ကဗျာပေါင်းချုပ်

by မင်းသုဝဏ်

၁၉၂၇ ခုနှစ်မှ ၂၀၀၄ ခုနှစ်အတွင်း စာရေးသူ ရေးဖွဲ့ခဲ့သည့် ကဗျာများကို စုပေါင်း၍ ထုတ်ဝေထားခြင်းဖြစ်သည်။ ၁၉၂၈ ခုနှစ်ခန့်က ပေါ်ပေါက်လာသော ခေတ်စမ်းကဗျာ၏ ခေါင်းဆောင်တစ်ဦးဟုဆိုရမည့် ဆရာမင်းသုဝဏ်၏ လက်ရာများဖြစ်ကြပြီး ဆရာကြီး၏ စာအုပ်ပါခေတ်စမ်းကဗျာတို့တွင် အနောက်တိုင်း စာပေပုံသဏ္ဍာန်နှင့် မြန်မာ့ရိုးရာ ကဗျာဖွဲ့နည်းများကို ပေါင်းစပ်ကာ ကဗျာဆရာ၏ အတွေးအမြင် စေတနာဖြင့် ဖန်တီးထားသည်ကို ဖတ်ရှုကြရမည်ဖြစ်သည်။ တစ်နည်းအားဖြင့် ခေတ်စမ်းကဗျာများသည် မြန်မာကဗျာ၏ မူမပျက် အသံကာရန်တို့ကို လက်ခံကျင့်သုံးကာ ဘဝပတ်ဝန်းကျင်ရှိ လောကအဖြစ်အပျက်၊ လူ့ကိစ္စ၊ လူ့အမူအရာတို့ကို ထိတွေ့ခံစားရေးဖွဲ့ထားသော ကဗျာများပင်ဖြစ်သည်။

679 pages, Paperback

Published January 1, 2016

About the author

မင်းသုဝဏ် (၁၀ ဖေဖော်ဝါရီ ၁၉၀၉ – ၁၅ ဩဂုတ် ၂၀၀၄) သည် မြန်မာနိုင်ငံသား စာရေးဆရာ၊ ကဗျာဆရာတစ်ဦး ဖြစ်ပြီး ခေတ်စမ်းစာပေကို ဦးဆောင်ခဲ့သူများအနက် တစ်ဦး ဖြစ်သည့်အပြင်၊ မြန်မာနိုင်ငံ၏ သမ္မတ ဦးထင်ကျော်၏ ဖခင်လည်း ဖြစ်သည်။

Reviews

[Thinn · Rating 4 out of 5]

(၁၉၂၇ ခုနှစ်မှ ၁၉၉၄ ခုနှစ်အတွင်း ရေးဖွဲ့ခဲ့သမျှကဗျာများ စုစည်းထားသည်။)

ဆရာကြီးရဲ့ ၆၇ နှစ်တာအတွင်း ရေးထားတဲ့ကဗျာတွေကို စုစည်းထားတာဆိုတော့ ရသ အစုံရပါတယ်။ လူတွေအကြောင်း၊ ပတ်ဝန်းကျင်အကြောင်း၊ ဖြတ်သန်းခဲ့ရတဲ့ ခေတ်စနစ်အကြောင်းမျိုးစုံပေါ့။

စာအုပ်မှာ ‘စစ်ကြိုခေတ်ကဗျာများ’၊ ‘သပြေညိုကဗျာများ’၊ ‘ပျဉ်းမငုတ်တိုကဗျာများ’၊ ‘အထွေထွေကဗျာများအပိုင်း(၁)’၊ ‘ကလေးကဗျာများ’၊ ‘ငှက်ကဗျာများ’၊ ‘အထွေထွေကဗျာများအပိုင်း(၂)’ ဆိုပြီး အပိုင်းတွေခွဲထားတယ်။ ကဗျာအပုဒ်ရေ ၃၁၂ ပုဒ်ပါတယ်။

‘ကလေးကဗျာများ’ က ကိုယ်ငယ်ငယ်က အိမ်ကလူတွေ၊ ကျောင်းက ဆရာမတွေ ရွတ်ပြတာကို ကြားဖူးနေကျ ကဗျာတွေဆိုတော့ ပြန်ဖတ်တော့ good old memory တွေ ပြန်ရတယ်။ ‘စစ်ကြိုခေတ်ကဗျာများ’ ထဲမှာ မောင်ထွေးဖို့ နဲ့ မောင်ခွေးဖို့လက်ဆောင် ကဗျာတွေကလည်း ငယ်ငယ်က ကြားဖူးနေကြ ကဗျာတွေ။ ‘သပြေညိုကဗျာများ’ ထဲက “လယ်စောင့်တဲလေး” နဲ့ “ကြာဆစ်ကြိုး” က အော်အော်ပြီး ရွတ်ခဲ့ရတဲ့ ကဗျာတွေထဲမှာ ပါတယ် 😄 “ဖိုးမောင် လာပြီ” နဲ့ “သူ့မှာတမ်း” ကတော့ ဖတ်တိုင်း နာနာကျဉ်ကျဉ်ခံစားရတုန်းပါပဲ။

‘ငှက်ကဗျာများ’ ဖတ်တော့ ဆရာကြီးက ငှက်တွေကို အတော် စိတ်ဝင်စားခဲ့ပုံပေါ်တယ်။ မျိုးစိတ်မတူတဲ့ ငှက်တွေရဲ့ အလေ့အထမျိုးစုံကို ရေးထားတာ။ ပြီးတော့ ငှက်အမျိုးအစားတွေကို အင်္ဂလိပ်လိုပါ ဖော်ပြပေးထားတယ်။

ဆရာကြီးက မြန်မာနိုင်ငံထဲကအကြောင်းတွေတက်မကဘူး ကမ္ဘာမှာ ဖြစ်ပျက်နေတာတွေကို “ဟီရိုရှီးမား တစ်သန်းအား” နဲ့ “နှစ်ဆယ့်တစ်ရာစု ရောက်တော့မည်” ထဲမှာ ရေးထားတယ်။

“ဆွမ်းချက်ထစို့ လူလေးရယ်
နာရီကြည့်ပါ့ကွယ်။
ငှက်ငယ်မြည်လို့ ရောင်နီမြူး
ကြည့်ဖို့လိုပါဘူး။
သပြေသင်းတဲ့ သင်္ကြန်ချိန်
ကြည့်ပါ့ပြက္ခဒိန်။
ဝင်းထိန်ဝေလို့ ပိတောက်မြူး
ကြည့်ဖို့လိုပါဘူး။” (လူကလေးရဲ့ အမှတ်အသား _ ၁၉၅၆)

#ကဗျာပေါင်းချုပ် #မင်းသုဝဏ် #၁၉၂၇_၁၉၉၄ #readingwiththinn📚

[Min Khant]

လြန္​​ေကာင္​း​ေပသည္​

[Chit Su · Rating 5 out of 5]

ဆရာကြီး၏ကဗျာအရေးအသားများကိုတွေ့ရှိရပါတယ်