تأثير مانديلا

by محمد حنفي

فاكرين من كام سنة كان فى إعلان لجبنة لافاشكيرى بتظهر فيه البقرا الحمراء الضاحكة دى وهى خارجة من ورا ستارة على مسرح وفيه حلق دهب بيتهز ف مناخيرها … لو سألت اخواتك أو اصحابك هتلاقي كتير منهم فاكرين الاعلان دة كويس اوى..والمشهد بتاع الحلق الدهب دة بالذات… تعمل اية بقى لو قلتلك أن لافاشكيرى عمرها..عمرها ..ما عملت اعلان بالشكل دة من الأساس…والبقرة الدعائية دى عمرها ما لبست حلق دهب ف مناخيرها لا ف إعلانات ولا حتى على علب الجبنة… الله.. امال احنا شفنا الاعلان دة فين؟! وازاى فيه عدد كبير من الناس متفقين عالتفاصيل دى؟! الغريب أن الأجانب كمان فاكرين الاعلان دة .. وفاكرين كويس أن بقرة لافاش كانت لابسة حلق دهب ف مناخيرها !! المفاجأة أن دى مش الحالة الوحيدة ..فى حالات مماثلة لذكريات تانية مفقودة مالهاش أى أثر ف العالم دة.. طب اية موضوع الظاهرة دى.. وإية تفسيرها .. محدش يعرف لحد دلوقت .. لكن احنا ف كتاب تأثير مانديلا بنعرض أمثلة مشابهة وبنقدم فرضيات مطروحة.

213 pages, Paperback

Published January 1, 2020

Reviews

[Sally Sarwat · Rating 3 out of 5]

الكاتب بذل مجهود كبير اوى في البحث والادله ولم شمل الفكره
اذا كان الكتاب غير ماخوذ عن كتابات او موضوعات كتبت سابقا ف ياخذ الكتاب خمس نجوم كمان
لكن اغيب على الكاتب ف عدم توضيح فكره الكتاب من الاول حتي يختار القارئ اذا كان متحمس للقراءه ام انها تدبيسه
لكن دعني اقول انها تدبيسه لطيفه جدا وشيقه في افكارها وجديده من حيث الخيال والعلم في ان واحد
دعني اقول ان علمت قبل تناول هذا الكتاب بمحتواه لم اكن لأقرأه او على الاقل في مثل هذا الوقت تحديدا
اشكر الكاتب محمد حنفي على المجهود الجبار ان كان مجهوده الشخصي

[Mohamed WanS · Rating 5 out of 5]

رحله سفر عبر الزمن وأنت موجود علي أريكتك في وقت ما لا تدري أهو في الحاضر أم في الماضي السحيق أم انه سوف يحدث في المستقبل تأخذ أولي جلساتك في هذا الشيء المسمي تأثير مانديلا لتجد نفسك تسبح في فيزياء الكم المدهشه فيزياء تشكل عناصر الأريكة من تحتك فتجدها تحولت في مسرح الاحداث إلي صندوق خشبي به جسمان شخص ما ومره أخري تتحول الي مقعد سيارة من طراز قديم لكنها تبدو سياره فخمه في زمنها في الواقع إنها سياره الرئيس الامريكي جون كينيدي وانت تجلس بجانبه هو وزوجته في نفس المقعد لا تدري من أتي بك إلي هنا لتقطع دهشتك رصاصه إستقرت في رأس كينيدي رصاصه كانت قادرة علي إعادتك الي حيث تجلس علي الأريكه الملعونه هذه مره أخري رصاصه تجعلك تتسائل هل انت مستعد للسفر مره أخري إلي حدث مثير للجدل بأريكتك الملعونه أم تغلق هذه الاله المسحوره هذه وتكتفي بهذا القدر اليوم

[Ma Ha · Rating 4 out of 5]

هل تخدعنا ذاكرتنا أم أنها الصندوق الأسود و الدليا الوحيد علي ماضٍ لم يعد موجوداً

من الكتب الممتعة
يشرح الكاتب نظرية تأثير منديلا موضحا بعض الدلائل العلمية من فيزياء الكم، خطوط الزمن، نظرية الزمكان، الاحداث و المشاهدات حول الانتقال الزمكاني عبر الزمان و المكان معا لبعض الاشخاص، كذلك يشرح الكاتب بعض التجارب العلمية التي بني عليها نظرية مانديلا
الكتاب جيد و ممتع للقراءة

[Mahmoud Ezzat · Rating 1 out of 5]

هو ميصنفش كاكتاب هو بوست طويل شويه من بوستات الخرفات الي علي الفيس بوك، ودار النشر الي وافقت علي ان الهرقطه ديه تنطبع لازم تتحاسب

[Eman Al-Husseini · Rating 5 out of 5]

كتاب جميل وممتع جدا للعقول إللي عندها استعداد للتفكير في كل شيء وأي شيء
لإن في النهاية:
"وَما أوتيتُم مِنَ العِلمِ إِلّا قَليلًا"
استحالة الفكرة الآن لا يعني إنها غير قابلة للتحقق في المستقبل
ولنا في الماضي عِبرة

[Yahya Al-Maghraby · Rating 1 out of 5]

جوز أختي كان متحمس ليه فشخ
كتاب مليان خرافات وكلام فاضي

[Mohamed El Saleh · Rating 4 out of 5]

العنوان الكتاب شدني لأني قرأت عن الظاهره دي بس على الفيس بوك
الفرق واضح جدا بين بوست على الفيس بوك وبين الكتاب والكم الهائل من المجهود في البحث والمعلومات تجربه رائعه ومفيده

[Israa Mubarak · Rating 3 out of 5]

كتاب سلس، مسلي ولطيف..

يتحدث عن عالم الما ورائيات
او ما يُعرف بالparapsychology

كتاب ممتع وأنصح به ..

[La · Rating 2 out of 5]

Done in 24h, nice read

ص١٥

[Basma Abdelrehem · Rating 3 out of 5]

لمحبى الكتاب مع فيلم minority report
من برنامج نقطتين وشرطة:-

https://youtu.be/g9hjeGi5IlE