მერაბ კოსტავა

by Nino Odilavadze

ამ წიგნში მერაბ კოსტავას თავგადასავალია მოთხრობილი – ქვეყნის დამოუკიდებლობისთვის მებრძოლი კაცისა, რომელმაც
ცხოვრებისა და ულმობელი სისტემის ყველაზე სასტიკ გამოცდებს გაუძლო.

ბავშვობა, ოჯახი, 1956 წლის პირველი პროტესტი დიქტატურისწინააღმდეგ, და იმ დროიდან მოყოლებული დისიდენტური და ეროვნულ-განმათავისუფლებელი მოძრაობის წინამძღოლობა ზვიად გამსახურდიასთან ერთად; პატიმრობა, გადასახლება, უმკაცრესი პირობების საბჭოთა გულაგებში გატარებული ათი წელი და სამშობლოში დაბრუნების შემდეგ დატრიალებული ეპოქალური ამბები...

თქვენ წინაშეა 79 წლის მერაბ კოსტავა – დანახული მეგობრების, ოჯახის წევრების, თანამებრძოლების თუ მის გვერდით სრულიად შემთხვევით აღმოჩენილი ადამიანების თვალით.

196 pages

Published January 1, 2018

Reviews

[Natia Morbedadze]

ასეთებს - უანგარო, გაუტეხელ, უბოროტო ადამიანებს იშორებს მტერი პირველ რიგში და შემდეგ შიგნიდან ტეხს საძირკველდანგრეულ ციხეს...

[Salo]

"რატომ მოკლეს მერაბ კოსტავა ? - მერაბი იყო სრულიად შეუდარებელი ავტორიტეტი ეროვნულ მოძრაობაში. ეს იყო რაინდი კაცი, გმირი კაცი, რომელმაც ზღაპრული სიმყარე და მორალური მდგრადობა გამოიჩინა, როცა პატიმარი იყო და როცა გადასახლებაში იყო, თბილისში და იქაც, გადასახლებაშიც. იყო ეტალონი კაცის გამძლეობისა და მორალის, ამიტომ მერაბს სიტყვას ვერავინ უბრუნდებდა ეროვნულ მოძრაობაში. მერაბი ცოცხალი რომ ყოფილიყო, ის გეგმა - მტრის გეგმა ეროვნულ მოძრაობაში განხეთქილების შეტანისა - ვერ განხორციელდებოდა. ამას ვამბობ სრული პასუხისმგებლობითა და კატეგორიულობით. ეს იყო ძირითადი მიზეზი, მათ რომ მერაბს დაუმიზნეს, როგორც თავის პირველ მსხვერპლს და ამისთვის ყველაზე მნიშვნელოვანი კაცი შეარჩიეს, ამაში არ შემცდარან".

[Nato Akhsabadze]

"მომეცი დროშა" - გენერალი ცდილობდა მერაბი მოედრიკა და დროშა წაერთმია, მაგრამ მერაბს საკმაოდ მაღლა ეჭირა იგი და კლდესავით ურყევად იდგა.

"გაუმარჯოს დამოუკიდებელ საქართველოს - მეთქი!" - კიდევ უფრო ხმამაღლა დაიძახა მერაბმა."

[Tako]

გულის კანონით მოარულთა გზა იგივე გოლგოთაა…

[Onise Okriashvili]

ამის წაკითხვიდან ორ დღეში დადო იმედმა ის საოცდაექვს მაისო ქარდი, ზვიადი, მერაბი და ბიძი#ა რო არიან ერთად და ეგეთი გულშიმო*მული ძალიან იშვიათად ვყოფილვარ ცხოვრებაში :)

[Atina Bregvadze]

მიყვარს ასეთი “მზესუმზირა” წიგნები. მარტივად წასაკითხი, თან გასართობი, თან შემეცნებითი.

[Omar]

მოკლე განხილვა https://www.youtube.com/watch?v=QiWSk...