كيف تكون كل شئ

by إميلي وابنيك

حصريا من كتب العالم شاهد متجرنا لمزيد من الكتب العربية

230 pages, Paperback

Published January 1, 2019

Reviews

[Omnya Monmon]

هنا بعض الاطروحات اللي كتبتها خلال قرائتي للكتاب


الكتاب بيطرح موضوع مهم جدا وهو عن تعدد الشعف او تعدد المواهب
فكرة انك تبقي متعدد الشغف ومطلوب منك تتخصص في تخصص واحد فقط
ف ده بيبقي ضغط كبير عليك ...برغم كده الكتاب تطرق لوجود مميزات متعددة لمتعددي المواهب او الشغف وهما انهم :بيكون عندهم قدرات هايلة جدا زي :
1- تجميع الفكرة : عندهم قدرة هايلة علي تجميع الأفكار والبحث عن كل ما يخص الموضوع بشكل ممتاز جداااا ومش بس كده ربط أفكار مع بعض وانتاج فكرة مبتكرة جديدة تماما

2- التعلم السريع : عندهم القدرة علي تعلم أشياء جديدة بشكل سريع جدا خصوصا اننا مع كل شغف بنقدر نكتسب مهارات اكبر

3- التكيف : يقدر الشخص متعدد القدر ات او المواهب انه يتكيف مع أوضاع او ادوار كتير

4- التفكير الشامل : بنقدر نعمل عصف ذهني ونفكر ف الأفكار دي ونحللها ونبحث عن بدايل ونحسنها وهكذا

5- الربط والترجمة : عندهم قدرة هايلة علي التواصل بشكل ممتاز مع الآخرين وكمان ربط الأفكار مع بعض

الكتاب حقيقي هايل وطريقة الطرح تحفة جداااا


الجزء ده من الكتاب وضح نماذج عمل مختلفة للأشخاص متعددو القدرات والمواهب
زي
- نموذج نهج العناق الجماعي
-نهج الشرطة المائلة
- نهج آينشتاين
- نهج العنقاء

ذكر في نهج العناق الجماعي اننا من خلاله نقدر ندمج اكتر من جانب من اهتماماتنا ف نفس العمل بس محتاجين نبحث ازاي نقدر نعمل ده

وكمان الكتاب وضح أسئلة لكل نموذج عمل منهم عشان كل حد يقدر يعرف ايه اكتر نموذج يتناسب معاه ومش بس كده احنا كمان نقدر ندمج اكتر من نموذج مع بعض

عجبني هذا الجزء من الكتاب
مغادرة لبقة
عند ترك وظيفتك لمتالعة مغامرة جديد ربما يتأثر بعض الأشخاص لمغادرتك حاول ان تفي بالالتزامات التي تعهدت بها
وافعل ما يجعل الانتقال سلسا بقدر الإمكان للأشخاص الذين يعتمدون عليك بمن في ذلك صاحب العمل والزملاء والعملاء ، فقد يعني هذا إبلاغ مديرك بقرارك والبقاء لبضعة اسابيع اضايفة لإكمال المشروع الذي كنت تعمل عليه او المساعدة علي تدريب من ستولي الوظيفة مكانك ، اذا كان ذلك مناسباً

الجزء الأخير من الكتاب كان هايل جدا
طرح المعوقات اللي بتواجه الشخص متعدد القدرات وان ازاي الشخص متعدد القدرات يقدر يواجه المعوقات دي

وأهم المعوقات دي وهي المقاومة
ومش بس من الناس
لأ المقاومة الداخلية
اللي بتبقي من جوانا
فكرة اننا مش قادرين نشتغل على المشروعات او الأعمال اللي بنطمح ليها

الكتاب كان هايل ف طرح المشاكل دي كلها وكمان حل كل مشكلة

كمان فكرة طرح نقد مهاجمة والله الأشخاص من حواليا لفكرة تعددية القدرات
وان الناس من حوالينا ممكن يثبطوا من عزيمتنا لمجرد انهم مش مستوعبين كفاية فكرة تعدد الشغف او القدرات.