قيدت ضد الشيطان

جنايات #1

by رحاب فكري

لا يبدو أن الأمر به شبهة جنائية على كل حال. لقد وجد المهندس جاسر ميتًا في منزله إثر تناوله جرعة زائدة من عقار السيلدينافيل. لكن مهلا.. هناك الكثير من الخيوط المتشابكة والتي تجعل من المصادفات أمرًا مستحيلا. ثم يجعلك تتساءل أهناك يد خفية وراء كل تلك المخططات المحبكة؟ ماذا لو أن تلك اليد الخفية كانت أدهى وأمكر من أن تقع في المصيدة؟ ماذا لو أن تلك اليد الخفية .. كانت يد الشيطان ذاته؟!

Genres: Audiobook, Crime

Audiobook

About the author

رحاب فكري طبيبة وروائية وكاتبة مصرية غلب على مؤلفاتها الطابع البوليسي.

تُصدر للكاتبة رحاب فكري سلسلة روايات بوليسية بعنوان «جنايات» عن دار سما للنشر والتوزيع

وقد تحويلهم الي دراما صوتية علي موقع أوديوهات

Reviews

[Wissal H · Rating 5 out of 5]

من أبرز قصص الإنتقام التي قرأتها وأكثرها دهاءا ! حين يجتمع الخبث و الذكاء و الرغبة القوية في الإنتقام تكون النتيجة مروعة وهذه الرواية إحدى هذه النتائج المدوية ! ستظل من أجمل ما قرأت من قصص الإنتقام❤️❤️

[ESRAA MOHAMED · Rating 2 out of 5]

وفاة مهندس شاب في ظروف غامضة وبعد وفاته توالت المفاجآت والصدمات حتى النهاية ..
تمثيلية إذاعية لطيفة 🎧

https://www.youtube.com/watch?v=lfdik...

استمتعوا ..
دمتم قراء ..❤️❤️❤️

[Fouadtemraz · Rating 5 out of 5]

رواية مسلية سمتعها صوتيا
نبذة :
عن حبكة انتقام، وفاة مهندس شاب تكشف الكثير من الأسرار، أيضا الفكرة والحبكة والشخصيات كانت بين تقليدية وضعيفة، تشبه فيلم ثمنيناتي متوقع معروف، مسلي بأدائه والحالة التي يصنعها لكنه ليس قويًا،
اسمتعت بالأداء والتي اعطيته لها علامة كاملة لانها تستحق
لا اعلم إن قرأءتها بشكل ورقي هل سأعطيها هذه النتيجة لكنها تستحق الاستماع والقراءة .
استمري 🙂

[Sara Shemes · Rating 1 out of 5]

1.5

[رومولا الن emmajain-book · Rating 4 out of 5]

يتم العثور على المهندس جاسر مقتولا داخل منزله

تتم التحقيقات لمعرفة الجاني

نهاية القصة مبدعة

استمعت له على تطبيق

[Donia Darwish · Rating 4 out of 5]

📌لا توجد هناك جريمة كاملة ، حتمًا سينال الجانى عقابه يومًا وإن طال الزمان!!

طلب تشريح طيب ليه
ديه موتة طبيعية مفيش اى تشكيك
أصل جاسر رياضى قديم ازاى فجأة يموت ومحدش يحس به
وهو الموت له تبرير بيجى فجأة من غير انذار ولا تنبيه ⏰
برضه مقولتليش ايه سبب التشريح
أصل جه بلاغ من مدام صابرين
بتطالب فيه بـ اثبات وبراهين لسبب وفاة المدعو " جاسر "
ومين صابرين ‼️
هى مش المدام اسمها انچى ولا ايه 🤔
لأ ما هو المرحوم كان له زوجة تانية واحنا مش عارفين 🤫
طيب افتح يا عسكرى التحقيق
وعطل إعلام الوراثة ده طلع فيه ورثة تانيين
هو أصلا مبقاش فيه ميراث كله راااااح 😱
طيب ازاى
وشراكته مع صاحبه فين نصيبه منها راح
لا كده فى حاجة مش تمام خاصة أن كان فيه خلافات وشهود كمان

📌موت جاسر أصبح كصندوق أسود كلما حاولت فتحه لأعرف حقيقة ما ، واجهتني الكثير من الأمور الغامضة الأخرى🤔

كله هيبان فى التحقيقات بس ياترى المحقق " خالد " هيعرف يوصل لبر الأمان و الجـ **ثة ترتاح
ولا مفيش اى شبهة جنائية وديه مجرد موتة طبيعية ولا لعبة اتلعبت من شيطان فى صورة انسان لعبها بذكاء

📌لا أحد يعلم من الشيطان 😈

ياترى هتقيد ضد مين 🤷‍♀️⁉️
عارف لما تخلص رواية وتقف تصقف فى النهايات
يا ولاد اللذينة عملتوها ازاى 😄
فى الاتحاد 💪🏻قوة صحيح 😂
رواية جريمة مشوقة من اول صفحة فيها 💙💙

📌 الرواية متاحة صوتى كمان على ابليكشن أوديوهات 🔈

#مكتبة_دنيا
#قراءات_٢٠٢٣

[هند أحمد السيد · Rating 2 out of 5]

الرواية: قيدت ضد الشيطان.
الكاتبة: رحاب فكري.
دار النشر: سما.
عدد الصفحات:91.
في قراءة أولى للكاتبة رحاب فكري، نبتدأ في سلسلة جنايات، حيث يبدأ العدد الأول بوفاة المهندس الشاب جاسر، حين كانت زوجته إنجي وابنتها ريتاج في رحلة على الساحل الشمالي إثر خصام دب بينهما، لتتوالى الأحداث باكتشاف زواجه من أخرى تدعى صابرين، وانفصاله شركته عن عاصم، وتولي النقيب خالد القضية، مع قلة الأدلة وإشارتها إلى وفاة جاسر بطريقة طبيعية، تغلق القضية مع عدم رضا خالد، واكتشاف حل الجريمة غير المتوقع.
اللغة سلسة وبسيطة، ولكن الحبكة كانت معتادة والحوار كبير فلم تتبين لي الشخصيات أكثر.
أتطلع قدماً لقراءة الأجزاء التالية.
#أبجد
#قيدت_ضد_الشيطان
#رحاب_فكري.

[Abdelrahman]

قراءة سريعة جدًا للعدد الأول من سلسلة جنايات
اقدر اقول فكت بلوك القراءة نوعًا ما، بس مش معنى كده إنها عجبتني!
حبكة مش جديدة
شخصيات ضعيفة
حوار كتير جدًا جدًا، مش عارف هل عشان هي في الأصل كانت نازلة على اوديوهات ولا ايه السبب!
قدرت اتوقع النهاية ايه، وإن كان فيه حاجات متوقعتهاش.
يمكن فعلًا أكتر حاجة ضايقتني وأنا بقرأها، هي إني لقيت ثغرات كتير في الحبكة، كانت مش منطقية تمامًا، بس الكاتبة تجاوزت ده بشرح كل حاجة في النهاية.
ورغم كده حاسس بشيء من انعدام المنطقية!
بردو فيه حاجة ناقصة!
العدد التاني هقدر احدد من خلاله هكمل بتقي السلسة ولا لأ!

[Yasmeen · Rating 2 out of 5]

الموضوع بقا شبه بعضه اوي
هي معمولة في صورة سلسلة ونفس المحققين بتوع كل مرة بس برضو دة ميديش الحق للكاتبة تعكل كل مرة نفس الفيلم بتاع واحد لعوب يبان شريف ولكنه بتاع نسوان ويظهرلنا مليون ست فالقضية
آدي الواحد بيستلي بس بوخت بقا هغير

خلصتها امبارح وكانت عيني تعبتني جدًا من الرسم فمقدرتش أسجلها
وبكدة أختم 2020

إلى اللقاء في تحدي السنة الجديدة بإذن الله💚

[Randa Hakem · Rating 3 out of 5]

انا فعلا متوقعتش النهايه بس معحبتنبش أن القاتل مياخدش جزاؤه فى النهايه ومقتنعتش بصراحه بعلاقه الشخصيات ببعض فى النهايه يعنى كريم لمجرد أنه صاحبهم يشارك فى قتل جاسر عادى مكنش فى اى سبب منطقى وصابرين هى إلى تطالب بتشريح الجثه وهى عارفه أن ده ممكن يوديها فى داهيه طيب ازاى واستغربت أن الاوديو القصه مختلفه عن الكتاب تماما

[Sara · Rating 1 out of 5]

قصة بوليسية عن حبكة انتقام، وفاة مهندس شاب تكشف الكثير من الأسرار، أيضا الفكرة والحبكة والشخصيات كانت بين تقليدية وضعيفة، تشبه فيلم ثمنيناتي متوقع معروف، مسلي بأدائه والحالة التي يصنعها لكنه ليس قويًا.

[Dalia Fayez · Rating 4 out of 5]

رواية جميلة اوي و مشوقة جدا و حبكتها عبقرية فعلا و ماقدرتش اتوقع اي حاجة و لا اخمن اللي حصل و عجبني كمان المعلومات الجديدة اللي فعلا اول مرة اعرفها بس اتضايقت ان الشر انتصر في النهاية و كان نفسي الخير هو اللي ينتصر .. أتمنى التوفيق للكاتبة دايما يارب

[Ahmed Halawa · Rating 4 out of 5]

قيدت ضد الشيطان هي العمل الاول الصوتي اللي اكمله و انا معرفش عنه حاجه غير انه جريمة
و بجد كان ممتع جدا و الحبكة ولا تيجي في البال و فيها معلومه علمية متخصصة جدا هي اللي لعبت دور البطوله في القضية
فتجربة جميلة جدا بالنسبالي

[Sara Hosny · Rating 2 out of 5]

نفس فكرة زيفا تقريبًا في الجريمة، أعتقد إن الكاتبة كدا هتحرق نفسها، الرواية حلوة بس كانت محتاجة شغل أكتر عشان تبقى عظمة💙
اتوقع د.رحاب إن شاء الله هتبهرنا ف المستقبل لو اشتغلت على نفسها شوية 💙

[Mona El-gharbawy · Rating 4 out of 5]

عجبتني النهاية لأن مش دايما في الحياة الخير بينتصر.

[Miada · Rating 4 out of 5]

النهاية غير متوقعة بالمرة، واسلوب الكاتبة حلو جدا 👍

[Nour Alaa · Rating 3 out of 5]

Audio

[أحمد إبراهيم · Rating 4 out of 5]

سمعت تلك الحلقة من خلال تطبيق أوديوهات وعجبتني جدا جدا وخصوصا الشق المتعلق بالبحث الجنائي والتشريح.
أنصح بمتابعة الحلقات والاشتراك في أوديوهات ومتحمس للقادم
#أحمدمجدي

[Maha · Rating 4 out of 5]

حلقه اكثر من رائعه

[Ahmed Gohary · Rating 3 out of 5]

صوتي علي اوديوهات
جريمة قتل غامضة مع نهاية غير متوقعة

[mohd biblomania · Rating 5 out of 5]

من أجمد قصص الانتقام التي قرأتها
فكرة علمية جديدة 👍
حبكة قوية
سرد ممتع
تحقيق واضح وغير معقد، الربط بين الأحداث سليم وممتع
لا يوجد شيء ضائع
كشفت الحقيقة في النهاية

[Asmaa reads · Rating 4 out of 5]

قصه صوتية مميزة وحلوة جدا من اوديوهات👏

[Dr Asmaa Fouad · Rating 5 out of 5]

جريمه كامله بدون اثار

[Huda Khalil's · Rating 3 out of 5]

رغم بساطة السرد وقِصر عدد الصفحات، جاءت الرواية مشوّقة وممتعة.

[Alaa · Rating 3 out of 5]

وفاة مهندس بطريقة غامضة فى منزله و شك زوجته فى طريقة موته و تبدأ الأحداث و الشك هل مات بطريقة طبيعية ام قتل
القصة لذيذة و استمتعت بالاداء الصوتى أكثر من القصة نفسها

[A · Rating 3 out of 5]

شخصية أنجي !! يالهوي بجد