ነገረ ማርያም በሐዲስ ኪዳን

by Rodas Tadese Abebe

ነገረ ማርያም (Mariology) የሚለው ትምህርት በነገረ መለኮት (theology) የትምህርት ዘርፎች ውስጥ ተያይዘው ከሚሰጡት የሃይማኖታዊ ትምህርቶች አንደኛው ሲኾን “ነገረ ማርያም ክፍል አንድና ክፍል ኹለት” በሚለው መጽሐፌ መግቢያ ላይ እንደገለጽኹት ይኽ ትምህርት የቅድስት ድንግል ማርያምን ከፅንሰቷ ዠምሮ እስከ ዕርገቷ ያለውን የሕይወቷን ታሪኳን ብቻ የሚያጠና ሳይኾን፤ ስለ አምላክ እናትነቷ፣ ስለ ዘላለማዊ ድንግልናዋ፤ በነገረ ሥጋዌ ውስጥ ስላላት ድርሻ፣ ስለ ንጽሕናዋ ቅድስናዋ፤ ስለተሰጣት ክብር ጨምሮ አካትቶ የሚያጠና የሃይማኖት ትምህርት ክፍል ነው፡፡ ሊቁ አባ ሕርያቆስ በቅዳሴ ማርያም መጽሐፉ ላይ “ኦ ድንግል አምሳል ወትንቢት ዘነቢያት” (ድንግል ሆይ የነቢያት ትንቢትና ምሳሌ አንቺ ነሽ) በማለት እንደተናገረው በአራቱ ክፍላተ ዘመናት የተነሡ አበው ነቢያት በመንፈስ ቅዱስ ተቃኝተው የንጽሕናዋ፣ የቅድስናዋ፣ የዘላለማዊ ድንግልናዋ፣ የአምላክ እናትነቷ ነገር ተገልጾላቸው ይኽነኑ በብዙ ሕብረ ትንቢት ሲናገሩ በብዙ ሕብረ አምሳልም መስለው አስተምረዋል፤ ይኽነኑ አምሳላቸውን ከዚኽ ቀደም ብለው በተዘጋጁት ነገረ ማርያም በብሉይ ኪዳን ክፍል አንድና ኹለት በሚሉት መጽሐፎቼ በስፋት፣ በዝርዝር፣ በጥልቀት የገለጽኋቸው ሲኾን፤ እኒኽ ኹሉ ነቢያት ስለርሷ የተናገሩት አንድ ሳይቀር ደርሶ ተፈጽሞ የአምላክ እናት ቅድስት ድንግል ማርያም ከቅድስት ሐናና ከቅዱስ ኢያቄም ግንቦት አንድ ቀን በልደተ ሥጋ ተገኝታ በተወለደች በሦስት ዓመቷ ወደ ቤተ መቅደስ ወላጆቿ ወስደዋት ለዐሥራ ኹለት ዓመታት በንጽሕና በቅድስና በቤተ መቅደስ ከኖረች በኋላ በድምሩ ዐሥራ ዐምስት ዓመት ሲመላት ለጻድቁ ዮሴፍ እንዲጠብቃት ተሰጥታዋለች፡፡

232 pages, Kindle Edition

Published July 26, 2020