رواية انتقمت لذاتي

by طارق عيسى

رواية اِنتْقَمْتُ لِذَاتِي
1- فكرت في طريقة للذهاب إلى الماضي لمعرفة حقيقة شيء ما تجهله؟
٢_هل تشعر بالحنين لكل من فارق حياتك و ذهب الي أدراج الذكريات؟
٣_هل تتمنى مقابله أحد الأموات لتخبره شيء ما يجول بداخلك؟
٤_هل تريد ان تعرف لماذا يتحكم الآباء في اختياراتنا في تحديد مستقبلنا ؟
٥_هل تود معرفة لماذا نمنح السعادة لأشخاص لا يستحقونها ؟
●ماذا لو قولت لك أن بداخل رواية (انتقمت لذاتي) توجد الإجابة على كل هذا وبطريقه علميه .
●أن الرواية خيال يتحدث عن واقع ، الكثير من محتوى الروايه حقائق مثبته علمياً ويمكنك التأكد من ذلك بسهوله تامه .
●دعني اقولك لك ان أحد الشخصيات المؤثرة بالأحداث الدكتور مصطفى محمود .
●الرواية تتميز بالأثارة والتشويق ولكن ليس علي عجل فهي وجبة دسمه من المواقف الاجتماعية والرومانسية مع الدخول في علم البارا سيكولوجي والجريمة فتتغلف الرواية بالحقائق العلمية المثبتة أحذر ذلك ولا تحاول تطبيق ما سوف تقرأ بداخل الرواية.
●دعني أهمس لك بشيء.. لا تفكر في الانتقام مهما تعرضت للأذى بحياتك لاتدع الانتقام يقودك بدون وعي الي الشر.
● أحذراجتماع الانتقام والشر معاً بداخلك فذلك يصنع منك شيطان من الإنس .
(عندما يفكر الإنسان في الانتقام يكون فاقد البصر و البصيره )
كل ما تم طرحه من اسئله بالأعلى سوف تجد الإجابة عليه عند قراءتك للرواية

Paperback

First published January 22, 2020

Reviews

[Bassant · Rating 3 out of 5]

الرواية قوية جدا
الرواية فى بدايتها فى صدمة وفى النهاية صدمة تانية وفى النص صدمات صغيرة فى هيئة جرايم قتل بشعة بينفذها مخ شيطانى
الكاتب بدأ الرواية بمفاجأة قوية وصعبة من اول سطرين فى الرواية. التوشيق كان عنصر اساسى وقوى الكاتب محسسنيش بالملل بالعكس. الفكرة كانت قوية وجديدة يمكن بعيدة عن فكرة الجن والارواح وده عجبنى فكرة إن الكاتب قدر يشرح معلومة علمية زى طاقة الكوندالينى وعلم الباراسيكولوجى بطريقة علمية بسيطة و اسلوب سرده كان حلو جدا مش طويل و مش سطحي
الفكرة والمعلومة العلمية بالنسبة ليا هما اقوى حاجتين فى الرواية كانوا هما الأبطال الحقيقين للرواية. الشخصيات اترسمت حلو وعجبنى إن الكاتب قدر يعرفنى بالشخصيات من خلال شخصيات ثانوية موجودة فى الرواية. شخصية البطل بالرغم من الجرائم البشعة إلا ارتكبها أنا فضلت متعاطفة معاه. حاجة تانية كنت عايزة اعرف الكاتب هيوظفها ازاى شخصيتين كنت عايزة اعرف الكاتب حطهم ازاى فى الرواية(مصطفى محمود و الحجاج بن يوسف الثقفي )الاتنين موجودين في الرواية بطريقة كويسة جدا 👏👏والكاتب من خلال الشخصيتين دول وضح فكرته الرئيسية. الشخصيتين مساحتهم مش كبيرة بس شخصيتهم مؤثرة فى الرواية و فى احداثها.
الاقتباسات كانت قوية جدا و جميلة لأن الكاتب من خلال الرواية ناقش مشكلات كتيرة ومهمة زى علاقة الاباء والامهات تجاه الابناء علاقة الزوج والزوجة الصداقة الحب و الرومانسية كله ده اتكتب بطريقة واقعية و حقيقية و من الحاجات الحلوة كمان قصايد الحب او الخواطر إلا اتقالت فى الرواية كانت جميلة❤❤
الرواية ممتعة و مشوقة الكاتب قدر يخرج من الصندوق من غير ما يفتحه حاجة زى السحر بس المرة دى كان سحر واقعى 👏❤

[آلاء رزق · Rating 5 out of 5]

ريفيو رواية "انتقمت لذاتي " للكاتب طارق عيسى ..

هو في العادي أنا بحب الروايات اللي حجمها كبير لأنها بتديني الوقت الكافي إني أعيش مع الشخصيات وأحكم على الأسلوب واللغة والمصطلحات واستمتع بكل تصنيفات الرواية من الكوميديا للدراما للجانب البوليسي والرومانسي خاصة بجانب طبعًا التشويق
إسمحلي أبدأ من النهاية للبداية بما إنك حاطط لينا النهاية في البداية ..
رواية إنتقمت لذاتي " ظل الأفعى " قدرت تاخدني على عالم تاني عالم الظلم فيه هو سيد الموقف ، ممكن مع أول قراءة في كام صفحة للرواية نشوف البيت المصري واللي بيحصل جواه طموح الآباء وزرعه في أبنائهم و إن ابن المهنة لازم ابنه يطلع زيه علشان يزرع فيه خبرته ما يقولش مش عارف ..
بعد كده دخلنا في مجال الباراسيكولوجي والعلم البحت ومكنش مجرد كلام أو خيال الكاتب بالعكس الموضوع كان مدعم بحديث علماء " وهنا أشيد بذكر الدكتور " مصطفى محمود " ومهارتك الحقيقية في توظيفه وكمان كلامه الممتع فوق الوصف واللي مفيهوش حرف مش شيق استمتعت بيه جدًا " وكمان آيات من القرآن ، من الحاجات اللي أول مرة تقابلني وتخليني أتعلق بالرواية بردو إنك مخلتش الرواية أخدت الجانب البوليسي الغامض إنت قدمت كل حاجة حرفيًا إنت مش اديت القارئ طرف الخيط لأ إنت بادئ الرواية أصلًا بنهاية الخيط وطلبت من القارئ يعرف طريق النهاية مش أكتر وده اللي زرع جوايا تشويق إني أعرف ايه اللي جاب نهاية الخيط هنا ؟!!!! طول فترة قرائتي للرواية وأنا كل اللي بعمله بحط علامات استفهام وبكره شخصيات حبيتها وبتعاطف مع شخصيات كرهتها وحاجة منتهى الإنقلاب الحقيقة في الأحداث والشخصيات ..
اهتمامك بتفاصيل زي التأثيرات الصوتية اللي بتعيشنا جوا تفاصيل الأحداث وتخليك عايش جوا المشهد عاااش جدًا

اللغة سلسة سهلة بدون مصطلحات وتعقيد، التعليقات والكودس حاجة كدة إبداع لوحدها وفكرتها في ربط القديم بالجديد

نادرًا لما تقرأ رواية بوليسي كل الخطوط مكشوفة فيها ومازالت محتفظة بعنصر التشويق ودي حاجة أشيد بيها لحضرتك لأني كنت عارفه حرفيًا كل حاجة ماشية ازاي ومين بيعمل إيه بس كان جوايا رغبة ملحة إني أكمل لحد آخر كلمة أو صدمة " مش هنسى صدمة النهاية والله

" الوحوش لا تخلق بل تُصنع " المجتمع والشارع والظروف والضغط والظلم والقهر ممكن تصنع من الطفل ذئب يفترس بدون ما حد يوجهله أصابع الإتهام ، شخصية الأفريقي اللي متقدرش تتعاطف معاه ولا تكرهه لأنه زيه زي أي حد اتظلم ولعجز القانون في مساعدته قرر يطبقه بإيده ، شخصية الحجاج اللي حرفيا " super master " في الرواية أضافت كتيييير جدًا وأضافت ليا أنا معلومة إني مكنتش أعرف عنه حاجات كتير أوي وعرفت توظفها بطريقة عبقرية في إنها تجاوب الأسئلة بكل موضوعية واحترافية والنقاط اللي ضغطت عليها في اللي وصل ليه الوقت الحالي من أعوام الرسول هو حقيقي ضاع تمامًا، حقيقي الرواية ممتعة إلى أقصى حد ما حستش لو ثواني بملل رغم غلطة المنسق إلى إن تركيبك للجمل وإنك حددت مين اللي بيتكلم أنقذت الرواية واستمتعت جدًا جدًا جدًا ⁦❤️⁩
المقدمة دي لوحدها شيء يستحق الثناء ، تخليك تقف عنده وتقراها مرة واتنين وتلاتة شابووو

" الجملة المميزة " عندما يفكر الإنسان في الإنتقام يكون فاقد البصر والبصيرة .. من الجمل اللي قرأتها بشكل مختلف بعد ما قرأت الرواية اتحققت بمنتهى الموضوعية بدون أفورة أو تكليف
فكرة الغلاف رائعة وحرفيًا المصمم أبدع في تركيب الـ ٣ صور واللون الدموي اللي بيقول كتير جوا الرواية

إختيار موفق من الجلدة للجلدة أنا بقالي كتير ما استمتعتش كده اسمحلي أقولك شابوووو يا "مبدع"

[Rasha Roshe · Rating 5 out of 5]

اولا الف مبروك على الرواية الجميلة الممتعة دي الرواية حلوة جدا من بدايتها كلها تشويق ومفيهاش اي ملل شوفنا ادم الشخص الضعيف او بمعنى أصح اللي ابواه خلاه ضعيف جعله شيطان يفكر
في تنشيط طاقة عنده عشان ينتقم من كل شخص رغم كل اللي عمله كان صعبان عليا جدا تربية الاب هي عملت فيه كدا وكانت النهاية صعبة جدا مكنتش متوقعها خلت الواحد يعيط منها 😪😪
ثانيا بقى حضرتك خلتنا نقرأ الكلام العلمي الخاص بالطاقة بسلاسة جدا جدا فهمتنا بطريقة بسيطة وواضحة وكمان الآيات القرانيه اللي تثبت دا والأحاديث النبوية الشريفة وكلام الدكتور مصطفى محمود ده غير انك ورتني شخصية تاريخيه اول مرة اسمع عنها وهو الحجاج بن يوسف الثقفي خلتني وعيشتني في أحداث الزمن ده بمنتهى الروعة وانك تدخله في الرواية ويكون له علاقه بيها ده رائع جدا
ثالثا شكرا لحضرتك على هذا العمل الرائع ومنتظرين منك أعمال زي كدا كل مرة وشابوووووو لحضرتك

[Mina · Rating 2 out of 5]

في الحقيقة الرواية شيقة لم تاخذ مني كثيرا من الوقت


الكاتب دائم وضع نص مثل نصيحة او توضيح شئ معين في وسط الكلام ، ولكني ارى انه من الافضل ان هذا النصيح او التوضيح الذي يريد وضعه في الرواية كان من الافضل عمله كجزء لا يتجزأ من الرواية وكانت فكرته وضُحت ، ولكن بهذه النصوص المتفرقة في الروايه قد تسأل نفسك هل هذه رواية حقاً ام بعض المقالات و النصائح الهامه ،،

وهذا الى جانب ان نهايتها لم تعجبني واحداثها في الداخل مستفزه لان بها حب اعمى مستفز ايضا ً او انك تجد ان احداثها لايمس المنطق بصله

وصراحة ندمت على شرائها

[Mohamed · Rating 4 out of 5]

رواية إنتقمت لذاتي " ظل الأفعى " قدرت تاخدني على عالم تاني عالم الظلم فيه هو سيد الموقف ، ممكن مع أول قراءة في كام صفحة للرواية نشوف البيت المصري واللي بيحصل جواه طموح الآباء وزرعه في أبنائهم و إن ابن المهنة لازم ابنه يطلع زيه علشان يزرع فيه خبرته ما يقولش مش عارف ..

https://www.org2019.com/2022/04/riway...

#رواية_انتقمت_لذاتي #طارق_عيسى

[Aljazi Aldihan · Rating 3 out of 5]

بصراحة الرواية حلوة اوكي ومشوقة بس كمية الأخطاء الاملائية الي فيها كثيرة جدا وخربت علي حماسي في القراء غير كذا القضة جدا ركيكة في الاحداث وترابطها مع بعضها وموضوع القتل المتكرر ممل للقارئ وفيها امور كثير غير واقعية لكن الرواية قصتها جديدة وفيها امور حلوة وتشد القارئ