Превртена љубов

by м-р Дора Попова Узуновски

Една нова возбудлива авантура што ќе не води во длабочините на човековата душа.
Дали љубовта може да се случи двапати?

410 pages

Published January 1, 2017

About the author

Дора Попова Узуновски е психолог, гешталт терапевт и м-р на психолошки науки од областа на клиничката и советодавната психологија. Основач е на Центарот за применета психологија “Дора“, кадешто активно работи веќе седум години. Има богато искуство во работа со психотерапија со возрасна популација во делот на личен раст и развој, анксиозност и панични напади, депресија и траума, адолесценти, како и со родители и деца со типичен и уреден развој. Во рамки на Интернационалниот гешталт институт на Македонија е соработник и тренер. Редовно посетува различни доедукации, семинари и работилници во земјата и странство со цел усовршување на професијата и личната професионалност.

Reviews

[Grcheva Viktorija · Rating 5 out of 5]

"Секојпат кога палам по една,си велам дека сеедно е дали ќе го живеам животот или не.И вака и така ќе догори еден ден,а мене како догорче ќе ме фрлат вземи."

Дали местото на живеење ја дефинира нашата среќа?Дали ако побегнеме од дома и заминеме некаде далеку ќе се спасиме од темнината што не има обвиено? Колку траумите од детството имаат влијание врз нашиот живот во иднина? Одговорите ќе си ги најдете токму во оваа прекрасна книга .

"Животот бара да го сакаме милум или силум и кога-тогаш повторно ќе не зароби сите нас во своите канџи."

Прекрасна приказна со извонредно изградени ликови и карактери,книга полна со емоции која нашата авторка Дора маестрално ни ги доловила и не доближила повеќе до психата на нашите ликови,тоа ни зборува за нејзиното долгогодишно искуство како психолог.

Приказна за една девојка по име Лорена која заминува далеку за да се спаси од тешкотиите во животот,со надеж дека таму ќе заборави на се,ќе живее побогат и совршен живот, бидејќи од сегашниот не е задоволна.Но таа не е ни свесна дека всушност темнината си ја носи со себе каде и да замине.Но животот не е така розов,понекогаш ни задава такви удари и тоа не само еднаш повеќе пати се додека не не докрајчи ,се додека еден ден не се свестиме што правиме со самите себе.Па така и нашата главна хероина војува битка која ни малку не е лесна,а тоа е битката со самиот себе каде најчесто утеха се наоѓа во пороците во случајот алкохолот,безброј неверства и интриги.Лутајќи нaместо да си го најде мирот таа ќе се заплетка во поголеми проблеми и тогаш кога ќе мисли дека животот ја помилувал ќе и зададе удар.Кога ќе мисли дека се опоравила од првиот ќе добие и втор.

Ќе остане ли Лорена да живее далеку или ќе се врати во родниот крај и дали конечно ќе излезе од темнината и ќе си го пронајде мирот и љубовта на својот живот или засекогаш ќе остане да живее во темнина и осамена ве оставам да откриете.

"Смртта е врвот и крајот на земниот живот, но и почеток на бесконечноста. А што друго е бесконечноста, ако не љубовта? Таа постојано е во чекор со сите нас и кога-тогаш ќе не натера да и погледнеме во очи.Животот има обичај да им го прави тоа на оние кои не веруваат во него,а да не се верува во него е исто како да не се верува во љубовта, оти од неа е создаден животот."

Ниедно богатство на светот не може да го купи мирот во човековата душа и да ни го исполни срцето со љубов.Мирот се наоѓа во нас самите,а клучот од вратата го имаме исклучително ние,од нас зависи каков живот ќе живееме.

Книга која секој треба да ја прочита светско,а наше 10+++++. ❤️❤️❤️❤️

[Наташа Алексовска]

Лорена, за подобар живот, ќе замина во САД. Низ какви пресврти ќе помина таму? Без разлика дали е во прашање љубовта или работата? Дали ќе може да излезе успешно од тие пресврти?