Sjálfstýring

by Guðrún Brjánsdóttir

„Hérna sit ég, búin að snúa lífinu mínu á hvolf vegna nokkurra fingra á vitlausum stað í dálitla stund.“

Lífið virðist blasa við hæfileikaríkri, ungri konu. Hún á góða vini, ástríka fjölskyldu og er á leiðinni í spennandi inntökupróf við virtan tónlistarskóla erlendis. En eftir það sem vinur hennar gerði í partíinu um jólin upplifir hún aðeins einkennilegan doða og tengslaleysi við sjálfa sig og sína nánustu.

Sjálfstýring er grípandi samtímasaga sem fjallar á raunsannan hátt um afleiðingar ofbeldis og leiðina til baka út úr myrku herbergi. Sagan sigraði í samkeppni Forlagsins Nýjar raddir 2020.

76 pages, Paperback

Published January 1, 2020

Reviews

[Karl Hallbjörnsson · Rating 4 out of 5]

Erfið en samtímis skemmtilega glettin frásögn, skýr og björt í máli og full af myndlíkingum — eða ætti maður kannski að segja tónlíkingum?

[Eggert Arason · Rating 5 out of 5]

Frábær bók!

[Inga Lára gudmundsdottir · Rating 5 out of 5]

Vil bara segja takk fyrir að skrifa þessa bók.

[Jóna · Rating 4 out of 5]

Vel gerð frásögn af áhrifum kynferðislegrar misnotkunar með tilvísun í tónverk sem dýpka þær tilfinningar sem verið er að lýsa. Um er að ræða 1. persónu frásögn brotaþola sem áttar sig í byrjun ekki á því að á henni hafi verið brotið. Mér finnst höfundi takast með næmni að lýsa flóknu tilfinningaferli.

Þessi bók verður vonandi tekin inn sem lesefni allra framhaldsskólanema því hún er lærdómsrík bæði sem bókmenntaverk og einnig um það hvað má og hvað má alls ekki. Hún er mikilvægt framlag í "metoo" umræðuna.

[Þorgerður María · Rating 5 out of 5]

var ekki búin að kynna mér umfjöllunarefnið þegar ég byrjaði og ætlaði bara að lesa mér til gamans aðeins fyrir svefninn en endaði á að loka bókinni snemma og horfa á netflix þátt til að róa mig niður en höfundur nær að lýsa því með einsdæmum hvernig líðanin er eftir að verða fyrir kynferðisofbeldi. Sjálfsásökun, afneitun og efasemdir um alvarleika ásamt algjörum tengslarofum við eigin líkama og sál! Bravó, kláraði svo strax daginn eftir og grét. Er djúpt snortin takk.

[Lis Agerbæk · Rating 2 out of 5]

En okay lille bog, men ikke det store sus. Vil nok egne sig godt blandt unge til en debat om samtykke før sex. Gennemført form - som læser forstår jeg, at den unge kvinde føler sig fremmedgjort, som vi sagde i 1970'erne, efter uønsket seksuel opmærksomhed. Men stor litteratur synes jeg ikke, det er.

[Elín Gunnlaugsdóttir · Rating 4 out of 5]

Áhrifamikil saga um áfall og úrvinnslu úr því. Sagan fjallar um unga tónlistarkonu og eru öll kaflaheiti fengin úr tónbókmenntunum, prelúdía, fúga osfrv þetta fannst mér mjög skemmtilegt. Bókin er annars skrifuð af miklu næmi og það er gott flæði í textanum. Ég mæli með þessari bók.

[Gunnlaug Þorgrímsdóttir · Rating 5 out of 5]

Æðisleg lesning

[Tinna · Rating 5 out of 5]

TW: þessi bók fjallar um kynferðisofbeldi og eftirköst kynferðisofbeldis.

Vel skrifuð bók sem nær mjög vel utan um viðbrögð, hræðslu, afneitun, skömm og hugarheim þolanda eftir kynferðisofbeldi.

[Björg Brjánsdóttir · Rating 5 out of 5]

Sterk