თავისუფლების კანონი

by ნიკა რურუა

თავისუფლების კანონი" ნიკოლოზ რურუას თარგმანების,პუბლიცისტური წერილებისა და ესეების კრებულია. ის ავტორმა 2003 წლის ზაფხულში, "ვარდების რევოლუციამდე" რამდენიმე თვით ადრე გამოსცა ერთი ურყევი რწმენით: თუ საქართველოს დემოკრატიული გარდაქმნისა და ლიბერალური რეფორმების ხანა დაუდგებოდა, კრებულის საფუძვლად დადებული ღირებულებები და პრინციპები მას აუცილებლად დასჭირდებოდა...
ინდივიდუალური თავისუფლებისთვის ბრძოლა საქართველოში ჯერ ისევ არ დასრულებულა. არც ქვეყნის დამოუკიდებლობა და სუვერენიტეტია საბოლოოდ გარანტრებული. ამდენად, "თავისუფლების კანონის" ახალი, გადამუშავებული და შევსებული გამოცემა, როგორც სახელმძღვანელო, კვლავ ელის მკითხველთა ახალ თაობებს, როლებმაც საქართველოში დემოკრატიული გარდაქმნები და ლბერალური რეფორმები უნდა განაგრძონ.

509 pages, Paperback

Published January 1, 2019

Reviews

[Mariam Keshealshvili · Rating 5 out of 5]

დრო გადის თუმცა ის ფაქტი, რომ ეს კაცი ჩვენს ქვეყანას ძალიან აკლია უცვლელო რჩება.

[Natia Morbedadze · Rating 4 out of 5]

ძალიან მნიშვნელოვანი წიგნია მათთვის, ვისაც აქვს კითხვა, თუ რატომ ვართ თითქმის 30-წლიანი დამოუკიდებლობის შემდეგ ისევ მუდმივ ბრძოლაში საკუთარ თავთან, რა განსხვავებაა არჩევით და ლიბერალურ დემოკრატიას შორის, რატომ არის აშშ პოლიტიკურად და კულტურულად ასეთი ძლიერი მიუხედავად იმისა, რომ სულ რაღაც 244 წლისაა... ნიკა რურუას მიერ თარგმნილი ესსები, მისი პუბლიცისტური წერილები და საერთაშორისო სამართლის მნიშვნელოვანი პრეცენდენტები პასუხს გაგცემთ ყველა კითხვაზე და ხელმისაწვდომ ენაზე კიდევ ერთხელ მოგცემთ საშუალებას, რომ გაიაზროთ - არსებობს კონსტიტუცია, უამრავი კანონი, მაგრამ უმთავრესი თავისუფლების კანონია!

[Nato Akhsabadze · Rating 5 out of 5]

"სახელმწიფოში უმთავრესი თანამდებობა საზოგადოების რიგითი წევრის-მოქალაქის პოზიციაა."

"მე უნდა ვისწავლო პოლიტიკა, სამართალი და საბრძოლო ხელოვნება იმისთვის, რომ ჩემს შვილებს ჰქონდეთ თავისუფლება მათემატიკის და ფილოსოფიის შესწავლისა. ჩემმა შვილებმა უნდა ისწავლონ მათემატიკა და ფილოსოფია, გეოგრაფია, ბუნებისმეტყველება და საზღვაო არქიტექტურა იმისთვის, რომ მიანიჭონ საკუთარ შვილებს უნარი, ამ უკანასკნელთ შეძლონ ხატვის, პოეზიის, მუსიკის, არქიტექტურის, ქანდაკებისა და ფაიფურის საქმეში დახელოვნება."

სტატიების,თარგმანებისა და სასამართლო პროცესების ანალიზთა გამორჩეული კრებული. არსის სრულყოფილად გაგებისათვის ისტორიისა და სამართლის საფუძვლების ცოდნას მოითხოვს და ამ თვალსაზრისით ცოტა რთული საკითხავია, თუმცა, ჩემი აზრით, ერთ-ერთი საუკეთესო კრებულია ჩვენნაირი ქვეყნისთვის, დემოკრატიული და სამართლებრივი სახელმწიფოს ჩამოყალიბების გზაზე.
Highly recommended.