية مُبشرة لكاتبة روائية عندها نظرة سينمائية متميزة
٢- قدرت تعبر بشكل حلو عن مشاعر أبطالها
٣- حققت توازن كبير بين كل الخطوط الدرامية للرواية وقدرت تنتقل بين الماضي والحاضر في السرد بشكل مرئي وحلو
٤- الرواية بشكل عام كانت كويسة جداً
عيوب الرواية:
١- التطويل في الثلث التاني من الرواية
٢- ضعف دوافع بعض الشخصيات الرئيسية (الأب والأم)
٣- بعض المشاهد كان مبالغ فيها وبعض الحبكات غير منطقية

[Alaa Elbanna · Rating 3 out of 5]

فيها بعض من الملل اللي لاحظته كان ناقصها شوية أحداث قوية وناس تدخل حياة نالا مثلًا تغير فيها حاجة بشكل ملحوظ غير اللي موجود،والنهاية كانت مفتوحة لحدٍ ما يمكن ليها جزء تاني معرفش، ولكن الأحداث اللي فيها حلوة جدًا ولمستني جدًا بردو.
حبيتها بشكل عام ولكن كان ناقص حَبة تشويق كدا عشان كدا خلصتها في اسبوع مع إني لو حاجة شاداني اوي بخلصها في نفس اليوم أو يومين حسب حجمها بردو.
ولكن رواية موفقة جدًا 💙

[Mohamed Badr · Rating 4 out of 5]

ابداع ولا اروع من. كاتبه المستقيل نورهان ابو بكر. روايه تعبر عن واقع بنعيشه كل يوم.
عن المعنى الغير تقليدى للعيله اللى تتمثل فى الصحاب اللى بيكونا فى بعض الاوقات هو الامان والاطئنان لينا
الروايه. اسلويها بسيط وسهل وبعيده كل البعد عن الملل.
بجد شابوه. نورهان ابو بكر

[Dina EL-Nady · Rating 5 out of 5]

الرواية تحفة يا نورهان واسلوبك في تعبيراتك حلو جدا واحلى بكتير من اللي تخيلته بما انها اول رواية ليكي
كمان فيه كمية مشاعر وأحاسيس حقيقية ومؤثرة والاحلي انك بتوصفي المشاعر بطريقة الواحد عايز يقولها و مش بيعرف يعبر عنها
إن شاء الله متوقعالك مستقبل مشرق بجد ❤️

[Roba Mostafa · Rating 2 out of 5]

من ساعة ما بدأت الرواية و انا حاسه أنها حقيقة مش مجرد كلام، ده كلام حد بيعبر بيه عن نفسه مش كلام ألفه، مست حاجات كتير حصلت و بتحصل حواليا، السرد كويس بس نص الرواية كان ممل بيطلع يطلع و ينزل علي مفيش.. آخر فصل هو اجملهم عشان وصف معني العيلة الصح و اللي نفسي أقوله.

[Teres M · Rating 5 out of 5]

لم اقرأ رواية مصرية بهذا الجمال من قبل، عن التفاصيل واللغة والاسلوب والقضيه حقا انبهرت، من المستحيل ان تكون هذه هي الوليده الاولي لنورهان ابو بكر حقا ابدعتي وفي انتظار المزيد من الاعمال علي احر من الجمر.

[Ràdwa · Rating 4 out of 5]

■ الروايه كانت عظمه الحقيقه أسلوب الكاتبه عجبنى وكان مميز وكنت متعلقه بيها اوى
■ العيب ان الروايه كان فيها بعض الالفاظ السيئه إلى مينفعش انها تتقال وكمان كان فيه بعض الاخطاء الإملائيه البسيطه بس ده مايمنعش أن الروايه قمر♥️

[Yara Elkashoury · Rating 5 out of 5]

كنت مستمتعة جدا وانا بقرأ كل حرف فيه، الرواية جميلة جداً وأول مرة أحس أن في كاتب حاسس الكلام اللي هو كاتبه، وأن كل حرف نورهان كتبته كنت بشعر وكأنها بتكتب بقلبها مش مجرد رواية، بيعبر عن مشاكل عائلية كتير مننا بيمر بيها، وبجد تستحق كل التعظيم الرواية دي❤️

[Reem Wagih · Rating 5 out of 5]

رواية حقيقي ممتعة جدا حبتها جدا و مكنتش عيزها تخلص 😍😍😍

[Maryam Reda · Rating 5 out of 5]

روايه حلوه جدا ♥️

[Tarek Eltrabily]

الروايا حلوه جدا جدا شابو ليكي يا نورهان بجد ويا رب من نجاح الي نجاح

[Hadeeя Iнab · Rating 3 out of 5]

مُتعبة نفسياً ..

[Aya Abaza · Rating 5 out of 5]

I loved every bit of it♥️ Finished it in a couple of days as you fall in love with the characters and always wonder what will happen to them next.

[Menna · Rating 5 out of 5]

ابدعتي يا نورهان ما شاء الله والله احلى روايه اقرأها السنه دي لمستني وخلتينا اعيش معاكي كل تفصيله في الحكاية. برافو يا حببتي ودومتي دائما قوية انتي وناريمان 🥰

[Shahd Mustafa · Rating 4 out of 5]

رواية جميلة

[Alaa Magdy · Rating 5 out of 5]

عظييم

[Reem Hassan · Rating 5 out of 5]

الرواية عجبتني جدا وشدتني احداثها لدرجة اني كنت بحلم بيها بالليل
وبحد بشكرك ان روايتك كانت السبب في اني اكسر ال Reading Block اللي حلي من اربع سنين
ورجعت اقرأ تاني

[Abdallah Alaa · Rating 3 out of 5]

رواية حلوة الصراحة ، وحبيبت البطلة جدَا

[Heba Hathout · Rating 4 out of 5]

أحببت جدا تفاصيل الجزء عندما ذهبت نالا لبيت جدتها..التفاصيل ذكرتني بجدتي رحمها الله و ذكرياتي في بيتها.