الأرض والعيال

by عبد الرحمن الأبنودي

Genres: Poetry

239 pages, Unknown Binding

First published January 1, 1975

About the author

عبد الرحمن الابنودي واحداً من أشهر شعراء الشعر العامية في مصر و العالم العربي شهدت معه وعلى يديه القصيدة العامية مرحلة انتقالية مهمة في تاريخها كتب لكبار المطربين وتنوعت اعماله مابين العاطفي والوطني والشعبي ولد عام 1938م في قرية أبنود بمحافظة قنا في صعيد مصر، لأب كان يعمل مأذوناً شرعياً، وانتقل إلى مدينه قنا حيث استمع إلى اغاني السيرة الهلالية التي تأثر بها.
من أشهر أعماله السيرة الهلالية التي جمعها من شعراء الصعيد ولم يؤلفها. ومن أشهر كتبه كتاب (أيامي الحلوة) والذي نشره في حلقات منفصلة في ملحق أيامنا الحلوة بجريدة الأهرام تم جمعها في هذا الكتاب بأجزائه الثلاثة، وفيه يحكي الأبنودي قصصاً وأحداثاً مختلفة من حياته في صعيد مصر

حصل الأبنودي على جائزة الدولة التقديرية عام 2001، ليكون بذلك أول شاعر عامية مصري يفوز بجائزة الدولة التقديرية

Reviews

[Mohamed Ramadan · Rating 3 out of 5]

أنا خدت ع الضلمه ..
والليل بلا قضبان ولا سجان
أنا شابه فيه فى الغُسل
عريانه .. متشافه بلا أكفان.
ياللى ما طال ينضرنى وانا حيّه
أنا ع السرير
عورة .. بلا حرمه .. بلا غيطان.
شعرى سنابل قمح من غير حَب
وعلى شفايفى كلام بلا معنى
حدوته بلا معنى ..
حدوته مصريه بلا معنى.

⭐️⭐️⭐️

حبيبتى مات الولد
ليه مات ويَتَّمْنِى ..؟
ياريت ما كانشى حبَ
ياريت ما قطعوا العود.
يعملها ليه ويموت..؟
ليه.. ليه يغربنى؟
ليه قبل ما يقْطع عنى حبال حزنى..؟
ليه مات وانا قاعد
قاعد هنا ومشدود؟
شفت قناديلى والليل عليا طال
مستنى واد أسمر.. يكمل الموال.

⭐️⭐️⭐️

أرجوكى ما تروحيش بعيد
أصل الوحيد يومه بسنة.
والأعمى أصله مننا
عكَّازُه كلمه حنيّنه
يكفيه يشم نفس بنيّه طيبه
يا بنتى
لوجربتى يوم ريحة ضنا.

‎~2026 تمت القراءة في مايو~

[Kamal · Rating 3 out of 5]

لو تسمح النجمة اللي حمِّلها القمر ليا السلام
حبة تميل لي.. أوشوشها الكلام
متآخذنيش
الليل هنا علمني أخاف وما أختشيش
من مُدة الحُمّى ما قشّت كل شيء
وأنا بعد ما باسلّم..
باطير أغسل إيديّ.
وأطلعْ جبال الحبَّهان
أقرا على جيراني وصحابي الميتين
(سورة ياسين)
وأرجع حزين الفكر مهموم الجبين
وأقعد هنا
تحت الضَّلام ده..
لوحدي
أحلم بالقمر.

[شريف سالم · Rating 4 out of 5]

الابنودي الذي لا ينتهي من الابهار

[Ahmad Medhat · Rating 4 out of 5]

ما زلت عند رأيي في شِعر الأبنودي.. الأبنودي شاعر يُسمَع لا يُقرأ.. معظم متعة كتاباته و تأثيرها تتلخص في قدرته الجبّارة على الإلقاء و مَسّرحة القصيدة، و لكن هذا لم يمنعني من أن أستمتع بهذا الديوان و أحبه
أول ما أصدر الأبنودي من كتب هو هذا الديوان .. أصدره عام 1964
يضم الديوان مجموعة من القصائد تتفاوت في جمالها الأدبي و صنعتها
و لكن عندما تتذكر أن هذا هو العمل الأول للشاعر، فلابد أن تُذهل من ارتفاع المستوى الفني للقصائد! مقارنة بما يحتويه العمل الأول لمعظم الشعراء من سقطات و ميل للتجريب و التعلُّم

مواضيع القصائد شبه محددة: الأرض - الفلاحين الفقراء و أجسادهم النحيلة الممصوصة - البنت الريفية باهرة الحُسن رغم فقرها - النيل - غُربة الفلاح المهاجر إلى المدينة و ضياعه النفسي في زحامها


أفضل قصيدة و التي أبكتني : حطب القطن

رابط استماع للقصيدة
http://www.youtube.com/watch?v=dKPY99...

و يبقى الأبنودي - عن صدق - هو الخال

[Eman Emad]

هحتاج أقراه مرة كمان.

[Ahmed Abdelhafiz · Rating 3 out of 5]

طول ما انتى مش قاعدة هنا
الدنيا كلمة سوده .. نعقة بومة .. أَنّة .. طَنْطنة
الدنيا ريحتها في عينيا منتّنة .. ومصنّنة
أرجوكي ما تروحيش بعيد
أصل الوحيد يومه بسنة
والأعمي اصله مننا
عكَّازه كلمة حنيّنة
يكفيه يشم نَفَس بنيّة طيبة
يا بنتى
لو جربتى يوم ريحة ضَنا

[Ahmed Ibrahim · Rating 4 out of 5]

من اجمل دواوين الخال <3

[Amira Ragap · Rating 3 out of 5]

اعفيني م الكتَّاب يومين
عايز أصيع وأرمي الدواية والقراية لحظتين
واتمشى في الأزهر
وازور سيدنا الحسين
حاسس في فكي بضرس عقل
حاسس بقيمتي في المجال
أنا يا سيدنا صبي
ساعات باقول الحكمه ما يقولهاش نبي
وساعات غبي

[Mostafa Atiea · Rating 3 out of 5]

فى البدء .. الأبنودى -برغم انه عرص- يحمل نبوءة بغيرالنبوة ف على حد علمى ان المرة الاولى التى ينشر فيها هذا الديوان كانت فى ستينيات القرن الماضى .. و ها هنا اجد الشاعر قد انهى ديوانه بكلمات اقسى من برد "طوبة" و الرطوبة التى تنخر العظام .. كلمات تقول عن هذه الأيام .. يقول :

"يا نجمتى
شفتيش بلد زي البلد دي عمركيش ؟!
الموت فى تربتها اتشتل
و السجن قضبان
فى طريقنا بتنفتل ..
و اللى انقتل ..
مابينبكيش !
شفتيش بلد زي البلد دى عمركيش ؟! "
بعض القصائد لم ترق لى و لكن متعتى بباقى القصائد غطت على تلك التى لم ترق ..

[Karim Hikal · Rating 4 out of 5]

من أروع ما قرأت للأبنودى :)
ديوان بديع اكثر القصائد جذباً لي " مجنون "
وأكثر المقاطع جذبا لي
إن قالوا مجنون صدقوا"
وإن قالوا بيموت م الغرق
شلال شعورها وبغرقه
وما دام ما برفعش الدراع وبقول ياهوه
سيبونى أغرق للأبد
سيبوا الشراع يركع لموجته تدعكه ."
ما أروعك ياخال

[Lio Lio · Rating 4 out of 5]

ديواني المفضل للأبنودي خصوصاً قصيدتي - مجنون و حطب القطن - بيجرحوا طول الوقت شيء فيّا كأنهم ﻷول مرّة ..

[محمود عبدالناصر · Rating 3 out of 5]

مولود شاعر . لا مولود شاعر كبير

[eset · Rating 4 out of 5]

الديوان يعتبر طفل الابنودى المبكر المبدع الساحر والجميل والناضج رغم الصغر

[أحمد صــــلاح · Rating 4 out of 5]

كنت متوقع
إن الديوان يكون مستواه جيد
على أساس إنه يعتبر من أوائل الحاجات
اللي نشرها الخال
لكن على غير المتوقع
الديوان كان فاضله خطوتين على الممتاز
الخال تقريبا طبيعة كلامه هي شعره
وروحه شعره وأبنود روحه
وأهله حروفه
والدنيا كلها عبارة عن ابنود كبيرة
في عينيه وأبنود الصغيرة هي الدنيا الكبيرة
أبنود والصعيد باين في كل حتة في الديوان
ريحة الديوان ... مدية على ريحة أبنود
تشوف العيال الصغيرة تلاقيها عيال الصعيد
الكبار إن يتكلموا تلاقي عزة نفس برغم الفقر
المدينة بتاكل أولاد القرية البسيطة
ولما تيجي تحاول تقرقشهم .. تلاقيهم هما اللي قرقشوها
وكتبوها ونشروها على الحبال
وفرجوا البعيد والقريب على قد إيه
هي بنت مراهقة حلوة آه .. لكنها كل يوم بوش
كل يوم بلون .. كل يوم بحبيب
مالهاش أغنية مفضلة
قصيدتها المفضلة الوحيدة هي اللاقصيدة
القمر وأهل أبنود صحاب
وهما والأرض إخوات
وهما والنيل علاقتهم علاقة فريدة
كعادة كل أهل الريف والفلاحين
واللي بياكلوا من عرق النيل قبل عرقهم
كل تفصيلة صغيرة
ليها معنى
الديوان .. ماكانش فتحة خير على الخال
لأ .. ده كان فتحة خير على أبنود

[Eslam samir]

بعشق الأبنودي يعني

[Ahmed El-Shahawy · Rating 4 out of 5]

من ألف كدبة بتتولد
يا غنوتي المسلولة من ألف كدبة
شدي حزامك وارقصي فوق البلد
وانهجي في لسان ولد

ميتشبعش منه .. وأكيد بعد ما يرجح لصاحبه هطُلّ عليه من حين لآخر

[محمد مصباح · Rating 3 out of 5]

لما دا أول ديوان ينشره يبقي عظيم جداً

[Doaa Sultan · Rating 4 out of 5]

عظيم جدا لكونه اول ديوان يتنشر.. فيه قصايد كتير عجبتني .. اغلبها عن الارض والطين والفلاحين
استمتعت بيه

[Amir mogy · Rating 1 out of 5]

الخال ليه حاجات أجمل من كدا ألف مرة

[Gamal elneel · Rating 3 out of 5]

يا نجمتى

شفتيش بلد زى دى عمركيش

الموت فى ترابها اتشتل

والسجن قضبان فى طريقها اتفتل

واللى اتقتل ما بينبكيش؟

شفتيش بلد زى دى عمركيش ؟!

[Heba Tariq · Rating 4 out of 5]

ءلكن انتي يا ام المغني يا عايقة يا متجلية في كل ميعاد..
نغمك صياد

[Ahmed Mohsen · Rating 2 out of 5]

معجبنيش