Песня пра Цімура

by Андрэй Адамовіч

«Песня пра Цімура» – псіхадэлічная паэма ў прозе і адначасова дынамічны шпіёнскі трылер, які пачынаецца з таго, што ў Варшаву выпраўляецца агент беларускага КДБ капітан Капейкін. Радзіма паставіла перад ім цяжкую задачу – адшукаць загадкавага паэта-камуніста Цімура Хоміча. Для гэтага Паўлу Капейкіну трэба ўцерціся ў давер да багемных сяброў выклятага паэта – беларускіх мастакоў, рэжысёраў і кампазітараў. На фоне прыгодаў капітана аўтар шчодра высмейвае так званую беларускую інтэлігенцыю па асобах і беларускі народ агульна. Аляксандр Саладуха, Андрэй Горват, Сяргей Календа, Андрэй Куціла, Віталь Рыжкоў – і іншыя «дзеячы культуры» з’яўляюцца героямі паэмы. Твор будзе цікавы найперш тым, хто стаміўся ад нудных тэкстаў па-беларуску і любіць захапляльныя гісторыі.
Кніга выкліча вострае непрыняцце ў «змагароў» і іншых маралафагаў.

206 pages, Paperback

Published January 1, 2019

Reviews

[Іллюк · Rating 4 out of 5]

Дасціпная кніга. Напрамак падзей быццам намацваецца падчас чытання і мы апынаемся ў розных кутах аўтарскіх думак ці раптам у рэчаіснасці. Часам нагадвае нейкія беларускія быліны. Маючы сціплыя веды беларускіх сучасных маладых пісьменнікаў, вядома нейкія рэчы былі незразумелыя, затое трошкі пра іх дазнаўся.