Nofel hanesyddol â charwriaeth rhwng Cymraes a Chroatiad yn ganolog iddi. Clymir a gwahanir bywydau Nia a Marko a gwelir goblygiadau hynny i'r dyfodol. Yn gefnlen i'r stori bersonol, mae hanes sut y gwaethygodd y berthynas rhwng y Serbiaid a'r Croatiaid yn ystod yr 1990au, gan ganolbwyntio ar feddiannaeth y JNA o dref fechan Cavtat a'r ymosodiad ar Dubrovnik.
Stori hanesyddol a rhamantus sy’n seiliedig ar ryfel Iwgoslafia yn y 90au cynnar. Roeddwn yn ymwybodol o hanes Croatia cyn darllen y llyfr a does gen i ddim cywilydd cyfaddef fy mod i wedi bod yn Dubrovnik yn 2017 oherwydd Game of Thrones.
Nes i fwynhau’r llyfr, roedd hi’n stori ysgafn gyda chymeriadau cyflawn sy’n cydio ynoch chi ond roedd y deialog weithiau yn rhy ffurfiol rhyngddynt. Roeddwn wastad yn meddwl “be os…” ond roeddwn eitha’ siomedig am hanes swta Nia yn y penodau diweddar.