خرونوس

by محمد عبدالمحسن

يتم استدعاء كلّا من (ِشريف) و(عظيم) للتحقيق في حادث ما في مُستشفى، سُرعان ما يتحوّل من تحقيق روتيني إلى لُغزٍ مليء بعلامات الاستفهام، ولكن الأكيد أنّه ليس جُزءًا من سلسلة حوادث إختفاء غامضة في أماكن مُختلفة بدون عامل مُشترك بينهم، هذا بخلاف أشخاص آخرين لا يجمعهم شيء يُعانون من فقدان ذاكرة محدود لأشياء لم تعُد موجودة، والوحيد الذي يملُك المٌفتاح لحل جميع هذه الألغاز لا يعرف كيف يستخدمه .. أنت تعرف هذه الأمور ..

217 pages, Paperback

Published January 1, 2022

About the author

محمد عبد المُحسن، صانع مُحتوى وكاتب روائي شاب من مواليد عين شمس، القاهرة، خرّيج جامعة عين شمس، كلية الآداب قسم آثار، شُعبة الآثار المصرية ..

بدأت رحلة مُحسن - كما يُطلق عليه أصدقائُه ومُتابيعه - على منصات التواصل الإجتماعي مع القراءة منذ الصغر حيث بدأ شغفُه ينمو مع مجلات ميكي وميكي جيب مرورًا بإصدارات المؤسسة مثل ملف المُستقبل ورجل المُستحيل ومار وراء الطبيعة ومنها إنطلق إلى عالم التاريخ والعلوم والفلك وغيرها من المجالات المُختلفة ..

يُعد مُحسن أكثر شُهرةً على الفايسبوك حيثُ بدأ مسيرتُه هناك
عندما تعرض لحادث منذ حوالي ٧ سنوات وكان قعيد الفراش لمدة ٤ أشهر، فبدلًا من أن يستسلم لليأس والتعب والملل انتهز فرصة البُعد عن العمل والزحام والناس، وفكّر في استثمار وقتًه ومعلوماته التّي عرفها من القراءة من صغره في أن يُفيد الناس ..

وعليها بدأ يحكي ما يعرفُه على هيئة مقالات بطريقتُه التي تجذب فضول واهتمام مُتابعيه، ومع كل مقال كتبه إزداد عدد مُتابعيه فبعد من أن بدأ وهناك ١٦ مُتابع فقط، يقترب الآن من المائتي ألف مُتابع شغوف بالمُحتوى ..

وعن اهتماماته قال، "أكتب في كل المجالات من تاريخ وعلوم وأدب، ولدي مكتبتي الخاصة في منزلي فيها ما يُقارب الـ٤ آلاف كتاب جمعتهم على مدى سنين عمري من مصروفي ومرتبي الخاص وكل ما بشتري كتب جديدة أشارك صورها مع الناس، وأسعى حاليًا لنشر كتاباتي لكي تكون مطبوعة"

مُحسن لديه الآن رصيد من آلاف المقالات على حسابه الشخصي على الفايسبوك بالإضافة إلى عملين منشورين .. رواية (خرونوس)، أول عمل يُصنّف خيال علمي وغموض صدرت في معرض الكتاب 2022 .. و(حكايات صاحب الصندوق) وهو عمل تاريخي في إطار أدبي عن الأحداث الغريبة والغامضة غير المُفسرة من التاريخ ..

Mohamed Abdel Mohsen, a creative content creator, blogger and an author.
​
​Born in Ain Shams, Cairo and graduated from Faculty of Arts, Ain Shams University.
​
​His passion started since he was still learning how to read by diving into children books and magazines like Mickey, then climbed up the ladder through young adult fiction short stories to devouring history, science, and all other kinds of knowledge.
​
​It was around 2014 when he started applying what he had acquired through the years into writing loads of articles on Facebook for his friends who soon gathers a circle of followers and it started growing and growing until he became a well known name in the Arabic content creators.

Reviews

[محمد عبدالمحسن · Rating 5 out of 5]

والله هي الرواية من تأليفي فشهادتي فيها مجروحة، فنستنّى رأي الناس بقى 😂

[Sou Elkhalily · Rating 5 out of 5]

I couldn't leave the book out of my hand before I finished. The writer knows very well how to attract the reader's attention 👌🏼

[Hasnaa Gamal · Rating 5 out of 5]

جميلة الصراحة ك أول رواية😍😍😍اكنت مستمتعة وأنا بقرأها، المعلومات الطبية صحيحة،قعذت حبة في المعلومات العلمية التانية عقبال ما أفهمها 😂بس كمجمل عجبتني، والفكرة بالنسبالي كانت جديدة إني أقرأها

[Nada saoud · Rating 5 out of 5]

متوقعتش ابدا تكون الرواية بالجمال ده،التسلسل و الانسيابية فى سرد الاحداث مش طبيعية،حبكه مفيهاش غلطه.و حقيقي مفيش كلمة مكتوبه هباءً ،كل كلمة الكاتب كتبها هتفهم ليه كتبها و كان قصده ايه بيها، اهتمام بالتفاصيل الأبعد الحدود.ناهيك عن غلاف الكتاب، الي فى الاخر هتفهم ليه وش الكتاب مش زاى ضهره.

[Nada Elgindy · Rating 3 out of 5]

مبدئيا فكرة الرواية حقيقي عبقرية وعجبني جدا الحتة الي خدتها والي هي فعلا مش كتاب كتير بيتطرقوا ليها وبالنسبة ليا طريقة مجرى الأحداث كان حلو وغير متوقع وده كان أجمل حاجه قابلتني فيها ولكن في اكتر من حاجه بس خدت بالى منها زي ان التركيز في الرواية كان على تفاصيل كتير جدا ليها علاقة بالجو الي بيحصل فيه الحدث خلتني مركزش هو ايه الي بيحصل بالظبط من كتر التفاصيل الكتير الي انا شايفة انها كانت مدية غموض بزيادة ولما الدنيا انفتحت حسيت اني اتكروتت شوية في تعاقب الأحداث
تاني حاجه بردو ان انا حسيت ان الابطال بتوع القصة اتاخروا شوية في الظهور وده خلاهم لما ظهروا مكنتش مستوعبة ان هما دول الابطال فعلا ولا دي قصة لوحدها بردو
تالت حاجه ودي مهمه بردو ان برغم انك أديت لمحة عن شخصية كل من شريف وعظيم الا ان انا كنت محتاجه تركيز زيادة على رياكشناتهم في الأحداث الي حصلت جوة.
في المجمل الرواية فكرتها حلوة جدا فعلا فيه حتت كتير ضحكتني وحتت تانية استنى معلومات قوية بس حاسة ان كان ممكن تختصر عن كدة وفي حاجات تاخد حقها اكتر.

[Kirollos Emad · Rating 4 out of 5]

رواية عظيمة يا مُحسن
.
مع إن دماغي لفت من كتر مُحاولة توقع الاحداث اللي جاية
.
ومع كمية الرجوع للصفحات اللي فاتت عشان اتأكد من الاحداث -وهنا عايز اطلُب طلب، ياريت تقسم الرواية فصول بعد كدة، عشان كنت باخد وقت عشان ارجع للجزء اللي عايز اقرأه تاني- اللي عايز ارجع اتأكد منها
.
ومع إن واضح تأثرك بقلم الراحل العراب -رَحِمَه الله- وده شئ انا معرفش جيد ولا سئ كا نقد، ولكنه شئ مضايقنيش خالص لأني بعشق اسلوبه
.
ولكن في النهاية رواية عظيمة من شخص كنت واثق إنه مش هيقدم حاجة سيئة
.
واظن واضح من اسلوب كتابة الريڤيو إني من قُراءك

[Shimo Kassab · Rating 5 out of 5]

فكره الروايه عبقريه جدا

اول شيء شدني بالروايه دي هو الغلاف اللي حسيته بيحكي كتير من احداث الروايه اللي مكنتش اعرف شيء عنها
بلون الغلاف وبحركه عقارب الساعه بالغلاف الامامي وحركاته المذبذبه بالغلاف الخلفي اللي حسيت بيه بتذبذب الوقت وعنوان الروايه 《خرونوس》 وطريقه عكس الكلمه ذاتها بالغلاف الخلفي وان ده ممكن يدل علي شيء باحداث الروايه او لاء وفعلا كان تصميم تفاصيل الغلاف مهم جدا ومعبر جدا عنها وده اعتبره ذكاء شديد من الكاتب كونه هو مصمم الغلاف للتعبير بشكل مبدأي عن روايته الاولي ♥

تبدأ الروايه بمشهد لطفل بسيط يجذبه حسه الطفوله نحو شيء يغير احداث حياته و لكن ليس حياته هو فقط..

يليه مجموعه من المشاهد الصغيره المختلفه كليا ولكنها مربوطه بضوء ازرق يصاحب اختفاء شخص ما
مجرد ضوء لا يُعرف مصدره او سببه وتدور حوله احداث خرونوس لاكتشاف ماهيته

الشخصيات الثانويه كتيره جدا بالروايه لاختلاف مشاهدها المختلفه ولكن بشكل منسق غير مشتت وبترابط

الشخصيات الاساسيه وعلي رأسهم الظابط شريف ومحاولته لفك شفره لغز اختفاء الاشخاص ولكنه يقع بالغاز اكبر واكبر

عبقريه الروايه باستخدام اسطورة ومزجها بمعلومات علميه لصنع مادة بناء للروايه خلطه غريبه وعبقريه وعامل مساعد جدا لعرض فكره الروايه وتبسيطها

تبدأ الروايه كجريمه وتنتهي بخيال علمي محبك تفاصيله

اللغه سهله وبسيطه والاحداث سلسه ومشوقه جدا بدون مماطله بالحوار او السرد
لكن النهايه كانت سريعه شويه حسيتها كان ممكن تكون اطول شويه
لكن حقيقي تجربه ممتعه جداااا جداااا

[Rokia Abdalla · Rating 4 out of 5]

الرواية عبقرية، مش واضح أنه أول عمل بسبب نسبة إقتانه المحترمة؛
بخصوص كمية الاحداث فا انا مبسوطة جدًا، بخصوص الأحداث نفسها فا انا (مبهورة) بترابطهم وكمان
باسلوب كتابتها اللي شد اعصابي كتير خصوصًا لما بدأت اربط في نصها كده، من البداية للنهاية متخيلة كل حاجه حتى اللي كنت بحاول اتخيله قبل كده ومبعرفش افهمه (الزمكان) فهمته،
رواية للي بيحب التحليل والتفكير هيتبسط بيها جدًا،
وزي ما كان الكاتب بيقول قبل ما يكتبها أنها (هتسحل)، ده حقيقي وهي (هتسحل)
عجبني كمان ضمها لمعلومات، وفي مشاهد معينة مش هحرقها على اللي لسه مقرأهاش بس لو اتخيلوها هتعجبهم زي ما عجبتني واستوقفتني،
المهم عاش تاني ومستنية المعرض الجاي برواية أكثر جمادة😂 ولوقتها قولت هقرأ دي مره تانيه وانا بخلصها اصلًا🧍🏻‍♀️

[Safwa AbdElrahman · Rating 5 out of 5]

روايه مشوقه لابعد حد الروايه تشدك من اول صفحه فيها
تتابع الاحداث مشوق و سلس و يخليك مش عايزه تسيبها من غير ما تخلصها
فكره جديده و مبتكره جدا و اتسردت بحبكه دراميه حلوه جدا و سلسه برغم انها كامله بالعربيه الفصحي
الحبكه كان فيها كميه معلومات علميه و ثقافيه صحيحه و دقيقه و كانت طريقه عرضها سهله و بسيطه و تفهمك بسهوله
الربط ما بين الاحداث كان بشكل مرضي و سلس جدا انا بخاف من الاحداث الي فيها ربط عشان بخاف حاجه تقع و مفهمهاش بس بجد ف التجربه دي كانت مرضيه جدا و الربط كان مفهوم و شامل جدا
النهايه عبقريه و الفكره مميزه تستاهل النهايه دي
بشكل عام تجربه جميله جدا و ثريه بمعلومات دقيقه و فكره جديده و مميزه عمل يستحق كل التقدير بجد ❤❤

[سَلمىٰ العَدْل · Rating 5 out of 5]

يمكن من كتر ما أنا حافظة أسلوب محسن لو قرأت الكتاب من غير ما يكون عليها إسم الكاتب هعرفه من أسلوبه السلس وطريقة عرض المعلومات العلمية بطريقة مبسطة وكمان دقيقة.
الواحد ميتوقعش إن دي أول عمل لمحسن لا ده كأنه متمرس، بس فكرت بعدها انه لا ده العادي بتاعه يعني لازم يبهرنا.✨

اللغة سهلة وفي سلاسة رهيبة، الحبكة رائعة والنهاية مميزة.

أبدعت يا محسن ومبسوطة إني اخيرا قرأتلك حاجة خاصة بيك، كان نفسي تبقا أكبر من كده عشان استمتع بيها اكتر لاني مسبتهاش غير لما خلصت.❤️

كبداية ليك ؟ لا عظمة أوي ✨

[Ghada Kamal El Deen · Rating 4 out of 5]

الروايه سلسه جدا مع انها فصحي طبعا لا تخلوا من خفه دم الكاتب🌸فيها معلومات مهمه ومعروضه بطريقه سهله جدا ومبسطه
في البدايه الاحداث متفرقه بس في نص الروايه بتبدء الاحداث تترابط بطريقه لطيفه الاحداث كانت عكس توقعاتي ودي حاجه حبيتها اني ماقدرتش اتوقع افكار الكاتب

[Asmaa Shawky · Rating 5 out of 5]

حلوه جدااااا
طريقة سرد الأحداث والتخيلات إلى فيها بتسحلك فى عالم تانى وشرح مبسط وحلو جدا

[Shahd Hisham · Rating 5 out of 5]

انا من إسكندرية وروحت المعرض الصبح عشان كتب معينه من ضمنها خرونوس ،، بعيده عن اني اشتريت 40 كتاب برا القائمه بتاعتي 😂😂 بس جبتها وكنت سععيييده جدداا بيها لأنها من الحاجات اللي رايح ليها مخصوص ،، وانا واصحابي اشترينا منها 4 نسخ ❤️��️
زعلت جدا اني مقدرتش اجي تاني واقابل حضرتك توقعلي عليها ،،
بس الروايه جممييلله جداااااا ،
من اول صفحه لأخر صفحه وهي مشوقه مش ممله ابدا ،وترابط الاحداث فيها حقيقي عبقري
اهم واحلي حاجه بساطه السرد والسلاسه اللي فيه بالرغم ان الفكره بتبقي معقده لو في مسلسل او فيلم وبتبقي صعبه الفهم شويه ،كنت فاكره انها لما تتنفذ علي ورق هتبقي اصعب ،،
بس الحقيقه لا حضرتك وصلتها بكل سهوله ودي حاجه نحييك عليها 👏👏
شابوه بجد ومستنيه الروايه اللي جايه بفارغ الصبر عاوزه افضل انههبرر تاني 😄😄❤️
وبالتوفيق دائما إن شاء الله

[Mona El-gharbawy · Rating 3 out of 5]

فكرتها حلوة وإن كنت لا أميل لروايات الخيال العلمي.
الحوار عن الفيزياء لشرح خرونوس جاء مملا (بالنسبة لي).
بعض الاحداث غير منطقية حتى لو خيال علمي.
الغلاف والطباعة مش اد كده للأسف.
كأول رواية فهى جيدة نوعا ما.
اتمنى للكاتب التوفيق في الاعمال القادمة

[رويدا أحمد · Rating 3 out of 5]

اسم الروايه جذاب بس الغلاف مش أحسن حاجه والفكره العامه حلوه اوي وباقلنا كتير مشفناش حد من الكاتبين الحالين مهتم باللون ده من الروايات
القصه حلوه وطريقة السرد واختيار المفردات عظمه الصراحه
كان في اشخاص ونقط كتيرة محتاجه شرح اكتر علشان تكتمل الصوره عند القارئ (زي عظيم والنحيل والانفجار ......الخ)
اول ١٠٠ صفحه كانوا مملين بس بعد كده الأحداث بقت مشوقه جدا
كبدايه لمحسن فهي حلوه ومندمتش على قرائتها بل استمتعت وكمان حبيت فكرة المعلومات "الحقيقة" البسيطه اللي في النص
انصح بقرائتها وهنتظر الجديد لمحسن وأتوقع انه هيبهرنا في المستقبل بإذن الله

[Jojo Sayed]

الرواية جميلة جدا ومشوقة بتشدك معاها وتخلي دماغك شغالة وتفكر هيحصل أيه ومهما توقعت هتلاقي شيء يفاجئك كل ماتكمل قراءة ده غير الأسلوب السلس والأحداث المترابطة وكمان أن الرواية مكتوبة بالفصحى فـ ده شيء جميل جدا.. الرواية محتاجة تركيز عشان تقدر تستمتع بتفاصيلها واحنا في انتظار رواية جديدة وعظمة جديدة من محمد عبد المحسن🖤🔥

[Sohila Samy · Rating 5 out of 5]

من اول كلمة لأخر كلمة دماغك شغاله بتحاول تحلل اللي بيحصل، حاجة كدة هتفوق كل توقعاتك و تبهرك، لو نوعك المُفضل غالبًا هتخلص قرائتها في يوم واحد من كُتر تشويق الأحداث و عظمتها و قد ايه مترتبه الترتيب اللي فعلًا يخلي عندك شغف و حماس تفهم هيحصل ايه و اللُغز هيتحل ازاي.

[Hadeer Samra · Rating 5 out of 5]

الروايه تحفه واحداثها حلوه ماحستش ب ملل خالص وانا بقرأها وفيها معلومات كتير اوي بس كانت مشروحه بطريقه بسيطه والنهايه كانت تحفه هي اوحش حاجه فيها انها بتخلص بسرعه بس 🥺💛

[ساره محسن · Rating 5 out of 5]

اكتر شي مميز هو عدم توقع الأحداث و حقيقي الرواثكانت عبقريه و خفيفه جدا في قراءتها

[Sahar · Rating 4 out of 5]

حلوة ومختلفة جدآ

[Hager Gharib]

ولكنها خرونوس يا صديقي "

[Aseel Mohamed · Rating 2 out of 5]

كنت متحمسة ليها جدا من ساعة ما محسن اعلن عنها خصوصا اني بتابعه من زمان جدا و من معجبينه …اعتقد ان ده اللي خلاني اعلي بسقف طموحاتي و غالبا ده اللي احبطني بعد ما قرأت الرواية ….كان فيه علامات محسساني ان الرواية مش هتعجبني منها حركة الاسم الغير مفهوم اللي اكيد مش هنفهمه غير في اخر الرواية و دي حركة مش بحبها عموما و كون محسن مش كاتب روائي ولكنه من الناس المشهورة علي فيس بوك و انا بردو مش بحب فكرة ان الناس المشهورة تستغل اسمها و تنزل كتاب او رواية لان غالبا مش بتبقي حلوة
فكرة الرواية عجبتني و لكنها مكانتش جديدة بالنسبالي زي ما بعض الناس قالو ..بالعكس انا صادفتها في افلام كتير و اعمال تانية …بردو حسيت اسلوب السرد متواضع جدا ..يمكن علشان دي الرواية الاولي لمحسن و اكيد الاسلوب هيزداد نضج في الاعمال القادمة
بردو حسيت ان فيه شخصيات كتير اوي في الرواية و ده شتتني شوية و حسيت ان شخصيات الابطال سطحية يعني مالهاش ابعاد عميقة و نفسية ولا بتتطور عبر الرواية
في المجمل الرواية لطيفة كأول محاولة و اكيد الدنيا هتبقي احسن في الاعمال القادمة خصوصا ان اسلوب محسن في تبسيط المواضع العلمية بيعجبني من زمان و مستنية اللي جاي اكيد

[Nawal Khaled · Rating 4 out of 5]

مبدأياً الروايه جميلة جدا و مشوقة اللغة جميلة و سلسة و اكتر حاجه عجبتني أنها بالفصحى الغلاف كمان مناسب مفهمتوش غير في اخر الروايه بس عجبني الأحداث في الاول شدتني و بعد كده حسيتها بطيئة شويه اول ١٠٠ صفحه و مكنتش فاهمه هنربط كل القصص المنفصلة ازاي بس طبعا كنت واثقة إن محسن هيعملها بحبكة حلوه النهاية كانت تحفة جدا و غير متوقعة بس أحداثها كانت سريعة جدا مقارنة بالبداية بس كمجمل الفكره حلوة و جديدة و ده المتوقع بتاع محسن طبعا

[Mohammed Sayed · Rating 5 out of 5]

ف حياتي م قريت حاجة بالمتعة دي.. ولا في حاجة سحلتني معاها ف التفكير بالشكل دا.. كنت كل شوية اقفلها واقعد افكر ايه اللي هيحصل بعد كدا أو احلل اللي حصل.. دا غير طبعا اني مقدرتش اقوم من مكاني الا انا اخلصها من كتر الفضول والتشويق اللي فيها.. بالنسبالي تعتبر هي دي الرواية الكاملة.. اللغة ممتازة جدا.. حقايق علمية موجودة ومشروحة بمنتهى السلاسة.. تشويق مفيش اكتر منه.. ربط الأحداث ببعض ولا اروع.. وقفلها وهو مجاوب على كل الأسئلة اللي عندك ومفهمك كل حاجة.. رواية عظيمة لكاتب عظيم ♥️♥️♥️

[دينا ممدوح · Rating 4 out of 5]

محمد عبد المحسن من الأشخاص اللي بحب جدًا أقرأ ليهم؛ لان طريقتة مميزة وجذابة وبيبسط أي معلومة بيقولها مهما كانت صعبة
وعلى الرغم من أنه معروف عنه البوستات اللي بينزلها على الفيس بوك دايمًا، وكم المعلومات والأفكار المهولة اللي فيها واللي بيكون واضح مجهوده فيها، إلا أن كمان كان من وقت للتاني بينزل قصص من تأليفه بتوضح أد ايه كتابته حلوة وفيها فكرة وحبكة مميزة
وبالتالي أول ما قال أنه هينزل رواية كنت متشوقة جدًا جدًا أقرأها، وكانت في قائمة الكتب اللي قررت اقتنيها من معرض الكتاب اللي فات.

الاسم
كان مختلف ولكن ممكن نقول أن دي أصبحت موضة الروايات في السنوات الأخيرة، لكن محسن أول ما الرواية نزلت وكل حد يسأله ايه الفكرة من الأسم، كان بيجاوب بصدر رحب؛ فحسيت أنه مش مختار الأسم لمجرد التشويق هو عايز يوصل فكرة، وبيتهيألي شايف أن ده أنسب اسم ليها فاختاره.
(بالمناسبة الأسم كان عامل جذب كبير لأبني اللي عمره لا يتعدى الثمان سنوات وكان بيسألني يعني ايه معناه ولما خلصت الرواية جاوبته)

الغلاف
للاسف محبتوش.. وحسيته فقير إلى حد ما، حتى وأن كان بيتكلم عن فكرة الوقت نفسها لكن كان ممكن يتعمل أجمل من كدة بأفكار تانية كتير

تقسيم الفصول
مع أول عنوان في الرواية توقعت هتكون متقسمة فصولها بالأزمنة ودي طريقة بحبها في تقسيم الروايات اللي بتتكلم عن أكثر من زمن، لكن الموضوع ماستمرش بنفس الطريقة في باقي صفحاتها وكتفضيل شخصي بحب تكون الرواية متقسمة عن كدة

اللغويات
بما أن مُحسن قارئ نهم فهو بالتالي كاتب عنده حصيلة لغوية هايلة جدًا وذهن حاضر، ودي كانت نقطة من نقاط القوة في الرواية

الحبكة
الرواية مفيش فيها لحظة ملل، كل لحظة في مفاجأة جديدة بتظهر أو تفسير لمفاجأة سابقة بيوضح؛ وبالتالي هي من الروايات اللي خلصتها ككقراءة ورقي في وقت قليل في فترة أنا متجهة فيها لقراءة الإلكتروني والصوتي بشكل أكبر
مُحسن قدر يتكلم عن فكرة صعب شرحها بطريقة سلسة جدًا وكأنه بيشربك المعلومة اللي هي أصلًا تلغبط، لأن فكرة خطوط الزمن المتداخلة مش من السهولة شرحها، لكن هو عملها حلو
الختام كان مُقنع جدًا وإن كان حسيته سريع
ووصلني شعور في النهاية أنه لو عمل رواية صراع أجهزة مخابرات أو علمية هتكون أكثر من رائعة
نقطة كمان أن التركيز على الحدث نفسه كان أهم من ربطي نفسيًا بالشخصيات؛ ومع ذلك أنا كنت شايف شخصية شريف بوضوح.

أعتقد أني من فترة طويلة جدًا مكتبتش ريفيو طويل بالشكل ده، بس مقدار انتظاري للرواية دي يستاهل ريفيو بالشكل ده الحقيقة، في انتظار الرواية الجاية واتمنى متتأخرش.

[Doaa · Rating 5 out of 5]

❞ جُثّة زائدة مجهولة، ناس اختفوا بدون أثر، والآن رجل ميّت يأخذ مُلاحظات.. ❝

الاقتباس ده يشوقك للرواية من غير أي حرق للأحداث.
لو انت من محبي القراءة عن الأحداث الغامضة او الخيال العلمي ف الرواية هاتعجبك..
لو انت من محبي فيلم interstellar ف الرواية دي هاتعجبك هما مش شبه بعض بس نفس الأجواء يعني.

ترتيب أحداث الرواية بالنسبة وضح فكرة الرواية.. بمعني انه بدء من حدث أساسي هايبقي غير مفهوم في البداية ولكن هايوضح في النهاية وهاتحس انك بتلف في نفس الدايرة بين الماضي والحاضر والمستقبل..اللي هيا أساسا الفكرة الأساسية.

الجزء الأول كان سرد أحداث منفصلة (بس هيا متصلة 😀 وده أسلوب الكاتب في مقالاته ف انا كنت عارفة ان معدل التشويق هايزيد.. والحقيقة ماخيبش ظني).. بتبدأ توضح واحدة واحدة في سلسلة أحداث غامضة وانفجارات وجثث وتجارب علمية وبالمناسبة شرحها كان جميل ( بس اللي مش بيحب اجواء شرح نظريات علمية اللي هيا حاليا بمثابة خيال علمي هايحس بملل في الجزء ده).. في الجزء الأخير كل حاجة بتحصل تقريبا بنعرف سببها..

فيه روايات تحب تتوقع احداثها ولو طلعت توقعاتك صح تعجبك اكتر الرواية دي كانت بالنسبة لي كدة (بردو النقطة دي ممكن تكون سبب انها ماتعجبش حد تاني) .. توقعت كام حاجة وطلعوا صح ف اتبسطت جدا.. ومع ذلك فيه أحداث تانية فاجئتني..

خلصتها في جلسة واحدة ماقدرتش أسيبها لأن السرد مشوق جدا وعجبني انها كانت باللغة العربية مش العامية .. الغلاف والاسم كان غريب بالنسبة لي ولذلك بحثت عن الاسم الاول وفهمت الطابع العام بتاع الرواية.. بالنسبة لي كانت قراءة خفيفة وجميلة ✨

وأخيرا شكر خاص لمنصة #أبجد انها وفرت الرواية دي 👍

[Salma Abou-Zaid · Rating 5 out of 5]

رواية خرونوس حوالي 217 صفحة ورق كريمي 🤍

خيال علمي لغة عربية متقنة

أولا عجبني جدا الوصف اللي قادر يخلي القارئ يتخيل المشهد ويعيشه وكأنه مرئي
وصف الشخصيات والأشياء والأماكن

سرد الأحداث المبدأية حصل بطريقة محترفة جدا كعادة مقالات الكاتب

وكذلك التنقل مابين الأحداث
ورغم إنه ماختارش أسماء غير للشخصيات الرئيسية بس إلا إن دة ماضايقنيش كقارئة وماحستش بأي مشكلة في حبكة القصة

وبعدين لوهلة هتحس إنك ماشي في حتة وهتفضل تتوقع كلمة خرونوس دي بتدل على إيه وهوب دابل كيك هتلاقي نفسك في حتة تانية خالص

وطريقة وصف الفلاش باك اللي بيحصل في دماغ الأشخاص خلاني أحس إني بتفرج على عمل مرئي 👏🏻👏🏻

وكذلك التويست والمفاجآت اللي أنا بعزها في أي رواية اللي بيحقق تارجيت جحوظ العين للقارئ

مش عارفة أتكلم في فكرة الرواية عشان ماحرقهاش بس هي فكرتني بالمقولة اللي قالها دمبلدور

"Mysterious thing .. time .. powerful , and when meddled with, dangerous"

وعظيم جدا إن الجزء العلمي منها مشروح بطريقة تدل على فهم الكاتب

وحتى شخصية دكتور أمجد أعرف شخصية زيها في الواقع

الرواية عجبتني أكتر ما كنت عايزاها تعجبني ومخلياني سعيدة جدا وفعلا وأنا بقراها ماحستش بلحظة ملل واحدة
بس كان حماسي بيزداد

ونفسي جدا أشوفها عمل مرئي تتولاه بلاتفورم محترمة فيتعمل مسلسل جامد من ٦ حلقات أنا راضية ويخرجه محمد دياب

شكرا جدا محمد عبدالمحسن على العمل المحترم دة 🙏🏻

[مُحمَد رمضان · Rating 5 out of 5]

إنه موسم الانفجارات ..
انفجار مستشفى أدى لسقوط الكثيرين ضحايا والاخرين بإصابات حرجة، انفجار مربع سكني قرب مرور موكب أحد الوزراء، اختفاء أشخاص من الوجود بدون أي سبب يذكر، يكون أحدهم أمامك ولسبب غير معلوم تجده قد تبخر وكأنه سراب

طاقات الشر لا يمكن تبريرها، إنها بداخل كل إنسان، لكننا من نتحكم في نسبتها وردعها، لكن أفضل شيء لتحريرها من مكمنها هو الجوع، الفقر، الحاجة وهذا ما دفع أحدهم لتجنيد شاب مصري لقيام بعمليات إرهابية دون أي شك، بعد توفير كل السبل المتاحة لإبعاده عن مرمى الشبهات، فأنىٰ لأحد أن يكتشف هويتهم

عالم فيزياء مصري يعمل مع أحد أجهزة الدولة السرية، يقوم بأبحاثه العلمية بكل طاقة وجهد من أجل خدمة البلد، فما دوره الذي يساهم بشكل كبير في حل الألغاز، وهل للعلم الإمكانيات التي تؤهله من دخول مضمار الأحداث أم أنه مجرد نظريات وفرضيات

بلغة عربية فصحى جميلة سردًا وحوارًا عبر بنا الكاتب لمنطقة فريدة قلما يذهب إليها أحد، بأسلوب سلس وممتاز وبدون أي تطويل رسم رواية بديعة للغاية، شخصيات مرسومة، وصف للأماكن وللشخصيات مبسط يجعلك في لب الأحداث، غلاف الرواية وعنوانها أكثر من ممتازين، فبعد انجذابي لهم في البداية أكدت الرواية على حسن ظني

تقييم
5/5

#مُحمَد_رمضان ✍️

[سلوان البري · Rating 5 out of 5]

#ريڤيو_سريع عن رواية (خرونوس) للكاتب/ محمد عبد المُحسن.
★★★★★
«أنا أُنهي أسطورتي بنفسي.»

يمكننا أن نرىٰ من خلال هذه الجملة المعنىٰ الضمني للعمل الروائي (خرونوس) حيثُ يختار الكاتب أن يبدأ أولىٰ رواياته بطفل صغير تحاربه الدنيا منذ ولادته، لينتقل بعدها مباشرة لعالم التحقيقات الجاذب لمحبي الجرائم والتفاصيل الجنائية.
عالم (شريف) و(عظيم) الذي يظن كلاهما في بداية الأمر أنهما علىٰ موعد مع حادث روتيني، إلا أنه سرعان ما تتكشّف لهما خطورة التحقيق وتوابعه.
المميز في هذه الرواية أنها من النوع الذي يبدو عاديًا في باديء الأمر؛ إلا أن مرور الأوراق والأحداث يُظهر لقارئها أنه أمام عمل روائي مميز؛ ومن أكثر النقاط تميزًا -من وجهة نظري-صياغة الحبكة. فالبداية تأتي كجريمة والنهاية تتحول لخيط من المعلومات الدقيقة والمميزة.

أما عن تفاصيل الرواية فجاءت مليئة بالأحداث والمعلومات العلمية التي تحتاج إلىٰ تركيز المطلع عليها طيلة فترة القراءة، بالإضافة لسلاسة الأسلوب وبساطته مع سرد وافٍ ومفصل باللغة العربية الفصحىٰ.

ونهايةً؛ أرشحها لمحبي الألغاز المرتبطة بعالم الخيال العلمي.

#قراءات_حول_العالم

[Konan Mory · Rating 2 out of 5]

عدد الصفحات ٢١٣.
خرونوس ( كرونوس) هو إله الزمن في الميثيولوجيا الإغريقية فما هو دوره في الرواية؟.
أشخاص يختفون من مناطق مختلفة في مصر من زنزانة مغلقة، وغرفة عمليات جراحية، من سيارة في طابور متوقف، دون أن يتركوا أثراً، ضوء أزرق وصوت يشبه صوت الكهرباء قبل كل اختفاء، انفجار مشفى، جثث كثيرة لكن معها جثة زائدة. حوادث غريبة تجري وكأن الزمن توقف، أو تغير.
يحقق شريف في انفجار المشفى وأسبابه ويحاول فك غموض الجثة الزائدة، والورقة التي وجدت معها، فيصل لنتيجة لا يتوقعها عقل.
رواية عن الزمان والعبث به ونظريات ميكانيكا الكم و الثقب الدودي ( جسر أينشتاين روزين) .
الرواية لا بأس بها، لكن فكرتها مكررة عبر أفلام عديدة وروايات أيضاً ، لكنها مسلية.
سيئتها الكبيرة أنها غير مدققة لغوياً ومليئة بالأخطاء الفادحة، وركيكة الأسلوب ببعض المواضع.
د.نسرين درّاج