ليالي قريش: قبل الدعوة

ليالي قريش #2

by مؤمن المحمدي

المختلف في ما يطرحه المحمّدي في "الليالي"، عدا الكتابة بالعاميّة المصرية، هو افتراض قارئ مُستجدّ، لا يعرف شيئاً عن الإسلام ويسمع لأوّل مرّة بقريش، وبناء الكعبة. عن قُصيّ بن كلاب والتجارة في مكة، وهاشم بن عبد مناف، وعبد المُطلب جدّ الرسول، وماذا فعل سيف بن يزن بأبرهة الحبشيّ، وقصّة بئر زمزم وغيرها. ومن الواضح أنه استفاد في طريقته، التي تعتمد على رواية الحكاية من "أوّل وجديد"، عبر تحليل اللغة وتأويل اللفظ، والبحث في الحكايات الجانبية وربطها بالحكاية الأم، من خبرته عشر سنوات في تدريس اللغة العربية ومبادئ الإسلاميّات للأجانب وغير الناطقين بالعربية. حتى أن هناك منهجاً باسمه في تبسيط اللغة العربية في الجامعة البابويّة في روما، عنوانه "الطريق إلى اللغة العربية".

Genres: History

222 pages, Paperback

About the author

عبد المؤمن مصطفى محمد محمد، اسم الشهرة مؤمن المحمدي، كاتب وصحفي ومؤرخ وناقد فني مصري، من مواليد أسيوط 4 مايو 1975، حاصل على ليسانس الآداب قسم اللغة العربية من جامعة القاهرة عام 2005
عمله الصحفي:

كاتب حر، بدأ العمل مدرسًا ومشرفًا ومسئولًا عن دار كومبوني التابعة للكرسي الرسولي (بالقاهرة) في الفترة من 1996 – 2005، وصدر له كتاب (الطريق إلى اللغة العربية)، عن دار كومبوني للنشر، يكتب حاليًّا مقالات يومية بموقع دوت مصر، وجريدة السفير اللبناني، وقد سبق له أن كتب مقالات ثابتة في كل من الأهرام، روز اليوسف، أخبار الأدب، جريدة القاهرة، .الدستور، الغد، موقع كسرة، موقع قُل،
.تولى مناصب في مجلس التحرير بعدد من الصحف التي كتب فيها
.شارك في تأسيس عدد من الصحف، منها جريدة الصباح
محرر بقناة (سي بي سي) المصرية (برنامج صاحبة السعادة)
.محرر بالتلفزيون الإيطالي، مكتب القاهرة
.محرر بقناة دريم

صدر له:

عزيزي المواطن المسلم لماذا أنت متخلف، دار أوراق للنشر، 2012
سنة أولى ثورة، دار نهضة مصر، 2011
الأصنام، دار أكتب، 2014
أهلاوي، دار دون، 2013
أهو كلام، دار المصرية 2009
قانون جديد (رواية)، دار بيت الياسمين، 2013
تخاريف خريف (أشعار)، دار صفصافة، 2010
عارف يا حسين (أشعار)، دار روافد،2013
ليالي قريش 2015

خبرات ثقافية :

تنظيم (صالون المحمدي) عام 2013، وهو صالون ثقافي خاص، عمل على نشر التنوير، وذلك من خلال محاضرات تم عقدها بصورة دورية في 15 محافظة بالتعاون مع مؤسسات عدة، .أهمها: مركز ديالونا الثقافي، مؤسسة جدران بالإسكندرية

Reviews

[Tawfek · Rating 5 out of 5]

أنا إلتهمت الكتاب ده لدرجة اني و انا رايح معرض الكتاب قرأـ 90 صفحة في اربع ساعات و نص في القطر كانوا آخر صفحات الكتاب
مؤمن المحمدي مبدع جدًا في طريقة طرحه للتاريخ بهذا الشكل مش بس لغته عامية فقريبة من الجمهور الا انها كمان غير مبتذلة و بينجح في موازنة لغته كويس جدًا
كمان مؤمن المحمدي واسع الإطلاع و قوي الذاكرة بشكل غير معقول ده بيحكي عن شخصية معينة من خمس مصادر او اكثر و فاكر كل حكاية عن الشخصية دي في كل كتاب منهم الا اذا بقي كان فاتح خمس كتب مع بعض و بيقرا فيهم عن نفس الشخصية في نفس الوقت و ده مش معقول انا بقول بالكثير قوي بيتأكد بس من الحكاية اللي عارف انه قراها في الكتاب الفلاني عشان يعيد روايتها مش اكثر
ليالي قريش من الكتب اللي هتخليك لك نفس تقرأ كتب كثير جدًا متعرفش ازاي بس انا فعلًا ليا مزاج قوي اقرا تاريخ الطبري او البداية و النهاية لابن كثير
مش هتكلم عن المحتوي انا كلامي كله في الريفيو ده تقني بحت لان انا ذاكرتي مش حديدية زي مؤمن المحمدي
في الجزء ده بنتكلم بشكل رئيسي عن الموحدين ما قبل الإسلام و بنلاقي ان كان فيه اتجاه ظاهر جدًا في شبه الجزيرة العربية.
و بنتكلم كمان عن حياة الرسول قبل ما يبقي نبي و تأتيه الرسالة.
ورقة بن نوفل سمعت عنه كثير من الناس اللي الحدوا شكل كتاب قس و نبي له تاثير كبير عالناس دي
مش عارف اقولكم ايه تاني بس نفسي بجد الاقي الجزء الرابع و الخامس و السادس من ليالي قريش

[Belal Magdy · Rating 4 out of 5]

الكتاب مهم فعلا ومختلف وبيقدم رواية تاريخية مختلفة بعض الشيء عن معظم الروايات التاريخية المعروفة عن فترة ما قبل الدعوة في حياة سيدنا محمد صلي الله عليه وسلم ..أساس الكتاب هنا ان لكل موقف أكتر من رواية وكل رواية فيهم مثبته وغير مشكوك فيها ..احنا هنا بنتكلم عن أحداث حصلت من اكتر من 1400 سنة ..يعني ثورة يناير اللي حصلت من ست سنين الناس حاليا بتقول انها ثورة مدعمة من الخارج او انها ثورة اخوان او انها ثورة شعب فعلا ..أصل الحكاية في الغالب بيتغير دايما وبيتفرع لحكايات تانيه علي أهواء راويها ..

[Muhammed Hebala · Rating 3 out of 5]

تقييمه اقل من الجزء السابق بسبب الإطالة و الحشو الزائدين
بالطبع قد يكون السبب هو التشعب الرهيب و تشابك الأنساب في مكة
لكن لا زال الكتاب يستحق القراءة تماما
و المجهود المبذول من مؤمن المحمدي مجهود خرافي
و الحكايات المرصودة و تبعاتها ضخمة جدا جدا
ستظل هذه السلسلة من الكتب تؤثر في مجتمع القراء لفترات طويلة
و هذه الكتب هي كنز حقيقي لتاريخ قريش و مكة
اشتياقي في ازدياد لابدأ الجزء الثالث

[Mohamed Ramadan · Rating 4 out of 5]

ايه العظمة دي!!

[أحمد السكري · Rating 4 out of 5]

الكتاب شيق و ممتع جدا و كالعادة بأعرف دا لما ألاقيني بكلم الناس اللي حواليا عنه و ألاقيني بأذكرأجزاء منه في كلامي
يعيبه حوار العامية دا - ما أنا بكتب بعامية أهو :P - بس سرعان ما هتتأقلم علي الوضع لما تخش في الأحداث و تنسجم معاه
الفترة التاريخية دي الحقيقة معلوماتي عنها متواضعة جدا و كنت حابب أقرأ فيها فبالتالي أي حاجة بتتقال بتكون موضوع الدراسة و لا أخد منها موضع القبول أو الرفض لحد أما أكون وجهة نظر بالقراءات المختلفة القادمة إن شاء الله و خصوصا أنها فترة شائكة شائقة و كل كاتب ليه ميول سياسي أو انتماء ما بيحاول يضفيه على كتابته عشان يوصل لحاجه هو بيعتقدها فعشان كده لسه محتاج شغل كتيير جدا عن الفترة دي . يعني في قصة قلادة زينب و قصة عمرو بن زيد افتكرت إني قرأتهم في كتاب أثر النبي لعمر طاهر فرجعتلهم هناك ف الموضوع عامل زي البازل و لسه عاوز مجهود و طولة بال .
رجعت للكتاب الأول و تقريبا قرأته كله تاني عشان مع الأحداث و متابع الدنيا بس هنا هو تقريبا ماعملش ملخص زي الكتاب الأول فها عشان عمل هنا فهرس ما علينا أنا بالطبع تواق جدا للكتاب الثالث و الرابع حتى تكتمل الصورة بس يا ريت يكتر الSpider Grams و الخرايط و غيرها عشان الأمور تكون أوضح .

[Heba Elkhwaga · Rating 5 out of 5]

#ريفيو
#ليالى_قريش_قبل_الدعوة ج2
#مؤمن_المحمدي

الجزء الثانى ده اهم بالنسبة لى من الجزء الاول ومثير اكتر
لانه تعرض لسرد دعوات التوحيد اللى كانت موجودة قبل نزول الوحي على سيدنا محمد ..
ولقائه مثلا ب عمرو بن زيد
وورقة بن نوفل ... وغيرهم ممن دعوا للتوحيد فى اماكن متفرقة فى شبه الجزيرة العربية قبل وبعد نزول الوحي
فى معلومات جديدة عن مصحف ابن مسعود وان الفاتحة مش مثبته فيه .. واحاديث عنه ان الفاتحة مش من القراءان الكريم ولكنها من دعاء عمرو بن زيد .. وانها ثابته فى الصلاة زي التشهد
وان كان فى مصاحف على ايام النبى صلى الله عليه وسلم ولكن اللى اتفقوا عليه هو اللى تم توزيعه ايام سيدنا عثمان بن عفان
والكاتب هنا بيختلف مع الكاتب #وضاح_صائب فى قصة سن زواج السيدة عائشة وبيستشهد بزواج بنات النبى فى نفس السن تقريبا من اولاد ابو لهب
عرفت انه ابو سفيان ابن الحارث اخو النى وعمه حمزة فى الرضاعه
عرفت انه عقبة ابن نافع اخو عمرو بن العاص من الام
معلومات كتير مهمه وجميلة غير ده كله فى حياة النبى صلى الله عليه وسلم قبل نزول الوحي
كتاب مهم وجميل اعتقد هرجع اقراه تاني قريب
خصوصا ان الكاتب اسلوبه حلو جدااااا ودمه خفيف كمان

واخيرا شكر خاص من قلبى لحبيبتى mego elsayed
اللى رشحت لى السلسه دى اصلا


اقيمه 4/ 5 برضه بسبب اللغه العاميه وفيما عدا ذلك هو كتاب رائع جدااا ارشحه لكم بقوووة

[Sahar · Rating 3 out of 5]

فعليآ التقييم 3 نجوم ونصف ، والسبب فى تقليل التقييم عن الجزء الأول إنى حسيت إن الجزء دة فيه شوية رغي زايدين أوى ، وإن الكاتب تشعب شوية فى مواضيع فرعية كان ممكن يعديها ببساطة ، بجانب إنى أتلخبطت كتير فى الأسماء والأنساب والقبائل وحتى المناطق بس ممكن الخرائط اللى فى الأخر تكون حلت لخبطة المناطق بس محتاجين خرائط أوضح للأنساب والعائلات عن اللى معمولة فى أخر الكتاب ، فى النهاية برضو منتظرة الجزء الجديد اللى هينزل بأسم قبل الهجرة ،

[Mahrous · Rating 4 out of 5]

الكتاب ممتع. وده وصف عمري ما حسيته ناحية كتاب تاريخ ديني

المتعة نابعة من كذا حاجة: أولا الكتابة بالعامية المصرية ومطعم ببعض الافيهات المناسبة
وثانيا الحكايات معظمها فيها دراما يعني بداية وعقدة وحل، يعني تعريف سريع بالشخصيات وصراعهم مع بعض ثم حل الصراع والنهاية وكل ده في صفحتين أو ثلاثة
وثالثا الحكايات بتتحكي من كذا زاوية أو مصدر
ورابعا تعليق المؤلف السريع واستنتاجه على كل حكاية فبيحطها في اطار أكبر ورؤية أوسع

طبعا قراءة الكتاب ده محتاجة ثقة عالية في دينك، يعني أصحاب العقليات الجامدة والمتشددة اللي فاكرين الاسلام نزل قوي من أول يوم زي ما وصلنا هيتخضوا من كمية اللايقين في الحكايات والأحداث وقد ايه ناس كتير قبل وبعد الدعوة كان ليهم فضل كبير على اكتمال الدعوة ومساندتهم وتأثيرهم على مجرياتها لحد ما اكتملت واستمرت ووصلت لنا

[أحمد لطفي · Rating 2 out of 5]

في بداية تقييمي لأي كتاب= بحدد نوع الكتاب علشان أحدد المعايير إلّي هايتقيم عليها بالضرورة..
هنا المفروض -زي ما الكاتب قصد في أكتر من موضع- إننا أمام "بحث تاريخي". هل دا بحث تاريخي؟
--
الكاتب واسع الإطلاع، وحاول يكون حكاية متسقة في ذهنه كما العادة مع التاريخ إلي شبهه أستاذ سليم حسن في مقدمة فجر الضمير بالواحات في الصحرا. لكن هل دا يقطع بصحة حكايته؟ والإجابة المنطقية لي باحث تاريخ= لأ قطعًا، لكنه اجتهاد!
--
منهج الكاتب في الكتاب وإلّي بيزعم إنه "بحثي" غير بحثي إطلاقًا، ويميل للتهويل في مواضع هو يريد فيها التهويل بدافع نفسي غير علمي للإيهام، ودا واضح في مواضع كتير، زي مثلًا كلامه في إن"لعمر بن الخطاب مصحف ولعلي بن أبي طالب" وأظنّه يعلم أن مصاحف الصحابة الخاصة المحتوية على شروح وأدعية "خاصة" مع معرفتهم بالقرآن من غيره، تختلف عن المصحف المقصود بذاته والذي جمعه سيدنا أبو بكر أول الأمر، فلا خلاف إلّا في ذهن الكاتب!
ويقول بعد إيهام الاختلاف في قضية -هل البسملة جزء من السور ولا لأ- "حتى دي مختلف فيها" ويعنون فصل كامل ب "مش بس الفاتحة". هل دا أسلوب "علمي" في تناول الجزئية؟!
--
بيحيل لفتوى من موقع إسلام ويب خاصة بنسخ آيات "الحفد" و "الخلع" ، وبيوصل إحساس للقارئ إن القرآن إلي وردنا فيه اختلاف. ومش عارف هل هو يعرف المنسوخ تلاوة ولا لأ! وهل يعلم تقديم أبي بكر وعمر لسيدنا زيد بن ثابت على سيدنا عبدالله بن مسعود ويقول عن سيدنا عبدالله بن مسعود أنه قال بأنه كان أفضلهم حفظًا، مع أن الثابت أنه قال:
"والله لقد علم أصحاب النبي أنّي من أعلمهم بكتاب الله، وما أنا بخيرهم"
ومع ذلك يصر الكاتب على الإيهام بأن سيدنا عبدالله يقول أنه يدري كل شيء عن القرآن، ولا أعلم إن كان الكاتب يعلم أن سيدنا ابن مسعود أتم حفظ القرآن اصلًا بعد وفاة النبي! وقد حك المعوذتين مثلًا ولم يحكهما الصحابة من المصحف، بل وثبت قراءة النبيي بهما في الصلاة، فقط ليوحي بأن رأيه صحيح.. منهج سيء لا يليق ببحث والله! لأن الإجماع وقع أصلًا بإثبات الفاتحة والمعوذتين! ثم يقول فيه نظر! سبحان الله!
--
ومعرفش الحقيقة محاولته في الإيهام إن الفاتحة مش من القرآن دا يؤخذ بيه إزاي، لأنّه مضحوض أصلًا بالنمط الأسلوبي فضلًا عن أي ردّ!
--
في جزء خالد بن سنان بيقول إنه قرأ على نار بتؤذي الناس "نصوص لا شعر ولا نثر وفيها قافية" علشان برضو يحاول يوهم القارئ إن دي قرآن مثلًا، خاصة غنه بيأكد مقابلة سيدنا محمد له، وسؤاله عنه. بعد قدوم وفد عبس، علشان يوصل القارئ للتفكير في منطقة معينة، في حين إن القصة أصلًا ضعيفة، فضلًا عن قراءة نصوص تشبه القرآن أو غيره!
--
في جزء بيحاول فيه الكاتب يوصل فكرة إنهم -في بدايات القرن السابع- كانوا أغبية وسذج، ويا عم دول بيعتقوا العبد الي بيضرب 6*9 ويطرح منهم 4 باين، وكدا يعنى، وبصراحة مش عارف أرد على الطرح الساذج دا إزاي، وإلّي مفروض مذكور في كتاب محترم!!
--
السيدة خديجة -عند الكاتب-كانت مسيحية!
--
بيحاول الكاتب يطعن في "التواتر" بإنّه بيقول إن إزاي فيه خلاف على مسألة زي وفاة والد السيدة خديجة مع وجود شخصيات كثيرة من المسلمين الأوائل، ودا شيء ساذج برضو!!
--
وبيستمر في الإيهام بذكره 3 أحاديث عن السيدة فاطمة منها "فاطمة، إن الله يغضب لغضبك" وبيقول إنهم صحاح في البخاري ومسلم والحاكم المستدرك والأسانيد موجودة للي يحب. ودا شيء مضحك جدًا، لأن فعلًا الأسانيد موجودة وإلي يحب!
ربع الثقة دي بس يا رب..
ونفس الإيهام دا بيعمله مع تلفيق إن للنبي إبن كان إسمه "عبد مناف" وبيقول هو الكلام دا فين، ما في البخاري وابن عساكر وابن كثير، وحاجة آخر مسخرة والله.
--
للأسف الكاتب بيستشفع في أي حاجة "متخصصي علوم الدين" بيقولوا عليها غلط. كدا هو متكيف ناو وشايف إنّه بيزيل أفكار الجمود عن عقل الأمة!
--
مشكلة الكاتب إنّه استنتج حكاية متسقة وحاول يقنع القراء بيها. ودا مش تاريخ! دا اجتهاد، قد يكون فاسد بالكلية خاصة إن فقد كاتبه لأدوات النظر!

[Mohamed Faiez · Rating 5 out of 5]

بما إن الكتاب مكتوب بالعامية المصرية، يبقى نكتب الريفيو بالعامية. مبدئيًا: مؤمن صحفي شاطر، وكتيب شاطر، وده حاجة مهمة أوي في كتاب بيتكلم عن "السيرة" في أجزاء مش متداولة أوي، والحقيقة أنا متابع الليالي من أول ما كانت بتتنشر في موقع إلكتروني، لكن العين ما عادتش تستحمل فاستنيت لما يقع الكتاب في إيدي.

الكتاب، زي ما بيقول كاتبه، مش إعادة كتابة للتاريخ، قد ما هي إعادة قراءة. والحقيقة التاريخ ده محتاج إعادة قراءة، مش لأن المؤرخين السابقين كذبوا علينا، لكن لأن عندنا فيضان من الروايات المتناقضة، واللي لو خدت كل رواية لوحدها هتطلع بتاريخ مشوه، الراجل هنا بيقدم نقد لكتير من الروايات اللي بيقابلها، لمحاولة الوصول لصورة معقولة عن التاريخ ده.

من الحاجات اللي عاجباني في الكتاب عدم انبهاره بالإعجاز اللي بيطرطش في روايات المؤرخين القادمين، لأن الروايات دي بتقدم حلول لمشاكل ولأحداث تاريخية عويصة عبارة عن حلول سهلة جدًا، ليه سهلة؟ لأنك بما أنك مؤمن (مش المحمدي) فأنت طبيعي تصدق المعجزات اللي حصلت واللي ممكن تنزل تحل أي مشكلة، هل هو بيرفض المعجزات؟ في رأيي لا، لكن هو بيدور على الحلول والتفسيرات العقلانية والمنطقية والواقعية اللي يقبلها المؤمن والملحد والمتشكك.

الكتاب بيتناول الفترة اللي من عند ميلاد النبي لحد قبل الدعوة بفترة قصيرة، تحديدًا زواجه من خديجة وأولاده منها، وخلال ده بيمر ببعض النقاط المهمة: التوحيد في مكة وفي الجزيرة عمومًا، مين الأشخاص اللي اعتنقوا التوحيد ده، وبأي شكل، وهل كان توحيدهم مجرد اعتقاد شخصي ولا قرروا يحولوه لسياسة؟ في الحتة دي هو بيشير من بعيد شوية للمسيحية أو النصرانية اللي اعتنقها ناس كتير، منهم بعض أهل زوجة النبي نفسهم، وعلى رأسهم طبعا طبعا عمنا ورقة بن نوفل، بس أنا كنت أتمنى إنه يقف عند الحتة دي تحديدصا شوية: النصرانية دي كان شكلها عامل إزاي؟ أنا عارف زي ما هو قال إنها تختلف عن المسيحية الأرثوذكسية اللي نعرفها دلوقتي عندنا، أو كاثوليكية أوروبا، بس برده شكلها إيه؟ إيه تفاصيلها؟ هي غالبًا أقرب للتوحيد، بتنكر لاهوت المسيح، علشان كده هي هتبقى "هرطقة" حسب المعتقد الكلاسيكي، لكن طبعًا أنا مقدر إن الكتاب ما يقدرش يتشعب أوي في نقطة زي دي.

فوق كده كمان، الكتاب بيتكلم عن الجذور، جذور الجبهات اللي هتبقى موجودة خلال فترة الدعوة، مين الشخصيات المشهورة وقتها واللي كان ليها وزنها، زي عتبة بن ربيعة وعمرو بن هشام والوليد بن المغيرة، إيه جذور مواقفهم دي، مع محاولة تقديم صورة "واقعية شوية" بدل صورة المرحوم عدلي كاسب في دور أبو جهل.

[Osama Yosre · Rating 5 out of 5]

ليالى قريش الجزء الثانى يوصل المحمدى الجلوس على كرسى الرواى ليحكى لنا فتره ماقبل النبوه ليروى لنا قصه مجموعه من الاشخاص كانت تنادى بالوحدنية وعدم عباة الاصنام واهم الشخصيات الاجتماعية بقريش وحرب الفجار وكيفية نشائتها وكيفية ذهاب الزعامة بعد موت جد الرسول وانتقالها الى عائلتها اخرى وصوره لميلاد الرسول ونشائته
ومرضعاته وشغله فى فتره ما قبل الوحى وزواجة بالسيدة خديجة وانجابة منها الاولد ثم يتوقف هذا الجزء
مومن المحمدى تحس منه انك قاعد على قهوه مع صحبك اللى عمال يحكى ليك الموضوع باسلوبه العامى وبطريقة شيقه وسهله
الكتاب يحكى لى العديد من المفاجئات التى اسمع بها لاول مره زى الاختلاف على اسم الرسول وابية والاقاويل التى طرحت ذلك الموضوع والصوره المغلوطه عن ابى جهل من انه جاهل وسى الهيئة وتعدد مرضعات الرسول لانى كل اللى اعرفه السيده حليمة السعدية و كيفية التضارب الكبير فى الكثير من الاحداث المعروفه حول بعض الشخصيات وان السيده خديجة لها اولاد من زوج سابق
مش عارف دايم بيجى لى احساس ان الصوره المنقوله لنا عن فتره الجاهلية مغلوطه لان زى ما فى وحش كتير فى حلو وافكاره حلوه وقدره كبيره على القياده والزعامة
لماذا توجد الاختلافات الكبيره فى الروايات ولماذا لا يصل لنا غير رواية واحده معروفه وتدرس لنا وهل فعلا لان ليس كل ما يعرف يطرح على العامة من معلومات. هل ده لان الناس معندهاش خلفية للرد على الشبهات ولا لان المسائل ده ممكن تزعزع العقيده عن بعض ضعاف الناس
الغلاف عجبنى جدا وعجبنى المقدمه اللى بيقول فيها ان بيطرح افكار واللى عوز يعرف اكثر او شاكك يبحث ويدور
وفى اجزء فى الكتاب شايف انها ليس ليها علاقة بالسيره زى موضوع الفاتحة

[Sherif Badawy · Rating 5 out of 5]

كتاب جديد و فريد فهو تاريخ ديني بدون تحيز أو عواطف, بدون إختيار روايات و ترك لأخري. كتاب يضع أمامك الروايات المختلفة لكل حادثة و يحللها و يفند الدوافع و الأسباب و يدلو بوجهة نظره دون إنحياز و يترك الإختيار للقاريء. الكتاب لأول مرة بالعامية و من حكاء قدير كمؤمن المحمدي و قد بذل مجهود خرافي بمعني الكلمة ليقرأو يراجع كل هذا العدد من أمهات الكتب و يخرج هذا الكتاب بل السلسلة العبقرية. شكرا لمؤمن المحمدي علي المجهود الجبار الذي لن أبالغ إذا قدرته بالسنين و كذلك شكرا علي الحرفية بالصياغة و تبويب الكتب لتصبح كل ليلة وحدة منفصلة بذاتها في ثلاث أو أربع ورقات.

[أحمد الكيلانى · Rating 3 out of 5]

حسنا ، هناك مجهود واضح فى البحث و التحرى و الغوص داخل الكتب ، بالطبع المعظم يعلم بأنه ذلك الكتاب هو جزء من سلسلة كتب تحمل عنوان ليالى قريش ، لكن ما جعل الكتاب يحصل على ثلاث نجوم فقط هو أنه يجرى وراء كل إشاعة حتى لو كانت تافهة ثم يقوم بدحضها ، إذا لماذا الجرى وراءها طالما أنه تافهة وسخيفة ، ليس الغرض من الباحث أن يقوم بالرد على كل شىء ولكن اعتقد أنه المفروض أن يعطينى ما هو مهم فقط ، كتاب لا بأس به ولكن لن تخسر أى شىء على الاطلاق إذا لم تقرأه

[Ziad Daoud · Rating 5 out of 5]

الكتاب مفيد
- أسس سردية عامة عن صعود الموحدين في الجزيرة وتأثيرهم مقابل سادات قريش
- سمى قريش: عتبة بن ربيعة وأبو سفيان والوليد بن المغيرة وأبو الحكم بن هشام (أبو جهل)
- خاض في النقاش حول اسم النبي واسم أبيه
وممتع بصيغة ألف ليلة وليلة واللغة العصرية السهلة والفقرات القصيرة
الأخطاء الطباعية متكررة في نسخة الكيندل

[هشام السعيد · Rating 5 out of 5]

السلسلة دي عظيمة لاي حد حابب يقرا تاريخ اسلامي بصورة مبسطة ...

[Nahed zazou · Rating 3 out of 5]

معجبنيش قوي زي الجزء الاول لكثرة وده بسبب حالة التوهان بين الاشخاص والقبائل في الكتاب وكثرة استنتاجات الكاتب

[Tamer Refaee · Rating 4 out of 5]

👍

[Ahmed Saody · Rating 4 out of 5]

مشهد بانورامي للنظم الإقتصادية، السياسية، الإجتماعية، والدينية في شبه الجزيرة العربية قبل الرسالة و شذرات من سير الشخصيات الأكثر تأثيرا في الدعوة المحمدية.

من وجهة نظري المتواضعة.. كتاب، أهم مافيه محاولات الكاتب و اجتهاده في رصد التضاربات و التعتيم المتعمد على أجزاء من الصورة التاريخية لبدايات الإسلام. فالحدث واحد وإن تعدد الرواة واختلفت الروايات.

معرفة الله والإيمان به يبدآ من الاجتهاد في محاولة الوصول إليه.

[Anon · Rating 5 out of 5]

ممتع اوي ومليان معلومات كتير ومؤمن مش سايب حاجة خالص... عاش يا مؤمن.

[Muhammed · Rating 3 out of 5]

مؤمن بيستمر بنفس الاسلوب السلس في الطرح اللي استخدمه في الجزء الاول.
في الجزء دة حسيته بيمط ويزود كلام واحداث وصفحات بدون داعي..وتركيزه بيزيد علي شخصية ويقل علي التانية ..
كمان
هو لازم نفسه في القصص اللي بتتحكي عن الشخصيات بالرؤية المكتوبة في كتب التراث الاسلامي السني..اللي كلنا عارفين انها اتكتب باثر رجعي في العصر العباسي.
مشكلة التاريخ، وخصوصا لما يكون مصبوغ بايدلوجية متطرفة، ان الحقيقة بتوه وسط الخيال والمبالغات..وبتضيع مع مصالح كل فئة علي حساب التانية،
الناس تحاول تاخد التاريخ دة زى قصة لطيفة كدة، ممكن الاحداث دى كلها محصلتش او حصلت بس مش بالطريقة المرسومة لنا دى..
لما تيجي تقارن تاريخ الدولة الاسلامية في بداياتها مع امبراطورية ضخمة زى الفايكينج كدة،
وتكتشف انها كانت زى الامبراطورية الاسلامية مش بتاعة كتابة وتدوين،
وان اللي وصل لنا عن الفايكينج هو عبارة عن شوية اشعار ومتناثرات هنا وهناك من الشعوب اللي حاربوهم،
بعدين تيجي للدولة الاسلامية وتعرف انها كانت ملهاش في التدوين برضة، وبعدين تلاقي غزارة الانتاج والكتب اللي طلعت بعد ١٥٠ و٢٠٠ سنة بعد وفاة الرسول؛
تخليك متشكك برضه وتحلف ان الحدث دة فعلا حصل اساسا.
المهم
استمتع بالكتاب علي انه قصص لطيفة، بس مش تروح تقتل او تفجر نفسك عشانهم

[Mutasim Elfatih]

جميل جدا وقراءة للتاريخ مختلفة وجدبدو