بطلة كل حكاياتي

by محمد المشد

أيُعقل ؟ .. أن يمرض الإنسان بشئ يبدل المعاني بعقله فجأة
فيُحب ما يكره ويكره مايحب بقدر ما أحبه؟
إن هذا ماحدث لبطلة هذه القصة الواقعية, فكرهت خطيبها
بقدر ما أحبته, وحاولت الهروب بقدر ما كانت تمهد بناء عش الزوجية
ولكن حبيبها قرر أن يحارب إصابتها ربما تعود علاقتهما سليمة, معلنًا
رغم الألم .. رغم الخوف .. رغم النسيان "
" ورغمًا عن أنفِ الحياة بأكملها سأحبُكِ

يقف بطل هذه الرواية أمام فاصل درامي لا مثيل له
عندما يقف الخوف والنسيان أمام قصة حبه الوحيدة
,عندما تخشاه حبيبته بعدما كان ملاذها الآمن
,عندما تهجره بعدما كان مسكنها الوحيد
وعندما تضعه الحياة بين خيارين لا ثالث لهما،
ولا وسط بينهما إما الأمل وإما فقدانه
فهل تستمع إلى قلبك أم تفر بما تبقى منه؟
هل تشاهد العرض كاملًا أم ترفع الراية سريعًا؟
وهل كل دوامات الحب هكذا مصيرية
أم هناك من ينتشلك من الغرق؟
هل يتخلى القلب عن المشاعر حين يتناسى العقل الذكريات؟

Genres: Fiction, Romance

159 pages, Paperback

First published January 22, 2020

About the author

محمد المشد
مؤلف ومقدم برامج تليفزيونية
تخرج في كلية الآداب قسم صحافة
حصل على المركز الأول في كتابة القصة القصيرة
من جامعة عين شمس عام 2012
كتب وقدم برامج الأطفال مثل ( عيد - بيحبنا وبنحبه - حبات اللؤلؤ )ا
كتب حلقات الأطفال لبرنامج الإعلامي / شريف مدكور
كما أعد وقدم البرنامج الوثائقي " بلاد الكنانة "2017

:رواياته

عَرَفتُ الله بِحُبِك 2017
أحبَبْتُ لاجِئة 2018
بطلة كل حكاياتي 2020
غير قابل للكتمان 2022
جريمة عاطفية 2024
الأرض التي ملكت قلبي 2025
آخر عروس للنيل 2026

Reviews

[Rahma Mustafa · Rating 5 out of 5]

بصراحة مخلصه الرواية من ساعة فـ مش قادرة استني للصبح 😅
حلوة جداً بكل تفصيلة فيها كل كلمة لمست قلبي وكأني عايشاها و الكلام حقيقي حلو جداً
شكراً ع الرحلة اللطيفة دي اللي خلصت بسرعة لاني مقدرتش اسيبها 💙🤍
برشحها لأي حد حابب يقرأ حاجة لطيفة و تلمسه و الأسلوب بسيط جدا .. 💙

[Marina Emad · Rating 5 out of 5]

" اي شي يأتي سيرحل ذات يوم"
"ما أصعب ان تجد نفسك شرآ لمن تحب"
"لا يريد أن يعثر عليه احد وهو لم يعثر علي نفسه"

[Ahmed Taha · Rating 1 out of 5]

مش عارف ابدأ منين انا قريت قبل كدا احببت لاجئه وكانت حلوه جدا حصل ايه فجأة معرفش روايه تافهه بمعني الكلمه متطلعش من الكاتب بتاع الروايه الاولي روايه سيئه جدا ملهاش لازم نهائي

[Radwa Sobhy · Rating 5 out of 5]

طبعا انا قريت احببت لاجئة وكانت الاقرب الى قلبي .بس كنت مستنيا الروايه الجديدة وفعلا فجاتنى ودخلت قلبي من اول نقطة بجد روايه رائعة جدا جدا فيها كمية حب و تضحية واخلاص ووفاء رهيبة غير انى دمعت وعيطت في جزء فظيع لما كان بيحكى لحبيبته عن حبهم وايامهم مع بعض .....وفيها معانى حب كتير اوى بجد احب اشكرك انك متعتنى بالقراءه بجد اتمتعت جدا .......انه مانيكير بلون الحب ...............

[Salma Elsyed · Rating 1 out of 5]

بجد اول مره اوقف قراءة روايه بجد مستحملتش انا مقصدش هو جايز ده فعلا مش ذوقي بس لا دي مش رومانسيه ده تلزيق انا ده الي شوفته
الحب والرومانسيه ارقي من كده بكتير من وجهة نظري دي لا تمت ليه بأي صلة
انا ادايقت كان في مواقف المفروض ابكي فيها مبكتش كنت بقرأ وانا مدايقه كان المفروض مثلا اتأثر بمعاني الوفاء بس انا شوفت مجرد مواقف بلا معني

ماشي الاسلوب في الكتابه سلس ولطيف سهل حلو لرواية رومانسيه بس فين بقي المضمون مش معني اني اكتب رومانسي احشي كلام ملزق مع مواقف تافهة في قصة مبتذلة ويلا اتفضلو لا ليه الرومانسيه مقترنه بالحجات دي اصلا

حاجه كمان فين الواقعية في الروايه
انا حاولت امسح التعليق كذا مره عشان اكتب ريڤيو مظبوط بس برضو كتبت الي في قلبي مفيش فايده🥲

[Esraa Abosena · Rating 5 out of 5]

طبعا قرأت أحببت لاجئه للكاتب العظيم محمد المشد وكانت روايه روعه جدا وكنت أي حد يسألني أقرأ روايات ايه كانت أول حاجه بقولها أحببت لاجئه ولما عرفت إن في روايه جديده للكاتب (بطله كل حكاياتي) فرحت جدا ونزلت المعرض عشان الروايه دي بجد الروايه خدتني لمكان تاني خالص فيها كميه صدق وحنان وحب كبيير جدا وبتثبت أن اللي بيحب فعلا يقدر يعمل أي حاجه مهما كلفه الثمن أياً كان واللي بيحب فعلا هو اللي بيضحي عشان اللي بيحبه بكل حاجه الأسلوب كان سلس وممتع ومشوق جدا يعني لما تيجي تبدأ فيها مش هتقدر تسيبها هتخلصها دلوقتي يعني هتخلصها الأحداث اللي فيها بتجبرك تكملها بجد شكرا الكاتب محمد المشد علي الروايه القمر دي الروايه بقت روايتي المفضله ومستنيه حاجات جديده كتيير تبقي حلوه زي(بطله كل حكاياتي)
دمت مبدعا ورواياتك روعه دائما⁦

[Ahmed Abdul Ghani · Rating 5 out of 5]

" سأبقى معك .. مهما كلفني السبب " كان الوعد من رجل .. فكان الاخلاص سيد الموقف

رواية عن الحب .. التضحية .. الوعود .. الاخلاص .. عن كل ما هو جميل ورائع .. فكانت رواية غاية في الجمال

قليل من الكتاب إستطاع إجباري على إتمام كتابتهم في وقت قصير .. لكن يبقى محمد المشد .. في المركز الأول .. فروايته دائما ما تأسرني داخلها .. والتى دائما ما تنتهي بسرعة

وكما عودنا لا تخلوا روايته من كل شيء .. فبرغم أنها رواية رومانسية .. إلا أنه تكلم عن وظيفة خدمة العملاء وعن الشركات العملاقة وكيفية إستغلال العملاء بعروض وهمية داخل مؤثرات جذابة .. يسيل لها لعاب العميل

في النهاية وكما أقول كل مرة اقرأ فيها شيء جديد لك " شكراً لذلك الـ Comment الذي عرفني عليك وشكراً على صداقتك الجميلة " دومت بخير .. وبإنتظار القادم الذي أثق أنه سيكون أفضل بأذن الله

[Khaled Mohamed · Rating 2 out of 5]

Unpopular opinion
للاسف من اقل الروايات الرومانسية الصراحة
الفكرة متاخده نصاً من فيلم the vow
بس شتان الفارق
والتاتش المصري جه يكحلها عماها اوي اويييي
المشكلة كمان اني شفت الفيلم كذا مرة من حلاوته والرواية اما اتكلمو عليها فمعرض الكتاب قلت متاخده من الفيلم بس لفت نظري انها قصة حقيقية قلت اجرب وياريتني ماجربت
اظن الكاتب كان يقصد حياة الكول سنتر هي اللي قصة حقيقية انما الرومانسية اللي بين بطلين الرواية حاجة تجزع من كتر التلزيق والغزل الملزق اوي
اسف لو كلامي صادم بس دي وجهة نظري

[Batoul · Rating 5 out of 5]

بطلة كل حكاياتي
لقد كانت من اقتراحات صديقتي وكانت اقتراح رائع

لقد قرأت الرواية خلال يومين كانت رواية رائعة
حرفياً مؤثرة وتبكي بعض الأحداث

كانت فكرة أنه شخص ينسى كلشي قد عاشهُ مع شخص
معين جدا صعبة ومؤثرة

كيف يمكن لمحمد أن يحبها لهذه الدرجة !!
كيف يمكن أن يتخيل حبيبته التي وافتها حادثة
جعلتها تنساه وتتذكر كل الأيام التي قضتها معه
ولكن مع رجل آخر الذي قد كسرها وخانها !!

ويكون صابراً لهذا الحد ويكون بجانبها رغم انها
لم تتذكره غير إنه صديقها فقط !!

▪︎ما أروع أن لا يتخلى الإنسان عن الشخص الذي يحبه
أن يفعل شيء قد يدمره ويكلفه الثمن

▪︎طريقة الكتابة كانت رائعة إنها بالفصحة وسلسة
مافيها صعوبة يوجد قليل من اللغة العامية ولكن عادي

▪︎للصراحة كنت متوقعة أن تعود ذاكرة لها لكن
أبهرتني لانه عكس ماتوقعت

"النسيان الذي الجميع يكرهوا لقد أفادهم
واعتذر لهم في النهاية"

[Nourhan Mohamed]

هو حقيقي فعلا من أفضل الكُتب اللي قريت ليهم فعلا سوء أحببت لاجئة أو بطلة كل حكاياتي روايات أن تدخل القلب وبسيطه وتتمني انك تعيشها حقيقي من أجمل الروايات🧡

[Basma Moustafa · Rating 5 out of 5]

خلصت الرواية فى يوم واحد او اقل كمان خلصتها ف كام ساعه متقطعه بجد تُحفه اوي فعلا⁦
واقعيه اوي و مفيهاش كلام يخلي القارئ يمل بالعكس مشوقه جدا و ده اللي خلاني اخلصها بسرعه و احلى حاجه انها كانت بتخليني اتخيل الاحداث اللي هتحصل بعد كده و اتخيل و اعيش مع جو الروايه فعلا⁦
و بتوصف الواقع من حيث عمل الكول السنتر و بين أن مراحل تعود الإنسان ع الحاجه اللي بتضايقه انها مع الوقت بتبقى عاديه بعد كده
هرجع اقراها تاني كل فتره⁦❤️⁩

[Roba Mazroua · Rating 1 out of 5]

ليس هناك اي ادنى مقارنة بينها وبين احببت لاجئة . الرواية خذلتني، نهاية كرتونية انتهت من افلام السبعينيات. وقصة في خد ذاتها تم تتداولها في اكثر من فيلم. لقد قفزت من صفحات لاجدني مازلت اقف في نفس المشهد مع سراج ضد محمد . حتى قرأت اخر مشهد لاجد انني لم اقفد اي شئ في النصف. رواية اقل ما يقال عنها انها CLICHE

[Hafsa Mounir حفصة منير · Rating 1 out of 5]

كيف أصف هذه الرواية خليط عجيب من كل ما يحدث في المسلسلات التركية عن مثلث حب ورشة من فقدان الذاكرة و الكثير من الدراما
لااحداث جيدة لا لغة جيدة لا بناء جيد للشخصيات من أسوء ما قرأت هذه السنة لحد الان
لا اعلم كيف انها مستوحاة من قصة حقيقية

[pəˈteɪtəʊ · Rating 1 out of 5]

ايه ده!

[Eman Refaat · Rating 1 out of 5]

مش متخيلة ان كاتب احببت لاجئة هو نفس كاتب الرواية ده
رومانسية مفتعلة، ويحكي الراوي دخيلة وقصة غير مبتكرة على الاطلاق
وتفاصيل مزقوقة على القصة، يتكتب عليها لسن حتى ١٢ سنة...

[Menna Hamdy · Rating 5 out of 5]

"سأبقى معك .. مهما كلفني الثمن"
تلخصت قصة الحب العظيمة في تلك العبارة الموشومة على يدي أبطال الحكاية ، تحمل ورائها الكثير من المعاني العظيمة من الشهامة والتضحية لأجل استمرار تلك العلاقة العظيمة ..
تُعد أول الأعمال التي أقرأها للكاتب والذي فاجئني من أول السطور بروعة ما تُشير إليه تلك القصة ، تُسرد باللغة العربية الفصحى وكذلك الحوار ..
أعجبني ترتيب الأحداث والذي يُضيف الحبكة المميزة للقارئ ..
كما ان اكثر ما أعجبني الحديث عن صفة الشهامة والرجولة التي تمثلت في بطل القصة وصبره على الإبتلاء وعدم فقد الأمل .. وكانت في النهاية بلوغ لمُراد عانى كُل منهما لأجله ..
" لقد كان النسيان سبب رحيلك ، وأيضًا كان سبب عثوري عليك "

رواية جميلة بما تحمله من كل صفات الحب العظيمة ، أرشح بقرائتها🥰⁦❤️⁩

[Omnia Osama · Rating 5 out of 5]

الحقيقة مش عارفه ابدأ منين.. هي رواية مليانه تفاصيل.. ببعيشك معاه في الجو وبيحسسك انك جزء من الاحداث بيحسسك بنفس المشاعر خصوصا لما بيكتب مقاطع للست ام كلثوم انا الحقيقه اي مقطع مكتوب كنت بشغله وانا بقرأ عشان اعيش في المود.. رواية عظيمة جدا جدا كمية حب ومشاعر ترجعك للزمن الجميل.. دقة اختيار الكلمات في وصف المشاعر عظيمة.. حاجة كدة ماتطلعش غير من محمد المشد♥️.. مبسوطة جدا جدا اني بقيت من الفانز بتوعه ومبسوطة جدا جدا انه بقا احد كتابي المفضلين.. واكتر حاجة فرحتني انها رواية جميله ناجحة بدون اي تجاوزات او ايحاءات مش لطيفه زي ما كتير من الكتاب دلوقتي بيعملوا عشا يبيعوا.. لا دي رواية نضيفه ومناسبه لكل الاعمار.. والحقيقة اني ارشحها لأي حد وخصوصا لو كان مبتدئ وعايز يحب القراءه.. وارجوك يا محمد استمر كدة بكتابات نضيفه عشان تمتع الفانز اللي بيحبوك..اتمنالك كل اللي التوفيق في اللي جاي.. ومستنية منك كل جديد ❤️💓

[صمت الفراشات · Rating 5 out of 5]

رواية

بطلة كل حكاياتى

للكاتب #محمد_المشد

يختبي الألم في أحضان الليل
ولا زل النسيان طفل يحبو بين
اطراف النهار..
هناك قلم يشتبك حروفه على سطور الصفحات
لتروي حكاية بطلتها انتى
يا عزيزتى...

#بطلة_لكل_حكاياتى

إذا أحب الله عبداً جعلك تحبه..
في تلك الرواية رح تتعلم اشياء كثيراً منها
الصبر ..
تتعلم كيف تكون الضحية بدون مقابل
رح تتعلم القسوة الذيذة بالحب
رح تتغلب على الالم مقابل نظرة من الحبيب ..
آه الحب ثم الحب ثم انت ...
هكذا علمنا كاتب الرواية
إن الحب كفاح مش لهدف الوصول لأغراض معينه لكن ليعيش الحب بين ارواحنا...
بعض الناس لما تقرأ رح تحس انهم مسافرين الى كوكب العشق كنوع من الخيال..
لكن هى مش حكاية ده واقع وليس حدوتة في زمن انتهي فيها الحب
ده موجود في زمانه هذا بس لما نكونوا صادقين ..
مع ناس تستحق قلوبنا..

سرد الرواية جميل
اللغة عامية لذيذة
الاحداث مترتبه بصمت رهيب..
اتمنى لك التوفيق في كل حياتك
وفي انتظار روايتك الجديدة
مش راضيت احرق الراوية
علشان الناس تتشوق للقراءة اكتر

[Enas Mohamed · Rating 3 out of 5]

هي حلوه ولايت بس مفيش حد رومانسي كده ولا ممكن يعمل كل ده علشان خاطر حبيته 😂😂😂😂

[Aliaa Elmaghraby · Rating 5 out of 5]

الرواية جميلة جدااااا بجد أولا بتعيشك معاها كل تفصيلة ثانيا بتنسيك أي حاجة وبتكون حاسس نفسك جوه الرواية أصلا بجد إبداااع ماشاء الله 💛
أنصح أي حد مبتدأ في القراءة بيها 🌻

[Omnia Tarek]

انا اول مرة اقرأ أعمالك وكانت بطلة كل حكاياتي اول حاجة اقراءها بس فعلا لساني يعجز عن الكلام لأنها ف غاية الروعة والجمال بجد وبدون مجاملة وقررت اجيب أحببت لاجئة وتشوقت اكتر اني اقرأ ليك اسلوبك مشوق وجذاب وتعبيراتك ممتازة وفخورة اني قرأت لكاتب موهوب زيك بجد ربنا يوفقك ومن نجاح لنجاح يا رب❤️

[Ahmed Hussein · Rating 5 out of 5]

- بص هو مبدأيا كدا انا بتمني افقد الذاكرة زي " انچي " بطلة القصة علشان اقدر ارجع اقرأ الرواية العظيمة دي من الأول تاني ، انا كدا كدا هقرأها مرة تانية وتالتة وعاشرة لكن اكيد مش هيكون بنفس احساس اول مرة ، وزعلت جدا اني خلصتها في قاعدة واحدة لأني كنت بتمني اعيش اللحظات الجميلة اللي عشتها معاها علي كذا يوم لكن الصراحة مقدرتش مخلصهاش ..
- لحظات فرح وحزن وامل ويأس ومشاعر كتير حسيتها ، وعمري ما شوفت تضحية زي اللي شوفتها مع " محمد " بطل القصة وفي نفس الوقت المعاناة اللي عاشها فكرتني بحاجات تخصني فا ده خلاني احس بيه اكتر واقدر اللي كان بيمر بيه علي مدار القصة ، حبيت جدا الرسايل اللي كان بيكتبها مع نفسه ومن شدة تعلقي بيها قرأتها اكتر من مرة ورا بعض ..
- كنت دايما بقول ان الحب ضعف لكن لما شوفت حب محمد لأنچي عرفت قد ايه ان الحب ممكن يكون قوة كبيرة لو لاقينا حد يحبنا ويضحي علشانا بالشكل ده ..
- وانا دايما كنت بحب يبقي في اي رواية بقرأها بعض الجمل باللهجة العامية لكن شرحك باللغة العربية وسردك ليها خلي المعاني اوضح واجمل وكمان حفرها في ذاكرتي ، وفكرة انك تشرح معاناة مواظفين خدمة العملاء فعلا دي حاجة عظيمة وخلاني انا كعميل بيتعامل معاهم كتير اني اشفق عليهم واحس بيهم ولازم اقدرهم اكتر من كدا ..
- انا عندي كلام كتير نفسي اقوله لكن مش حابب اطول عليك اكتر من كدا لكن بجد شكرا علي الرواية العظيمة دي وعلي الوقت الجميل والممتع اللي عيشته معاها ، فعلا تستاهل كل الوقت اللي اتكتبت فيه وفعلا انت تعبت جدا علشان تقدملنا حاجة بالشكل ده تليق بيك وبأذن الله ربنا هيكافئك وهتكسر الدنيا ..
- وعارف انك في فترة راحة دلوقتي من الكتابة بس مينفعش تتأخر علينا تاني لازم دايما نشوف رواياتك وكلامك اللي بيدخل القلب ده علطول وانا اسف لو كنت طولت عليك ❤

[Höbäti Höbä · Rating 5 out of 5]

بصراحه مش عارفه ابدا منين هى روايه مليانه تفاصيل كتيرة واول ما بدات فيها معرفتش اسيبها غير لما اخلصها لانها واقعيه اوى ومفيهاش اى كلام يخلى القارئ يمل بسرعه ..
الروايه اخدتنى كإنى جزء من الاحداث وحسيت بكل المشاعر اللى موجودة فيها لان فيها كميه حب وتضحيه ووفاء صعب تلاقيه دلوقتى ..
حبيت اوى جمله " سأبقى معك مهما كلفنى الثمن "
وجمله " إن لحبك سحر يفوق السينما وواقعى معك تخطى الخيال الحلو "
وجمله " مانيكير بلون الحب "
جمل بسيطه بس من وراها معانى كبيرة اووووى
احب اشكرك انك متعتنى بالقراءة واشكرك على الروايه الحلوة دى♥️ .. دى خلاص بقت من رواياتى المفضله
واتمنالك التوفيق فى اللى جاى يا أروع كاتب 😍😍😍

[Sama · Rating 3 out of 5]

اشتريتها هديه لصديقتي قبل عيد ميلادها بعده ايام قرأت اول صفحتين ولم استطيع التحمل اردت انا اعرف المزيد والمزيد قصه حب رائع ما اروع ان لا يتخلي الحبيب عن حبيبته ان يفعل شي قد يدمره نفسيا لاكن ذلك سوف يساعدها ما هذه المساعدة الجميلة احببت كثيراااا الوشم واحببت طريقه السرد و الفلسفه القليلة وضحكت مع خدمة العملاء كيف تعرف انه حب حقيقي اقول لك انا ،توقعت منذ البداية ان الذاكره سوف تعود لها لكنها لم تعود بل احببته مره اخري وهذا يدل ان في اي حقبه زمنيه سوف تحبه ثانيه واحببت ايضا ان النسيان الذي اكره ويكره الجميع افادهم واعتذر لهم في النهايه احببتها ❤️

[Mai El Sebaay · Rating 5 out of 5]

الرواية عجبتني فعلأ..محمد أسلوبه مميز ويخليك تتعاطف مع الأبطال بطريقة مش طبيعية..عجبني كمان وصفه لحالة موظفين الكول سنتر وحسيت وقتها إني حد متواجد معاهم في الفلور من كتر ماهو عرف يوصل الإحساس ده للقاريء
بجد رواية تستخق القرائة🌸

[Hana Abdelmonem · Rating 4 out of 5]

محمد الم��د: صدر له: عرفت الله بحبك، أحببت لاجئة، بطلة كل حكاياتي.

تاريخ الإصدار:يناير 2020
دار النشر:دون
عدد الصفحات:160
اللغة: السرد والحوار بالعربية الفصحى.

تقييمي للغلاف:⭐️⭐️ By :Abderahman Esam
تقييمي للرواية:⭐️⭐️⭐️⭐️⭐️

رواية عظيمة فعلا ،حبيتها واستمتعت بيها جدا.

[Hager · Rating 1 out of 5]

ضعيف جدا وسيس.. واضح ان الكاتب اتفرج على فيلم The Vow وبعدين قال اكتب الرواية، سرقة واضحة لفكرة الفيلم وشوية افكار رومانسية ملزقة زيادة عن اللزوم..

[Heba Hathout · Rating 2 out of 5]

قصة مكررة..لا توجد حبكة..رواية عادية! لم تضايقني قراءتها و لكن لم أستمتع بها حتى طريقة التعبير عن المشاعر مفرطة حد عدم الواقعية.

[Manar · Rating 4 out of 5]

الحمدلله خلصت قراية رواية بطلة كل حكاياتي بدأت فيها امبارح و لسه مخلصاها حالاً⁦❤️⁩ .. مبدأياً اول ما لقيت كلمة مستوحاة من أحداث حقيقية علي الغلاف و بعدين لقيت في اول سطر أسم محمد ظهرت في دماغي علامات استفهام كتير و بدأت اعتبر الرواية لغز و انا هفكه و بعدين لما كلمت شوية و لقيت بتتكلم علي " فلتة " قولت بس هو أكيد محمد المشد استوحي القصة دي من حياته و بعدين بدأت بقي اعمل دايرة علي قصة حبه بأنجي و الحادثة
لما قالتله في البداية قبل الحادثة :
- عاهدني ألا تنسي ماحدث ، و أن تتحملني حين أفقد سيطرتي علي لساني و يتبدل حالي و يمتلكني الخوف من فشل العلاقات .. عاهدني أن تراني كما أن الأن و أن تتأكد أنني حين أثور عليك أكون في أضعف حالاتي .
و بين بعد الحادثة لما الدكتور قال ان "الحل أن تشجعوها و تعطوها الثقة في نفسها و ذاكرتها"
و اعتبرت إن في احتمالين إن يكون الحادثة دي حصلت فعلاً و انا استبعد الأستنتاج ده و احتمال تاني و ده اللي ارجحه انك تقصد حادثة معنوية بسبب صدمة فراق او أختلاف نتج عنه الفرق ده فبالتالي كان لازم ترجع الثقة و ع الأساس ده بدأت تبني بقية الأحداث .. و حسيت إن بين أحببت لاجئة و بطلة كل حكاياتي تدرج بسيط بحيث أنك استخدمت أسم فيروز في أحببت لاجئة اللي يخلي في إيحاء للمغنية فيروز اللي مرتبطة بالصبح و الأمل .. و كان حب نوح حب فيه عنفوان و اندفاع .. لكن في بطلة كل حكاياتي كانت أم كلثوم هي الراعي ليها و اللي هي مرتبطة بالليل و السهر و السهد اللي ماشية مع أحداث الرواية ولايقة عليها جداً
- تاني جزئية بقي حسيت إنها كان فيها علامة أستفهام شخصية سراج كنت مستنية مثلاً هتبدء الأحداث معاه من الأحدث للأقدم و تتكلم في جزئية عن ازاي اتصنعت الشخصية الشريرة دي لأني بطبيعتي مؤمنة إن مفيش إنسان شرير منه لنفسه لكن في أسباب بتخليه يبقي كده
- يوم ٤ مارس ٢٠١٩ و حدث بتاع صاحب محمد اللي خلاه ياخد الجاكت بتاعه أنا و اثقة ان ده حصل بالفعل فحبيت مثلا تعبرله بالأمتنان لأن في الواقع انا فاكرة اليوم ده جدا انه كان في الواقع مطرة
الفصل التاسع و الكلام عن فلسفة رفض النفس البشرية إنها تقبل الخطأ بتاعها استمتعت بيها جداً .. اما بقي الفصل رقم ١١ فده دنيا تانية بس الصراحة حسيته مش للقراء لكن لبطلة الحكاية الحقيقية اللي هي في الحقيقة مين بقي دي السر المجهول
- أكتر الأقتباسات اللي عجبتني :
- نُفِّيت و استوطن الأغراب في وطني !
-- كانت المبرراتُ هشة و كان الوجع دسماً.
- كان اللّه في عون السرير حين يتشبع بدموعنا في صمت و يسمع الأنين المكتوب أسفل الوسادة .
: - لن تشعر بما أشعر به مهما كان قربك مني ، و مهما ساندتني ، لا أحد ينام ينام بين ضلوع المرء سوي نفسه .
- إنهم لا يستوعبون هشاشتي أمام كل تفصيلة لا أجد لها في عقلي تفسيراً .

_ اخيراً شايفة أن الرواية ينطبق عليها جداً مقولة دعاء عبد الرحمن " الكتابة هي أن تدفن سرك علي مرأي و مسمع من الجميع " لأنك مش بس هتستمع بالرواية لمجرد الرواية لا ممكن تصدر أحكام ع الكاتب نفسه و تقارن بين شخصيته الحقيقية و شخصيات الرواية و هيحتلك فضول أنك تدخل حياته الشخصية عشان تحل اللغز ممكن تقول ده شخصية مش سعيدة حالياً عكس رواية احببت لاجئة زي ما حصل معايا😂💔 بس حرفياً هتستمتع جدا بيها ⁦❤️⁩

[Marise · Rating 4 out of 5]

«سأبقى معك مهما كلفني الثمن»💚

• اسم الرواية: بَطلة كُلّ حِكاياتي
• اسم الكاتب: محمد المشد
• دار النشر: دار دوِّن للنشر والتوزيع
• عدد الصفحات: ١٥٩
• النوع: رومانسية

• نبذة عن الرواية:
- كان "محمد"و"إنجي" يعيشان حياة دافئة مليئة بالحب والأحلام منتظرين أن يُكلل حبهم بالزواج، وفي يومْ تسقط "إنجي" من على السلم مُغشيًا عليها ثم تستيقظ فاقدة لذاكرتها ليست مُتذَكِرة غير خطيبها القديم "سراج" بل والأسوأ أن ذاكرتها بدلت كل مواقفها مع "محمد" ب"سراج" أيضًا، وتتذكر "محمد" كصديق لها فقط!
- "إنجي" الفتاة المُعقدة من الرجال بسبب صدمتها من خطيبها الأول "سراج" الذي سافر قبل زواجهم بأسبوع وتزوج غيرها، مُسببًا لها عقدة من الرجال والزواج.. كيف تنسى كل ذلك وتستيقظ مُتذكرة حبهم وخطبتهم فقط!
- و"محمد" الصديق الذي طالما أحبها في السر وظل بجانبها حتى تعافت من عُقدتها إلي أن أصبح الحبيب الوفي الذي يبذل كل ما في وسعه ليتزوج حبيبته، يجد نفسه بين أمرين إما أن يترك حبيبته ويضحي من أجل سعادتها أو يحارب كل شئ لتعود له.
- في رواية أبطالها الأسرار، الذاكرة، والوفاء،،
هل ستتذكر "إنجي""محمد" وتعود له؟
هل سيتخلى "محمد" عن حبه؟
أم هل للقدر رأيًا آخر يُغيّر مجرى الأحداث؟

• اللغة: السرد والحوار باللغة العربية الفصحى وكذلك عنصر الراوي

• رأيي في الرواية:
- في البداية أنا قرأت الرواية مرتين، لذا المراجعة ستكون خليط بين قلب وشخصية الفتاة التي قرأتها لأول مرة وهي في عمر العشرين، وعقل الفتاة التي اعادت قراءتُها وهي في الرابعة والعشرين من عمرها 💚💚
- لطالما تمنينا جميعًا أن نفقد الذاكرة أو ننسى أشخاص وأشياء بعينها، ولكن الرواية أظهرت الجانب الحقيقي من هذه الحالة؛ أن تستيقظ يوماً لستَ متذكرًا من حولك، أن ترى لك صور مع آخرين ولا يُدرك عقلك متى وكيف، حقيقي اشفقت على "إنجي" كثيراً..
- احببت شخصية "محمد" كثيراً ووجدت فيه معاني الحب، الوفاء، المثابرة، والتمسك بالحبيبة 💚 وبالتبعية احتقرت شخصية "سراج" الذي اعطاه القدر فرصة ثانية بنسيان "إنجي" لفعلته التي لا تُغتَفَر وهو لا يستحقها..
- تعتبر أول رواية اقرأها يكون الكاتب مهتم بعنصر الراوي بهذه الطريقة لدرجة إنني شعرت إنه يجلس بجانبي، يحاورني كصديق واتأثر بكلماته 💚
- ظهر حب الكاتب لأم كلثوم في حسن انتقاؤه لكلماتها بما يليق بكل مشهد 💚
- احببت الجزء الذي تكلم فيه الكاتب عن حياة موظفي خدمة العملاء ومجهوداتهم وما يواجهوه وشعرت إن الرواية إهداء لهم 💚
- احسست بقفزة في الأحداث اربكتني قليلاً ولكنها الروايات الرومانسية كعادتها ليس بها تمهيد تفاجئك بتدفق المشاعر وتترك على وجهك ابتسامة خجل كما فعلت معي الرواية في بداية النصف الثاني منها.
- انقلبت الأحداث أكثر من مرة ولم تنتهي الرواية بطريقة تقليدية، وهذا أكثر ما أحببته فيها.
- وبالرغم من خلو الرواية من أي عيب لغوي، إلا إنني تمنيت أن يكون الحوار بالعامية؛ إذ شعرت أن الفصحى جعلته مبالغًا فيه بعض الشئ، ولكن الرواية مستوحاة من أحداث حقيقية لذلك تغاضيت عن تلك الجزئية.
- أول رواية اقرأها للكاتب ومتحمسة لرواية "غير قابل للكتمان"

• وفي النهاية الرواية خفيفة وسريعة تنتهي في جلسة واحدة، تصلح كبداية في عالم القراءة، انصح بها. 💚