Nú sker ég netin mín

by Þóra Hjörleifsdóttir, Þórdís Helgadóttir, Melkorka Ólafsdóttir

Nú sker ég netin mín er þriðja ljóðverk Svikaskálda, eftir Fríðu Ísberg, Melkorku Ólafsdóttur, Sunnu Dís Másdóttur, Ragnheiði Hörpu Leifsdóttur, Þóru Hjörleifsdóttur og Þórdísi Helgadóttur.


Undirheimar

Þeim mun stærri netum sem ég kasta frá borði
því betur finn ég að undirmeðvitundin
er gnægtarpollur

hyldýpi af ljóseindum, myrkrakompum og gróðri
sem tunglið eitt hefur togkrafta til að færa úr stað

neðansjávardýrin eru ófreskjurnar
sem umbreytast um leið og horft er á þær

faðir minn kenndi mér að veiða í net
móðir mín að synda

nú sker ég netin mín
og flétta úr þeim reipi
bind um úlnlið áður en ég sting mér til sunds
hnífarnir ískaldir taka beittir á móti mér

undir niðri er djúpið
volgt, myrkt og kunnuglegt

(Ragnheiður Harpa Leifsdóttir)

64 pages, Paperback

First published September 19, 2019

Reviews

[Karl Hallbjörnsson · Rating 5 out of 5]

Þessi er frábær. Mér finnst ekki sami kraftur í þessari og „ég er fagnaðarsöngur“ — kraftur hér ekki kvantitatíft heldur kvalitatíft. Það er önnur rödd eða tónblær svo að segja. Mæli sterklega með að lesa þessa. Og hina líka auðvitað. Svikaskáld eru að mínu mati að endurskilgreina ljóðræna rödd og andrúmsloft okkar kynslóðar á afdrifaríkan hátt í verkum sínum. Hljómar kannski smá dramatískt og afdráttarlaust hjá mér en mér finnst þær í alvörunni vera sterkur og ferskur andvari í annars mestmegnis súrefnislausri bókakompu.

[Inga Þórunn · Rating 4 out of 5]

Vönduð ljóðabók