迴響（第六期）

迴響 #6

by 迴響粵語文學期刊

1642年，巴黎，冬天，一代權臣黎塞留（Richelieu）卧病在床，佢知道自己陽壽將盡。皇帝路易十三已經有成年冇去探佢病，但喺高燒同昏迷之間，黎塞留好似見到陛下嘅身影。

佢向皇帝獻上最後嘅忠告：「皇權就好似一座堤壩，獨力抵擋下面如水般嘅人民。」

呢段小插曲就係迴響第六期主題「圍牆」嘅靈感。堤壩又好，圍牆又好，面對住恆久嘅波浪同微風，終有一日會被推倒。黎塞留死咗，法國都唔缺英雄人物主宰朝政，但短短一百四十年後就爆發大革命，將一代王朝送上斷頭臺。

今期我哋會帶大家睇下唔同意義嘅圍牆，睇下明朝海禁以下生出一個能夠買起成個日本嘅海賊王，睇下Rem Koolhaas點樣剖析柏林圍牆。希望大家睇到圍牆係點樣屹立，就自然想像到佢點樣崩塌。

今期嘅小說除咗繼續有薛可正同埋做金庸的男人嘅連載，仲有睽違已久嘅余該隱同方麗娜幫我哋就住圍牆呢個主題寫小說。

Paperback

Published December 1, 2020