الحظرد

by محمود صلاح

- عن الشر القادم من أعمق أعماق التاريخ 😱😱😱
- عن رجل يتداول اسمه الكثيرون برعب وخوف😮😮😮
- عن شيء مبهم ومفعم بشرور الأرض 👀👀👀
- عن أسطورة رجل بعث الخوف والرعب فى نفوس أجيال كاملة ⁦💀💀💀
عن الحظرد نحكى

Genres: Fantasy

200 pages, Paperback

First published February 1, 2020

Reviews

[Yousra · Rating 1 out of 5]

ذاكروا عربي يا جماعة ... ذاكروا نحو وإملاء ... واقروا كتير قبل ما تكتبوا

ركاكة في الأسلوب + فكرة لم تنضج تماما وتشتت رهيب + اخطاء إملائية ونحوية بالجملة ...

ذاكروا نحو ... اعرفوا امتى بنستخدم واو الجماعة وامتى بتبقى نهاية الكلمة واو بلا ألف ... ذاكروا أدوات جزم الفعل المضارع وامتى بنحذف حرف العلة ... ذاكروا المثنى ... ذاكروا إملاء كمان ... طلعوا كتب العربي بتاعت ولادنا اللي في ابتدائي واتملوا وهتعرفوا مش بس الكلمات لأ وكمان بناء الجملة والإعراب

معرفش كمان وللمرة الألف إزاي بيكتبوا اسم مدقق لغوي على روايات واضح إن محدش بذل فيها ربع المجهود اللي بيقتضيه وضع إسمه!!

[Michael Youssef · Rating 2 out of 5]

في البداية و مع اول قراية ليا لمحمود صلاح لازم اعترف ان التجربه مكانتش سيئة - زي كل حاجه في الدنيا ليها عيوب و ليها مميزات
خليني ابتدي بالمميزات
١- الكتاب قصير و مفيهوش مط ولا تطويل
٢- الاحداث بها الكثير من التشويق
العيوب
١- مضمون الرواية ضعيف جدا
٢- تسلسل الاحداث غير منطقي
٣- غلاف الرواية مالوش اي علاقه بالشخص الصغير في السن اللي معطل الزمن علشان ميكبرش
٤ - النهاية ضعيفه
٥- المعلومات اللي مكتوب جمبها حقيقية محتاجه توضيح اكتر علشان القارىء يستفيد بمعلومه

[Thikrayat Al-aradi · Rating 3 out of 5]

الجزء الثالث لمغامرات نادر زهران الكابوسية، الكتاب جيد ولكنه ليس بقوة الكتابين السابقين، يحتوي على كثير من الثغرات والتناقضات مع باقي القصة، لكنه سهل وسلس في القراءة.

احببت الإشارات الى أعمال الكاتب لوفكرافت ايضاً

[Hassan Ezz ElDin · Rating 5 out of 5]

مغامره شيقة ومثيرة
اثارتني لانهاءها
والاستماع بها

[REEM · Rating 1 out of 5]

رواية لطيفة لكن الأخطاء اللغوية تعصب حقيقى.
هو مفيش بيراجع الكلام ده ؟؟!

[Nesma · Rating 5 out of 5]

والآن، انتهت رحلتي مع رواية #الحظرد، للكاتب العبقري دكتور محمود صلاح.

الحظرد رحلة كانت مليئة بسرد التفاصيل والأحداث بتكمل حكاية بطلنا العجيب نادر زهران
هى رواية متصلة منفصله عن أحداث الكتاب الأعمى والملعون.
من حيث الحبكة والسرد، فالكاتب قدر يخليك تنجذب معاه من أول صفحة، طريقة السرد المشوقة في عرض الأحداث تحاشت تماما أي ملل من أي نوع ممكن يحصلك في النص.
اما من حيث المعلومات والتفاصيل، فاعمل حسابك وأنت بتقرأ رواية الحظرد ان عقلك هيعمل error من وقت لتاني من قوة المعلومات وواقعيتها "بنسبه كبيرة جدا".
من حيث الحوار، فالكاتب كان مهتم أكتر بعرض التفاصيل وأصل حكايات الكتابين على ان يكون في زحمة شخصيات وحوار يشتت تركيزك عن الهدف الأساسي من الحكاية، فلو أنت قارئ بتحب السرد والتفاصيل هتستمتع جدا وأنت بتقرأ، ولو أنت قارئ بتحب تكون الرواية حوار أكتر، أحب اقولك ان الكاتب هينجح يسحلك معاه بقوة اسلوبه وشده ليك بطريقته البسيطة في السرد، فكده أو كده غصب عنك هتخلص الرواية على جلسة واحده من جمالها ومتعتها. ✌
دكتور محمود صلاح كان هو السبب في اني ارجع تاني أقرأ رعب مصري بعد ما كنت بعدت عنه تماما من كذا سنه، شرف كبير ليا أكون من متابعيك وقرائك الدائمين.
أحسنت وابدعت واجدت يا استاذنا👏🌻
تنويه..
في معلومات كده هتتحدف في النص هتخليك ترمي الرواية من ايدك وتخبط كف ايدك على رأسك من دهشتك، فعادي ده دكتور محمود صلاح اللي دايما عنده كل جديد ومريب، كمل وابقى استعجب بعدين. ✌

[Mohamed Ali · Rating 5 out of 5]

يعود من جديد الرائع د/ محمود صلاح مع المغامرة الثالثة لنادر زهران في الحظرد وما ادراك ما الحظرد ذلك الخطر الذي يأتي من عمق التاريخ مع الكيانات القديمة التي سبق وجودها الإنس والجن فهم الأكثر شرا علي الإطلاق فما علاقة الكيانات القديمة بالحظر وببطلنا نادر زهران هذا ما سنعرفه في رحلة شيقة ممتعة ومرعبة من الماضي السحيق الي يومنا هذا
وأتمني ان يكون هناك مغامرة اخري مع نادر زهران

[Mohamed Elshafea · Rating 5 out of 5]

الكتاب عجبنى جدا وكان أحداثه سريعة ومش ممل لدرجة اني خلصته في يومين بس

[Reem Abu elkhir · Rating 5 out of 5]

هُنَاكَ أُمُورٍ فِي هَذَا الْعَالِمُ مِنْ الْخَطَأِ الْبَحْثِ عَنْ صِحَّتِهَا . . . . . .
هُنَاك أُمُور يَجِبُ أَنْ تُبْقِي فِي الظَّلَامِ . . .
لِأَنّ ظُهُورِهَا للعلن . . . . . مِنْ الْمُمْكِنِ أَنْ يُحْمَلَ فِي طياته . . . . .
الشَّرّ
وَالرُّعْب
بَل وَرُبَّمَا
النِهَايَةٌ
نِهَايَةٌ الْكَوْن نَفْسِه . .
بدأت رحلة نادر زهران #بالملعون ،،،،،، ثم كانت الرحله الثانيه مع #الكتاب_الأعمي
،،،،،،،،،،، والأن هي محطته الأخيره
أو هكذا اعتقد

[Ahmed Charisma · Rating 2 out of 5]

للمرة الثالثة تقييمى هيكون بنجمتين زى باقى الأجزاء ..
كنت متشوق جدا لشخصية الحظرد فى نهاية الجزء الثانى .. وبداية تعريفنا بيه فى الجزء ده كانت كويسة جداً .. وفجأة معرفناش إيه إللى حصله لحد ما وصل وعمل البعد بتاعه .. كل ده حصل فجأة من غير تفاصيل .. وتحولت شخصيته لشخصية سطحية جداً رغم إنها كانت ممكن تكون أحسن من كده بكتير ..
نهاية الرواية كمان ضعيفة جدا جدا .. بعد كل ده أنس والحظرد هم إللى بيحاربو بعض ومفيش أى دور لنادر فى النهاية بعد كل إللى مر بيه .. وهل أصلاً كده الرواية خلصت ولا لسه فيه أجزاء تانية
من ضمن العيوب برضه إن كان فيه أخطاء إملائية أو فى الكتابة عموماً كتير .. الرواية للاسف متراجعتش كويس
عندى بقى مشكلة مضايقانى أوى .. ليه شخصية نادر ضعيفة أوى كده .. يعنى واحد مر بكل ده وعدى بكل المراحل والظروف دى .. المفروض يكون أقوى من كده ويقدر يواجه شوية .. بالعكس هو دايماً خايف ومصدوم ومرعوب ومش مصدق وعايز يهرب ووصل إنه عايز ينتحر كمان .. رغم إن الطبيعى بعد كل ده إنه يكتسب قوة
أتمنى التوفيق للكاتب فى أعمال أخرى إن شاء الله

[Ahmed · Rating 5 out of 5]

رواية جميلة

[Khaled Mohamed · Rating 4 out of 5]

عجبتني الصراحة رغم ان ليها انتقادات كتير
يمكن بس يعيبها قصرها وقلة تفاصيل فبعض المواضيع لكن فالمجمل حلوة

[Ramy · Rating 1 out of 5]

ايه الهجص دا ؟
فارق كبير بين ان يكون لك خيال خصب لترسم به مشاهد
و ان تربط كل تلك المشاهد ببعضها مكونا احداث و رواية
...اجزاء فى الرواية كانت تتباطىء المشاهد
و اجزاء اخرى كانت تتشارع المشاهد
و فى النهاية لا قصة لا حبكة رواية

3-4 صفحات
وصف ل مشارع او ل مشهد
لكن ...لا ترابط

جعجعة بلا طحين على راى شكسبير

اظرف تناول لقصةالحظرد قرأته كان
الحظرد وسر كتاب الموتى
ل سامي محمد
و هو ما انصح بقرائته

الكتاب التالى : الرعب

[Donia Sayad · Rating 5 out of 5]

لحظات ممتعة قضيتها بصحبة خفيف الظل المنحوس نادر زهران
ورحلة ممتعة بحلقاتها الثلاثة اكتملت بنهاية من نوع الفانتازيا المقبولة
لتتركني وتغادرني هذه الشخصيات الخيالية بعد ان عايشت معها لحظات حلوة
خالص شكري للدكتور صلاح
تحياتي وتمنياتي بالمزيد من التوفيق في الروايات القادمة

[ALLA BASIM · Rating 3 out of 5]

رواية مثيرة.. والكاتب يمتلك خيالا جميلا وربطا جيدا نوعا ما للأحداث، يحتاج لدراسة آليات السرد الروائي أكثر.. إلا أن الأخطاء النحوية أولا والغلطات المطبعية ثانيا تثير الجنون.. يجب على الكاتب تطوير لغته العربية وعلى دار النشر مراجعة اللغة والطباعة على الأقل..

[Mar ED · Rating 5 out of 5]

غريب أمر الحضرد

[Hamada · Rating 2 out of 5]

روايه تحتاج روايه

[Fathy · Rating 2 out of 5]

انهيت اليوم الثلاثاء 19-9-2023 قراءة رواية (الحظرد) ل د. محمود صلاح الحاصل علي الدكتورة في الميتافزيقا.
بداية دي اول مرة اقرأ للكاتب و الرواية مش وحشة و لكن مستواها مش عالي كمان.. للاسف الرواية هي جزء متصل بشكل ما بروايتين سابقتين للكاتب و لم يسعفني الوقت و لا الحظ لقرائتهم.
عموما فالقصة تحكي محاولات الشر المستمرة و الشيطان للسيطرة علي الارض و بطل القصة هو نادر زهران ذلك الانسان الضعيف الذي يعاني من الحياة و ظروفها ثم يعاني من الاحلام و الواقع عندما يقع في يده كتاب اسمه الكتاب الاعمي و حينما يتلو بعض التعاويذ و ينطق بها فيستدعي من هم لا قبل له بهم ، فيتم الزج به في تلك الاحداث التي يتصارع فيها الوحوش و الكيانات التي سبقت وجود الانسان عل الارض منهم (الحن )و (البن) في أبعاد متعددة ومختلفة من حيث الزمان و المكان. الاحداث متتالية و سريعة بشكل ما والرواية لا تطويل فيها و لا اسهاب و لكنها مازالت تفتقد الوصف المطلوب للشخصيات و الكائنات و المواقف و الاماكن بشكل اوسع و اكبر حتي لا تكون الرواية مجرد حكي و سرد بدون اضفاء واعطاء نظرة للقارئ لفهم الرواية و أبعادها و الاستمتاع بأحداثها. في رأيي إغفال هذه النقطة المهمة جعلت الرواية ضعيفة في مجملها.

[شريف الطوانسي · Rating 2 out of 5]

الكتاب مسلي ومليء بالاثارة ويشد القارئ لانهاء في وقت قصير
لكن يحتاج الي حبكة درامية اقوي وان تكون الشخصيات الرئيسية اكثر تعقيدا وعمقا
الشخصية الرئيسية التي تعيش في العصر الحالي ضعيفة التركيب كل ما يفعله انه يندب حظه علي ما يراه من اهوال بلا عمق في شخصيته
الجزء المعاصر من الرواية وماحدث في المستشفي وخلافه اضعف الرواية لانه كان اشبه بمحاولة إرعاب القارئ باي وسيلة
الجزء الذي حدث في الابعاد الاخري والجزء الاول في اليمن هو الافضل وكان التركيز عليه سيزيد من قوة الرواية

[نادو سعد · Rating 5 out of 5]

حلوه جدا ومليئة بالاحداث الشيقه والمعلومات

[Dina Dou · Rating 5 out of 5]

😍 الجزء الثالث من سلسلة الملعون الشيقة . من احلي الروايات التي قرأتها

[Ahmad Al_Musrati · Rating 1 out of 5]

على الرغم من وجود الكثير من التشويق في الأحداث إلا أن أسلوب الكتابة ركيك جدًا ويحتوى الكتاب على عدة أخطاء إملائية بجانب وجود بعض الجمل المخلة بالآداب التي لا يفترض أن تكون موجودة .