What do you think?
Rate this book
بارادايم
كالعملة المعدنية، للحقيقة وجهان! قدّ تصدق هذه المقولة في عالم مادي، كأنّ يختلف شخصان مُتقابلان عن حقيقة الرقم الواقع بينهما .. فيراهُ أحَدُهما سبعة .. والآخر ثمانية، لكنْ في عالم العلاقات الإنسانية قدّ تتَعددُ الحقيقة بِعَدد البشر، وتختلف باختلاف أشكالِهم وأعمارِهم، والحقيقة الأقربُ للصوابِ دائمًا هي تِلّكَ النابعة من الفِطرةِ السوية، والتي إن بحثتَ عنها فلن تَجِدَها إلا في تلك الكائناتِ الصغيرة التي وهبنا الله إياها برعاية ملائِكية في أرحامِ نسائنا..فخرجت تحملُ إلينا قبساً ربانيًا لم يتلوث بعدُ بأهواءِ البشر انتبه .. فالرواية التي بين يَديَكَ ليست لمجرد التسلية .. أنت على وشك تجربة نظارة جديدة لعقلك تكشفُ لكَ الحجاب عن عالم رُبما لم يكن يومًا مرئيًا بالنسبة لك
336 pages, Kindle Edition
First published January 25, 2020
18 people are currently reading
384 people want to read
About the author
دعاء مجدي
2 books291 followersدعاء مجدي
ولدت في القاهرة
تخرجت من كلية صيدلة عين شس عام 2012
تحولت بعدها لدراسة مجال الطفولة المبكرة
واشتهرت به كمدونة وكاتبة
صدرت أول رواية اجتماعية تربوية لها في يناير 2020
رواية بارادايم ، عن دار بداية للنشر والتوزيع
وصدرت أول قصة أطفال مصورة لها في إبريل 2020
قصة يا محاسن الصدف ، عن دار عالية
ولدت في القاهرة
تخرجت من كلية صيدلة عين شس عام 2012
تحولت بعدها لدراسة مجال الطفولة المبكرة
واشتهرت به كمدونة وكاتبة
صدرت أول رواية اجتماعية تربوية لها في يناير 2020
رواية بارادايم ، عن دار بداية للنشر والتوزيع
وصدرت أول قصة أطفال مصورة لها في إبريل 2020
قصة يا محاسن الصدف ، عن دار عالية
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 30 of 64 reviews
February 13, 2020
رواية جميلة وخفيفه وأحداثها شيقة جدا وقريبه جدا لواقع عايشينه لمستني فمواقف كتيره أكثر ما عجبني أنها بتحكي المواقف من وجهة نظر الطفل وده اثر فيا جدا ..
منتظرة كتابك التاني بشغف♥️♥️♥️
منتظرة كتابك التاني بشغف♥️♥️♥️
January 27, 2020
أنا ليا الشرف أكون أول حد يكتب ريڤيو عن الرواية و يمكن من أوائل الناس اللي قرأتها كمان، يكفي أقول ان الرواية شدتني بأحداثها جدا لدرجة إني خلصتها في يوم تقريبا من كتر منا عايزة اعرف كل فصل هيحصل ايه في اللي بعده، ما شاء الله يا دعاء بجد رواية جميلة واستفدت منها كتير و لمستني في كذا موقف و اتعلمت حاجات عن الأطفال مع اني لسة مش أم بجد غيرت نظرتي لحاجات كتير فعلا و الحبكة الدرامية فظيعة اللي هو تفتح بقك كده من كتر الصدمة ان ازاي الاحداث مترابطة كده، أتمنى أشوف روايات تاني قريبا عشان أسلوبك ممتع جدا و في نفس الوقت أفدتيني كتير :) بالتوفيق دايما و انصح أي حد يقرأ الرواية ❤️
February 4, 2020
اول مره اخلص روايه ف ست ساعات
بجد رائعه
فكرتها مميزه جدا يمكن السرد المنفصل للحكايات مش جديد
بس معمول بطريقه فريده خلته مميز و شيق جدا و الربط بين الحكايات رائع بيخلي القارئ مصحصح
المميز أن كل حكايه فاللاوعي لقتني بسقطها علي علاقات حواليا
كل مره كنت بقرا الموقف من منظور الطفل كنت ببقي منفرجه الاسارير و بضحك اوي و شايفه بنتي ليلي مكانهم و النقطه دي بالذات اكتر ما يميز الروايه
اعجبت بقي جدا بنقطه التحفظ في العلاقات
لا في مسك ايد و لا حضن تعاطف و لا الكلام ده و ده يخليها روايه مناسبه جدا للبنات فالمراهقه و تذكيرهم بالمسموح و الممنوع لأنها نموذج لعلاقات من رأيي الشخصي محترمه خاليه من التجاوزات اللي بقت منتشره في كل مكان و ترسخت فاللاوعي عندنا
بجد رائعه
فكرتها مميزه جدا يمكن السرد المنفصل للحكايات مش جديد
بس معمول بطريقه فريده خلته مميز و شيق جدا و الربط بين الحكايات رائع بيخلي القارئ مصحصح
المميز أن كل حكايه فاللاوعي لقتني بسقطها علي علاقات حواليا
كل مره كنت بقرا الموقف من منظور الطفل كنت ببقي منفرجه الاسارير و بضحك اوي و شايفه بنتي ليلي مكانهم و النقطه دي بالذات اكتر ما يميز الروايه
اعجبت بقي جدا بنقطه التحفظ في العلاقات
لا في مسك ايد و لا حضن تعاطف و لا الكلام ده و ده يخليها روايه مناسبه جدا للبنات فالمراهقه و تذكيرهم بالمسموح و الممنوع لأنها نموذج لعلاقات من رأيي الشخصي محترمه خاليه من التجاوزات اللي بقت منتشره في كل مكان و ترسخت فاللاوعي عندنا
February 8, 2020
مش قادره اوصف مدي اعجابي بالروايه بتاعتك واحب اقولك ان دي اول مره في حياتي اقرأ روايه اصلا
وقد ايه فصولها بتشد الواحد انه يكملها بدون اي ملل
وطريقة السرد فوق الرائع وانا بقرأ اوقات عيناي تدمع واتأثر جامد واوقات ابتسم واحس ان قلبي فرحان
واكثر جزء كنت بنتظره بشغف هو جزء سرد الاطفال لمشاعرهم اتجاه الموقف
🥰🥰🥰🥰🥰🥰🥰
دمتي مبدعه ومميزة حبيبتي ❤
ربنا يزيدك من فضله ويبارك فيكي وفي اسرتك حبيبتي الغاليه 😘😘😘😘😘
وقد ايه فصولها بتشد الواحد انه يكملها بدون اي ملل
وطريقة السرد فوق الرائع وانا بقرأ اوقات عيناي تدمع واتأثر جامد واوقات ابتسم واحس ان قلبي فرحان
واكثر جزء كنت بنتظره بشغف هو جزء سرد الاطفال لمشاعرهم اتجاه الموقف
🥰🥰🥰🥰🥰🥰🥰
دمتي مبدعه ومميزة حبيبتي ❤
ربنا يزيدك من فضله ويبارك فيكي وفي اسرتك حبيبتي الغاليه 😘😘😘😘😘
February 16, 2020
رواية تربوية من الدرجة الأولى، أكثر ما أعجبني فيها التوجيهات الخفية، فيُستشف منها الفوائد التي لابد من الاستفادة منها والاعتبار بها.
طرح الكاتبة في الرواية ظاهر جدا وتأثرها بخلفيتها التربوية مؤثر تمام التأثير، لمحاتها ولفتاتها الشخصية ظاهرة جدا ومتجلية في رسم شخصيات الأسر في الرواية، والتدليل على التطبيق التربوي الملتزم الهادف في أسلوب شيق وعرض فني رائع من أهم ما تميزت به الرواية.
طرح الكاتبة في الرواية ظاهر جدا وتأثرها بخلفيتها التربوية مؤثر تمام التأثير، لمحاتها ولفتاتها الشخصية ظاهرة جدا ومتجلية في رسم شخصيات الأسر في الرواية، والتدليل على التطبيق التربوي الملتزم الهادف في أسلوب شيق وعرض فني رائع من أهم ما تميزت به الرواية.
February 3, 2020
انقضت مدة منذ آخر كتاب قرأته كاملاً بعدها لا أذكر اني عكفت على قراءة رواية او كتاب من وقتها حيث انشغلت بعملي وكلما مسكت بكتاب كنت أقرأ منه مقتطفات ومن ثم اتركه دون عوده.. إلى ان اعلنتي عن روايتك لا اخفيك سرا لم أقرأ حتي كلمة الغلاف..عكفت عليها ليلة ونص الي أن انتهيت منها فقد شدتني تفاصيلها و اكثر ما جذبني إليها استقراء عقول الأطفال.. كنت تضعيين لمحات من التربية الإيجابية بيها وهذا ما اعجبني حقاً.. الراوية اكثر من رائعة في انتظار المزيد..
March 13, 2020
وصفك التفصيلي يعطي فرصة للعيش داخل القصة وتصور مشاهدها كاننا داخلها وده ممتع جدا
عرضك للمواضيع من وجهة نظر الطفل وضحت حاجات كتير وحلت مشاكل كتير
منها انه احنا فعلا ضروري نقف ساعات نفكر بوجهة نظر الطفل ونديله فرصته
بس وضحت كمان انه الطفل ده كائن طيب جدا وانه الحسنات يذهبن السيئات يعني الأمهات اكيد هيغلطوا لانهم مش ملائكة بس في نفس الوقت لما هيعملوا حاجات تانية كويسة لأطفالهم في الأغلب الطفل هينسى الإساءة ويسعد بالحاجة الحلوة اللي اتعملت يعني دايما نكثر من الأعمال الكويسة لأطفالنا وفي دايما امل
حاجة كمان انه يحفر في طفولتنا احنا نفسنا علشان يبرر لنا بعض الأفعال من وجهة نظر اهلنا والتي كانت قد لا تروقنا وقد تكون تركت اثر سلبي قدرتي تعالجيها بشكل لطيف
وجود البر والأخلاقيات الجميلة في مواقف كتير طبيعية في الرواية من الحاجات الرائعة في هذه الرواية لانه لو أكثرنا من هذه النوعية في الروايات المطروحة في السوق فسوف يعم البر وحسن الخلق التكرار يعلم الشطار
طريقة ربط احداث متباعدة ببعضها رائعة وممتعة جداا وشدتني اخلص الراوية تقريبا في يوم واحد
استمتعت بيها جدااا وكنت متشوقة جدا لمعرفة الأحداث وربطها ببعضها
على فكرة انا باحب القراءة طول عمري وكتب قليلة اللي كنت ما أقدرش أقوم عليها من غير ما اخلصها
انتي فعلا موهوبة ماشاء الله عليكي
استمري حبيبتي ربنا يفتح عليكي ويزيدك ابداع
عرضك للمواضيع من وجهة نظر الطفل وضحت حاجات كتير وحلت مشاكل كتير
منها انه احنا فعلا ضروري نقف ساعات نفكر بوجهة نظر الطفل ونديله فرصته
بس وضحت كمان انه الطفل ده كائن طيب جدا وانه الحسنات يذهبن السيئات يعني الأمهات اكيد هيغلطوا لانهم مش ملائكة بس في نفس الوقت لما هيعملوا حاجات تانية كويسة لأطفالهم في الأغلب الطفل هينسى الإساءة ويسعد بالحاجة الحلوة اللي اتعملت يعني دايما نكثر من الأعمال الكويسة لأطفالنا وفي دايما امل
حاجة كمان انه يحفر في طفولتنا احنا نفسنا علشان يبرر لنا بعض الأفعال من وجهة نظر اهلنا والتي كانت قد لا تروقنا وقد تكون تركت اثر سلبي قدرتي تعالجيها بشكل لطيف
وجود البر والأخلاقيات الجميلة في مواقف كتير طبيعية في الرواية من الحاجات الرائعة في هذه الرواية لانه لو أكثرنا من هذه النوعية في الروايات المطروحة في السوق فسوف يعم البر وحسن الخلق التكرار يعلم الشطار
طريقة ربط احداث متباعدة ببعضها رائعة وممتعة جداا وشدتني اخلص الراوية تقريبا في يوم واحد
استمتعت بيها جدااا وكنت متشوقة جدا لمعرفة الأحداث وربطها ببعضها
على فكرة انا باحب القراءة طول عمري وكتب قليلة اللي كنت ما أقدرش أقوم عليها من غير ما اخلصها
انتي فعلا موهوبة ماشاء الله عليكي
استمري حبيبتي ربنا يفتح عليكي ويزيدك ابداع
January 27, 2020
الروايه دمج رهيب وممتع بين التشويق الدرامي و التنميه الذاتية والتربيه خليط ممتع ومتميز
الروايه شدتني جدا اول أحداثها المشوقة ولمستني. جدا في مواقف كتير جدا في حياتي الشخصيه وإزاي مفصله كثيرررر من حقيقه المواقف المذكوره في الروايه حسيت بتأنيب ضمير شديد في اكتر من موقف لمس حياتي الشخصيه ..
الكاتبه. ابدعت في وصف مشاعر الطفل. في كل موقف وكاننا نتوغل داخل دماغ الطفل وننظر برؤيه مختلفه للمواقف الحياتية من منظور الاطفال وليس من نظرتنا
التسلسل الدرامي رائع والتشويق بين الشخصيات من افضل الدمج في الكتاب انه ليس كتاب التربيه بقواعد وخطوات لكن تم سياقه بدراما حقيقه في حياتنا اليومية
كمان الروايه ليست من منطلق التربيه فقط فانما هي تحليل لشخصيتنا
وشخصيه ناس كتير في حياتنا ❤️❤️
بدايه موفقه ورائعه دكتورتنا العظيمة ❤️❤️دعاء مجدي ❤️❤️وباذن الله ننتظر لكتب وروايات اخري برؤيه جديده ومبتكرة باذن الله ❤️❤️
الروايه شدتني جدا اول أحداثها المشوقة ولمستني. جدا في مواقف كتير جدا في حياتي الشخصيه وإزاي مفصله كثيرررر من حقيقه المواقف المذكوره في الروايه حسيت بتأنيب ضمير شديد في اكتر من موقف لمس حياتي الشخصيه ..
الكاتبه. ابدعت في وصف مشاعر الطفل. في كل موقف وكاننا نتوغل داخل دماغ الطفل وننظر برؤيه مختلفه للمواقف الحياتية من منظور الاطفال وليس من نظرتنا
التسلسل الدرامي رائع والتشويق بين الشخصيات من افضل الدمج في الكتاب انه ليس كتاب التربيه بقواعد وخطوات لكن تم سياقه بدراما حقيقه في حياتنا اليومية
كمان الروايه ليست من منطلق التربيه فقط فانما هي تحليل لشخصيتنا
وشخصيه ناس كتير في حياتنا ❤️❤️
بدايه موفقه ورائعه دكتورتنا العظيمة ❤️❤️دعاء مجدي ❤️❤️وباذن الله ننتظر لكتب وروايات اخري برؤيه جديده ومبتكرة باذن الله ❤️❤️
February 7, 2020
استمتعت بقراءة الرواية الاولى لدكتورة دعاء مجدي
كانت رواية خفيفة لطيفة عميقة في آن واحد
اعجبني كثيرا التحدث بلسان الاطفال و توضيح وجهة نظرهم و رغم اني اعرف هذه المعلومات مسبقا و لكن صياغتها بهذه الطريقة دخلت الى قلبي مباشرة .. ان تسمع الطفل يشرح لك ما تعرفه مسبقا يجعلك تتفهم اكالامر بوضوح اكثر احببت هذا الجزء في الرواية جدا جدا
لغى عربية راقية هادئة بلا تكلف او ركاكة دراما اجتماعية و ترابط عائلي و وصف لحال معظم الادواج و الزوجات و زد على هذا الاطفال
اعجبني التزام الابطال الهادئ بلا تكلف و لا تفريط
بدت شخصية الكاتبة واضحة جدا في الرواية و هذا اعجبني جدا فأنا احبها و احب التعلم منها
و لكن ارجو ان تسمح لي ان اذكر بعض المآخذ من باب النصح و النقد لا النقض
اربكني قليلا تعدد الشخصيات الشديد و كثرة اسمائهم فأصبحت اقول من هذا و من هذه و ما علاقة هذا بذاك
و ظللت طوال الرواية ابحث عن معنى بارادايم و ما ان تم ذكرها اخيرا في اخر الرواية لم اجد لها شرحا او معنى و انتهت الرواية و انا لل افهم معنى الكلمة و انتهت الرواية و لم افهم
احسست ان النهاية لم تكن واضحة او ما شابه لا اعلم
لكن في المجمل انا استمتعت بقراءتها جدا هي من النوع المفضل لدي بشده و في اشد انتظار للروايات القادمة للكاتبة باذن الله
كانت رواية خفيفة لطيفة عميقة في آن واحد
اعجبني كثيرا التحدث بلسان الاطفال و توضيح وجهة نظرهم و رغم اني اعرف هذه المعلومات مسبقا و لكن صياغتها بهذه الطريقة دخلت الى قلبي مباشرة .. ان تسمع الطفل يشرح لك ما تعرفه مسبقا يجعلك تتفهم اكالامر بوضوح اكثر احببت هذا الجزء في الرواية جدا جدا
لغى عربية راقية هادئة بلا تكلف او ركاكة دراما اجتماعية و ترابط عائلي و وصف لحال معظم الادواج و الزوجات و زد على هذا الاطفال
اعجبني التزام الابطال الهادئ بلا تكلف و لا تفريط
بدت شخصية الكاتبة واضحة جدا في الرواية و هذا اعجبني جدا فأنا احبها و احب التعلم منها
و لكن ارجو ان تسمح لي ان اذكر بعض المآخذ من باب النصح و النقد لا النقض
اربكني قليلا تعدد الشخصيات الشديد و كثرة اسمائهم فأصبحت اقول من هذا و من هذه و ما علاقة هذا بذاك
و ظللت طوال الرواية ابحث عن معنى بارادايم و ما ان تم ذكرها اخيرا في اخر الرواية لم اجد لها شرحا او معنى و انتهت الرواية و انا لل افهم معنى الكلمة و انتهت الرواية و لم افهم
احسست ان النهاية لم تكن واضحة او ما شابه لا اعلم
لكن في المجمل انا استمتعت بقراءتها جدا هي من النوع المفضل لدي بشده و في اشد انتظار للروايات القادمة للكاتبة باذن الله
February 7, 2020
الرواية جميلة فعلا خاصة كأول محاولة للكتابة...
شايفة أنها تنفع كهدية قيمة للمقبلين على الزواج أو على الإنجاب....
بالنسبة لي -كوني مش محبة لقراءة الروايات- الرواية دي شجعتني على قراءة الروايات خاصة لو هتبقى على هذا النهج...
من قبل ما اشتريها تشجعت لسببين: ١- أن لها جانب تربوي و نوعا ما بحاول أتابع ما يخص هذا المجال.
٢- أني كنت على يقين أنه مش هيبقى فيها شيء مخل.
الرواية بتخليكي تعيشي معاها حالة جميلة من التعاطف و الحزن و الفرح و مشاعر تانية كتير....
الجانب التربوي منها جزء يسير في رأيي....يمكن لو كان في تركيز أكتر عليه كانت هتفقد معنى الرواية ....فهو جيد بالنسبة للناس اللي معندهمش خلفية تربوية من الأساس....
الحاجة اللي معجبتنيش أوي هي فكرة الصدف اللي تقريبا مبني عليها مواقف كتيرة في الرواية.
February 6, 2020
الروايه متفرده زي العزف المنفرد حاجه مش مع التيار ولا عكس التيار هي راويه مختلفه تماما واضح جدا انا انكتبت بحب وصدق وتطور شخصيتها ابهرني وحبكتها الدراميه والنفسيه والتطعيم التربوي خفيف الظل خلاني مش مصدقه ان دي اول روايه للكاتب المتميزه د دعاء حبيت كل الفصول في مشاهد وجهه نظر الأطفال كنت بصغر معاهم وافكر زيهم روايه بلا ابتذال او اسفاف انا قريتها انا ام لبنتين وزهقان من العياط والزن حسيتها بتطبط عليا اعتقد لو كنت قريتها من ٥ سنين او ١٠ او بعد٥ سنين كان هيوصلني نفس الشعور انها بتكلمي انا بس في المرحله دي وأعتقد لو زوجي قرأها هيفهم منها حاجات كتير وكانها بتكلمه واكيد مش هيقولي راويه كلها مُحن لأنها مش كده واقعيه جدا انا سعدت بيها ومعاها اتمنى اقرأ تاني للدكتوره دعاء مجدي ♥️♥️
February 4, 2020
بارادايم
عندما علمت ان دعاء مجدي هي المؤلفة تشوقت كثيرا لاقتناء الكتاب و شدني تصميم الغلاف لقد يسر لي فهم الرؤية من هذا الكتاب فهو خليط من الدراما اليومية الحياتية لنا أشخاص متصلين منفصلين نرتبط ببعض دون ندري ما يميز الكتاب عن أي خط درامي هو رؤية الأطفال للموقف و هو ما تميزت بيه دعاء بالإضافة التوجهات التربية و مدللة ع الطفل بأسلوب بسيط سهل تقبله
انهيته في يوم لقد شدني احيي دعاء علي هذا فهو يدل ان هذا الكتاب نتاج تجارب سابقة لا نعلم عنها شئ و لكن الكتاب الذي بينا ايدينا يؤكد اننا سنلتقي مرة اخري
شكرا دعاء
عندما علمت ان دعاء مجدي هي المؤلفة تشوقت كثيرا لاقتناء الكتاب و شدني تصميم الغلاف لقد يسر لي فهم الرؤية من هذا الكتاب فهو خليط من الدراما اليومية الحياتية لنا أشخاص متصلين منفصلين نرتبط ببعض دون ندري ما يميز الكتاب عن أي خط درامي هو رؤية الأطفال للموقف و هو ما تميزت بيه دعاء بالإضافة التوجهات التربية و مدللة ع الطفل بأسلوب بسيط سهل تقبله
انهيته في يوم لقد شدني احيي دعاء علي هذا فهو يدل ان هذا الكتاب نتاج تجارب سابقة لا نعلم عنها شئ و لكن الكتاب الذي بينا ايدينا يؤكد اننا سنلتقي مرة اخري
شكرا دعاء
April 2, 2020
الرواية جميلة جدددا و مختلفة واسلوب الكاتبة لطيف اوي
عجبني اووي توضيح الأمور من وجهات نظر مختلفة و كمان شرح الموقف من وجهه نظر الأب أو الأم و من وجهه نظر الطفل
الكتاب فيه معلومات قيمة جدا ولكن مش كتير لما لقيت ان في كذا طفل بمراحل عمرية مختلفة توقعت انه هيتكلم عن كل طفل و طبيعة المرحلة و ازاي والديهم بيتعاملو معاهم وبيبقى ايه شعور الاطفال ولكن لقيت ان مش كل المواقف بتتشرح من وجهه نظر الاطفال
حسيت بالملل شويه فنص الرواية خصوصا موضوع مرام و مصطفي تفاصيله كتير واستحوذ على جزء كبير من الرواية لكن رجعت متشوقه تاني اكمل الرواية
النصف الأول من الرواية ١٠/١٠ لكن النصف التاني فتقديري انا المتواضع ٧/١٠
مجملا كرواية هي رائعة جدا و هادفة و ككتاب تربوي استفدت منه بالفعل و لكن ليس كما توقعت لكن ده لا يمنع إن أسلوب الكاتبة شيق و ممتع
بالتوفيق دائما
عجبني اووي توضيح الأمور من وجهات نظر مختلفة و كمان شرح الموقف من وجهه نظر الأب أو الأم و من وجهه نظر الطفل
الكتاب فيه معلومات قيمة جدا ولكن مش كتير لما لقيت ان في كذا طفل بمراحل عمرية مختلفة توقعت انه هيتكلم عن كل طفل و طبيعة المرحلة و ازاي والديهم بيتعاملو معاهم وبيبقى ايه شعور الاطفال ولكن لقيت ان مش كل المواقف بتتشرح من وجهه نظر الاطفال
حسيت بالملل شويه فنص الرواية خصوصا موضوع مرام و مصطفي تفاصيله كتير واستحوذ على جزء كبير من الرواية لكن رجعت متشوقه تاني اكمل الرواية
النصف الأول من الرواية ١٠/١٠ لكن النصف التاني فتقديري انا المتواضع ٧/١٠
مجملا كرواية هي رائعة جدا و هادفة و ككتاب تربوي استفدت منه بالفعل و لكن ليس كما توقعت لكن ده لا يمنع إن أسلوب الكاتبة شيق و ممتع
بالتوفيق دائما
February 10, 2020
الرواية مميزة جدًا جدًا في الهدف العام فكرة الباراديم فكرة جديدة فكل مشاكلنا أننا لا نضع أنفسنا مكان الأشخاص الأخرين وبالتالي تكثر الخلافات وتتقطع الأرحام ويمكن تكون الأسباب سوء فهم فقط .
أعجبني أيضًا الحبكة وتسلسل الأحداث ا وقوة الشخصيات التى تعبر عن كاتبة مميزة وجادة ، لغتك رائعة ومعبرة أعجبنى جدًا سيكلوجية الشخصيات فقد لعبت على الوتر النفسي وكشفت لنا عن أشياء لم نكن ندركها عن أنفسنا وأطفالنا وأزواجنا . حقًا رواية تربوية من الدرجة الأولى
أعجبني أيضًا الحبكة وتسلسل الأحداث ا وقوة الشخصيات التى تعبر عن كاتبة مميزة وجادة ، لغتك رائعة ومعبرة أعجبنى جدًا سيكلوجية الشخصيات فقد لعبت على الوتر النفسي وكشفت لنا عن أشياء لم نكن ندركها عن أنفسنا وأطفالنا وأزواجنا . حقًا رواية تربوية من الدرجة الأولى
Read
February 12, 2020رواية ممتعة لمستنى فى مواضع مختلفة بين الضحك والبكاء
هى رواية اجتماعية مش تربوية بس وعجبنى الفوكس فى تحليل التفكير من منظور الاطفال
الأسلوب سهل وشيق أنصح المامى الجديدة بشراء الرواية
فعلا هتلبس نظارة تغير مفاهيمها لتصرفات الطفل
والمامى إللى أول مرة تقرأ فى التربية الإيجابية هيكون سهل معاها جدا خاصة كبداية ليها هتستفاد كتير وبأسلوب سهل وغير ممل
شكرا دكتور دعاء منتظرة روايتك القادمة ان شاء الله
February 6, 2020
انا جبت الكتاب مخصوص علشان الكاتبه د دعاء مجدي و انا
مبحبش القرائه وتقريبا معرفش الفرق بين الروايه و الكتاب بس لما قرأتها دخلت قلبي على طول لسهولتها و كل فصلجميل زي الي قبلو أحداث الروايه جميله جدا في مواقف دموعي خرجت فيها و في مواقف بردو بقيت فرحانه فيها تقريبا دي الروايه الوحيده الي خلصتها في ٣ ايام طبعا لولا أطفالي كان زماني خلصتها في يوم
مبحبش القرائه وتقريبا معرفش الفرق بين الروايه و الكتاب بس لما قرأتها دخلت قلبي على طول لسهولتها و كل فصلجميل زي الي قبلو أحداث الروايه جميله جدا في مواقف دموعي خرجت فيها و في مواقف بردو بقيت فرحانه فيها تقريبا دي الروايه الوحيده الي خلصتها في ٣ ايام طبعا لولا أطفالي كان زماني خلصتها في يوم
Read
March 25, 2020دعاء مجدي ❤
أنهيت الرواية في يومين فقط🙈
الرواية لمستني جدا جدا... وبكيت في اكتر أحداثها
تنظيم مبدع ومشاعر إنسانية وتربوية مميزة جدًا
أحسنتِ بارك الله فيكِ ... مزجتي ما بين الأحداث المتكررة في أغلب البيوت وما بين تفسيراتنا الغير حقيقية والوهمية... لأننا بنستسهل الظاهر فقط
... الوعي والإدراك لوجود بارادايم خاص بينا... هو الخطوة الأولى لبلوغ أهدافنا
أنهيت الرواية في يومين فقط🙈
الرواية لمستني جدا جدا... وبكيت في اكتر أحداثها
تنظيم مبدع ومشاعر إنسانية وتربوية مميزة جدًا
أحسنتِ بارك الله فيكِ ... مزجتي ما بين الأحداث المتكررة في أغلب البيوت وما بين تفسيراتنا الغير حقيقية والوهمية... لأننا بنستسهل الظاهر فقط
... الوعي والإدراك لوجود بارادايم خاص بينا... هو الخطوة الأولى لبلوغ أهدافنا
January 27, 2020
ما شاء الله يا دعاء رواية فعلا جميلة والميزه في كتابتك انها خلت واحد مش بيحب قراءة الروايات ينجذب للقراءة ويخلصها في ثلاث ايام وده بالنسبالي انجاز اشكرك انك خلتيني اخد بالي من حاجات غلط كنت بعملها ونركز مع موضوع البرادايم ده ... كلام سهل مشوق ولغه محترمة من غير اسفاف
January 31, 2020
روايه جميلة و سهلة مشوقة خلصتها في يومين عشان اعرف الاحداث و عيطت كتير فعلا في مواقف كتير و في مواقف تانيه ضحكت
الروايه شخصيتها قريبه جدا مني و من اللي حواليا و خلتني هفكر بشكل تاني ف المواقف خصوصا اللي بناتي بيعملوها
الروايه شخصيتها قريبه جدا مني و من اللي حواليا و خلتني هفكر بشكل تاني ف المواقف خصوصا اللي بناتي بيعملوها
February 3, 2020
الرواية ممتعة جداومفيدة جدا
تنساب منها المعانى التربوية المختلفة بسهولةالى وجدان القارئ .....تعلمت منها الكثير من الوسائل التى ساستخدمها ان
شاء الله مع اولادى
ناقشت الرواية كثير من المواقف الصعبة التى تواجه الازواج ومشاكل التواصل فيما بينهم وايضا كثيرمن المشاكل التى تواجه الاطفال وعلاجها بالأسلوب الأمثل ...
لم يعجبنى بعض مواقف الصدف الغير منطقية التى لم تؤثر فى المغزى التربوى للقصة
تنساب منها المعانى التربوية المختلفة بسهولةالى وجدان القارئ .....تعلمت منها الكثير من الوسائل التى ساستخدمها ان
شاء الله مع اولادى
ناقشت الرواية كثير من المواقف الصعبة التى تواجه الازواج ومشاكل التواصل فيما بينهم وايضا كثيرمن المشاكل التى تواجه الاطفال وعلاجها بالأسلوب الأمثل ...
لم يعجبنى بعض مواقف الصدف الغير منطقية التى لم تؤثر فى المغزى التربوى للقصة
February 6, 2020
الرواية بجد اكثر من رائعه عجبني اسلوبك جداً وحبيت اننا نشوف الموقف من وجهة نظر الطفل واستفدت من المعلومات التربويه و حسيت اني متخيلاها عملي من خلال المواقف المذكوره بجد ربنا يوفقك و دايماً ف نجاح و مستنين ال جاي 🥰🥰
This entire review has been hidden because of spoilers.
February 9, 2020
الرواية جميلة جداً، مقدرتش اسيبها غير وأنا مخلصاها 🤩
التشويق والربط بين الشخصيات رائع، وتسلسلها السريع منع أي ملل.
وفكرة رؤية المواقف من وجهة نظر الأطفال مؤثرة جداً.
التشويق والربط بين الشخصيات رائع، وتسلسلها السريع منع أي ملل.
وفكرة رؤية المواقف من وجهة نظر الأطفال مؤثرة جداً.
February 5, 2020
الرواية جميلة جدا و ممتعة .احلى حاجةهي النصائح او التوجيهات في اسلوب قصصي شيق
و التحدث بلسان الطفل و محاولة معرفة الطفل بيفكر ازاي ❤️❤️🌸🌸🌸
و التحدث بلسان الطفل و محاولة معرفة الطفل بيفكر ازاي ❤️❤️🌸🌸🌸
February 11, 2020
من أكثر الروايات اللي قرأتها متعة وإفادة وتأثيرا في المشاعر ❤❤❤
March 31, 2020
روايه رائعه لكن الشخصيات كتيره جدا
April 1, 2020
جزاكم الله خي��ا فعلا راااائع جدا و مفيد.. وقد قررت تغيير تعاملاتى مع زوجي وطفلتي...واتمنى سؤالك عن اماكن تعليم التعامل مع الاطفال
March 29, 2020
الرواية ماتعة وهادفة وتوصل الطرق التربوية الحديثة بأسلوب سلس وشيق
March 20, 2020
رائعة و هادفة، انصح بقرائتها لكل أم و زوجة.
و للمهتمين بالمونتيسوري
و للمهتمين بالمونتيسوري
June 18, 2020
عادة بنشوف تطوّر الكاتب في الروايات المختلفة يعني نشوف ان الرواية الجديدة أحسن من القديمة
تطور الكاتبة هنا كان واضح جدا في الرواية نفسها بين أولها وآخرها
أول الرواية كنت بحافظ على تركيزي واندماجي بصعوبة لأن المشاهد بتتغير كل ٢-٤ صفحات
في الآخر الموضوع كان أفضل بكتير وفيه مساحة تساعدني أندمج
فكرة دمج الفوائد داخل الرواية جميلة جدا جدا وسلسة
فكرة عرض وجهة نظر الطفل رائعة بس كانت بتخليني افقد اندماجي بالرواية لأنها بتسبب تغيير المشاهد كتير
تطور الكاتبة هنا كان واضح جدا في الرواية نفسها بين أولها وآخرها
أول الرواية كنت بحافظ على تركيزي واندماجي بصعوبة لأن المشاهد بتتغير كل ٢-٤ صفحات
في الآخر الموضوع كان أفضل بكتير وفيه مساحة تساعدني أندمج
فكرة دمج الفوائد داخل الرواية جميلة جدا جدا وسلسة
فكرة عرض وجهة نظر الطفل رائعة بس كانت بتخليني افقد اندماجي بالرواية لأنها بتسبب تغيير المشاهد كتير
June 21, 2020
بجد راوية رائعة اللهم بارك عجبني فيها انها فيها جزء تربوي عن نفسية الطفل
وجزء عن الحياة الزوجية والتعامل مع الطباع المختلفة بين الزوج والزوجه
ووضع حلول عن طريق شرح نفسية الأول والأخير
وجزء عن الحياة الزوجية والتعامل مع الطباع المختلفة بين الزوج والزوجه
ووضع حلول عن طريق شرح نفسية الأول والأخير
Displaying 1 - 30 of 64 reviews