Песот со тажен поглед

by Оливера Николова

„Најновиот роман на Оливера Николова, „Песот со тажен поглед“ е величенствено верен на нејзиниот модел, романи со „подготовка“, со истражување, со подметување божем обичен тенок лист хартија во фактите, кој потоа, внатре, во самите факти, се отвора како цел фиктивен книжевен град. Како оние сликовници чиишто страници се претвораат со замоци и други чуда во три димензии, изникнувајќи од обична книга. Само навидум како секоја друга, „Песот со тажен поглед“ е токму таков фиктивен книжевен град изникнат на листот мушнат во „Мојот балкански дневник“ од Џ. Џонстрон Абрахам. Оваа мемоаристичка книга Николова, не ја крие, напротив, со неа го започнува својот роман, заблагодарувајќи му се на Џ. Џ. Абрахам и целиот свој роман именувајќи го како ехно на неговите спомени“, пишува писателката Оливера Ќорвезироска во краткиот осврт за романот.

185 pages, Paperback

First published January 1, 2019

About the author

Оливера Николова е родена на 11 март 1936 година во Скопје. Дипломирала на Филозофски факултет при Универзитетот "Св. Кирил и Методиј" во Скопје. Целиот работен век го поминала во Македонската радио-телевизија, работејќи како уредник и драматург. Таа e член на Друштвото на писателите на Македонија од 1963 година.
И покрај богатиот книжевен опус, Оливера Николова е најпозната како автор на првиот градски лик во македонската литература - Зоки Поки. Во октомври 2012 година, за романот "Куќичка", таа била номинирана како македонски претставник за наградата "Балканика".

Творештво:

Зоки Поки (проза за деца, 1963)
Ден за летување (раскази, 1964)
Тајната на жолтото куферче (роман за деца, 1965)
Земјата во која никогаш не се стигнува (повест за деца, 1965)
Зимски детективи (роман за деца и млади, 1972)
Пријателите Бон и Бона (роман за деца, 1974)
Сребрено јаболко (комедија, 1975)
Чук, чук, Стојанче (пиеса за деца, 1976)
Мојот звук (роман за деца и млади, 1977)
Тесна врата (роман, 1983)
Тажниот весел Владимир (проза за деца, 1984)
Умна глава (пиеса за деца, 1984)
Девојките на Марко(роман за деца и млади, 1987)
Љубоболки (роман за деца и млади, 1988)
Домашни задачи (роман, 1989)
Камерата на Борис (проза за млади, 1989)
Преминот е осветлен (роман за млади, 1990)
Шифри на каменот (роман за млади, 1993)
Бели стапки (роман за млади, 1993)
А, Б, В... (сликовница за деца, 1993)
Тромбот (роман, 1996)
Белиот чад (роман)
Тесна врата (роман)
Адамовото ребро (роман, 1999)
Вежби за Ибн Пајко (роман, 2000)
Левата комора (раскази)
Куќичка (роман, 2012)

Награди:

РТВ Скопје на СВП
„Младо поколение“
„Змаева награда“
„Стале Попов“
Рациново признание

Reviews

[Марија Андреева]

Оливера Николова има неверојатно обземувачка нарација, ве тера постојано да читате и ве интересира да дознаете што се случува со ликовите што ги создава. Многу интересен концепт на книгата: Прва светска војна, заробени војници, Скопје, Британска болница, и еден пес со тажен поглед...