Тархины блок

by Мөнгөн.Г

Зохиогч энэ бүтээлдээ бидний нийгэмд байгаа энгийн мөртлөө бүхий л амьдралын үйл явцад блок болж саад учруулдаг асуудлууд, түүнээс гарах арга хэлбэр, өдөр тутмын энгийн жижиг дадлаар амьдралын буруу хэв маягийг залруулах, өөрчлөлт шинэчлэлтийн аргаар амьдралдаа ахиц дэвшил гаргах боломж, шинэ харах өнцгийг харуулжээ. Номын бүтэц ерөнхийдөө бодит амьдралд тохиолдсон жишээ, тэр жишээнээс юу сурч, юуг хэрэгжүүлж болох гаргалгаа тусгагдсан байна.

Unknown Binding

First published January 1, 2020

Reviews

[Soko]

"Хадгаламж өлсөхөөс эхэлнэ" өмнөх номыг уншиж байсан, хадгаламж өлсөхөөс эхэлнэ фб группын гишүүний хувьд өдөр бүр хүмүүст өөрчлөлтийг, хадгалах зуршлыг бие биендээ өгч, хүний зөв дадал зуршлаар хурцлагдаж хэн нэгэнд "давалгаа" үүсгэгч болсон гэж Мөнгөн бичигчийг хэлнэ. Арай зохиолч гэж чадахгүй нь. Өмнөх номны бичлэгийн хэлбэрээс арай дээшилсэн болов уу? хэр өөрчлөгдсөн бол? надад юу энэ номыг уншсанаар үлдэх нь вэ? гэж бодоод номын дэлгүүрээр оронгоо авсан.
Хариуцлагатай редакторт очихын өмнөх ноорог хэр байсан бол? рам хэр боссон байсан бол? үгийн алдаа л засагч байсан уу яасан бол гэхчилэн олон давтагдсан санааг уншингаа бодоод бас шүүмжлэнгүй байгаа юм аа. Би өөрөө тийм мундаг хүн гэж үү? Шүүмжлэхийн дон туссан юм биш байгаа даа. Гэхдээ өдөр тутмын өөрчлөлт, өөр дээрээ хэт төвлөрөөд тэрийгээ бичвэл амжилтанд хүрэх, эсвэл монголын хөрсөн дээр адилхан хөл нийлүүлж амьдарч байгаа болохоор гээд ар араас нь ном бөмбөгдөн гаргаагүй байгаасай. Зарим хэсэг нь номын тойм шиг. Тэр номон дээр, тэр илтгэлдээ тэгж хэн хэлсэн гээд их буулгасан санагдлаа. Магадгүй би өөрөө блоклогдсон байж болох ч бодлоо буулгаж үлдээхээр шийдээд бичиглэв.

[Б. Долгорсүрэн]

Хүн өөрийгөө олох, хамгийн сайн хувилбараараа бүтээж ажиллаж амьдрахын тулд өдрөө, долоо хоногоо, сараа, харилцаагаа бүтээх цаашлаад үнэт зүйлсээ олох шаардлагатай юм байна. Хэтэрхий том зорилго тавьж тархиа блоклохгүйн тулд одоодоо анхаар, системээ задлаж хар, тэгээд жижиг жижиг зөв дадал зуршилуудыг бий болгож, өдөр бүр өнгөл.

[Victoria]

 *Тархины блок* ном уншаад хийж байгаа зүйл маань зөв байна, мөн байна гэсэн мэдрэмж авсан… Хийж байгаагаа үргэлжлүүлээд тасралтгүй хийгээд баймаар, эрч хүч өгмөөр тийм ном…

[Ebo Luna]

Good to know.

[Myagmarnaran Mg]

Хэрэгжүүлж болохуйц зүйлсийг мэдэж авлаа. Мэдсэнээ хэрэгжүүлэх гэдэг маш чухал хэсэг надад үлдлээ

[A M K A]

Өглөөний хүн болох гэж хичээж яваа надад маш хэрэгтэй зөвлөгөө өглөө. Хүн өглөө өлсөж сэрдэг гэж яг үнэн болохыг би биеэрээ мэдэрч, хайж байсан зүйлийнхээ түлхүүрийг олох шиг л санагдлаа. Баярлалаа.