مذكرات عراب الموسيقى: هاني شنودة

by مصطفى حمدي

مشواري
هل كان مشوراً طويلاً أم قصيراً؟
طويل إذا حسب بالسنين...,فأنا مواليد 1943
ولكن...مضى المشوار كسهم إنطلق!!
ولم أشعر بمرور الأيام إلا عندما نظرت في المرآة ورأيت مافعله الزمن!!
ولكنني مصمم على أن من خلقني لإسعاد الناس بقدرته اللامحدودة سأختم حياتي بإسعاد الناس
هاني شنودة

Genres: Biography

145 pages, Paperback

First published July 1, 2020

Reviews

[امتياز · Rating 4 out of 5]

الكتاب ممتع جدًا لدرجة أني لا أريد له أن ينتهي

حكايات عن الموسيقى والبدايات والتلحين ونجاة الصغيرة وعمرو دياب ومحمد منير وعدوية وفرقة المصريين ومنى عزيز

الكتاب جميل جدًا ورجع بي لذكريات قديمة جدًا ومع كل فقرة كنت ألجأ إلى اليوتيوب وأعيد سماع أشهر الأغاني والموسيقى التصويرية التي ألفها
ومنها على سبيل المثال لا الحصر
ماشية السنيورة
بحبك لا
ما تحسبوش يا بنات
أنا بعشق البحر
بحلم معاك
أمانة يا بحر
الزمن
زحمة يا دنيا زحمة
لونجا ٧٩
موسيقى الحريف والمشبوه وشمس الزناتي
موسيقى لا عزاء للسيدات وغريب في بيتي
سماع الأغاني أثناء القراءة أضاف رونق مميز ومختلف للكتاب

تجربة لطيفة جدًا جدًا

[Nmnm · Rating 4 out of 5]

وانا أصنع أى أغنية تأتى فى ذهنى دائماً صورة الأهرامات التى بناها أجدادنا المصريون القدماء. الأهرامات بصمودها عبر التاريخ وعظمتها نموذج للإستمرار والبقاء، وكذلك الاغنية يجب أن تملك كل عناصر البقاء والاستمرار بداية من الكلمة واللحن وصولاً للتوزيع، يجب أن تعيش الاغنية بعد موتى.


انا كمريم بعيدة شويه عن الموسيقى الشرقية وخاصه الحالية
لما شوفت الكتاب للأسف مكنتش أعرف مين هانى شنودة
ولما قرأته كان معظم الاسماء المذكورة مجهولة بالنسبالى
بس حقيقى يعنى كانت رحلة ممتعة فى بحر هانى شنودة
سمعت معظم الاغانى والألبومات المذكورة فى الكتاب وحبيت حاجات كتيره منهم زى مثلا "ماشية السنيورة" و "الشوارع حواديت" و "بحبك لا ".

الرجل ده حقيقي عبقرى جدا وكان مقتنع جدا باللى كان بيعمله وأضاف للموسيقى الشرقية كتير جدا .

من الحاجات اللى كانت عجبانى فى الكتاب شغفه الشديد بالموسيقى .

[Radwa · Rating 5 out of 5]

- مضى المشوار كسهم إنطلق -!
مش عارفة ممكن ابدأ المراجعه منين لان الرحلة كلها كانت جميلة ,رحلة كانت بدايتها موهبة و مزجها بالدراسة والعلم عشان تتحول لقصة "عرَاب الموسيقى
" , فنان مختلف / موجود مرة واحدة - هدية مختلفة للعالم سنة ٤٣ 💓
" إعمل الأغنية اللي انت شايفها صح بدون حجج أو أعذار"
دي الطريقة اللي نجيب محفوظ شجع بيها هاني شنودة وأظن دي النصيحة اللي نقلها هاني شنودة لكل فنان إكتشفه بكل عفوية ,
هاني شنودة عنده حب للموسيقى خلاه أول حد بياخد أول خطوة تخليه يعمل موسيقى يكون أول حد يعملها -وحب للموهبة خلاه يدي فرصة لكل موهبة بيكتشفها و حب وعطاء خلاه يساعد أشخاص تانية ف رحلتها بكل حب .
حبيت موسيقى هاني شنودة فكل شكل , حبيتها مع المصريين فكل أغنية وحبيتها مع منير ف علموني عينيكي و حبتها فوق السحاب مع نجاة ف"بحلم معاك " وحبتها فاعادة توزيع أغنية التوبة وحبتها لونجا والاكيد أن حبتها فكل موسيقى تصويرية!
هاني شنودة ف رأي هي تجربة واحدة ومش هتتكرر بنفس الشكل
ممكن اعادة احياء اغاني المصريين ف مسلسل - حالة خاصة - خلى جيل جديد يرجع يسمع اجمل فرقة فالتسعينات - ودا بردو اقل من اللي يستاهله فنان زي هاني شنودة
كتاب ممتع لأبعد الحدود وكان نفسي ميخلصش :(

انسان جميل انسان زيي وزيك راهن في يوم بكل اللي معاه -
على إن الشمس في معادها هترجع وهو دا سر سعادته في الحياة-

[Peter Ramsis · Rating 4 out of 5]

فى الكتاب بيتكلم عن مشواره الفنى بدون الدخول فى تفاصيل حياته الشخصية ودي حاجه انا احترمتها فيه وكمان صدقه فى ذكر بعض التفاصيل. فى بداية الكتاب بيتكلم عن ان والده قاله لازم يدرس الموضوع من بابه افضل والدته انها السبب فى حبه للموسيقى. وبيتكلم عن فرقته(المصريين ). واكتشافه عمرو دياب ومنير واعماله لنجاة الصغير و عدوية. الكتاب كان ممكن يكون فى تفاصيل وقصص اكتر من كده

[Karim Farid · Rating 3 out of 5]

أكتر حاجة عجبتني في الكتاب صدق هاني شنوده وهو بيحكي حاجات كتير، وشغفه بالموسيقى فعلًا وبأحلامه اللي مرتبطة بيها واللي بيحكي عنها كل ما تجيله فرصة.
حكاياته عن بدايات منير وعمرو دياب وفرقة المصريين والموسيقيين والمغنيين والفنانين عمومًا اللي اتعامل معاهم جميلة جدًا.
بس أظن الكتاب كان محتاج يطول شوية، فيه تفاصيل أكتر كان ممكن يحكيها عن حاجات كتير، طبعًا هو اللي كاتب المذكرات فهو حر في اللي يقوله، بس بتكلم عن أمنيتي الشخصية.

[Mohamed yasser · Rating 3 out of 5]

خفيف يخلص في قعدة كنت منتظر اكتر من كده تاريخ هاني اكبر من كده اختصر منه مراحل كتير وأعمال مهمة وكان ممكن الكاتب يضيف شئ بأسئلة أو توثيق لأعماله بس محصلش

[Moheb M. Moheb · Rating 4 out of 5]

كتاب مذكرات عراب الموسيقى هاني شنودة.. 🎹
من كتابة : مصطفى حمدي..
عدد الصفحات 145..
صادر عن دار ريشة..
Book recommended by : Dina Swelam 🖤🦂

🎹 في هذا الكتاب نقرأ التجربة الفنية الفريدة والمميزة لواحد من عباقرة الموسيقى المصرية..
هاني شنودة؛ ذلك الاسم الذي ارتبط بلحظات فنية فارقة في تاريخ الموسيقى المصرية.. من خلال علاقاته المهمة مع العديد من الشخصيات المؤثرة في بداية ظهوره، وفترة نشاطه ونضوجه الفني.. مرورًا لمساهمته في اكتشاف العديد من المواهب، والتي تغير على يديها شكل الأغنية في مصر..

🎹 البداية من طنطا، حيث الميلاد والنشأة.. وكما ورد بالمذكرات كانت طنطا هي قلب الدلتا، والمدينة التي يمكن وصفها (كوزموبوليتانية) أي متعددة الثقافات..

🎹 بتشجيع من والده يقرر هاني الذهاب إلى القاهرة لتعلم الموسيقى على أصولها بالمعهد.. فقد كان مؤمنًا بأن الموهبة وحدها لا تكفي ولابد من إثقالها بالعلم.. وهذا ما اتخذه هاني شنودة كأسلوب حياة فيما بعد..

🎹 نرصد في هذا الكتاب مراحل حياة هاني شنودة (الفنية) مع تحفظه على الحديث عن حياته الشخصية، وهذا أكثر ما أعجبني.. لأن هاني شنودة من أكثر الشخصيات المتصالحة مع نفسها..

🎹 كيف كانت البداية الموسيقية لجيل جديد متمرد ثائر، مواكب للتطورات العالم؟!
وكيف كان تقبل الناس والنقاد لذلك النوع الجديد..

🎹 لعل الخطوة الأكبر في مسيرة الفنان العظيم هي إنشاء فرقة المصريين، ومناقشة قضايا إجتماعية مصرية خالصة.. التحديات التي واجهتها في البداية، والنجاح المبهر لها جماهيرًا..

🎹 ثم الانتقال لمرحلة اكتشاف نجوم جديدة وتقديمها على الساحة لعل أبرز تلك الأسماء، محمد منير وعمرو دياب..

🎹 المرحلة المفضلة لي هي تقديمه الموسيقى التصويرية للأفلام، بداية من فيلم (ولا عزاء للسيدات) للعظيمة فاتن حمامة.. وقد ترك لنا بصمة فريدة في السينما، تجلت في أعمال عادل إمام، المشبوه، الحريف، المولد، والمعزوفة الأسطورية شمس الزناتي.. موسيقى أخرى رائعة لأفلام عظيمة، غريب في بيتي على سبيل المثال..

🎹 تعليقي على الكتاب :
كتاب لطيف وممتع جدًا.. أسلوب سرد سلس وبسيط، وبه تدرج جيد بالأحداث..
أعجبني جدًا تمسك الفنان الكبير هاني شنودة بالهوية المصرية، والتأكيد عليها، وعلى تفردها.. 🇪🇬🇪🇬🇪🇬
انتهيت منه في أقل من نصف يوم..

🎹 تقييمي الشخصي للكتاب : 4/5

[ياسمين خليفة · Rating 3 out of 5]

الموسيقار هاني شنودة لم يأخذ حقه من الاحتفاء الا مؤخرا بعد اعادة استخدام موسيقاه التصويرية في الاعلانات وفي مسلسل رامي الامريكي
لكن هذا الرجل له افضال كثيرة على الموسيقى الحديثة فيكفيه انه كان راعيا لموهبة اكبر مطربين في الساحة الغنائية وهما عمرو دياب ومحمد منير بالاضافة الى اسهاماته في ادخال الهارموني للموسيقى وانشاء فريق مصري حديث وهو المصريين
مذكراته عبارة عن ذكريات رواها للصحفي مصطفى حمدي
وهي تتميز بالتكثيف والرشاقة في العبارات
كتاب يمكن انهاؤه في جلسة او اثنين على الاكثر وهو ممتع جدا

[مينا ساهر · Rating 3 out of 5]

. كتاب لطيف قرأته في جلسة واحدة
ليس فيه أي جديد لو شاهدت حوارا أو اثنين لهاني شنودة، غالبا ستسمع معظم ما جاء بالكتاب.
هاني شنودة موسيقي عظيم لكن لقب عراب الموسيقى سخيف.

[Rania · Rating 4 out of 5]

مذكرات لذيذة جدا جدا زي صاحبها.. الكتاب قريته من أوله لآخره ف عيادة الطبيب لقتل الملل أثناء الانتظار والحقيقة مخذلنيش.. أنا بحب هاني شنودة من زمان.. بحب مزيكته وخفة دمه وتواضعه.. الكتاب رحلة لطيفة جدا ف العودة بالزمن والغرق ف بحر من المزيكا🎵🎶

[Ghada · Rating 3 out of 5]

أسعدتنى هذه المذكرات وأدخلت على قلبى البهجة خاصة أن الظروف كانت قد أتاحت لى أن أستمع إلى بعض منها من الأستاذ هانى شخصيآ ، فكنت بينما أقرأها أستشعر صوته يرن فى أذنى وأرى اللمعة الطفولية فى عينيه.
فنان متميز ، مجدد ومتجدد وإنسان مثابر ودؤوب وصاحب خفة ظل متأصلة وذكاء حاد وقلبآ يملؤه الإيمان.
بارك الله فيك يا أستاذ

[Haneen · Rating 4 out of 5]

كتاب ممتع جدا عن هاني شنودة.. ازاي كان عنده حلم وعايز يحققه .. كان عايز يحط بصمته في الموسيقي العربية وفعلا حقق ده.. انصح به ككتاب خفيف مليان موسيقي وذكريات.

[zahraa esmaile · Rating 4 out of 5]

#مراجعات_2020
#مذكرات_هاني_شنودة
أول قرائاتي لإصدارات دار دار ريشة للنشر والتوزيع Risha Publishers
ومذكرات عراب الموسيقى...هاني شنودة
على مدار 145 صفحة كانت الرحلة مع الموسيقي الموهوب
ومن خلال الكاتب"مصطفى حمدي" كانت الحكاية بلسان الفنان
نتعرف على بداية الرحلة من "طنطا" وتأثير الأم العاشقة للموسيقى والفن
والأب الصيدلي المتفتح ونصائحه المستمرة للإبن بدراسة مايحب حتى يبدع فيه
وقد كان
نرى خطوات هاني ورحلة النجاح من طنطا...وتأثره بالموالد الشعبية في موسيقاه
بداية البداية...والعمل أثناء الدراسة
تكوين فرقة المصريين بمراحلها المختلفة وصعوبات البدايات
النجاح...ونهاية التجربة
نتعرف على بداية الكينج...محمد منير
والهضبة...عمرو دياب
بداية كل منهما...وتميز كل تجربة عن غيرها
وإختيارات العراب لكل منهم على حسب شخصيته ونظرته المستقبلية
نتعرف كثيراً على عالم الفن...وشخصيات بعينها ومواقف لاتنسى
مواقف مع "محمد عبدالوهاب" ومشروع لم يكتمل مع العندليب
ومعغامرة"نجاة" بأغاني منها ما سمعناه "أنا بعشق البحر و بحلم معاك"
ومنها ما لم يتم الإفراج عنه حتى الأن"4 أغاني"
راق لي كثيراً إعتراف العراب بفضل كل من ساعده
موضوعيته الشديدة في الإعتراف بأخطائه
ومبادئه التي لا تتجزأ ولو كانت النتيجة خسار مادية
رحلة تمنيت لو طالت..كما تمنيت سرد أكثر عن حياة العراب الشخصية
ولكن لم يمنعني التمني عن المتعة
4 نجوم لكتاب جميل
انتهى الريفيو
#الكتاب_رقم_67_لسنة_2020
#سيرة_ذاتية
#كتاب_لجلسة_واحدة

[نرمين الشامي · Rating 4 out of 5]

مقتطفات من حياة (هاني شنودة) الفنية. وإبراز لأهم المحطات في مسيرته. وأهم ما خرجت به من الكتاب هو أن الموسيقى علم عميق ودقيق.

[Sara Samy · Rating 3 out of 5]

كتاب خفيف ولطيف لمحبي موسيقى هاني شنودة "))

[Bahaa Atwa · Rating 4 out of 5]

لست من الجيل الذي حضر تحول الموسيقي او بزوخ شمس مشروع فرقة المصريبن علي يد هاني شنودة لكني شاهدت افلام تتزين بموسيقاه التصويرية واستمعت لاغاني كثيرة من توزيعه وألحانه واذكر اني كنت اود الجلوس معه لاسمع له بعد مشاهدتي له وهو يتحدث بشغف وحب عن الموسيقي وهو ما حقق هذا الكتاب جزء كبير منه.

مذكرات هاني شنودة كتاب خفيف سريع يمكن تصنيفه من الكتب التي يمكنك انهاءها في جلسة قراءة واحدة إلا انني آثرت ان استمتع بقصة او قصتين كل فترة لاجلس مع كل غنوة وقصة او تتر فترة كي يأخذ حقه.

خلينا نقلب عامية بقي عشان نبقي متعايشين مع الكتاب الي بيطالب بالتحديث والتجديد والي كان رافض التماشي علي نفس خط الكلاسيكيات في زمنه وكان بيحلم بمشروع موسيقي مختلف لكنه اعترف ان "من فات قديمه تاه" وان المزيكا الكلاسيك الاصيلة هي الاصل مهما مر عليها من تحديثات وتجديدات هيفضل ليها رونقها وطعمها الخاص.

الكتاب رحلة سريعة داخل حياة موسيقار عاش مع اجيال من المطربين والمغنيين والكتاب و الممثلين لانه اشتغل موسيقي تصويرية كتير وشكلت صداقاته طريق للمطربين الصغيرين وقتها جسر يدخلوا بيه عالم الفن من بوابة هاني شنودة للتجديد.

الكتاب هيخليك تشغل الاغنية او الموسيقي وتعيدها وانت بتقرأ القصة أو الفصل وتعيد قراءتها تاني والجزء ده مفضل عندي لانه غالبا لما بنعرف قصة الاغنية والاحداث الي وصلتها لينا بتغير زاويتنا في شوفها واستمتاعنا بيها وده جزء مش بيتوفر في كتير من الاغاتي أو الافلام لكن لما يحصل بيحط اضافات محببة علي طعم المزيكا وينطقها اكتر.

لما اتكلم عن فيلم الحريف الي موسيقاه كانت صاحبة دور عظيم في رسم الحالة مع كدرات خان وتفاصيله خلت للفيلم معني تاني وعلّت من قيمته اكتر وده الي خلاه بعد وقت له دور مهم واكيد في تأكيد دور الموسيقي المتكلمة زي ماقال علي موسيقي فيلم المشبوه الي فعلا كانت تساؤلات بلا اجابة بندور عليها سوا في الفيلم

دوره في ظهور منير وعمرو دياب وغيرهم ومحبته للموسيقي وثقته في دوره بالموسيقي وانه قادر يعمل شئ مجنون لكن مختلف وزي ما وصفه موسيقار الاجيال عبد الوهاب في انه" هيبقي حاجة كبيرة في المزيكا لو كمل حلمه من غير ما يركز مع رافضين التجربة" وهو بيذكر وبيأخر لفضل الصدفة أو القدر انه يكون سبب في ظهورهم وعنده من المحبة والصدق في ذكر استاذية عبد الرحيم منصور واحمد منيب والاستاذ صلاح جاهين ودورهم في مشواره بيديك انطباع عن صدقه كشخص في الحياة زي ماهو صافي في مزيكته.





*اقتاباسات*



لكنها تعكس روتينية واعتياداً جفت نفس صاحبه من الشغف

فعلا الجواز يا ابني زي البطيخة، هتاكلها سواء حمرا أو قرعة، بس المهم ماتقلبش بطنك».

لولا التوفيق والحظ لكنت واحدا من ملايين يمرون في شريط الحياة مثل المجاميع الصامتة في الأفلام،

الحقيقة أنني أتكلم بالموسيقى، وهذا نابع من الدراسة أولا، لأن الموسيقى لغة تعبر عن المشاعر مثل الكلمات، دائما أقول إن الكلمة هي الوردة، والموسيقى رائحتها، لو عبرت الموسيقى بشكل خاطئ عن الكلمات ستأخذ إحساس المستمع إلى شيء آخر لا تقصده الأغنية.


من أكثر الأفلام التي أرهقتني مع عادل إمام فيلم (الحريف)، كان
قاتما شديد الواقعية والسوداوية، ومن جانبه كان المخرج محمد خان مصرا على التعبير عن هذه الحالة بالصورة والصوت أيضا فاستخدمت التيمة الموسيقية لأغنية (الشارع حواديت) لفرقة (المصريين)، لأن أغلب أحداث الفيلم تدور في شوارع. سينما محمد خان تحديدا تعتمد بصورة كبيرة على أحداث في شوارع وأماكن حية تنبض بمأساة وتفاصيل حياة أصحابها ولهذا فكرت في تيمة (غامقة).

[مصطفي سليمان · Rating 3 out of 5]

الكتاب لطيف جدا عن شخصية غاية في اللطف.. مشوار غني للغاية ومزيكا حلوة كتيرة ف النص و أ. مصطفي حاول اخراج الكثير من جعبة هاني شنودة بس الكتاب الحقيقة محتاج الكتير والكتير.. ده مقدمة لطيفة وعنوانين لطيفة جدا عن موسيقي هاني شنودة لكن كتب السيرة الذاتية المفترض بيها نقل صورة متكاملة عن كافة جوانب الفنان من حياة شخصية واجتماعية ونفسية سواء له أو للمحيطين به وهنا المشكلة ليست من مسئولية أ.مصطفي اعتقد ان ده رغبة هاني شنودة بنفسه الكثير من الاشخاص ف الوطن العربي عندما يأتي الأمر للمذكرات دائما يتجنبوا الكلام علي المشاكل والحياة الخاصة فقط محطات واضحة وبسيطة ومشرقة
فهو كتاب لطيف لو متعرفش اي حاجة.. وهيحفزك لو هتدور علي معلومات أكتر

[Ahmed Mounir · Rating 4 out of 5]

كتاب جميل وخفيف على القلب من غير ما نعرف ازاي ياترى عشان اسلوب هاني شنودة في الحكي والسرد ولا لأن الكاتب بيعرف يخلينا نقرأ اللي حكاه هاني شنودة ببساطة وسلاسة كده

الكتاب مليان حكايات كتير وزي مافيها نجاح كان فيها تحديات والأجمل إنك ما تلاقيش كلام عن التحديات دي إلا مع ازاي عافر فيها صاحبها لغاية مانجح فيها

شكرا للموسيقار هاني شنودة على إنه شارك بعض حكاياته وشكرا لمصطفى حمدي على السرد الممتع

[Ammar Samir · Rating 5 out of 5]

مشواري هل كان مشوارا طويلا او قصيرا؟
بالطبع كان مشوارا طويلا فاستاذ هاني شنودة موسيقاه عابرة لكل الزمان و الاجيال. كفرد من جيل الالفية لا اري ابلغ من اغنية لما كان البحر ازرق التي عبرت عن حالة الشجن للماضي باسلوب غاية في الجمال. نقل هذا الكتاب حالة فريدة عن شخصية فريدة في اسلوب سهل و بديع

[Yasmine El-Gendy · Rating 4 out of 5]

أقصر من اللازم..يا ريته كان أطول

[Mohamed Yehia · Rating 2 out of 5]

معلومات قليلة اللي كانت جديدة أغلبها ذكره هاني شنودة في حواراته الاعلامية، كان ممكن تكون أقوى من كده

[Amal Tarek · Rating 3 out of 5]

خفيف أوي موده مختلف يخلص في قعدة
أي حد بيحب الموسيقي هيحبه فكرني برواية بليغ لطلال فيصل ولكن رواية بليغ دي في حتة تانية طبعا
كنت مبسوطة أوي وأنا بقراه

[Ohood Ali · Rating 4 out of 5]

بركاتك يا عم ابن عربي، هاني شنودة بيعمل كل حاجة على اساس علمي زي ما ابن عربي كان بيقول "كل فن لا يفيد علماً لا يعول عليه"
عبقرية ببساطة وخفة
هاني شنودة عمل ثورة
رؤيته للموسيقى ونظرته للأغاني السائدة في وقتها انها عكس اللي بيدور في دماغه او انه قالب يجب الخروج عنه فكرتني بالصراعات اللي بتدور دلوقت بين الناس اللي شايفة الفن من ناحية واحدة وعاوزة الكل يكون ما بيعملش غير ده

اول مرة اعرف عن فرقة les petits chats اللي كانت مكسرة الدنيا وقتها كانت بتضم عمر خورشيد وعزت ابو عوف وهاني شنودة وعمر خيرت الفرقة اللي اثارت فضول نجيب محفوظ وراح قال لهم انتم زوبعة في فنجان، لأنهم كانوا بيغنوا اغاني غربي والناس كانت متفاعلة معاهم فشخ وقال لهاني شنودة ليه مش بيلعبوا اغاني عربية من تأليفهم وبعد كده عملوا فرقة المصريين

حكاياته وعلاقته بالفنانين اللي اشتغل معاهم لذيذة فشخ عجبني كلامه عن محمد منير وصوت نجاة عشان دول حبايبي

[Mohamed Ibrahim · Rating 3 out of 5]

"لو اعتبرنا الموسيقى المصرية الحديثة سيمفونية متكاملة فلا شك أن هاني شنودة هو جملة الصولو فيها"

مذكرات ممتعة بالرغم من صغر حجمها عن مشوار (العراب ) الموسيقار هاني شنوده ورحلته في عالم الموسيقي

في ٢٠ فصل يخبرنا عن مشواره وبداياته من مولده في طنطا وتأثره بالموالد والانشاد الديني والموشحات الصوفية

حكايات عن اغاني ماشيه السنيورة و متحسبوش يابنات وزحمه يادنيا زحمه
وموسيقى افلام المشبوه وشمس الزناتي

عن علاقاته بموسيقار الأجيال عبد الوهاب الذي طلب منه اعاده توزيع أغانيه لتغنيها نجاة الصغيرة

مساعدته لاثنين من أهم المطربين في بداية مشوارهم عمرو دياب ومحمد منير

تكوين فرقة المصريين أول فرقة حديثة تغني باللهجة المصرية

موقفه الصادم مع نجيب محفوظ حين وصفه محفوظ هو وفرقته بأنهم زوبعه في فنجان

دوره في إدخال الات موسيقيه جديده كالدرامز والهارمونيكا