Voetstoots

by Annelie Botes

Voetstoots is ’n bontgejaste keur uit sestien jaar van Annelie se koerantrubrieke. Die temas is so wyd soos die Heer se genade. Rakende aan die torings van Babel wat ons bou.’n Begrafnisbrief uit Holland. ’n Boer wat sy plaashek vir oulaas sluit. Die boks langspeelplate in die gryse se waenhuis. Die smart om ’n kind te begrawe. ’n Glips met bensien in die tamatieslaai. ’n Sywurmhart wat sy in haar Bybel bêre. Mense sonder ’n woord van eer. ’n Eensame oom wie se hondjie op ’n sypaadjie doodgebyt is. ’n Lys van moets en moenies vir dames uit 1944. ’n Boks papsakwyn wat suur geword het. Dis lag, huil, kwaadword, nostalgie, deernis, onbegrip en lewenswette saamgeryg in ’n kleurvolle lappieskombers. En Annelie is bedrewe met die rygnaald.

431 pages, Kindle Edition

Published October 1, 2020

About the author

Annelie Botes was a South African writer in the Afrikaans language.

Reviews

[Ineke · Rating 5 out of 5]

Annelie Botes is 'n gesoute skrywer. Voetstoots bewys weer eens dat sy al haar ondervindings kan verwoord sonder om afgesaag te raak. In Voetstoots vertel sy insedente nie net in kleurryke taal nie maar ook baie pittig. Die tydperke of omstandighede waaroor sy skryf is presies soos dit werklik is of was. Baie goeie en gemaklike leesstof.

[Cecilia · Rating 5 out of 5]

Bietjie lag, bietjie huil, bietjie heimwee. Baie geniet

[Hilda · Rating 5 out of 5]

She has a wonderful writing style. It feels she sits over a cup of tea talking to one. Great read for Afrikaans speaking readers