發現香港──文化‧社區‧機遇

by 高寶齡, 陳財喜, 伍婉婷

為了推動社區文化的建設和分享把握機遇的經驗，非牟利團體「文化力量」於2014年舉辦了「文化‧社區‧機遇」圓桌會議。會議就如何促進文化藝術進入社區，讓文化的花朵在社區的土壤裏盛放展開討論。出席圓桌會議的文化人、藝術家和十三個區議會議員，分享了灣仔、中西區、觀塘、深水埗和西貢等社區的文化故事，提出以「文化權利」和「文化視野」來檢視現行的文化政策。本書收錄的文章，以社區文化發展為主線，希望透過不同持份者，包括文化工作者、文化評論員、社區人士分享的社區文化故事，展示今天香港社區文化的持份者，如何把握機遇來發展社區文化特色。

144 pages, Paperback

Published June 1, 2015

Reviews

[xkdlaej · Rating 2 out of 5]

睇完呢本書，大概就會明白點解香港嘅文化政策咁失敗。各位作者唔多唔少都喺建制內，負責制定香港文化政策並作規劃。係冇錯各位係提出咗唔少嘅建議，但當連核心問題都identify 唔到，呢啲建議都無助於解決問題。成本書好似講咗好多嘢，但唔同政策係咪對應到依家嘅問題，成效，配套，好多都無解釋。

先概括作者們拋咗啲咩建議啦（大概）：
1. 課後時間開放學校給藝團排練或表現
2. 邀請藝術家製作公共藝術，製造社區文化氣息，加強對社區認識
3. 西九文化區
4. 文化局，十八區文化專員
5. 文化欣賞教育，培育人才
6. 與民間合作活化建築及共建社區

但睇番而家嘅狀況，只會覺得呢啲措施並唔係太對應到個問題所在。

首先，人才嘅培養唔係不斷fund各種活動就足夠。社會期望、出路、教育模式都好影響。香港經濟嚴重傾向金融業，社會普遍係利益導向，昂貴嘅生活成本更係discourage人進入藝術行業。香港係填鴨式教育，加上考試主導、OLE課外活動加分制，令藝術教育變得功利。好多家長要子女學習藝術，只係為咗考入學校。喺咁嘅情況下，仲話要加藝術欣賞（art appreciation）嘅課程？

另外，無論係喺雨傘運動期間，抑或係反送中運動期間，都有大量藝術作品出現。而市民好欣賞呢啲藝術，更會自發去參觀唔同展覽，甚至參與係公共藝術創作。呢個情況同平時嘅狀況好唔同。反送中運動期間，連儂牆遍地開花，街道上唔同角落都有唔同嘅文宣以及塗鴉。有唔同嘅設計，唔同嘅藝術。即使政府瘋狂清洗、塗去呢啲痕跡，仍有人透過用黃色膠紙框起呢啲痕跡，將其變作令一件藝術品。呢啲先係真正同市民connect 到嘅 public art, 而唔係藝發局（亦即書裏面提到）嗰啲花幾十萬整出嚟嘅所謂「公共藝術」。

最好笑嘅係，政府一方面美其名目「清潔衛生」，實質打壓市民各種藝術創作；另一方面花費大量金錢，喺城市裏面整唔同嘅離地被篩選嘅藝術，話要「提升文化」。只要被approved 嘅才算文化，都難怪「香港文化」一譚死水。

19頁提到南蓮園池嘅例子都幾好笑，認識南蓮園池嘅歷史同背後工藝就會更了解建築嘅價值，從而對中華文化有歸屬感？呢個connection太粗疏。

Anyway 打咁多都唔知做乜，但呢本書的確刺激到我思考更多城市規劃以及藝術與社會關係嘅問題。
高雅藝術與社會？
藝術appreciation教育的需要？
雅俗共賞與art for art sake