Olivetti

by Aitziber Etxeberria Garro

Haserre dago Ingrid. Bakarrik. Ez du pozik sentitzeko arrazoi handirik. Ama, haurra zela hil zitzaion. Hamar urte baino gehiago dira, Irene, ahizpa ikusten ez duela. Aita berriki hil da. Notarioaren bisita tramite hutsa izango dela pentsatzen du. Testamentuak, ordea, aitaren azken borondatea ez ezik amarena dakar. Beretzat esanahirik ez duen Olivetti idazmakina baten argazki zahar bat eta ulertzen ez duen aipamen bat nahikoa izango dira bere bizitza hankaz gora jartzeko. Gurasoen iragana eta bere haurtzaroa goitik behera miatzera eramango du egoera horrek. Ikerketan egindako urrats bakoitzak amari buruz zekien guztia zalantzan jartzera bultzatuko du. Badirudi ezer ez dela uste zuena bezala. Hainbeste urtez ezkutuan mantendu diren gertaerak argitzea bizi-erronka bilakatuko da Ingridentzat, ama ezagutzen lagunduko diona. Ezustez beteriko bide malkartsu horretan Dusty tatuatzailea izango da bere laguntzaile nagusia.

240 pages, Paperback

Published November 12, 2020

Reviews

[Mi · Rating 5 out of 5]

Istorioa orainaldian eta lehenengo pertsonan idatzita dagoelarik gertutasuna sentiarazi dit idazleak.
Aparta iruditu zait Ingriden egonezina, haserrea, goibeltasuna, atsekabea adierazteko modua.

Testamentuarekin agertzen den misterioa nola argituko den jakin-minez irrikan izan nau bukaeraraino.

Euskera batuan idatzia, esaldi eta kapitulu laburrez. Irakurtzeko oso erraza da. Euskaldun berrientzako edo euskeraz irakurtzeko ohitura berreskuratzeko aproposa.

Aitziberrek ez digu amaiera guztiz itxi. Jarraipenen batekin ote dabil?

[Olatz · Rating 2 out of 5]

2,5⭐️