قصص الأنبياء بالعامية

by هبة عبدالله أحمد

لإن إستمتَاعَكْ بالقُرآن هَيزيد لمَـّا تِفهَم قِصَصَه ولإن قصص الأنبياء مش مُجرّد قِصة حَصَلِت وإنتهى زَمانها، إنما فيها من المَبَادِئ والقِيَم والمَوَاقِف إللي مُمكِن نِستَفيد بيها في كُل تَعامُلات حَياتنا لدرجة إن رَبنا كان بيصبّر نَبيِنا الكَريم مُحمد -صلوات الله وسلامه عليه -بالقصص دي! فـذِكرُهم في القرآن كان رسالة لنَبيِنَا، ومِن بَعدُه لينَا وإقتداءنا بيهم هو إللي هيوَصّلنَا لجَنّة الخُلد ويرَقّينا فـيَجمعنا الله مَع مَن تَشبّهنَا بِهم يَوم نَلقاه علشان كده هنعيش معاهم في السلسلة القَصَصِيّة دي نعرف رسالتهم، وتفاصيل حياتهم، وناخد مِن كُل نَبي فيهم خِصلة.

Genres: Religion

384 pages, Kindle Edition

Published August 24, 2019

Reviews

[حلا الشُّرمان · Rating 5 out of 5]

ما في كلام بيعطي هالكتاب حقه
شو ما أحكي وشو ما أمدح رح أضل مقصرة وعاجزة

سرد لقصص الأنبياء باللهجة العامية المصرية كما وردت في القرآن الكريم ، بالاستعانة بكتب التفسير .. الطريقة البسيطة والشيقة بتجذب القراء من مختلف الأعمار .. والحلو إنه ما بتحتاج تترجم للأطفال وتشرح المكتوب لإنه إنت ممكن تقرألهم مباشرة منه ..

أكتر شي حبيته إنه هبة كانت تذكر الآيات بالقصة أول بأول بعد كل حدث وهاد الشي بيخليك لما تقرأ القرآن وتمر ع الآية تستذكر المعاني والقصة تلقائي ..

الكتاب "لازم" يكون موجود بكل بيت ويعتبر مرجع رئيسي لقصص القرآن الكريم .. وبتمنى يتم توفرة في الأردن قريباً .. واللي ما بقدر يجيبه فيه يقرأ القصص من صفحة هبة عالفيسبوك ..

خبر حلو لازم أحكيه .. هبة حالياً بتشتغل عالسيرة النبوية .. وهاد كنز تاني من كنوزها اللي يا رب ما ننحرم منها ..
ألف نجمة للكاتبة هبة وكمان ألف لكتابها لإنها بتستاهل وعن جدارة والله ❤️

[Nermeen Muhamed · Rating 5 out of 5]

كتاب عظيم، هبه أسلوبها مميز جدا جدا بتجذب الناس بأسلوبها وبتجبرهم أنهم يكملوا قراءة، كتاب ضروري يكون في أي بيت مسلم نعتبره مرجع لأي تفصيلة ننساها في قصص الأنبياء، لأن أسلوبه سهل وبسيط جدا ✨، هبه ليها جملة بتقول ( لأن استمتعنا بالقرآن هيزيد لما نفهم قصصه) وبالفعل قراءتنا للقصص خصوصا بالطريقة الجميلة دي خلتنا وإحنا بنقرأ القرآن فاهمية قصصه كويس، أغلب قصص الأنبياء مش مروية في القرآن في سورة واحدة، وبيصعب علينا تجميع المشهد اللي بتتكلم عنه الآيات، بس هبه سهلت علينا كل ده وجمعت القصة بكل الآيات الدالة عليها من كل السور وبالتفصيل والشرح السهل اللي لا يمل منه ♥️
كمان سهلت علينا اللجوء لكتب ومراجع كبيرة ومختلفة، ربنا يجعله في ميزان حسناتها ويكتبلها القبول في الأرض وفي السما ❤️

[Marwa Elfishawi · Rating 5 out of 5]

مفيش اى تعبير بيوصف جمال الكتاب
قعدت كتير ادور على قصص الانبياء وكل ما اشترى كتاب مقدرش حتى اكمل فيه صفحتين من كتر ما اللغه إلى فيه صعبه ود لحد ما لقيت الكتاب الجميل دة إلى من جماله خلصته فى ٣ ايام وفهمت حاجات
كتير اوى مكنتش فهماها فى القرآن وفعلا بعد قراءته استمتاعى بالقرآن زاد عشان فهمت قصص كتير فيه فربنا يجازيها خير يارب إلى كتبته ويجعله فى ميزان حسناتها

[Ali Omar · Rating 5 out of 5]

كتاب جميل وبسيط
تم شرح فيه قصه ٢٤ نبي تم ذكرهم في القرآن بأبسط الطرق
لكن بأغلب المعلومات الصحيحه الوارد فى التفسير او الاحاديث الصحاح من احسن الكتب اللى انت ترشحها وانت ع ثقه
نفعا الله به ومؤلفته خير الثواب

[Sameh Algizawy · Rating 5 out of 5]

هو الكتاب مش ميزته انه سرد ممتع لقصص الأنبياء بس... ولا إنه بالعاميه (الراقيه) وان مش مضطر تقرأ وترجع تحكيه لطفلك، انتو هتقروا مع بعض
الكتاب فيه كنز حرفياً انه بيقول مع الأحداث أيات القرآن المرتبطه بيها.
يعني كتاب لكل الأعمار
كل مره هتقرأوا فيها القرآن هتحسوا انكم فاهمين وحابين مش عشان تعدوا حسنات وبس.
هتتعلقوا بالقرآن كأنه صديق وهتبقوا عايزين تفهموا أكتر وتعرفوا قصص أكتر.

[Amal Hejazy]

من احلى الكتب اللي قرأتها ومش عايزاه يخلص.. استفدت وعرفت حاجات كتير عن الأنبياء الكرام قربتني منهم وحسستني بانتمائي ليهم وانهم عيلتي وجماعتي اللي اتمنى احشر معهم الجمال والنور اللي في قلب هبة بيشع في كل كلمة بتقراها

[Mohamed Nasr · Rating 5 out of 5]

الكتاب رائع جدا و الاسلوب سهل بدون تفريط و محافظ على اللغه رغم انه باللغه العاميه و كل معلومه متوثقه بالايه و الحديث
انا معتبر الكتاب رحله دى بدايتها و انا مصر عند رايى و تكملتها لازم يكون السيره النبويه و سيره الصحابه و الدوله الاسلاميه الفاطميه و العباسيه و هكذا
انصح جدا بالكتاب

[Somaya Kamel]

كتاب أكثر من رائع كل مرة بتقرأ فيها الكتاب بتحس بمتعة مش هتبطل ترجعله باستمرار دة غير ربط أحداث القصص بآيات من القرآن كل مرة هاتقرأ فيها قرآن هتكون فاهم الآيات كويس جدا بس شرح القصة ف الكتاب دة غير اسلوب الكتاب السهل البسيط الممتع ف نفس الوقت مناسب جدا لجميع الأعمار

[Hana Yehia · Rating 5 out of 5]

حبيت كتاب ده أوي بجد رائع عرفت حاجات كتير مكنتش أعرفها و لما كنت ببحث علي نت كنت بحس أني بتوه كتاب ده بجد مُلم .ربنا يجعله من ميزان حسناتك

[༺Lost Dreamer༻ · Rating 5 out of 5]

حقيقي من أجمل طرق عرض قصص الـأنبياء وأيسرها لجميع الأعمار..اللغة قيمة سهلة بديعة وقريبة للقلب.
ربنا يجعله في ميزان حسنات كل من عمل عليه ويبارك في علم وسعي أ/هبة عبد الله..متحمسة جدا اقرأ باقي أعمالها إن شاء الله.
✨💎

[Roka · Rating 5 out of 5]

خدو العيديه روحو هاتو بيها الكتاب القمر ده❤

احلى من احلى روايه الواحد ممكن يقراها
وكفيل يخليك تفهم اكتر من نص ايات القرأن❤

من سنين كان نفسي اقرأ قصص الانبياء بس مكنتش لاقيه كتاب سهل
لحد ما ربنا جابلي الهديه الحلوه دي❤
قصص الانبياء بالعاميه الاقرب للغه العربيه " مش عاميه خالصه ،سهل لكل الفئات والاعمار"
سهل وجميل ومصادرة كتاب البدايه والنهايه لابن كثير وتفسير الطبري وكذا كتاب تاني

معرفتك لقصص الانبياء حاجه مهمه جدا
انك تعرف تاريخ انبياء الله وتاريخ الرساله وتفهم القصص اللى فى القرأن وتستشعر عداوتنا مع الشيطان من اول ادم
وتعرف اد ايه الانبياء تعبو عشان يوصلو رسالة ربنا
وتتأكد من كل قلبك ان الاسلام دين الله الحق بمجرد مقارنة قصص الانبياء فى الاسلام بقصصهم ف اى شريعه تانيه .. فرق رهيب

جزاها الله خير الكاتبه وانصحكو جدا بيه❤

[Heidi Nabil · Rating 5 out of 5]

سهل و بسيط، حسيت انى بعيش القصص قصة قصة ، و كل حاجة بالاثبات فمش قلقانة، ابنى اللى عندة ٧ سنين بيقعد جنبى وانا بحكى و بنبقى متحمسين زى بعض بالظبط و بيفهم مش بحتاج اعيد و ازيد ، و استفدنا بجد ربنا يجعلة فى ميزان حسنات الكاتبة الشاطرة دى ، انا متابعاها و بقراالقصص دى من ايام ما كانت بتنزلهم عالفيس بوك و يوم ما عرفت انة هيبقى كتاب و هيتنشر والله كنت فرحانة ليها و فخورة بيها اكنها بنتى و هموت واشوف ردود افعال الناس و هى بتقراة و مستمتعة بية زيى ، اللى مجابهوش لاااااااااازم يجيبة حقيقى حقيقى فايتة كتير و هيدعيلها اكتر

[Ahmed Abo Baker · Rating 4 out of 5]

#قصص_الأنبياء_بالعامية
#هبة_عبدالله_أحمد
▪️ نوع الكتاب : كتاب ديني
▪️ لغة الكتاب : العامية
▪️ دار النشر : مؤسسة بداية للنشر والتوزيع
▪️ عدد صفحات الكتاب : ٣٨٤ (لكن تقدر تضرب عدد الصفحات ✖️ ٢ لأن الصفحات طويلة جدا والخط صغير جدا فلازم اللي هيقرأه في مدة معينة يضاعف المدة)
▪️ملخص الكتاب:
- نجحت الكاتبة في جعل قصص الأنبياء مثل حدوتة تحكى للأطفال فأخذتنا في رحلة جميلة عبر الأزمان والأجيال والقرون لنعيش مع الأنبياء كل تفاصيل قصصهم وكأنك تعش المشهد بنفسك، الكتاب ليس بالعامية الفجة لكنه عبارة عن تبسيط وتلخيص وتفسير ميسر لآيات القرآن التي تذكر قصص الأنبياء لكن الكاتبة تسرد القصة بأسلوبها وكأنها تحكي حدوتة.
- الكاتبة أيضا لم تعتمد على مصدر أو مرجع واحد في حكي الحدوتة لكنها جمعت الكثير من المصادر والكتب مثل كتب الإمام ابن كثير والإمام القرطبي والطبري وصحيح البخاري وكذلك تفسير الدكتور محمد سيد طنطاوي وتفسير الشيخ الشعراوي لذلك تجدها ألمت بجميع الأحداث والمشاهد المؤكد منها والضعيف فبعد قراءة الكتاب ستجد نفسك قد ألممت بكل هذه الكتاب في كتاب واحد وأيضا بشرح ميسر وبسيط.
- من الجميل أيضا في الكتاب أنك ستجد تفسير كثير من الآيات القرآنية والتي تسير الكاتبة بتسلسلها في سرد قصص الأنبياء بالترتيب فتجد شرحا للكلمات الصعبة بأسلوبها الخاص وكثير من التفاسير التي تشرح وتفسر الآيات من أكثر من وجهة نظر فبالإضافة لاستمتاعك بالقصة والحدوتة وإلمامك بكثير من المعلومات عن الأنبياء ستجد نفسك فهمت وعرفت الكثير من تفسير الآيات فتزيد متعتك أكثر بقراءة القرآن وهذا هو الهدف من الكتاب كما ذكرت الكاتبة في مقدمة كتابها.
- هناك قصص تسحرك بتفاصيلها وهي أيضا أخذت موضعا أكبر من غيرها في الكتاب مثل قصة سيدنا يوسف وقصة سيدنا موسى وقصة سيدنا عيسى.
- ما يؤخذ على الكتاب هو عدم ذكر قصة نبي الله سيدنا عُزير مع أن قصته ذكرت في القرآن في سورة البقرة وأيضا لم يتم ذكر قصة ذو القرنين وأيضا هناك بعض الأحداث في بعض القصص لم تذكر وأيضا لم يتم ذكر قصة سيدنا محمد لكن الكاتبة أفردت لها كتابا خاصا باسم "السيرة النبوية بالعامية".
- طريقة الكتابة والطباعة في الكتاب هي أسوأ ما يمكن الخط صغير جدا ومرهق للعين والسطور متلاصقة وأيضا تنوع حجم ونوع الخطوط في الكتابة مؤذي جدا للعين فهذا أسوأ ما في الكتاب.
- أرشح الكتاب جدا لجميع الفئات العمرية والأطفال ومن يجدون صعوبة في قراءة كتب قصص الأنبياء الأخرى أنا عن نفسي استفدت كثيرا من الكتاب وخرجت بمعلومات كثيرة وجديدة بالنسبة لي لم أكن أعلمها وذلك كما قلنا سابقا يرجع لتعدد مراجع ومصادر الكاتبة وأيضا اتضح لي تفسير الكثير من الآيات القرآنية فازددت حبا وتعلقا بجمال وعظمة القرآن الكريم.
جزى الله الكاتبة عن هذا الكتاب خير الجزاء وجعل كل حرف يُقرأ لها في ميزان حسناتها.
▪️ تقييم الكتاب : (٤ / ٥)

[Maha Eshraa · Rating 5 out of 5]

العامية
وجدت الكتاب سهل الفهم و قريب للقلب. كتاب رائع مبسط لجميع الانبياء ماعدا رسول الله محمد عليه افضل الصلاة و السلام. فهو يحتاج إلى كتاب له فقط.
تم ذكر جميع المراجع المستخدمة و أيضا التنويه عن روايات ليس لها مراجع إسلامية موثوقة لذلك وجب عدم تصدقها.
الكتب مناسب جدا للقراءة لجميع الأعمار و بعد قراءتها وجدت فهمى لكتاب الله أفضل. أقرب القصص إلى قلبى هى قصة سيدنا أيوب فهو مثال فى الصبر ما بعده صبر.
كم أتمنى وجود كتاب به صفحة فقط فيها ترتيب الرسل و تواريخ تسلمهم النبوة و أين نزلوا و متى انتهوا. ذلك لجعل قصص الأنبياء فى ذهنى متسلسلة.

[Noraan Abdul Aziz · Rating 5 out of 5]

هذا الكتاب قادر على دخول القلب ولمس المشاعر وحث القراءة والاستكمال بشكل مذهل!
من بين أعداد-أحسبها غير قليلة- من الكتب في قصص الأنبياء وسنوات طويلة من قراءتي فيها.. يأتي هذا الكتاب ليتقدم في أول الصفوف.
بسيط، جميل، دقيق، قريب للقلب والعقل على حد سواء، لا تُذكر الكلمة فيه سهوًا، بل كل في موضعه، وحتى أعمق مشاعر الشخصيات تستطيع ان تشعر بها معه..

أخيرًا فأنا من أشد الناصحين بأن يكون هذا الكتاب جزء من مكتبة كل قارئ.. ووقت كل عائلة♥️

[Shaimaa · Rating 2 out of 5]

الكتاب مبذول فيه جهد كبير الحقيقة و لكن طريقة السرد غير مترابطة بالمرة، التنقل ما بين الأحداث بيحصل فجأة فيه تفاصيل تم تجاهُلها، حسيت اني بقرأ ملخص سريع لكل قصة و خلاص.
الغلطات الإملائية كتيرة جدا جدا.
طريقة الكتابة نفسها و استخدام كذا font مش مريحة للعين بالمرة.
أوقات كنت بحس ان فيه جُمل اتكتبت كدة في النص مأخوذة من كتب تانية/من المراجع لمجرد انها ليها وقع علي القارئ حلو.
المجهود المبذول تُشكر عليه طبعا الكاتبة ولكن الكتاب خاب توقعاتي صراحة.

[Shorouk · Rating 5 out of 5]

يعجز اللسان عن ذكر مايميز هذا الكتاب
قراته ٣ مرات وهفضل مستمرة في قرأته
مش مجرد سرد لقصص الانبياء لكن فيه تفسيرات لمعاني الايات بشكل بسيط فيه خواطر وتدبر
كتاب عظيم ومنتظرين كتاب السيرة النبوية

[Aseel Sobhy · Rating 5 out of 5]

انا مش لاقيه كلام يوصف جمال الكتاب وطريقة سرده ماشاء الله روعه وآدله بأيات القرآن
بيسهل فهم القرآن ومصدر معلومات رائع للكبار والاطفال
ربنا يزيدك من علمه وفضله ويجعله فى ميزان حسناتك

[Aya Mounir · Rating 5 out of 5]

برشح الكتاب جدا للي مهتم يقرأ قصص الأنبياء بالعامية المصرية بأسلوب بسيط وممتع وف نفس الوقت بمعلومات قيمة وبذكر المصادر... ربنا ينفع بالكاتبة /هبة ويزيدها علم ويجعل كل إستفاده منه ف ميزان حسناتها 🤲❤️

[اسامة عامر · Rating 5 out of 5]

الكتاب للأسف للان مش عارف اوصله بسبب بعد محافظتي عن الكاتب َدار النشر بس كل اصحابي اللي قروه بيقولوا عليه عظمة على عظمة فمتشوق جدا للقرية

[Rania Roshdi · Rating 5 out of 5]

كتاب اكتر من رائع وسلس ومناسب لاي سن يقرأه من رأيي♥️ وكمان
كمان تفسير بعض الايات من خلال القصص مش بس سرد قصص!

[Hala Elesely · Rating 5 out of 5]

الكتاب قيم جدا ومفيش كلام يوصف جماله ولا سهوله قراته لكل الاعمار ومن مختلف الثقافات ولغته بسيطة وجميله وفي نفس الوقت اكتر كتاب بيلم بقصص أنبياء لم نكن نعلم عنهم الا من القرآن وبطريقه جميلة

[حنان التل · Rating 5 out of 5]

بس سؤال يا جماعة ..وين نقرا الكتاب؟؟؟ ما لقيت مكان القراءة
ارجو الرد

[Malak]

تحفه

[Ahmed Raslan]

من أمتع القراءات لي في السنوات الأخيرة، شكرا أستاذة هبة و فتح الله عليكي و جزاكي عنا خير الجزاء

[Ahmad Dewidar · Rating 5 out of 5]

كتاب ممتاز في طريقة سرد القصص وربطها بآيات القرآن الكريم
اتمني تكرار نفس الفكرة لقصص القرآن الكريم وحياة سيدنا محمد عليه افضل الصلاة والسلام، شكرا د. هبه علي مجهوداتك..

[Amira El Sadek · Rating 5 out of 5]

اقرأه اواحمله ازاى

[Doaa Elzoghby]

عاوزة أعرف إزاي أعمل download للكتاب

[Musaad Ahmeed · Rating 5 out of 5]

ازاي اقرأ الكتاب من الايفون حد يجاوبني بالله عليكم عشان مش عارف

[عبدالله جلال · Rating 5 out of 5]

كتاب رائع