الكلام على إيه

by أشرف هلال

الكلام علي إيه - تعديل مسار الدماغ
الكتاب ده دعوةٌ للحريةِ البريئةِ من الهبلِ، ودعوةٌ للخلاصِ من المللِ؛ ودعوة للاختيار الخالي منا الظلم، والثقة منزوعة الغرور.. دعوة لقوةٍ حقيقيةٍ؛ فيها فخرٌ واعتزازٌ واعترافٌ بالضعف! قوة مليانه مرونة وتقبل واستعداد للتغيير..
وأنت بتقراه فكر نفسك بالمعاني دي.. اقف عندها ودوّر على طريقة تدخّلها بيها جوه أهم قصة في حياتك؛ قصتك اللي بتحكيها لنفسك عن نفسك!

مستعد؟! اختار.. انطلق! .. ترجع بالسلامة..

Paperback

First published January 1, 2018

Reviews

[Ashraf Helal · Rating 5 out of 5]

صباح السعادة على اللي بيدوروا في المكان الصح..
صباح البساطة على الناس اللي قرروا يفكوا العقد ويسيبوا مكانها فاضي من غير ما يُحطوا عقد جديدة.
صباح الاختيار.. اللي هو كوبري العبور من الجُبن للشجاعة والفرق الوحيد بين الضعيف والقوي ..
.. وطبعًا صباح الحرية اللي هي الوش التاني للمسئولية.

مستعد؟! اختار.. انطلق! .. ترجع بالسلامة..
كتاب مختلف :)

أشرف هلال
حصل أشرف على بكالوريوس العلوم الإدارية عام ١٩٩٣ من أكاديمية السادات للعلوم الإدارية وتخرج من برنامج الإدارة المتقدمة من جامعة ريدنج– بالمملكة المتحدة عام ٢٠٠٩ .
بدأ أشرف العمل بالكوتشينج للقادة والأفراد منذ عام ٢٠١٤ بعد أن حصل على دبلومة الكوتشينج الحواري من جامعة فرانشيسكو دي فيتوريا– بإسبانيا ثم على اعتماد منظمة الكوتشينج العالمية International Coach Federation بالولايات المتحدة الأمريكية.
يتمتع أشرف كذلك بخبرةٍ عمليةٍ تزيد على ٢٠ عامًا في مجال القيادة التنفيذية في مجال الاتصالات، وكذلك الاستشارات الإدارية في المنظمات والجامعات المصرية والعالمية.
يعمل أشرف على إعادة تأمل وصياغة نتائج أبحاث العلوم الإنسانية المختلفة بهدف توصيل رسالة الإيجابية وحرية الاختيار وترقية المجتمع في القنوات المسموعة والمقروءة بأسلوب مبسط و عملي

[Gehan Osama Abdelgawad · Rating 1 out of 5]

Not my cup of tea. A little too cliche?

[Ghada Mohamed · Rating 4 out of 5]

طريقة الكاتب ممتعة وبسيطة بيتحاور معاك مش بس بينصحك
بعد ما بقرأ كل جزء بشعر بالسعادة
من وجهة نظري كتاب فعلا لتعديل مسار الدماغ زي ما هو مكتوب على الغلاف
اخدت قرار بعد ما قرأته اني احاول اغير طريقة تفكيري تجاه الامور في حياتي :) :)

[Judy · Rating 2 out of 5]

الكتاب فيه افكار كتير في اول 100 صفحة تقريبا و استفدت منها جدا و لكن بعد الصفحة مية لقيت ان الافكار بتكرر لحد اخر الكتاب ، عجبني ان النصائح اللي في الكتاب مش نصائح تنمية بشرية متوقعة و انه بيديك عادات و تمارين سهلة اول مرة اعرفها و بقيت بستخدمها فعلا.

[Abanop Adeep · Rating 3 out of 5]

ليا فترة كبيرة مكنتش قادر استوعب اي كتاب او رواية
حاسس اني مش قادر اعمل الحاجه اللي بحبها واللي هيا القراية !
الكتاب دا من عنوانه شدني كدا قلت ليه لا
نمهد لرجوع الدنيا لطبيعتها تاني
وفعلا
استفدت منه كتير وفادني
ويمكن
الجزء اللي هكتبه دلوقتي عجبني جدا في اخر الكتاب


خف دماغك شويه على تفاصيل دنيتك وضبط توقعاتك منها ونظرتك لاهميتها واحساسك باحداثها يعني خليك خفيف في خطوتك ممتن للي بيجي في دنيتك عدي على الاحداث من فوق خليك لامسها بس مش دايس عليها واجمع الحكم منها وافهمها
ما تتوقعش فيها راحه غير مبرره ولا تتوقع منها شهيصه غير مؤكده
افصل نفسك شويه عنها وروح بعقلك اماكن واحوال ثانيه مهمه وانشغل بها
صل وادعي وتامل وتفكر في المعاني واعيش شويه من الوقت بدماغ طفل حر عايز يتعلموا يفهم مش دماغه مسجون عايز يهرس ويعجن في كل الاحداث اللي جوه زنزانته
خف تعوم

[Diànå Ibràhim · Rating 5 out of 5]

كتاب حلو و خفيف الاسلوب بسيط هيعلمك اسلوب حياة مريح

[Sara · Rating 5 out of 5]

Speechless. It really changed my mindset.

[Hazem Wefy · Rating 4 out of 5]

كتاب رائع..
لازم وانت بتقراه تشيل من دماغك فكرة انه كتاب تنمية بشرية
الكتاب هايفصّل نفسه عليك..بس بشرط ان تكون جوّاك رغبة انك تستفيد منه..
- كتاب هايحطك في مواجهة مباشرة مع نفسك..مع خوفك واحباطك وفرحك وزعلك..والمواجهة مع النفس بتكون صعبة. لكنها للشجعان..
- حاول تكتب الأفكار المهمة اللي فيه..وتهضمها..وتشوف ايه اللي يليق عليك وتمشي بيه..
- كنت اتمنى فقط ان الأجزاء العلمية تزيد حبتين لأن طريقة سردها في الكتاب كانت ممتعة جدًا..
- طبعًا اللغة سلسة جدًا وعامّية ومفهومة وواضحة ..

[Reema · Rating 5 out of 5]

One of the most effective , influential and easy doable book I’ve ever read .
It’s not the kind of book that you can read once or twice it’s a life manual that you should be using and return to through your journey ..
It’s a real precious gift ...
Very highly and strongly recommended .

[Alaa M. Ewais · Rating 4 out of 5]

كتاب لذيذ و خفيف والحقيقة بيهدي جدا 😁واحلي مافيه اني ماتملتش ومحستش بجو نصايح علي قد مكان بيخليك بتعيد التفكير
كتاب صباحي جدا هتتبسط لو قريت منه ولو جزء صغير كل يوم الصبح🔋👍🏻

[Rahma · Rating 3 out of 5]

المحتوى بتاع الكتاب بيضمن جزء كبير منه زي معظم كتب التنمية البشرية بس الفرق أن الكاتب اتكلم عن الadaptive mindset و التعامل مع المشاكل بشكل منطقي إلي حد ما

[Alaa]

من فين اقدر اقرأ الكتاب او احصل عليه ؟

[Sherif Sabakhawy · Rating 5 out of 5]

السهل الممتنع
لم يكتب غيره ولكن كتاب بعشره كتب.
الكاتب منخرط فى المجتمع وخبرته العمليه واسعه النطاق

[Maather Shouhdy · Rating 4 out of 5]

الحقيقه الكتاب رائع فعلا.. و من الحاجات المكتوبه فيه
نظريه حلوة اوي
ان اغلينا ان مكانش كلنا بنتكلم مع نفسنا كتير اوي جوة دماغنا.. صح؟

و ان سعادتنا جزء كبير من تحقيقها و إحساسنا بيها او لا مرتبط بالكلام اللي بنتكلمه مع نفسنا

لأن اي كلام بنتكلمه مع نفسنا و بنكرره كتير بنتعامل معاه انه حقيقه و بيأثر بشكل كبير علي حياتنا و معتقداتنا

طيب ازاي اظبط كلامي لنفسي بحيث انه يخليني سعيده ؟

1- اني اتعامل مع عقلي زي الراديو.. محتاجه اظبطه علي محطه السعاده.. و اللي هيساعدني في ده اني اكتب اسأله ايجابيه منظمه و أجاوب عليها
ايه الحاجه الكويسه في حياتي؟ايه نقط قوتي ؟طيب استعمل النقط دي ازاي؟ايه الكلام الايجابي اللي بيبسطني؟و الي اخره

2- عيش في الدور... فاكرين لما عبد المنعم مدبولي كان دكتور نفسي و فضل يقول لمريض عنده بيعاني من القصر (لا مؤاخذه يا صاحباتي 😂😂😂) افضل قول انا طويل و اهبل انا مش قصير قزعه؟

اهو ده طلع كلام بجد و علمي... يعني شوف اي شعور انت عاوز تعيشه.. سعاده امل حب قوة.. اي شعور و شوف لو عايش بيه فعلا هتبقي عامل إزاي.. كلامك وشك ضحكتك وقفتك... و تقمص الدور جدا من شعرك لصباع رجلك حتي 10 دقايق في اليوم و واحده واحده هتصدق و الدور ده ببقي واقع حقيقي بتعيش فيه

3- اكتب عن سعادتك و احلامك... و دي،مش حاجه كبيره بس أتعود في اخر يومك تكتب 3 حاجات اتبسطت بيها و مش لازم تكون حاجه كبيرة.. حتي لو كوبايه شاي شربتها بمزاج.. و اكتب حاجه نفسك تحصل بكره و برضه تبقي حاجه مش كبيره

4- نضف دماغك... Keep your mental hygiene

و دي حاجه مهمه جدا... لأن الدماغ بيدخلها بليون حاجه في اليوم لازم علي قد ما نقدر نحافظ علي نضافتها بأنك تقرا كتاب حلو.. تسمع موسيقي نضيفه.. تتفرج علي فيلم محترم.. تقعد مع ناس حلوين و راقيين(مش بفلوسهم طبعا)

5- الصمت و السكون..... درب نفسك كل يوم تقعد 10 دقايق من غير حركه و ساكت خالص.. و اتنفس و ركز مع تنفسك و شوف الكلام اللي بيدور جواك و اسمعه و انت بره الصورة من غير حكم ولا تحكم فيه
و واحده واحده هتلاقي نفسك بتكسر نمط تفكيرك المعتاد و بتجتشف مناطق جديده في التفكير و ممكن تبقي اهدي و كمان تتحكم في أفكارك

[Ghadeer Alshehri · Rating 5 out of 5]

كتاب رائع بكل ماتحمله الكلمة من معنى..
كتاب سعيد..
كتاب عاقل..
كتاب حكيم..
كتاب لزيز..
كتاب بسيط..
كتاب قريب للقلب..
من الآخر كتاب حيوضحلك فعلاً الكلام في الدنيا دي على إيه!!
عبارة عن أجزاء بسيطة بتناقش معاني وظروف بنعيشها وبيوجهك فيها بوجهة نظر وحكمة وخفة دم..

[محمد بريك]

WILL OK

[Mohamed Hussien · Rating 1 out of 5]

وصلت لنصه
الكتاب عباره عن مقالات فيسبوكيه سريعه وسطحي الي أبعد الحدود قعدت ادور علي معلومه تفدني مالقتش
علي عكس التوقعات

Merged review:

كتاب عباره عن مقالات فيسبوك
معجبنيش وماستفدتش حاجه

[Rewan Ali]

ا