(مانيكان (بوابات الجحيم #2

بوابات الجحيم #2

by باسم الخشن

كل ما رغب فيه "رأفت" هو مشاهدة أحد أفلام الرعب الجديدة الذي انتظره طوال العام، ولم يكن يعرف أن دخوله إلى قاعة السينما سيكون أسوأ ما يحدث له في يومه.


----

"كل الوجوه تنظر لها نظرات شفقة؛ لكن ليس منهم وجه تألفه.
ثم تتعلق عيناها بوجه مصمت خالٍ من المشاعر؛ لكنه يبدو مألوفًا.. يشبه وجه والدتها.
حين تركض لتمسك بأقدام صاحبة هذا الوجه تكتشف أنها ليست هي، بل مجرد مانيكان ملابس لا يشبه شيئًا مثل ماما."

Genres: Audiobook, Fiction, Thriller, Horror

108 pages, Paperback

Published December 24, 2020

About the author

كاتب مصري ومترجم ولد في لندن حصل على شهادة
الماجيستير من جامعة ويسترن أستراليا في علم الإجرام.
عمل مع كمدرب في عدة دول وعمل أيضا مع منظمة الأمم المتحدة في مشاريع إعادة تأهيل اللاجئين .
تخصص في كتابة الفنتازيا والإثارة

Egyptian author and translator born in London UK.
Graduated from faculty of art Alexandria university
psychology department
has a master degree in Criminology from University of Western Australia.
Specialised in fantasy and thriller

Reviews

[Reem · Rating 4 out of 5]

تاني تجربة لباسم. الأسلوب كويس جدًا والرواية من القراءات الخفيفة اللطيفة. تخلص في يوم أو قعدة سواء صوتي أو ورقي.
يمكن كنت محتاجة اقرا الجزء اللي قبلها عشان أعرف خلفيات الشخصيات وبوابات الجحيم، بس الموضوع مكانش مزعج أو مأزم للدرجة.

[طارق سيد · Rating 4 out of 5]

تجربة مختلفة جديدة ٦ كتاب رعب في ٦ نوفلات مفصلة متصلة #بوابات_الجحيم هل نجحت ؟
تعالى نشوف

https://youtu.be/ljyyodv7SAE

[Hazem Walid · Rating 2 out of 5]

مش عارف لو كان أحسن ابدأ من أول رواية في السلسلة ولا مكنش هيفرق مش عارف..

الرواية بدأت كويسه جدًا جدًا و من بعد قراتها أنا متأكد أن الكاتب لو حب يكتب رواية كاملة رعب هيقدر الترقب و الخوف و الوصف في أول الرواية عظيم..
المولات أماكن الواحد مش متخيلها فاضية، رعب من ماكن كله ناس و أنوار لمكان فاضي تمام مفهوش حد ألا أنت ولا في حد معاك..؟
من رأي أن الرواية ديه-أو الرواية القصيرة- كانت هتكون أحسن لو كانت قصة قصيرة بحدثها الرئيسي و بس فكرة المول و الوحدة التوهم و عدم معرفت ما هو حقيقي من ما هو خيال إلي هو يمكن أول 40-60 صفحة كده
أنا قراتها على مرتين أول جزئية كانت عظيمة بس مع الوقت و التفسير حسيت الموضوع طول.
مش عارف يمكن المشكلة في التفسير بنسبالي معجبنيش كنت حاسس في أول الرواية الموضوع ماشي بطريقة و بعد كده مشي بطريقة تانية
في الأخير الرواية ممتعة و الكاتب هنا في أول الرواية عرف يرسم جو الرعب و القلق كويس أوي.
في انتظار الجزء التاني من زراد :)

[Omnia shafik · Rating 3 out of 5]

يمكن القصة نفسها مش قوية ولكن قلم الكاتب جيد جدا أحب أقرأله مرة تانية.

[Mohammed Esmat · Rating 5 out of 5]

واحدة من روايات باسم المُميّزة جدًا كعادته
باسم أصبح كاتِب مُميّز وقلمه بيتطوَّر بسُرعة وبطريقة مُذهلة
أرشحها جدًا

[Houda Ahmed Kodad · Rating 3 out of 5]

حينما يجتمع رعب المكان والزمان والحدث معاً في قالب واحد، فيحاول كل منهم أن يستحضر مقوماته كاملةً لخلق حالة مثيرة !

هذا بالضبط ما يتضمنه هذا الكتيب ..

[كيرلس عاطف · Rating 5 out of 5]

رأيي في رواية #مانيكان للكاتب Bassem El Kheshen من إنتاج دار ن للنشر والتوزيع

القصة:
بنكمل مع ابطالنا التلاتة من العدد اللي فات، بالاخص (رأفت) اللي بطريقة ما بيتحبس في مول تجاري ضخم بعد ما يقفل، وموبيله بيتبل ويبوظ.. ممكن الموضوع يبان عادي، هيفضل مستني مثلا لحد تاني يوم، لكن المشكله ان ماكينات المكان كلها بتطارده.. وهنا تبدأ الحدوتة

ملحوظات:

١- عجبني ان تم ذكر اغلب التفاصيل من العدد الاول، زي مثلا شغل ال٣ صحاب، وعلاقة البنت بابن خالتها بتاع الارشيف، وتاريخ الست المستبصرة اللي معاهم، وحوار بوابات الجحيم دة ازاي اتفتحت.. يعني ممكن اي حد يقرأ اي عدد وهيفهم كل حاجة عادي من غير ما يتوه او يحس ان ناقصه حاجة

٢- نمط الرواية هنا كان مختلف في ان الابطال بتوعنا مش هم اللي كانوا بيطاردوا السفاح، بل قابلوه بالصدفة. ودي فعلا حاجة منطقية جدا، عشان محسش ان حياتهم كلها مفهاش غير صيد اشباح السفاحين. بل ممكن الاوضاع تتعكس عادي

٣- عجبني برضة حوار السنيما، هنا بنتعرف على حياة الابطال اكتر انهم بشر عاديين ممكن يبقوا اي حد فينا، هم مش مميزين ولا حاجة. وانهم دخلوا فيلم رعب ودة برضة بيقوي بناء الشخصيات، لما قلنا في العدد الاول انهن بيحبوا كل حاجة ليها علاقة بالرعب، والمرة دي بنشوف دليل حي عالكلام دة

٤- الرواية قايمة على نظام ان البطل لازم يجري، احنا في خطر طول الوقت، لو وقفنا لحظة هنموت. النوع دة مميز جدا ومش سهل تلاقيه في اي عمل. حتى المشاهد اللي كنا بنسيب فيها رأفت حبة، كانت بتبقا قصيرة بحيث نرجع تاني لبطلنا المطارد.. انا نفسي كنت بنهج وانا بقرأ

٥- حوار الرز دة خد حيز كبير الصراحة اكتر من اللازم، هو البطل موبيله اتبل فجيه في دماغه انه ينقعه في الرز عشان ينشفه، فضل بقا يجري هنا وينط هنا عشان يحط الموبيل في حلة رز.. مع انه كان في مول يعني لو صب تفكيره على انه يجيب موبيل جديد خالص كانت هتبقا منطقية اكتر

٦- مشاهد حركة المنيكان كانت حلوة وفكرتني بلعبة little nightmares، ولما شفت ان سلاح الشرير الاساسي هو سطور قلت انه سلاح تقليدي كان ممكن يتم تعويضه بحاجة اروش من كدة، لكن بعد كدة لما وصلنا لقرب نهاية الرواية طلع للسلاح دة تاريخ واصل وفعلا مكنش ينفع استبداله باي حاجة

٧- التاريخ بتاع السفاخ كان ناقصه حبة تفاصيل، كان الصراحة محتاج خمس صفحات كمان يتم فيها تفسير اصله وفصله، وهو لية ارتبط بالمنيكان اساسا!

الخلاصة ان رواية مانيكان رواية مميزة جدا، اراهنك انك هتخلصها في ضربة واحدة من فرط الاثارة اللي فيها، وهتحس انك في خطر زي البطل.. ويلا نخش عاللي بعده

#رحلة_البحث_عن_الأفضل
#كيرلس_عافطف

[Mohamed A. Gawad · Rating 5 out of 5]

عمل رائع اخر ، يبدو أن مجموعة بوابات الجحيم هي مجموعة تصلح لتحويلها إلي افلام رعب كابوسية ، مليئة بالأثارة والتشويق والرعب
ثاني روايات هذه المجموعة
رواية مانيكان للكاتب باسم الخشن
دي اول مرة أقرأ للكاتب بس اكيد مش أخر مرة ، اسلوب جميل، سلس
وصفه للأماكن والاحداث رائع ، رواية ممتازة مشوقة
لأبطالنا المسئولين عن فتح بوابات الجحيم "زينب ,رأفت وموسي"
#مراجعات_محمد
#بوابات_الجحيم

[Youssry Effat · Rating 3 out of 5]

عندما يحدثك احدهم عن مخاوفك فترتعب اما عندما يحدثك عن شىء لا يثير فيك الخوف فتخاف
فهذا بشارة خير و كتابه جيدة للغاية .. فى محاولة من الكاتب باسم الخشن للكتابة فى الرعب فأنه
اجاد و ابدع فى حكاية عن شىء بسيط نتعامل معه اغلبنا و هو المول او المركز التجاري
وما بداخله من حكايات .. فأثار و نسج الكاتب من خياله ماذا لو كانت هناك حياة بعد الموعد
الرسمي لللاغلاق .. ماذا لو تكلمت او تحركت المانيكان .. ماذا اذا كانت هذه المانيكانات تحاول قتلك

ربما تستشعر ان هذا الجزء منفصل عن باقي السلسلة و ربما تستشعر و كأنك الكاتب
فضل ان يكون بطله شخصه واحد ليخوض المغامرة لوحده و يساعده باقي الابطال المشتركين فى اجزاء العمل

رواية بسيطة صغيرة ممتعة و تجعلك تفكر كثيرا قبل محاولة حجز تذكرة منتصف الليل فى سينما المول

تقدورا تشوفوا مراجعتى لاول 3 روايات من السلسلة من هنا
https://youtu.be/VXAjfSv0wC4


Instgram : youssrybooks

Youtube : Bookaffe

[Ganna Ashraf · Rating 4 out of 5]

الرواية ديه حلوة أوي.
دهشت عندما أدركت أني شارفت على الانتهاء من الرواية فهذه أول مرة أقوم فيها بذلك، ربما يعود ذلك لصغر حجمها فهي تتكون من 111، صفحة وربما يعود هذا لأنها رواية مكتوبة بمزاج رائق من الكاتب باسم الخشن فخرجت رواية لا تحمل ذرة ملل فلم أشعر إلا بالقلق والإثارة طوال فترة جلوسي لقراءة الرواية.
{وبصراحة أنا أرجح الظن الثاني}
أحببت وصف الكاتب لكل أجواء ذلك المركز التجاري؛ فأشفقت على رأفت وحمدت الله أني لست مكانه، وأعجبتني سلاسة اللغة التي كُتبت بها الرواية وبالحديث عن اللغة فما عاب الرواية هو بعض الأخطاء الإملائية مثل تبديل النقاط بالفصلات وتبديل بعض الحروف كذلك.
وفي النهاية بالتأكيد أنصح بقراءة الرواية وأنصح أيضًا بتوخي الحذر داخل المراكز التجارية وعدم العبث مع أي (مانيكان)

[Khaled Mohamed · Rating 4 out of 5]

اول مرة اقرا لباسم الخشن واكيد مش اخر مرة
الرواية تشدك من اولها لاخرها
فكرة انك تتحبس فمول بعد مايقفل وتحصل الاحداث دي وانت لوحدك فكرة مرعبة فحد ذاتها
احداث الرواية سريعة بس منسقة جدا ومكتوبة صح اوي
شابو باسم

[Ahmed Mostafa · Rating 4 out of 5]

انا هاكتب سطرين بس هيكونوا هما دول الريفيو بتاع الرواية الجميلة دي
"دايما كنت بسأل نفسي يا ترى ايه احساس انك تكون في المدرسة لوحدك بليل .. هل هتجيلك الجرأة انك تلف و تدخل الفصول عاادي و لا هتخاف "

شكرا الباسم الخشن

[Bouchra Ghandi · Rating 5 out of 5]

أسلوب الكاتب باسم الخشن جميل جدا وخفيف اعجبتني القصة

[Rewan Mohamed · Rating 4 out of 5]

تجربة حلو اوي و استمتعت بالكتاب جدا خصوصا بعد م قريت سيامي الكتاب خفيف و يخلص في قعدة و شيق❤️❤️

[ALLA BASIM · Rating 3 out of 5]

الرواية الثانية من سلسلة روايات بأقلام متغيرة وأبطال رابضين على الأرض ، في الحقيقة أجاد الخشن في استمرار الشخصيات بنفس صبغتهم حتى لا ترى فرقا عن نسخة محمد عصمت ، إلا أن الرواية بمجملها ذات حبكة متوسطة لا هي بالجيدة ولا الرديئة ، اللغة والسرد الروائي لا غبار عليه كعادة الكاتب .. وإلى الرواية الثالثة

[ضحى صلاح · Rating 5 out of 5]

العدد ده جسد مخاوفي من المولات
كنت حاطة إيدي على قلبي طول الوقت وأنا بقراه إيه اللي هيحصل
ضحكت في حتت كتير فيه
مخلصه باختصار هتعمل إيه لو أنت نعست في آخر حفلة في السينما وبشكل ما اتحبست جوه مول، ورحت تدور على مخرج لقيت اللي بيطاردك! هو إيه!
المانيكانات!

[Amr Sherien · Rating 3 out of 5]

هذه الروايه كانت تستحق 5 نجوم و لكن لكونها الجزء الثاني من سلسله بوابات الجحيم فلقدت بدت مستقله اكثر من اللازم ناهيك ان الروايه الاولي قدمت تقديم ضعيف للسلسله و بالتبعيه اثرت علي باقي اجزاء السلسله

[رومولا الن emmajain-book · Rating 3 out of 5]

الجزء الثاني من بوابات الجحيم
بهذا الجزء يحبس رأفت داخل المجمع التجاري
ليواجه رعباً جديداً
مع شبح قاتل متسلسل جديد
ولا ننسى ايضا باقي ابطال السلسلة
موسى،زينب وبالطبع روحيه
فلهم دور بهذا جزء
انصح بها ممتعه

[Yahia Belal · Rating 5 out of 5]

اول رواية قرأتها للكاتب و حببتنى فى اسلوبه بشدة.
جعلنى هذا العدد نوعا ما متوترا و انا اقرأه و جعلتنى اكره الذهاب للمولات ليلا خوفا من ان يحدث لى مثل ما حدث فى الرواية. ارشح هذا العدد من سلسلة بوابات الجحيم بشده.

[Shaimaa Zakaria · Rating 3 out of 5]

الكتاب ده بيقع ضمن سلسله اسمها بوابات الجحيم لمجموعه من الكتاب من ضمنهم باسم الخشن وأعتقد أن هذا هو الكتاب الثاني في المجموعه ولكن لا ترتبط السلسلة ببعض.
كتاب يندرج تحت فئة كتب الرعب اسلوب الكاتب شيق يجعلك تنهي الكتاب حتي لو لم تكن مستمتعا بالاحداث أو هذه النوعيه من الكتب.

[Ahmed Gohary · Rating 3 out of 5]

الرواية الثانية من سلسلة بوابات الجحيم

اول قراءة لي لروايات باسم الخشن ،الرواية جيدة وبدايتها مميزة جدا ونهايتها متوسطة تستطيع الانتهاء منها في جلسة قراءة واحدة

[أماني العازمي · Rating 2 out of 5]

مسلية، لا بأس بها، تذكرني بسلسلة صرخة الرعب.
أظن أن اختلاف الكتاب يؤثر على طبيعة الشخصيات، هنا شخصية زينب واضحة شوي، وشخصية حسنين تراجعت شوي!

[Rania · Rating 5 out of 5]

رائعة..
أفضل من الجزء السابق بمراحل
لكن كنت أتمنى حقا معرفة مصير المرأة التي تحولت الى مانيكان في المركز التجاري

[Abdelrhman Khalifa · Rating 5 out of 5]

روعة والله ❤️❤️❤️

[محمد الشافعي · Rating 4 out of 5]

مانيكان – بوابات الجحيم
باسم الخشن
النوع : رعب لايت
دار النشر : ن للنشر والتوزيع
سنة الإصدار:2021م
الطبعة الأولى
عدد الصفحات109 صفحة
الغلاف: جيد (الغلاف ليس من أدوات التقييم للعمل وإنما ابدي به إعجابي من عدمه فقط لا غير)
مصمم الغلاف : عبد الرحمن الصواف
العنوان : بوابات الجحيم .. أسم السلسلة
: مانيكان .. العدد السادس الذي قرأته في السلسلة والأخير، الاسم متعلق بجزء من الأحداث لكن غير مرتبط بجوهر القصة
اللغة والحوار : جيد جدا
الحبكة : جيد جدا
أول مرة أقرأ للكاتب مع أني أمتلك جميع مؤلفاته .. ولذلك أجلت مانيكان لآخر عمل أقراه في السلسلة
لكني لم أتوقع أني أنتهي منه بجلسة واحدة .. المؤلف ألتزم بنمط السلسلة لكنه لم يكن رعب .. ممكن رعب خفيف وألتزم بجميع الشخصيات الأساسية .. ولكن وضع الضوء على رأفت فقط وهذا لم يكن متوقع
والأحداث كلها جعلها في مكان واحد بأسلوب لم يخلو من الرعب الكوميدي الذي نفتقده، ولذلك فهو أكثر جزء من السلسلة استمتعت بيه
بالنسبة للسلسلة ككل .. الفكرة من البداية رائعة وخاصة أن 6 كتاب كل له لونه الخاص يجتمعوا لتكملة رواية بنفس الشخصيات الأساسية .. بشخصيات ثانوية وأحداث مختلفة ، فالفكرة ممتازة لكن تحتاج إلى تجربة مرة أخرى بآلية اكثر دقة فكل جزء من السلسلة كان ينتهي نهاية خاصة به فلماذا لم تكن لها نهاية كما كان بدايتها سيامي
الطباعة جيدة جدا
تصميم الأغلفة فعبد الرحمن الصواف أبدع فيها
تقيمي: 4/5
التقييم للعمل الذي قرأته ليس معناه تقييم للكاتب
وهو تقييم شخصي من الممكن أن تتفق أو تختلف معي فيه

[سما هاني · Rating 4 out of 5]

لذيذة جدًا وخفيفة ومشوقة والأسلوب ساحر ورشيق ولا يخلو من السخرية التي أضافت للعمل طابع خاص❤️
استمتعت بها جدًا❤️

[TAJ ALGADDAFI | تاج القذافي · Rating 2 out of 5]

اول مرة اقرأ للكاتب باسم وكانت تجربة لطيفة نوعا ما.
الرواية خفيفية و سريعه .
الجزء الثاني من بوبات الجحيم افضل بكثير من الاول ، و طريقة سير الاحداث كانت جيدة نوعا .
شعرت ان الكاتب مقيد بعدد صفحات الرواية مثل ما حدث في الجزء الاول فا تجد الاحداث متسارعه ولا تتوقف للتفسير . بس بشكل عام كانت افضل من الجزء الاول بكثير .
فا مثلا مش من الطبعي ان حد يقولي كلمه مش عجباني اطلعلة الساطور و اقطعه و ابيع لحمه ، يعنى تمنيت لو حط خلفية تبين اكثر هو شاف ايه في حياته عشان يوصل للدرجه دي ، قلت يمكن هو سيكوباثي بس تصرفاته كانت عادية تنسان محترم وهادئ ، فا في شيء ناقص في بناء الشخصية بتحس بيه وانت بتقرأها.
شخصية زينب كانت شخصية ثانوية هي و حسنين ، يعني سواء تراجهم او لا هو مش حا ياخد اعدام نثلا يا دوب حد رمى حجر على زجاج يوقعوله على تعهد انه ما يعيدهاش ثاني و يطلبوا منه جبر الضرر و يخرجوه بس.
بس على كلا ما زالت افضل من العك الي قرأته امبارح في الجزء الاول ، هذا كل شيء🧸💛

[Ahmed Charisma · Rating 2 out of 5]

أول مرة أقرأ للكاتب .. اسلوبه كويس والرواية خفيفة .. عجبني التكملة السريعة للجزء الأول بدون مقدمات كتير .. لكن جرعة الرعب كانت أقل كتير جدا .. وحسيت فيها تفاصيل كتير ناقصة .. ٥ من ١٠

[Omar Khaled · Rating 5 out of 5]

باسم الخشن من افضل الكتاب اللى قرأتلهم حتى الان بحيث انه قدر يربطنى من اول الروايه حتى اخرها و بجد كانت تجربه استمتعت فيها بوقع الاحداث المترابطه و بعض النكات ♥️

[Mohamed Shawara · Rating 4 out of 5]

القصة الثانية من مجموعة بوابات الجحيم - والكاتب هذه المرة هو باسم الخشن والذي استطاع بجمال قلمه أن يجعلني أنهي الرواية على مرتين!

الرواية ظريفة وأبطالها نفس الثلاثة من الجزء الأول: موسى ورأفت وزينب وهم شركاء في مطعم ويحبون الرعب وحكاياته. أحد الأبطال ينام من التعب ليستيقظ فيجد نفسه وحيداً في مركز تجاري وقد اغلقت أبوابه وأنواره فيواجه أحداث غريبة ومخيفة بل مرعبة!

الفصحى هي لغة السرد والحوار - وهي رواية قصيرة شيقة وأحداثها سريعة ومتتالية.