الهيلثي

by نورهان قنديل

الكتاب ده مش عن التخسيس لكن هيساعدك تخس لو حابب تعمل كدا، هو مش كتاب دايت لكن هياخد بإيدك ويحكيلك فلسفة الدايت وفكرته وازاي بيشتغل عشان تقدر تتعامل مع جسمك.
الكتاب ده مش عن الأكل الصحي لكنه عن الحياة الصحية السليمة الجميلة، مش هتلاقي فيه نصايح، لكن بعد ما تقراه هتلاقي نفسك لوحدك بتعرف تحسب وتفهم كل حاجة بتعملها مع جسمك وكل أكل بتاكله وكل نفس بتتنفسه ازاي يكون نافع وفي صالحك.
كتاب بسيط سهل فيه معرفة مهمة وحكايات ملهمة هتسهل عليك تعيش مبسوط من غير ما تتعب نفسك بوصفات وأنظمة وأدوية.
كتاب مناسب لكل حد حابب يعيش حياة متوازنة ويتبسط ويبسط اللي حواليه.

Genres: Health

159 pages, Paperback

Published January 1, 2019

Reviews

[Nayra.Hassan · Rating 2 out of 5]

الجرأة علي نشر كل ما هو مكرر /قديم او بديهي تذهلني دوماً
و هناك نوع من الكتب قتلتها بوستات الواتس و الفيسبوك للابد مع الاسف
و علي رأسها:كتب كيف تفعل كذا لتصبح هكذا؟

لَم تعد تلك الكتب تحقق ملايين بفضل عناوين براقة او مبدأ مبتكر؛ بسبب ثقافة كبسولات السوشيال ميديا
الهيلثي؛ كتاب اسلوبه خفيف لطيف بعناوين فرعية جذابة


مثل الطريقة اهم من السريقة.. يا بخت من وزن اكله و موزنش نفسه و هو مبدأ بتسمعه اول ما تدخل لأي صالة جبم تحترم نفسها


لكن مادته العلمية تم استهلاكها عبر السنوات الاخيرة  فلكي تعيش بشكل صحي لابد ان

قلل الكاربوهيدرات او خاصمها
اشرب ماء كتير احسن لك
الكمون مهم جداَ
عصير البنجر
لبن اللوز

ضع توابل على الاكل الصحي
و قطعه بشياكة لأولادك
و هكذا ستطيقه و تقبله

من الاخر كل الاكل اللذيذ مضر
و سيقاضيك و يجعل جسمك يعاديك

و ان التوتر و الاكتئاب و الضغط و القلق كله كله بيتخن

و قد قرأته لان ابنتي قررت ان تتبع نظام صحي تبع الجيم فقلت يمكن اطلع بحيلة
و لكن اتضح ان كفاحنا المسلح ضذ السمنة طول العمر لابد ان نغير له الاسترانجيات و ان نترك ما هو سهل و نتجه لما هو صائب
لانها للأسف الشديد حرب لا تنتهي الا بانتهاء العمر

[Salma Saeed · Rating 1 out of 5]

كتاب لذيذ و خفيف بس بسيط زيادة عن اللازم
الكتاب بيتكلم عن ازاى تعيش حياتك بشكل صحي أكثر و و بيقدم نصائح سهلة التطبيق عن شرب المياه و الرياضة و تنظيم الاكل و غيره
للأسف الكتاب تقريبا مقدمليش جديد.. هي هي نفس الحاجات المعروفة و اللى قرأت شبهها على الفيسبوك قبل كدا.. الفكرة نفسها كويسة لكن كان ممكن تكون أحسن بكتير
دي حبة من النصائح :
- شرب المياه يوميا حوالى 8 أكواب
- تعلم التنفس بشكل صحيح
- الكمون مفيد و مهم
- تقليل سكر و ياريت منعه خالص
- لو هتضطر تاكل برة بلاش كومبو
- لبن اللوز مفيد جدا
- رياضة يوميا و لو لخمس دقائق
و الفترة دي بحاول أقلل سكر عن العادي و أكتر ماية عشان جسمي ميقمش يقتلنى 😂

[Heba · Rating 1 out of 5]

كتاب سئ وسطحي للغاية،تجربة سيئة جدا

[Dr.Heba abdelall · Rating 3 out of 5]

كتاب سهل وبسيط ارشحه بقوة لكل من يريد تغير حياته للاحسن

[Soha Nagy · Rating 3 out of 5]

كتاب مناسب لحد زيي عايز ينزل ٨ كيلو او ١٠ و معلوماته عن طريقة الاكل مش قوية قوي. الكتاب ساعدني احدد شوية اهداف و استخدم شوية حيل جديدة.
حاجات كنت بداءت اعملها و حاستمر عليها:
- كنت باخد مع اي مشروب ٣ معالق سكر بقوا معلقة دلوقتي
- بداءت امشي ساعة كل فترة تقريبا كل يومين فاحكمل
- بدات اشرب مياه كتير حاكمل برده
حاجات جديدة عايزه اجربها:
- اخد ساندوتش بس بلاش كومبو
- اجرب لبن اللوز لان نسبة الدهون في جسمي عالية و مش باحب خالي الدسم و فيه تاريخ عائلي من ارتفاع الكولسترول
- تجربة الصيام المتقطع ممكن
- حاحاول انتظم علي ٦ او ٧ ساعات نوم لان ٨ ساعات صعب التزم بيها لطبيعة حياتي
عايزه اكل سلطة
- عايزه اجرب شرب الاعشاب المفيدة ينسون مثلا او نعماع

[Hager Moharram · Rating 1 out of 5]

The book attracts you with the color of the book cover and the title the healthy. But the book does not provide any real information or new information. Especially that this topic is well talked about and the grassroots even know a lot about that topic so when the author is a pharmacist and a nutritionist the audience expects something more than that. Something groundbreaking. The book is only suitable if you are under a rock for decades and know nothing about losing weight or you want. I thought that it will give me the push to continue the healthy lifestyle and stop the binging but unfortunately it doesn't make anything at all.

[Ahmed Abdelraouf Elgeidie · Rating 1 out of 5]

كتاب فى أفضل وصف له انه "كتاب تافه و ساذج"
الكتاب للعمر العقلى أقل من ٦ سنوات.
لا يقدم أى فائدة من أى نوع.
لو كان هناك اختيار أقل من نجمة فبرضه خسارة فيه.
كتاب (ده لو كان يستحق لقب كاب) لا يستحق الوقت الذى ضاع فى قراءته ( بالمناسبة قرأته فى ١٦ دقيقة )
عايز السبعين جنيه بتوعى من فضلكم.
باحذركم .... فلوس فى الأرض

[Samia chellat · Rating 2 out of 5]

كتاب بسيط جدا .. كنوع من التذكير والتحفيز على عادات صحية نعرفها بالفعل.

[Nourhan · Rating 4 out of 5]

كتاب خفيف و بسيط ليس معقد او صعب الفهم أنهيته خلال يومين فقط في المواصلات .
أكثر شئ أحببته في الكتاب هو الاهتمام بالجوانب النفسية و التحفيز المستمر خلال صفحات الكتاب على تناول الوجبات الصحية و الابتعاد عن الوجبات السريعة و الاكل الغير صحي.
الرسالة التي يريد الكتاب ان تصل الى كل القراء هي (من أراد أن يعيش نمط حياة صحي دائماً سوف يجد الطريقة المناسبة له مهما كانت ظروفه و طريقة معيشته).
تم توجيه الكتير من النقد للكتاب باعتباره سطحي او انه لا يحتوي على معلومات جديدة ، و لكني أرى ان هذه نقطة جيدة للكتاب و ليست عيباً به فالكتاب موجه إلى عامة القراء من الشعب فليس من المنطقي او الضروري ان يحتوي على معلومات طبية معقدة لا يفهمها الا فئة تعمل بالمجال الطبي مثلاً…و لكن الكتاب محتواه بسيط يصلح لصغار السن و كل من يريد أن يبدأ حياة صحية و يحتاج إلى دافع.

[The blue sticky note🌧️ · Rating 5 out of 5]

استفدت وفهمت منه حاجات كتير جدا وبجد اداني طاقه اني اخلق عادات صحية

[Nug · Rating 4 out of 5]

ناس كتير ممكن متحبش الكتاب ده عشان هو بسيط بزيادة. أنا قرأته في قاعدة واحدة من كتر ما هو سريع وكثير جداً. بما إن أنا اشتريت كتبها التاني مع الكتاب ده، حسيت إن الكتاب ده مقدمة حلوة أوي للكتاب التاني، ولكن لو مكنش معايا الكتاب التاني أكيد كان ممكن أحس بإحباط. الكتاب ده أنا اتعلمت منه كم معلومة ماكنش عند وده علشان أنا شخصية مبتفهمش أوي فالهيلثي. ولكن لو إنت شخص قارئ في هذا المجال وعندك المعلومات الكافية عن الصحة، فالكتاب ده من الصعب إنه يفيد لك أي شئ.

بصراحة أنا باحب در. نورهان قنديل جداً ويمكن أنا عند إنحياز لها وقرأت الكتاب بصوتها طول الوقت.. متحمسة جداً اقرأ تاني كتاب لها وأجدد إصدار بكرة وأكون استمتعت بالتجربة دي والكتابين دول مرة واحدة.

[Sameh · Rating 3 out of 5]

الكتاب له هدف واضح ولغته بسيطة، تحديدا اسلوب حياة صحى. المعلومات اللى فيه قليلة. محتاجين كتب تانية فى نفس الاتجاه

[Nada · Rating 2 out of 5]

كتاب كانه مجموعه بوستس ع الفيس بوك
فصل السعاده ده مش فاهمه ايه علاقته بالكتاب للي بيتكلم عن الهيلثي فود
كذالك فصل الاكتئاب للاسف الكاتبه موضحتش ايه علاقتكم بالهيلثي
حسيت انهم فصلين دخلاء ع الكتاب للي هو لو اتحذفوا مش هيجرا حاجه
كتاب بسيط ف معلومات للمبتدءين ف نظام الهيلثي فود ممكن تفيدهم

[مَــروى · Rating 1 out of 5]

أكثِر من البروتينات وقلل من الكربوهيدرات والدهون غير الصحية،، هذا هو محتوى الكتاب!
اتجاهه جديد ومهم، لكنه يفتقر إلى المعلومات .. يفتقر إلى الصفحات والكلام، موضوع الكتاب غني وثري جدا ويمكن ملأ مئات الصفحات به،
وُفّقت الكاتبة في اختيار الموضوع ولم تُوفق في طرحه.

[Rasha Mohamed · Rating 2 out of 5]

من الصعب اعتباره كتاب -مع تفهمي لرغبة الكاتبة في انه يكون بسيط وسهل لكل الناس- ولكن المحتوى كان ممكن جدًا تقديمه في قليل من الفيديوهات أو في مجلة، ولكن لا يستحق أن يفرد له كتاب بعينه. كما ذكر آخرون الأفكار موزعة بشكل عشوائي وتناولها فيه سطحية والشيء المزعج بالنسبة لي هو حتى عدم وجود توافق لغوي فنلاقي ان العناوين عامية جدًا وانجليزي ولكن المحتوى مكتوب بلغة عربية، الكتاب يفتقر للتنقل السلس بين العامية والفصحى.

[Mai · Rating 2 out of 5]

للأسف الكتاب محتواه هزيل جدا المفروض يبقى فيه معلومات اكتر و ابحاث و دراسات لأخر حاجة فى مجال التغذية
انا متابعة دكتور نورهان على كل وسائل التواصل الاجتماعى و تقريبا كل المعلومات المذكورة فى الكتاب سبق تقديمها فى فيديوهات و برامج
يعنى لم يضف الكتاب شيئا جديدا بالنسبالي
اسلوب الكتابة سهل و بسيط و اعتقد ده الجانب الايجابى فى الكتاب لكن الكتاب ككل مناسب فقط للمبتدئين

[Hanan Salem · Rating 2 out of 5]

كتاب سطحي..وضعيف . ومش مفيد إطلاقا .. معلومات قليله جدا ..والكتاب يتلخص في صفحة .. اما عن الطباعه . فيحتوى علي كمية صفحات فاضيه ...ورسومات كتير . عشان يوحى بان الكتاب كبير . وخط الكتابى كبير اوى . الكتاب. لا يستحق القراءة

[Ayatullah Magdy · Rating 4 out of 5]

كتاب رائع، لا يعطى نظام تخسيس ولكن يجعل القاريء يفهم أكثر عن جسمه وطريقة تخلصه من الطعام وكل نوع من الاطعمة وفائدتها، ما المهم منها وما الأهم، ما المفيد وما الذي علينا تجنبه.
أعجبنى بساطة الكتاب وسهولة شرح الأمور، أيضا أعجبتنى القصص التوضيحية للنظريات التى تليها لانها تبسط الأمر وتجعلنا نفهم ما تقصده الدكتورة.
أعجبنى هدوء الكتاب في زرع فكرة التغيير وان التغيير لا يجب ان يكون فجائي وان كل شيء تدريجى يثبت ويستمر ويزداد أيضا وتشجع الدكتورة المؤلفة على بدء المشوار بخطوات صغيرة حتى تنتهي بانجاز عظيم.
الكتاب تحفيزى ومعلوماتى وبسيط وممتع أنهيته خلال ساعات، حفزنى للغاية وأمتعنى وبسّط الأمور على نفسى وأزال هم التخسيس الذي كان على عاتقي، رغم ان وزني ليس زائد بنسبة كبيرة الا انه كان مؤثر نفسيا بينما ساعدنى الكتاب للاعتدال في الرغبات والاهداف.

[M Gouda · Rating 2 out of 5]

لغة وافاكر بسيطه, قدرت افهم ازاي ابعد عن النشويات السهله زي السكر والدقيق الابيض والصودا واستخدم الكربوهيدات الصعبه اي دقيق داكن وحبوب فيها الياف واحاول حافظ علي مستوي الانسولين , كمان تحسين عملية الايض من خلال ممارسة الرياضه ولو بشكل بسيط ..

[Walaa Elbasel · Rating 2 out of 5]

كتاب خفيف كَمّاً وكيفاً، محتواه بسيط ولغته بسيطة..
لا أرشحه لمن هو مطلع على هذا النوع من الكتب، أتمنى أن أقرأ لها ما هو أفضل من ذلك.
أحببت تبسيطها للمعلومات ولكن لم أحب الإطالة في السرد _بالعربي كدة كان ممكن يتجمع في ٣ صفحات ونص من غير الحشو_ ولكن كانت تجربة جيدة على أي حال.

[Hadeel Ahmad · Rating 2 out of 5]

نجمتين للطاقه الايجابيه ف الكتاب.. وللنصايح اللي ف الآخر .. 🌸

[Zaynab Ahmed · Rating 1 out of 5]

مطلعتش منه بمعلومة واحدة

[Manal ..♡ · Rating 1 out of 5]

ينفع للاشخاص اللي معلوماتهم عن التغذية صفر أو بالسالب
غير كده فهو مش مفيد ...

[علا المقدم]

الكتاب عشوائي حقيقة، المعلومات اللي فيه مش سيئة ولكنها مش جديدة ومش مرتبة كويس، المواضيع متداخلة مع بعض وما لهاش علاقة ببعض بردو، أفضل أشوف المحتوى دا فيديوهات، لكن ككتاب؟ أتوقع ممكن يطلع منه أحسن

[Madeha · Rating 5 out of 5]

كتاب جميل جدا ومميز من نوعه ومهم جدا لكل حد فينا انه يقراه ، في الكتاب هتكتسب معلومات كتير جدا عن الحياة الصحية السليمة اللي المفروض كل واحد فينا يتبعها ، في الكتاب هيساعدك تعيش يومك بشكل ايجابي وصحي انصح بقراته لانه مهم لكل واحد فينا يغير من حياته لحياة صحية سليمة👌🏻

[Zienab Fathy · Rating 2 out of 5]

الكتاب لا يستحق
كتاب عادي جدا والكلام كانت ممكن تقوله في فيديو علي اليوتيوب مش في كتاب

[Sara Ismail · Rating 2 out of 5]

الكتاب بسيط ... وسطحي جدا
كان محتاج يبقي فيه معلومات اكتر شويه ومفيده اكتر من كدا
تقريبا المعلومات اللي موجوده فيه كلها اتقالت ف live ل دكتور نورهان مفيش حجات جديده خالص
بس فيه شويه نقط ف اخر الكتاب هما اللي كويسين

[Mahmoud Ghoz · Rating 1 out of 5]

كتاب ضعيف ومعلوماته ضحله ولا انصح بقراءته

[Ahmed M. Abdallah · Rating 3 out of 5]

كتاب جميل مفيد جدا وبسيط وسهل مش عن التخسيس او رجيم او الرقم المكتوب على الميزان او وصفات أكل صحي، لأ عن الحياة الصحية بشكل عام وازاي عن طريق التوازن في نوعية الاكل والاهتمام انه يكون صحي نقدر نحسن من انتاجية جسمنا بشكل عام وكفائتنا في الشغل وهرمونات جسمنا ومشاعرنا، وازاي نعرف نحب الاكل الصحي ونخليه اسلوب حياة مش لفترة مؤقتة لمناسبة معينة او عشان شخص معين دخل حياتنا، لأ عشان ده اللي احنا محتاجينه لنفسنا قبل ما يكون لاي حد تاني


"الطريقة أهم من السريقة"
"يا بخت من وزن اكله وموزنش نفسه"

[ءاية · Rating 1 out of 5]

كتاب بسيط جدا تكاد بساطته تصل للسطحية ، معلوماته قليلة جدا ، بالكاد عثرت على بضع معلومات جديدة ،
في رأيي هو مناسب أكثر للأطفال او المراهقين مبتدئي القراءة .