Twll Bach yn y Niwl

by Llio Elain Maddocks

Mae Lowri wedi cael llond bol o'i phentref, o'i diffyg swydd, o hogiau, o'i ffrindiau weithiau, ac o'r dafarn leol. Yn ogystal â phroblemau teuluol, mae bywyd Lowri yn ddiflas. Ond oes llygedyn o obaith drwy'r niwl? Nofel gignoeth am gyfeillgarwch a thyfu i fyny; am fod yn oedolion sy'n dal i fihafio fel plant. Mae'n cynnwys iaith gref a golygfeydd ar gyfer oedolion yn unig.

250 pages, Paperback

Published October 1, 2020

Reviews

[Lois Hughes · Rating 5 out of 5]

Methu rhoi y llyfr i lawr!! Cychwyn a gorffen mewn un diwrnod - hollol ffab. Llyfr nath neud fi deimlo gymaint o emosiynau a neud fi grio yn agos at y diwedd. Hwn di’r ail lyfr erioed i fi allu darllen mewn un diwrnod - sy’n dangos pa mor dda oddo!! Lyf it.

[Rebecca Roberts · Rating 5 out of 5]

Syrthiais mewn cymeriad â Lowri, y prif gymeriad - a'i ffrindiau a'i theulu. Roedd y plotio a'r cymeriadu yn sbot on ac yn hollol credadwy. Dwi'n teimlo fel taswn i'n adnabod bob un o'r cymeriadau fel pobl go iawn. Ro'n i isio byw ym myd y nofel.
Do'n i ddim isio darllen ymlaen achos roedd gen i syniad o'r hyn oedd Lowri yn wynebu, ar ôl darllen cyfweliad efo'r awdur. Fodd bynnag, llyncais y nofel mewn deudydd. Wnaeth y stori gydio a wneud i mi chwerthin a chrio a gwylltio, ac yna chwerthin eto. Mae'n dorcalonnus o drist, ond mor llawn gobaith yr un pryd.
Mi fydd Lowri yn aros efo fi am amser hir iawn, a dyma un nofel dwi'n gwybod y gwna i ddychwelyd ati i'r mwynhau eto. Mae'n berl.

[Erin · Rating 4 out of 5]

Nofel oesol a chyfoes. Lowri yn gymeriad hoffus lle gall nifer uniaethu ag hi. Y themau yn delio â phroblemau sy’n wynebu pobol ifanc heddiw. Mae gallu’r awdur i gyfleu’r cariad sy’n bodoli rhwng cymeriadau yn hynod deimladwy - ac yn ein hatgoffa bod y cariad hwnnw yn gorchfygu unrhyw anhawster mewn gwirionedd ar ddiwedd y dydd. Wir wedi mwynhau.

[Tomos · Rating 4 out of 5]

Do ni methu rhoi y llyfr yma i lawr o gwbwl! Neshi ddeud bo fi am ddarllen mwy o lyfra Cymraeg blwyddyn yma ag am ddechra da!

[carys]

*school

[Beth Alaw · Rating 4 out of 5]

150 tudalen gyntaf- 🍾🤪💋💐
Y cant tudalen olaf- 🥺💔😲😡