من أعلى نخلة في الصعيد عيل بيطير غناويه للقاهرة

by خلف جابر

ديوان بالعامية المصرية

113 pages, Paperback

First published January 25, 2020

About the author

خلف جابر شاعر وصحفي مصري، عضو نقابة الصحفيين، وتنشر كتاباته بالعديد من المواقع المصرية والعربية.
حصل على جائزة عبد الرحمن الأبنودي من مكتبة الإسكندرية عن ديوانه «من أعلى نخلة في الصعيد عيل بيطير غناويه للقاهرة».
وصدر له ديوان «أربعاء أيوب» عن دار "دون" عام ٢٠١٧، وفي عام ٢٠١٥ صدر له ديوان «عجلة خشب» عن دار العلوم للنشر والتوزيع، والذي وصل للقائمة القصيرة لجائزة أحمد فؤاد نجم «ساويرس».
كتب عددًا من الكتب الصوتية تحت عنوان «ألف سيرة وسيرة» لصالح منصة « Storytel» العالمية.
وقام بتأليف عدد من الأغاني للفنانة فيروز كراوية وبعض الفرق الموسيقية والغنائية المصرية.

Reviews

[مصطفى التلواني · Rating 4 out of 5]

لما بقرا لخلف بحس إن الشعر سهل وحي ولسة قادر يقول كتير جوانا بسلاسة وقسوة في نفس الوقت، بحس إني عايز أرجع أكتب شعر تاني.

[3bdallah Mo7amed · Rating 3 out of 5]

شعر العامية جميل وهو يترجم ما بدواخل النفس البشرية وقد كتبت عن هذا الديوان كتابة ستنشر قريبا لكن ما شدني فيه هو فلسفة خلف التي تظهر في اكثر من قصيدة مستخدما ما يسمى ب سريالية الحكاية اي يمزج الخيالي ليسقطة على ارض الواقع مستخدما مرادفات ثقيلة بعض الشيء على المتلقي لكنها ليست كثيرة في الديوان فهو ديوان خفيف عني وعنك وعن خلف بالتحديد لكن نتشارك فيه من خلال ان يخرج لنا الكاتب معلنا انه يتكلم عن نفسه لكن في حقيقة الأمور هناك جوهر هام وهو خروج النص من الخاص للعام يجعلنا نقف امام الحكاية كأنها حكايتنا نحن ، فكلنا نتشارك في الأحداث سوياً.. لكن النقطة البيضاء أن هناك حكي جميل عليه أن يخرج حكي عن الناس والبشر لا عن الذات بل يخرج مفتشا عن الطبيعة وما فيها وعن مصر وما في قلبها النابض بالحياة .

[طارق خليفة · Rating 5 out of 5]

العامية لها كتاب كتير. لكن لما جاء خلف جابر أصبحت العامية (مصرية) فعلا. في شعر خلف هتسمع عديد النسوان في المياتم، وتقعد تاكل بلح من تحت النخل معاه والفاس حاجز مكان بينك وبينه، هتشوف الدبان متلطع على سلوك الكهرباء في الطريق الزراعي، وهتسمع أمه بتقول «أنا ما ولدتوش كيف النسوان ده شق القلب وخرج» وتلاقي نفسك بتقولها (يسلم لسانك يا خالة) حتى لو مش دي لهجتك في الكلام. خلف غطا مساحة في الشعر كانت عريانه قبله في هذا الجيل

[Amr · Rating 5 out of 5]

حسبة البقاء لسنين كتير قدام حسبة مش مفهومة أوي ومش دقيقة، ما حدش عارف مين هيستنى بكتابته لسنين كتير قدام، ومين كتابته بتموت وبتدبل بعد طباعتها بشهر واتنين أو سنة واتنين.. لكن التجربة إلى الآن بتقول إن كل اللي انحازوا لكل ما هو إنساني خالص هما دول اللي بتستنى كتبهم عايشة يمكن بعد ما يموتوا كمان.. ومن دول -في ظني- هيكون خلف جابر بين شعراء جيله واحد من اللي هيستنوا لسنين كتير قدام لأنه بيجتهد في اسطياد معاني إنسانية يتفاعل معاها أي إنسان بغض النظر عن مفردات زمنه..

[Rania Elbeheiry · Rating 5 out of 5]

حلو أوي و كل قصيدة أحلى من التانية
فيه تعبيرات كتير حلوة بتجبر الواحد يقف عندها و يحسها
محتارة اختار قصيدة و اقول اكتر واحدة حبيتها لأني و ببساطة حبيتهم كلهم 👏🏼

[Abdelrhman Almsry · Rating 5 out of 5]

خلف من أهم شعراء العامية المصرية حقيقي والديوان هنا يمثل شاعر مصري اصيل وحقيقي انبسطت جدا من هذا الديوان تجربة عظيمة الغربة والمغترب ⁦♥️⁩💙

[Basma Sobhy · Rating 5 out of 5]

وفي كل مرة بنلتقي
بيختلط فرح اللقا بأحزان السكوت
فبكون ساعتها
زي اللي ربك فك سجنه بموت

الديوان رائع جدااااا كعادة خلف خصوصًا أنه فيه قصيدة المرحوم اللي أنا بحبها جدااااا .. أحسنت يا خلف <3

[قسمت خالد · Rating 4 out of 5]

اوعاك تصدق نوحة الجنازات 
‫ كل اللي يبكي بيبكي على حاله

[محمد الحويف · Rating 3 out of 5]

خلف جابر شاطر جدا في إنه يجيب تشبيهات معقدة بسهولة
الأفكار جميلة جدا وتتفوق على الشعر اللي أحيانا ماكانش بالدقة المطلوبة.

[Zainab Alhaitham · Rating 4 out of 5]

عيل بيكتب مشاعره على الورق.
"زي عيل يكتب الواجب 7 مرات
وبس يلتفت ينساه"