الأمير الصّغرون

by ضياء بوسالمي

الأمير الصغرون تنشر في اكثر من 300 لغة و هكة يكون أكثر كتاب
مترجم في العالم. الكتاب الي تكتب بلغة الصغار باش ينجمو يفهموه
الكبار
)...( - النَّاسْ عَنِدْهُمْ نْجُومْ مَا يِشِبْهُوشْ لِبْعَضْهُمْ. بِالنِّسْبَة لِلْجْمَاعَة إِلِّي
سَافْرُو، النْجُومْ تْقُودْهُمْ. بِالنِّسْبَة لْنَاسْ أُخْرِينْ مَاهُمْ إِلَّا حَاجَاتْ صْغِيرَة
تِلْمَعْ. بِالنِّسْبَة لِلْعُلَمَاءْ النْجُومْ مَشَاكِلْ. بِالنِّسْبَة لْرَجُلْ الأَعْمَالْ، هُومَا
ذْهَبْ. أمَا النْجُومْ هَاذُمْ الكُلْ سَاكْتِينْ. إِنْتِ بَاشْ يْكُونْ عَنْدِكْ نِجْمَة مَا
كْسِبْهَا حَدْ.
- شْتُقْصُدْ؟
- وَقِتْ تْشُوفْ السْمَاءْ، فِي اللِّيلْ، تْذَكَّرْ إِلِّي أَنَا نُسْكُنْ فِي وَحْدَة مِن
النْجُومْ. وإلِّي أَنَا نَضْحَكْ فِي وَحدَة مِنْهُمْ. وَقِتْهَا، بِالنِّسْبَة لِيكْ كَايِنْهَا
النْجُومْ الكُلْ تِضْحَكْلِكْ. انْتِ الوَحْيدْ إِلِّي بَاشْ يْكُونْ عَنْدِكْ نْجُومْ يَعِرْفُو
.يِضِحْكُو

128 pages, Paperback

First published July 24, 2020

Reviews

[Atef Attia · Rating 5 out of 5]

لأمير الصغرون مترجم لأكثر من 300 لغة و اليوم نشوفو ترجمة مزيانة و مخدومة على قاعدة للكتاب الي خلى الصغار و الكبار يحلمو. اخيرا تنجم تقرا لولدك و إلا بنتك و إلا اي صغير كتاب انت تحبو و تحب تعاود تكتشفو.
مبروك لضياء بوسالمي المترجم و لكامل فريق بوب ليبريس. شكر خاص لريم مولهي الي راجعت النسخة الأخيرة و للفنانة ليلى البناني الي خرجتو في الحلة المزيانة هاذي.

[Abir · Rating 5 out of 5]

ما أحلاه الأمير الصغرون بالتونسي.
ترجمة ممتازة و عصرية لقصة كونية بامتياز.
العلوش و النوارة و الحنش و الثعلب والطيارجي.. كلمات محلية حاملة لمعاني أكبر من الدنيا.
قعدت نقرأ و نتبسم. و تذكرت مسرحية " الأمير الصغير" تفرجت فيها في التلفزة و انا صغيرة متاع فرحات الجديدي ظاهرلي.. ماذابية نعاود نشوفها.
كيف كملت الكتاب، فرحت الي أنا استمتعت بكل سطر منه، بالرغم الي أنا وليت من الناس الكبار الي ما يفهموش حاجة كبيرة من الدنيا نورمالمون.

[Sami Baccar · Rating 5 out of 5]

عمرو ما كان هال الكتاب متاع صغار في نظري... هايل