الصغرى 7

by عمر طاهر

Genres: Audiobook, Poetry

Audiobook

About the author

https://www.goodreads.com/quotes/7991... أقوال الكاتب
..
من أقوال الكاتب_2
https://www.goodreads.com/quotes/8042...
...
مواليد صعيد مصر فى منتصف السبعينيات. صدر له عدة كتب من بينها( أثر النبى – قصص قصيرة من وحى السيرة)، (إذاعة الأغانى – سيرة شخصية للغناء)، (شركة النشا و الجلوكوز- نص مفتوح)، (بالقرب من نهر بيدرا – ترجمة لرواية باولو كويلو)، (رصف مصر – ألبوم ساخر مُصور). كتب للسينما عدة افلام من بينها ( طير أنت، يوم مالوش لازمة، كابتن مصر). أصدر عدة دواوين شعرية من بينها ( قهوة و شيكولاتة) و ( مشوار لحد الحيطة). كتب أغنيات لكثيرين من بينهم أصالة و رامى صبرى و أحمد عدوية و كايروكى و سعاد ماسى وأحمد سعد و محمد عساف. قدم عدة برامج إذاعية من بينها ( واحد صاحبى)، ( الطريق إلى عابدين)، (شفت ربنا مع عزيز الشافعى). قدم عدة برامج تليفزيونية منها (مصرى أصلى) و (اتجنن مع كوكا كولا). كتب عدة مسرحيات من بينها ( يا طالع القلعة) و (شغل عفاريت)، كتب للتليفزيون مسلسل الكارتون (سوبر هنيدى). حصل على عدة جوائز من بينها جائزة أفضل كاتب فى 2015 فى إستفتاء مجلة الشباب، و حصل كتابه إذاعة الأغانى على جائزة أفضل كتاب 2015فى إستفتاء المكتبات و القراء. كتب لمعظم الصحف و المجلات المصرية،و يكتب حاليا مقالا أسبوعيا فى جريدة الأهرام، و جريدة الأخبار.
....

Reviews

[AhmEd ElsayEd · Rating 2 out of 5]

الصغرى 7

أشعار بالعاامية المصرية لعمر طاهر
الإلقاء ممتاز

[Maha Moustafa · Rating 5 out of 5]

تحفة تحفة 😌👏🌹وبصوت عمر طاهر على أبجد مع موسيقى مضبوطة بالمقاس 🌹 حبيت✨💫

[Amany Ebrāhim · Rating 2 out of 5]

واتعمل للفالصو قيمة واترمي الأصلي ببلاش..

[Ahmed Gohary · Rating 3 out of 5]

audio book

[Mai M Ibrahim · Rating 4 out of 5]

اول كتاب اسمعه ع أبجد 😍
وجماله انه بصوت الكاتب نفسه عمر طاهر
تجربة حلوة ف منتهى اللطف 😌

[Kareem Adawy · Rating 3 out of 5]

ديوان صوتي بالعامية لعمر طاهر، وكالعادة يعني عمر طاهر يفعل ما يحلو له♥
https://soundcloud.com/amadproduction...

[Heba elzahhar · Rating 5 out of 5]

ديوان الصغرى ٧
أنا ونفسي 💙
#Heba_Elzahhar_reading

كان الاستماع الأول للديوان بنكهة لهفة اللقاء مع قلم عمر طاهر وصوته الذي أضفى حياة للقصائد.

يأتي الاستماع في المرة الثانية مع صوت موج البحر متناغما مع موسيقى الخلفية التي لائمت حالة كل قصيدة.
هكذا تكون قراءة شعر العامية بصوت صاحبه وإلا فلا.
ومع عمر طاهر فالجمال مضاعفا
رائحة يود البحر تمتزج مع رائحة الماضي وحالة النوستالجيا مجسمة.
خطفت قلبي (٨ حبات ريفو) تأتي في المقدمة تليها قصيدة
علاء عبدالخالق، بلكونات، الراديو، الشعراء. الشهر، وبيت العطلة الصيفي وتتوالى قطع الحلوى.

ممتنة للحظات السعادة والجمال
شكرا فنان الجمال عمر طاهر
شكرا يوسف العدل
شكرا أبجد


‏اقرأ الكتاب على @abjjad عبر الرابط:‏https://www.abjjad.com/book/103408284...

#أبجد
#الصغرى_٧
#عمر_طاهر

[Mina Habib · Rating 3 out of 5]

* الكلام عن الكتاب ده مختلف شوية، أولاً لأنه ديوان شعر، وبالتالي مافيش حاجة اسمها مراجعة لديوان شعر، أو على الأقل ده بالنسبة لي، اقصى حاجة الواحد ممكن يقدمها هي انطباعات و أحاسيس عن اللي قرأه في الكتاب. ثانياً بقى إن أنا ماقرأتش الكتاب ده و لكن دي أول تجربة كتاب صوتي أسمعه على تطبيق أبجد، و يمكن تكون أول تجربة كتاب صوتي بشكل عام.

* اختياري للكتاب ده علشان يبقى أول كتاب صوتي أسمعه كان ليها عدة أسباب أولها إن الكتاب وقته صغير، وقت الكتاب كامل حوالي 25 دقيقة، وده مش وقت طويل و بالتالي صعب أفقد تركيزي وفي نفس الوقت لو التجربة ماعجبتنيش كنت هأقدر أخلص الكتاب من غير ما أكون بضغط على نفسي جامد. السبب التاني بقى هو إن دي أكيد ماتعتبرش أول مرة أسمع قصائد بشكل صوتي مصحوب بالموسيقى و بصوت كاتبها كمان. الحقيقة إني لازم أعترف إن المانيفستو واحدة من القصائد اللي أنا بحبها جداًو الموجودة على في البلايليست بتاعتي على طول حتى لو مش هاسمعها كل مرة هتشتغل بس بحب أرجع لها من وقت للتاني، والمانيفستو مش القصيدة الوحيدة اللي مصطفى إبراهيم مسجلها بصوته المصحوب بموسيقى، ولكن في أكتر من قصيدة من نفس الديوان معمول فيهم كده، وبالتالي هذه المنطقة كانت منطقة مألوفة بالنسبة لي بشكل أو بآخر علشان أخوض هذه التجربة.

* خلونا نبدأ الكلام بقى باعتراف صغير إن دائماً سماع الشعر بصوت وبإلقاء الشاعر اللي كاتبه بيبقى هو أفضل نسخة ممكن تحصل عليها من القصيدة، بالذات في شعر العامية. لما الشاع بيقرأ قصيدته بيبقى قادر يوصلك كل حاجة فيها، عارف يتكلم إمتى وإزاي، و عارف تقسيمة الكلام و إيقاعه، و عارف إمتى بيقف و بيسكت، من الآخر القارئ أو السامع بقى بيأخد أفضل تجربة لقصيدة شعر لما يسمعها بإلقاء الشاعر، ولو معاها بقىخلفية موسيقية جيدة، بتنقل القصيدة لمستوى آخر.

* مش هأقدر أتكلم عن قصائد بعينها و لكن الحقيقة في صور وتشبيهات كتير عجبتني بس للأسف لأن التدربة كانت مسموعة فمعرفتش أخد اقتباسات و كده، بس أقدر أقول إن أول قصيدة في الكتاب خلتتني أرجعها و أسمعها تاني من الأول كانت بعنوان علاء عبد الخالق. مش فاكر حقيقي السبب كان إيه بس أعتقد إن كان فيه كام صورة و تشبيه عحبوني فحسيت إني عاوز أسمعهم تاني. و حتة إني أعيد الاستماع لقصيدة مرة أخرى يمكن ماعملتهاش غير مرتين أو 3 الكتير في الديوان كله.

* أعتقد إن الموسيقى فارقة كتير قوي في Mood الكتاب و زودت من قيمة التجربة و من الانغماس في الجو بتاع القصائد، وإن كان في بعض الأحيان حسيتها زيادة شوية، خاصة في القصيدة اللي كانت متقسمة لأجزاء مترقمة، الفواصل الموسيقية كانت طويلة شوية و مليانة لعب بالمزيكا، و بصراحة كنت أفضل لو الفواصل أصغر أو على الأقل اللعب فيها بالمزيكا أقل شوية.

* بالنسبة لي بردو القصائد اللي كان فيها نوستالجيا أكتر هي الأفضل، كالعادة يعني هي دي منطقة عمر طاهر المفضلة و اللي بيبرع و يتألق فيها. و الصراحة الشعر و الصور الشعرية كانوا مناسبين قوي لفكرة النوستالجيا أو إحساس النوستالجيا حتى لو الكاتب ماعملش ده بشكل صريح و واضح، ولكن مثلاً خليني أقول إن قصيدة زي علاء عبد الخالق بالتشبيهات و الفترة اللي رجعتها في دماغ القارئ على طول هتيجي بنوستالجيا، ده كفاية العنوان لوحده يفتح باب النوستاجيا بشكل تلقائي.

[zahraa esmaile · Rating 4 out of 5]

صوت عمر طاهر في القاء شعره، موسيقى يوسف العدل

قادرة جدآ على صنع ديوان شعر بطعم النوستالجيا

متملكش ف نهايته غير إنك تقول "الله"

قصائد قصيرة...مركزة جدا

ديوان مشكلته الوحيدة معايا إنه بيخلص بسرعة

تسلم إيدك يا ابو رقية Omer Taher

#رفقاء2025

#شعر

#كتب_صوتيه

١/٣٩

[Hala]

انا مش عارفه ده شعر من انهي اتجاه!

[Shimaa (Hamssa) · Rating 5 out of 5]

الحلو كله ❤❤

[Mohamed · Rating 5 out of 5]

عظيم

[دينا ممدوح · Rating 3 out of 5]

صوت عمر طاهر ونس
وأتمنى كل دواوينه السابقة يعيد تسجيلها بصوته هكون مبسوطة جدًا بسماعها
كان عندي شعور أني سمعت الديوان قبل كدة وبالفعل وجدت أنه كان موجود من سنين على الساوند كلاود وحاليًا حصريًا على أبجد
أتبسطت أني قادرة أميز كلمات عمر طاهر مهما مر على سماعها سنين

[Mahinour Elmasry · Rating 4 out of 5]

شعر مكتوب بالعامية سمعته على ابجد بصوت عمر طاهر بخلفية موسيقية رائعة زادت من جمال الكلمات و القراءة و المعاني. ممكن اسميه "نوستالجيا في حباية" لأنه قصير جدا لكن كل كلمة بتلخص سنين من عمرنا و احاسيسنا.

[Youmnaa · Rating 3 out of 5]

واقف بقول بجملت
واقف بقول بناقص
واقف بقول ياريت
واقف بقول يارب

[Mohamed Hussein · Rating 5 out of 5]

جميل جدا

[Hope · Rating 4 out of 5]

أنا مبحبش الشعر بشكل عام، بس الغلقاء مع العامية وصوت الموسيقى في الخلفية كان فيه احساس نوستالجيا غريب من أيام المدرسة والراديو الصبح
حبيت جدا

[Dalia Saad · Rating 4 out of 5]

fb.me/daliasnook

www.daliasnook.blogspot.com

https://www.instagram.com/dalias.nook...

https://pin.it/1k3ficVSo

[Neex To · Rating 3 out of 5]

تجربة جيدة ككتاب صوتي

[Mais Witwit · Rating 3 out of 5]

اشعار بالعامية سمعتها باللهجة المصرية المحببة بصوت عمر طاهر نفسه على تطبيق أبجد. الإلقاء رائع جداً واختيار الموسيقى موفق للغاية!
المقاطع قصيرة جداً لا تتجاوز نص ساعة.

[Salma Kamal · Rating 3 out of 5]

سمعته على ابجد بصوت عمر طاهر ، حاجة عظمة.