Strendingar

by Yrsa Þöll Gylfadóttir

Sérhver fjölskylda geymir mörg líf og margar raddir. Pétur vinnur fyrir auglýsingastofu en elur með sér skáldadrauma. Eva kona hans stendur í ströngu sem byggingafulltrúi á Stapaströnd. Saman eiga þau þrjú börn; unglinginn Silju, sem hefur annan fótinn í öðrum heimi, viðkvæma sex ára drenginn Steinar og ungabarnið Ólafíu. Auk þess er á heimilinu eðalborinn og ævaforn köttur, kallaður Mjálmar, og þangað kemur líka faðir Péturs, Bergur, fyrrum bóndi sem hefur nýverið misst konu sína og er við það að hverfa inn í heim gleymskunnar.

Í þessari skemmtilegu og áhrifamiklu skáldsögu fylgjumst við með hálfu ári í lífi fjölskyldu, þar sem allir sjö hugarheimar hennar fá rödd. Þannig fléttast saman innra líf þeirra og ytri atburðir, valdabarátta og áföll, togstreita og uppeldisátök, gamall tími og nýr, í marglaga og minnisstæðri sögu.

264 pages, Hardcover

Published October 27, 2020

Reviews

[Birna Kolbeinsdottir · Rating 3 out of 5]

Áhugaverð og hélt mér við, alveg cool að vera með svona mörg POV, en fýlaði ekkert þetta frá kettinum og ungabarninu…. Smá forced😅🩷

[Nanna Guðmundsdóttir · Rating 4 out of 5]

Fín bók sem hélt mér vel. Tengdi vel við margt í smábæjarpólitíkinni en fannst sumt í bókinni óþarflega gróteskt.