ما تخفيه جدران المدينة

by ڤيرينا ويلسون

يا ترى ايه اللي بيدور جوا شقق وسط البلد؟ هل هي حياة عادية زي حياتنا؟ ولا في سحر وممرات لعوالم تانية؟ ولا حياة تقليدية بس بشكل مختلف؟ يا ترى الناس اللي جوا عاملين ازاي؟ عائلات ولا تجار ولا مجرمين؟ طب يا ترى ايه اللي بيربطهم؟ الحب؟ الشهوة؟ الكره؟ الانتقام؟ ولا مزيج من كل دول؟
ازاي مكان ساحر زي ده ممكن الحياة جواه تبقى عادية؟ من يوم ما عرفت الدنيا وانا بشوف عمارة بهلر مالشباك وبتغزل في جمالها. مش قادرة أقبل فكرة إنها مكان عادي زي أي مكان تاني. بهلر بتنتمي لعالم الروايات وأنا طول عمري نفسي أعيش في رواية. أو يمكن أكتبها؟ أخلق أنا الأحداث وانا عارفة إنها مش حقيقية. أو يمكن تبقى حقيقية، هعرف منين؟ طول مانا ماكنتش جزء منها مش هعرف، لكن ده شكل الحياة اللي اتمنى يكون ورا واحد من الشبابيك دي.

176 pages, Paperback

Published January 1, 2020

Reviews

[Dana Al-Basha | دانة الباشا · Rating 4 out of 5]

الجزء الثاني من الرواية في كتير من كونداليني فيو

https://www.youtube.com/watch?v=DS_Qq...

[Maha · Rating 1 out of 5]

تحديث:
إمبارح قيمت الرواية بنجمة و بعدين صعبت عليا اللي كتبتها فاديتها نجمتين بدون ما أعرف نجمتين على ايه .. النهاردة مقدرتش .. ضميري مش مطاوعني لو أقدر أقيم بأقل من نجمة كنت عملتها..
أنا احترت أكتب ايه.. بما إن صاحبة الرواية لأول مرة تكتب فأنا مش عايزة أحبطها وفي نفس الوقت الأمانة تقتضي إني اكتب رأيي بصراحة .. فانا بحذر من الأول إن أنا كلامي هيكون غير لطيف... بس الواحد دفع فلوس في الرواية دي واتحرق دمه...
أولا نبدأ بالإسم .. انا معرفش ده إسم مستعار ولا ايه لكن للأسف اداني انطباع ان دي رواية مترجمة .. وأنا بقيت بفضل الروايات المترجمة لأن لغة الترجمة بتكون جذابة ونادرا ما اقع في رواية مترجمة بطريقة سيئة.. بطلت أقرا النبذه اللي على غلاف الكتاب علشان فيه ناس هوايتها حرق الرواية في النبذه!
أشتريت الرواية بناء على توصية الشاب اللي واقف في جناح الناشر في معرض الكتاب وقد تكون دي الغلطة اللي أنا عملتها لأني من زمان قررت مجريش وراء توصيات .. لكني فعلا كنت عايزة أخرج بحاجة جديدة من عند دار النشر دي فوافقت واشتريتها.. لكن للأسف تقييم البائع للقاريء كانت خطأ .. انا أم وابني طولي .. ودي رواية متتباعش غير لمراهقين أول مرة يقراوا حاجة في حياتهم فأي حاجة هتقوم بالمهمة معاهم والرواية دي هي الأي حاجة من وجهة نظري ولو انها هتسوق لأفكار خطأ...
الرواية أقل من العادية .. كل الأحداث متوقعة.. كليشيهات متاخد من الأفلام و المسلسلات العربي التافهة .. طبعا الكاتبة كانت ذكية في انها قالت كده في لأول .. بس كده .. لكن لا يوجد أحداث ولا حبكة ولا أي شيء جديد يجذب الإنتباه .. حتى فكرة الكاتبة اللي اعتبروها جديدة هي ليست بجديدة وشوفتها في دراما كورية العديد من المرات...
نيجي بقى لحتة النسوية (واللي معرفين الكاتبة في الغلاف انها كاتبة نسوية).. في الرواية اتحولت النسوية بقدرة قادر من نقطة اعطاء الستات حقوقهم بما يرضي الله.. لنقطة ان البنت من حقها تعيش مع اللي تحبه من غير جواز ومحاولات عجيبة لايهامنا ان الحضن حاجة عادية وان الناس مش فاهمة انه لهدف بريء ... وخيالات وأوهام ناتجة عن مشاهدة الكثير من قصص ديزني.. بتتكلم عن الراجل الفارس اللي مش بيستغل الفرصة .. محاولة تثير الرثاء لايهام القاريء إن المشكلة في دماغ الناس وتفسيراتهم وإن الحدود الموضوعة في المجتمع ما هي إلا حدود جوفاء وان الموضوع تابع لتقدير كل شخص .. وتجاهل الجانب الديني اللي حاولت تجيبه في جزئيات اخرى علشان تحسسنا الكاتبة ان الدين موضوع في الحسابات بردو .. اصلها بعد ما مشيت مع صاحبها 4 سنين بتصلي الفجر حاضر وتدعي ربنا ....
الخلاصة فكرة ساذجة تعرضها كاتبة مسمية نفسها نسوية ومحاولة لايجاد شرعية للفكرة دي بالتحجج بوجود أب ظالم...
بس كده..
الكلام ده بيحصل .. أيوه بيحصل .. لكن ميتحطش في رواية .. مفيش ابداع من وجهة نظري..
ومش هقدر أتكلم عن اللغة السوقية اللي مستخدماها لانها هتتحجج بإنها لغة شباب هذا العصر .. ده على أساس إن هما المقياس ومادام المقياس وقع في الحضيض فياللا بينا وراه!!!! .. رأيي معروف في النقطة دي .. إن الرواية إذا لم يكن فيها المعلومة فعلى الأقل يجب أن تحتوي على اللغة الراقية .. والحمد لله لا ده موجود ولا ده موجود

[Felwah Al-Quraini · Rating 1 out of 5]

هذا الكتاب كان نتيجة زيارة (عمياء) للمكتبة حرصت فيها على أن اقتني كتب لكتّاب عرب غير معروفين بالنسبة لي
الكتاب باللغة العربية العامية! صدقاً من المجحف إطلاق اسم كتاب عليه، أفضل وصف له هو (محادثة واتس آب) بين صديقتين !!
نجمة واحد للغلاف الجميل والاسم الجذاب

[Renad Sherif · Rating 1 out of 5]

مش عارفة المفروض أقيّم الكتاب ده بناءً على أنه ايه!
طيب خليني مبدئيًا أنوّه أن الكاتبة قالت في المقدمة إن الكتاب عبارة عن قصة فيها أحداث كتير خيالية -مش واقعية- ومن الآخر يعني متتوقعش إنك هتقرأ رواية أدبية، والحقيقة هي كانت صادقة في ده..

ولكن ايه اللي مكتوب على الكتاب من برة؟
مكتوب أنه رواية والاسم بالفصحى وإلى حد كبير بينقل انطباع قوي يبقى أنا هقيّم الكتاب بناءً على الشكل الخارجي واللي يُعد السبب الأول للشراء.

مبدئيًا الرواية سردًا وحوارًا بالمصرية العامية المُبتذلة ومع كامل احترامي أنا لو بسمع حدوتة من واحدة صاحبتي هتستخدم وصف أدق من اللي تم استخدامه في الرواية.

القصة روتينية معتادة مفيش فيها أي فكرة ولا هدف ولا قصة..

قصة رومانسية مكررة مليون مرة وملزّقة جدًا من وجهة نظري -ممكن لشخص بيحب القصص الرومانسية تكون حلوة، معرفش-

مبالغة في الأحداث بشكل لا يتناسب مع الدين ولا المجتمع خصوصًا أن الرواية تُعد إجتماعية.

الجانب الوحيد اللي حبيته هو فكرة الكاتبة في أنها تضيف نفسها كشخصية من شخصيات الرواية وتقابل البطلة، كانت فكرة جديدة للأمانة خصوصًا في خاتمة العمل.

ختامًا الكتاب مش أسوأ حاجة لو هتقرؤه كـ سيناريو لفيلم قصير من بتوع اليوتيوب مثلاً كتغيير، ولكن كـ رواية زي ما كُتب على غلافه فهو لا يمسّ للرواية بِصلَة.

[بسمة السيد · Rating 5 out of 5]

لسه مقرأتهوش لكن حماسي يوميًا بيزيد إني أقرأ حاجة بالشكل العظيم دة ومن قبل ما أقرأ فيه حرف انا واثقه انه هيكون عظيم وفخورة بكوني اتواجد مع كاتبته بشكل شبه دائم وفخورة بمجهودك العظيم يا ڤيري اتمنالك كل السعادة ❤️

[Arwa Almoukadem · Rating 5 out of 5]

الكتاب رائع بس النهاية لسا مش موجودة اما مفتوحة او لسا في جزء تاني

[Rana Nader · Rating 4 out of 5]

I highly recommend this book to everybody, the type of book that you would finish in a day or two and feel sad when you are done cause you want more ❤️

[Yomna Zahran · Rating 3 out of 5]

أسلوب سلس وبسيط وشيق ومبشر جدا لكاتبة في بداية رحلتها في الكتابة لها مستقبل واعد. تفاصيل ووصف جميل لأماكن قريبة للقلب. لا أميل لقراءة اللغة العامية لكنها كانت مناسبة لطبيعة الشخصيات والأحداث.

[Skar]

ليه مايفتح؟

[Elham Inspiration · Rating 5 out of 5]

Bravo 👏