عابر

by Muhammad Rahma

هى تجربة إنسانية بل رحلة فى أعماق أنفسنا وفى عوالم مختلفة لنعود منها بخلاصة تجارب إنسانية عديدة تساعدك على إكتشاف نفسك وإعادة إكتشاف العالم من حولك من خلال أحداث روائية مشوقة تمزج بين
(العلم والخيال والتصوف والفلسفة والرومانسية) .

350 pages, Unknown Binding

Published January 1, 2019

About the author

Author of
رواية عابر
رواية منزل الدكتور سلام
رواية الحوش الكبير
مسلسل الكرسي الخالي
رواية مذكرات فريد سيف العطار
رواية تصريح عبور

Reviews

[Ahmed Hassan · Rating 4 out of 5]

الحمد لله اخيرااا خلصتها كانت دايما حظها سيء معايا في قرائتها..

وعجبتني الفكرة والسرد الخاص بيها وكذلك الأفكار المقدمة اتعرضت بأسلوب شيق

يمكن اللي ضايقني إن في البداية كان فيه اخطاء كتابية ومكنتش الصورة واضحة اوي للرواية بس واحدة واحدة الأحداث بدأت تتسارع والدنيا بقت افضل لحد الختام

[Jamal · Rating 5 out of 5]

رواية جميلة جدا واحداثها مشوقة
فكرة العوالم الموازية طرحت بطريقة ممتعة

[ALLA BASIM · Rating 5 out of 5]

رواية متميزة ممتعة مليئة بالحكمة وحشيت حشوا بجميل القول و رائق الفكر .. والسرد الروائي سلس ومتماسك والشخصيات تبنى بطريقة واضحة لا لبس فيها … وقد كنت قرأت روايته الثانية قبل هذه وواضح أنه يبني عوالم تستحق المتابعة .. خمس نجوم وننتظر المزيد فان يضيع وقتا من يقرأ لك👍

[Shafei · Rating 5 out of 5]

رواية اكثر من رائعه و انتظر الجزء التاني
تحياتي ا محمد

[Nour Alaa · Rating 3 out of 5]

Audio

[Rofida Mansour · Rating 4 out of 5]

رواية حلوة جدا جدا، فيها معاني روحانية عميقة جدا وهي في حد ذاتها تجربة نفسية بيخوضها شاب اسمه "آدم" محبط من حياته بينجح أنه ينفصل عن جسده بالصدفة وبدون ما يعرف ازاى أو إيه إلى حصل، المهم أخونا المحبط ده في الفترة إلى كان فيها برة جسده بيقابل "عابد" شاب زيه ولكنه قديم عنه في شغلانة السفر والإنفصال، بيبدأ عابد يشرحله فكرة الأكوان الموازية وتجربته في السفر عبرها وإلى بدأت بعد وفاة زوجته وده على أمل إنه يقابلها تانى في الأكوان التانية ومن خلال تجربته دي اكتشف ذاته وتغيرت قناعاته عن الحياه وعن نفسه.
رحلة عابد في الأكوان التانية كلها مغامرات روعة بيعيشها مع نظيره في العالم إلى بيروحه وبيكون ليه دور في حياة نظيره ده وفي نفس الوقت درس بيستفيد عابد منه وبيعينه على إصلاح حاله، والصدمة الحقيقية مستنياكم في نهاية الرواية.
دي كانت أول مرة أقرأ رواية من النوع ده واستمتعت بيها جدا، الرواية قصتها حلوة وأسلوب سردها بسيط، الحوار فيها ممتع وأثر فيا على المستوى الشخصي، عارف كده لما تقرأ رواية فيها كل حاجة خيال علمي وفلسفة ورومانسية وفانتازيا على شوية روحانيات والأهم إن كل حاجة بالحد المعقول فتخيل المتعة.
ولكننننن فيها قصة ليها علاقة بالصوفية وتحديدا رحلة عابد التانية ولما رجعت للنبذة لاقيت مكتوب فيها كده فعلا، بس صراحة كانت على الهامش مش الجزء الأكبر من القصة يعني مش أذيتني في حاجة خصوصا وإنها فيها ذكر للتصوف الحقيقي وليس ادعاء التصوف والمغالاة فيه زي إلى بنشوفه حولينا دلوقتى، ومن وجهة نظري كان ممكن تتعمل بدون النزعة الصوفية إلى ظهرت في نظير عابد في القصة، وفي حاجة غريبة قالتها نور في الآخر أكوان إيه إلى بتاعتها حد يفهمني وإيه هدف الكاتب من إلى اتقال بردو عبارة ملهاش لازمة من وجهة نظري.

تقييمى للرواية 4.5/5

[Shaimaa Abdellattif · Rating 5 out of 5]

الرواية ممتازة جدا .. الرؤية النفسية للروح فيها تلمس جزء من روحك وانت بتقرأ
الفكرة اللي بتيجي في بالنا كلنا .. ماذا قد يحدث لو كانت لي اختيارات اخرى .. تناول الكاتب للفكرة دي كان بحرفية شديدة ولمس جدا مناطق حقيقية كتير في ارواحنا

بجد رواية تحفة .. بالتوفيق في كل اللي جاي

[Samar القلب · Rating 5 out of 5]

بيعجبني الكتب ال بتوصل رسالة بأسلوب شيق وهذا ما وجدته

[Wael Eliwa · Rating 5 out of 5]

ملحمة من الخيال والرومانسية والفكر والعصف الذهني الحميد اللي يوصل لأجوبة
حوار عقائدي سهل. للعامة والناس البسيطة
بدون ما ياخدنيا في مسائل فقهية كبيرة
بالنسبة لي كانت اول معرفه بالأستاذ. محمد
وبعدها اسمه بقي ضمان.. وانا مغمض
👌👌👌💯💯💯

[Amiraelmahdy · Rating 4 out of 5]

رواية تجمع مزيج مختلف ولكن مميز اجتماعي خيالي نفسي يطرح العديد من التساؤلات بطريقة مميزة وشيقة ممكن يكون فى إطالة شوية بس مملتش اوي وكنت عايزة اعرف النهاية وجت مفاجأة

[Toufic Mamdouh · Rating 5 out of 5]

رواية اقل ما يقال انها رائعة انا اسمعها عبر اوديوهات كل سطر بها يأخذك في عالم خيالي واقعي للنفس سوف اقراءها ايضا شكرا للمؤلف والكاتب وفريق اوديوهات

[سلمان مبروك · Rating 5 out of 5]

رواية رائعة، وهذه ثاني مرة أسمعها فيها