العين الثالثة

نادر فودة #5

by أحمد يونس

قريت كتير وسمعت أكتر عن العين الثالة!
لكن الحقيقة اني ما كنتش متوقع انه هيكون ليا معاها!
مغامرة هخوضها وأتوغل فيها بهذا الشكل الرهيب
أوعدكم .. هتقروا تجربة فريدة مختلفة ومثيرة ليا مع العين الثالثة, واللي دخلت من خلالها الى عالم غريب وكيان رهيب لم يكن خروجي منه سهل ابدآ
أنقل اليكم الأن أحداث تجربتي البائسة مع العين الثالثة في روايتي الخامسة
تحياتي وحبي نادر فوده الصحفي بجريدة عمق الحدث باب ما وراء الطبيعة

Genres: Horror, Audiobook

228 pages, Paperback

Published January 1, 2020

About the author

أحمد يونس هو مذيع راديو و تلفزيون مصري، من مواليد 30 يناير 1981 (34 سنة)، متزوج و لديه ابن ، حاصل على ليسانس اداب قسم لغة إنجليزية , بدأ عمله في مجال الإعلام كمعد للبرامج. كان من أوائل المذيعين الذين انطلقوا مع بداية الإذاعة المصرية الشهيرة نجوم إف إم عام 2003 , كانت فقرة "نص ساعة مع احمد يونس " هى اول ما أذاع على نجوم إف إم،و مؤخرا يقدم برنامج عالقهوة من الساعة ال12 منتصف الليل و حتى ال3 فجرا ايام الاثنين و الاربعاء و الخميس و الجمعة،و كان أيضا يقدم برنامج "حياتنا" مع دكتور سعد الدين الهلالى على نجوم إف إم، و لكنه توقف عن تقديمه في أواخر عام 2014 لأسباب غير معروفة،و اصبح دكتور سعد الدين الهلالي يقدمه منفردا.

Reviews

[محمد أحمدفؤاد · Rating 3 out of 5]

للاسف المستوى بيقل جامد وبطريقة ملحوظه بعد ما كانت الرواية بتكون مليانه احداث دلوقتي قصة واحده بالعافيه لا تتخطى 50 صفحة والباقى ادعيه او كلام فاضي او صور "للحشو" اتمنى الجاي يكون افضل

[Mohamed · Rating 5 out of 5]

و مازال نادر فوده يبحث عن المتاعب ، و مازلنا ننتظر المزيد من مغامراته لنقرأها .

[Mohamed Ali · Rating 2 out of 5]

أقل روايه في الروايات إللي اقبلها الروايه في الأول تقول إن الحبكه جامده جدا وفي انتظار نهاية الحبكة هتكون اذي وتوقعت إن ممكن يكون في جزء تاني ولكن تتفاجئ إنها تنتهي في فصل واحد بطريقة مش متناسبه مع حبكة الروايه أقلت بمستواها جدا اتمني الروايه القادمة ترجع لمستوي إللي اتعودنا عليه منك واتمني إنك مش تعتبره نقد ولكن اضايقت عشان كنت في انتظار الروايه وشكرا

[رومولا الن emmajain-book · Rating 2 out of 5]

نعود لنلتقي من جديد مع بطلنا نادر فوده بمغامرة جديده بعالم الأشباح
بهذا الجزء يسعى نادر للكشف غموض جماعة تستخدم تطبيقاً بالهاتف لجذب من لديه طمع
مغامره جميلة وخفيفة كعادة الأجزاء السابقة
لكن هذا الجزء لم يكن بمستوى الأجزاء السابقة
للأسف كل جزء يكون أسوء من سابقه
لم يطور الكاتب أسلوبه ولا أفكاره
لكنني تسليت بالاستماع إليه
انصح به لمن لديه فتور بالقراءة

[الزهراء الصلاحي · Rating 1 out of 5]

نهاية غير موفقة.
أكثر سذاجة من الجزء الثالث!

[badriah.. · Rating 2 out of 5]

مش ولا بد

[WaliD · Rating 1 out of 5]

مش عارف ازاي في ناس قيمتها ب 5 نجوم !!!! 😳😳

[Nagham Mahmoud · Rating 1 out of 5]

ملخص رايي عن الكتاب هى رساله لاحمد يونس
( متكتبش تانى و سايب كل واحد فى مجاله )
و شكرا

[Ghadeer Saber · Rating 2 out of 5]

مش متضايقه اني ضيعت وقت فيها على الفاضي .. على قد ما انا متضايقه انها اقل في المستوى جدا بالنسبه للاجزاء اللي فاتت .. او اصلا لا تُقارن

[Mariam Ahdy · Rating 4 out of 5]

أفضل كتير من الجزء الرابع و حبيت الفكرة و وجود ربط بأحداث السلسلة نوعا ما و الحشو قل كتير
في المجمل الجزء دا ممتع 👌🏻

[Ayah Rashad · Rating 3 out of 5]

لما قرأتها كنت متخيلة أنها تكملة الجزء اللى فات وأُحبط جدا لما لقيت شخصيات مختلفة بس لما كملت قراءه ابتديت اتشد لاحداثها وكملتها حلوة الرواية كفكرة بس الأحداث أقل من فكرتها

[(ســـارَّة (فاطمة وصالح · Rating 1 out of 5]

وادينا بنقرا 😂👎

[Micheal Adel · Rating 5 out of 5]

العين الثالثه هي الجزء الأفضل ف سلسلة نادر فودة الروائية ف الجزء ده تحديدا ، نادر فودة بتحصل معاه حاجات غريبة وبتأثر ع شخصيته وتفكيرة لدرجة مخيفه وبتشوف نادر فودة ف مواجهة رسمية امام المنظمة السرية الشهيرة وبيبقي مجبر على مهام معينه السؤال هنا الى بيطرح نفسه بقي نادر فودة هيتعامل مع إلى هو فيه ف الجزء ده تحديدا إزاي وياتري هينتهي به المطاف لإيه
تقييم: 🌟🌟🌟🌟🌟5/5

[محمد فاروق · Rating 2 out of 5]

رغم اني انتظرتها من زمان لحد ما نزلت لان الاجزاء السابقة كانت حلوة بس للاسف هذا الجزء دون المستوى حتى صعب الشخص يكمله رغم انه رواية قصيرة حسيتها تلطيش افكار وبيها نوع سخافة... ياريت يرجع للمستوى السابق نطيتها حاليا نجمتين احتراما الاجزاء السابقة

[Omaima Shata · Rating 1 out of 5]

نهايه ركيكه لم تعجبني
البدايه كانت مشوقه بالنسبه لي

[Radwa · Rating 3 out of 5]

انا من اشد المعجبين بيه و بكل اللي بيكتبه بس للأسف حسيت انها حشو كلام بس للأسف..منتظرين منك افضل ان شاءالله

[Ahmed Charisma · Rating 2 out of 5]

أقل أجزاء السلسلة .. الرواية صغيرة أوى وأحداثها قليلة جداً .. كان لازم تكبر شوية .. أنا خلصتها فى قعدة واحدة ووقت قليل جداً .. لازم الأجزاء الجاية تكون أكبر وقصصها متشعبة أكتر

[Hassan Al Sharif · Rating 1 out of 5]

نصيحة: خد وقتك واكتب روايتك يا أحمد .. واضح جدا إنها رواية معلبة لتطرح في الأسواق

[Abduallah Ezzat · Rating 1 out of 5]

للأسف كلها حشو في حشو وأقل من ال 4 أجزاء اللي فاتوا حتي نهايتها ليست جيدة .. نجمة واحدة خسارة فيها .. وأعتقد كده خلاص دي آخر قصة ليه ومعتقدش هقرأله مرة تانية

[Youssef · Rating 5 out of 5]

افضل بكثير من الجزء الثالث (النقش الملعون) وأفضل بقليل من الجزء الرابع (عمارة الفزع - عاصفة الموت) .. لكنها ليست أفضل من الجزء الأول (الواقد) او الثاني (كساب) بالتأكيد .. رغم انها بتقيمهم.
الرواية انهت بسرعة انهيتها في جلسة ونصف أن لم نحسب النوم الذي نمته في نصف قراءة الرواية.
عالم رعب جديد غير عالم الجن، ويعتبر مخيف بالفعل أن كان تم تشكيله بشكل جيد.
(شبه حرق)
الجلسات فيه كانت شبه بعض .. لو كانت كل واحدة تختلف عن الاخرى لكان الموضوع أفضل.
عالم رائع، وكان يحتاج بحث وتدقيق اكثر فيه ..
(حرق)
كنت اريد أن أرى نهاية لهذا العالم او حتى إنهاء الصراع معه.
كنت أريد أن أرى تحقيق الصحفي (نادر فودة) عنه.
كنت أريد أن ارى (والدة نادر فودة) وقصص (مروة) مع (وقاد) التي لا تنتهي او هي التي لا تريد كامل الإفصاح.
...
يبدو أن (احمد يونس) قرر أن يجعل كل جزء بقصة، بحيث ان لم تكن قرأت الجزء الأول او الثاني لا يفرق.
يوجد بالطبع ربط بين الجزء الثالث وهذا الجزء لكن ليس مثل ربط جزء الوقاد بكساب.
...
بكل بساطة كنت أريد نهاية للقصة أفضل من تلك النهاية .. النهاية في عقلي كانت أكبر بكثير.
...
ايتكلم شخص عن قريبة له ويقول بمعنى (يقولون انه مات او انتحر، ويقول البعض الاخر ان ربما بسبب ظروف عمل والدها في الصحراء جعلت الجن يتعامل معها ويأخذها معه تحت الأرض)
وكأن الموضوع ابسط من البساطة.
...
تقيمها ٥ لكنها ليست أفضل من (الوقاد) او (كساب)
...
مخيفه لكن ليست متشكله جيداً.

[Mostafa Hassan · Rating 1 out of 5]

الراويه مفيهاش قصه تتحكي غير ان الراويه بتقنعك ف اولها انها هتكون احسن حبكه و بتكمل ف فصول القصه بتلاقي ان مفيش احداث بتتحكي ... انا واحد كنت بقراها و مشغل بلاي ليست توتر و مطفي النور. و على اضاءه خفيفه و منترعبتش بالنسبالي في plot holes زي ليه اتعاملنا مع هاله انها اختفت و كان الموضوع محصلش بس اتعاملنا مع المكتب و ساندا ان في قرار طلع طب ليه مرجعش لقى نفسو قبل احداث القصه عادي و نتعامل بنفس المقياس ... الروايه كانت ممكن تتعمل حلقتين ع الراديو و لو اتعملو صح كانو هيبقو اعلى مشاهده...حلقه فيها ازاي زهرة اللوتس بتعاني من اها و انها اتواصلت مع نادر و بتنتهي على نادر لما حلص المحفل الاول و لقا العين تالته
و التانيه بيكمل باقية المحافل لغاية م الشيخ ينقذوا خلاص مش مستاهله كتاب و الدليل انو مش لاقي قصه -مع كامل احترامي لاحمد يونس و نقدي للعمل نفسو - انو كان ببقرر التعويذه كذا مره و ينزل بستور و كدا ادي صفحه عندك و بيدعي ربنا ف صفحتين كل اللي فيه ميكملوش 20 كلمه ....وشكرا

[Shahira Ahmed Hussien · Rating 3 out of 5]

لأكون منصفة اعطيت الرواية ٣ من ٥ بصراحة الفكرة حلوة و جديدة موضوع المحفل و المراسم مع انها برضه اتهرست فى الافلام الأجنبي بالنسبة لى بس الحقيقة انا مش عارفة الرواية تأليف من الخيال يعنى و لا دى تجربة حقيقية ، موضوع وصف العذاب اللى شافه نادر كان مش حلو و مقرف و مخيف و فيه كده مسحة من فيلم the mummy لما الجعارين طلعت تأكل الناس الطماعين فى المقبرة و بصراحة كمان موضوع الدفن حى اتهرس عشرين ألف مرة فى روايات مختلفة كمان انا مستغربة من سذاجة البطل لان هو مأفتكرش يذكر ربنا الا لما ادفن معروف يعنى ان الانسان لازم يحصن نفسه بالقرآن و الاستعاذات دايما كل يوم و كل دقيقة و طبعا النهاية المعهودة ان الشيخ لطفى ينقذ نادر بأدعية قرآنية و تحصينات على العموم الرواية مش وحشة و برضه من واو ماشى حالها يعنى.

[Abanop Adeep · Rating 2 out of 5]

مش هنكر اني بحب روايات احمد يونس والجزء الخامس كنت مستنيه بتلهف
استمتعت وانا بقراء الروايه
لكن ليه النزول والهبوط في المستوي ؟
الفكره محبوكه بطريقه مختلفه مع انها نفس القصه بتاعت روايه تانيه لحسين السيد
ليه كمان التلزيق بالروايه ؟ يعني في احداث توقعتها وتوقعت المجريات لكن ماتوقعتش ان مثل بطل الواقعه يحضر وينتهي في نفس الصفحه حتي مش بياخد جزء معين
ارجو انها تكون هفوه ولا تتكرر مره اخري

[Ali Morad · Rating 5 out of 5]

نادر فودة بالنسبة ليا أسطورة.. مش مجرد سلسلة أدبية، ده شخصية مميزة قدر أحمد يونس يأسسها صح.. كل مرة أقرأ فيها انبهر أكتر، وكل مرة أسمع قصة في الراديو اتشد أكتر.
يمكن القصص مش دايما تشد أو مبهرة، لكن الحالة نفسها أو النوستالجيا اللي اتبنت بين الجمهور ونادر فودة هتخلينا نحب قصصه طول العمر.❤️❤️
برافو يا يونس.. 👏🏻👏🏻

[Miada · Rating 3 out of 5]

بصراحة انا كرماها بال٣ نجوم علشان الاداء الصوتي علي منصة ستوريتيل لكن كقصة برده مش بالقوة اللي تخلي الواحد مش قادر يسيبها، كنت محتاجة كتاب صغير في الحجم بين الكتب الكبيرة فسمعته وانا مش حاطة امال عالية الصراحة والنهاية قفلتني قفله 🤦‍♀️

[Mohamed Abd Elshafea · Rating 4 out of 5]

قريت القصة الاسبوع الي فات وعجبتني بصراحة بس ملحظتي علي الصياغة اللغوية والادبية حاسس انها محتاجة تتقل شوية يمكن علشان الكاتب بيحكي بالعامية والواحد متعود يقرا الكتب بالفصحي مش عارف

[Hosam Ebady · Rating 2 out of 5]

بصراحه مافيش كلام كتير يتقال
مستوى أقل من الاجزاء السابقه
بالتوفيق احمديونس في الاعمال القادمة

[Ahmed Muhammad Fouad · Rating 5 out of 5]

رواية حلوة ومسلية وممتعة

[The blue sticky note🌧️ · Rating 5 out of 5]

كالعادة احمد يونس بيعرف يبهرنا ويخرج بره الاطار محتفظ بجرعة الادرنالين اللي بيديها للقارئ بين كل فصل وفصل❤️❤️❤️❤️

[Mohamed Sabry]

جميله جدا بصراحه