Ад үзэгдэх зориг

by Кишими Ичиро, Кога Фүмитакэ

Unknown Binding

Reviews

[Saruul Ganbaatar · Rating 4 out of 5]

Энэхүү номонд хүмүүс яагаад зовдог талаар гардаг бөгөөд энэ бүхний шалтгаан нь бидний харах өнцөг буюу тархин дотор бий болж буй бодлуудаас шалтгаадаг. Ямар ч амьдралтай хүн байсан энэхүү номыг уншин, амьдралдаа хэрэгжүүлснээр амьдралаа гэрэл гэгээтэйгээр харах боломж бүрдэнэ гэж бодож байна. Энэ номыг багцалж тайлбарлавал:
1. Ихэнх хүмүүс надад ийм зүйл тохиолдсон учраас би ингэж зовж байна хэмээн ярьдаг. Гэвч энэ нь зөвхөн өнгөрсөн бөгөөд хүмүүс өөрийгөө ирээдүйд тохиолдох ямар нэгэн зүйлээс хамгаалсандаа өөрийгөө тэр зовлонт нөхцөл байдалдаа хайрцаглаж орхидог.
2. Хүмүүс бусад хүмүүсийн юу гэж бодох гэх мэтчилэн зүйлд их анхаарлаа хандуулснаар өөрийгөө зовлонд унагаж байдаг. Гэвч өөрийнхөөрөө эрх чөлөөтэй амьдрахын тулд тэр зүйлийг таягдан хаяж сурах хэрэгтэй. Үүний тулд ад үзэгдэх зориг хэмээх зүйл хэрэг болж байдаг. Тэр хүн чамайг тэгж бодож байгаа нь тэр хүний л асуудал болохоос биш чиний асуудал биш юм. Энэ амьдралд өөртөө л хайртай байх нь хамгийн чухал юм. Миний анзаарснаар хүмүүсийн шүүмж үгнээс болж, өөртөө итгэх итгэлээ алдан, үүнээс үүдэн өөрийгөө хайрлах хайраа гээдэг юм шиг. Тиймээс тэр хүмүүсийн бодол тэр хүмүүсдээ л үлдэг гээд, өөрийн бодол, өөрийн амьдралдаа эзэн болох хэрэгтэй.
3. Энд одоог чухалчлан амьдрах нь хамгийн чухал зүйл юм. Бидэнд байгаа хамгийн үнэ цэнэтэй зүйл бол одоо цаг хугацаа. Одоо бидний хийж буй зүйлс хэдэн хормын дараа өнгөрсөн болж, одоо бидний хийж буй зүйлс ирээдүйг тодорхойлж байдаг. Тиймээс одоо цаг хугацаандаа төвлөрч хүссэн зүйлсээ хийж амьдар. Ирээдүйн санаа зоволт, өнгөрсний шаналал бол ямар ч утга учиргүй зүйлс юм. Амьдрал бол зураас биш, амьдрал бол тасралтгүй үргэлжлэх цэг юм. Өөрөөр хэлбэл, маш олон одоо цагийн нийлбэр.
4. Амьдралаас утга учир хайх хэрэггүй, амьдрал угаасаа утга учиргүй. Энэ нь өөрөө эрх чөлөө бөгөөд өөрийн амьдралын утга учрыг өөрөө бий болгож, өөрийнхөө хүссэн амьдралаар амьдрах эрх чөлөө юм.
Эцэст нь хэлэхэд энэ ном бол бидний амьдралд алхам тутамд тохиолддог асуудлуудыг энгийн бөгөөд ойлгомжтойгоор, яг л орооцолдсон утсыг тайлж буй мэт тархины зангилааг тайлсан сургамжтай ном байлаа. Дээр дурьдагдсан зүйлсийг илүү нарийвчлан ойлгохыг хүсвэл энэхүү номын уншаарай хэмээн зөвлөж байна.

[Sanna · Rating 3 out of 5]

Анх Алфред Адлерийг "Амьдралын тухай шинжлэх ухаан" бүтээлээс нь таньдаг болж билээ. Харин энэхүү бүтээлд Адлерийн бодгалч үзэл, бие даасан амьдралын тухай илүү ойлгомжтойгоор өгүүлэхийг зорьжээ. Яг л миний салах гэж хичээж буй гутранга хандлагатай залуу, эрдэм мэдлэгт төгс гэмээр философичийг зорин хүн хоорондын энэ тэнцүү харилцан яриагаар үзэл бодлоо үнэн, зөв эсэхт эргэлзэлгүй мэтгэлцэж байна. Миний хувьд бусадтай холбоотой харилцан хамаарал, асуудлынхаа үед уншсан нь цагаа олсон тусаа хүргэлээ.
Өөрийгөө танин мэдэх, ухах ажлаа ардаа орхиод хэт бусдыг аврах гэж, асуудлыг нь засах гэж хичээдэг байсан нь өөрөө бие даагаагүй, өөрийнхөө төсөөллөөр л хандсан хэрэг байсан ч юм шиг санагдсан. Ямартай ч хөнгөрсөн. 2 дахь боть болох "Жаргалтай болох зориг" номыг уншсан ч ахиад үргэлжлүүлэн нэг унших сэдэл өглөө.

[Anaru Eba · Rating 5 out of 5]

Барин тавин бодон эргэцүүлж уншаад дуусгахад цээж дүүрэн амьсгал авч яг "энд,одоо"-д хүрээд ирэх шиг болов. Хэнтэй, юутай ч уралдахгүй, харьцуулагдахгүй, өөрийн тасралтгүй урагшлах агшнуудыг өнгөлмөөр... Тэмдэглэж авсан олон зүйлээ бага багаар амьдралдаа хэвшүүлж сурах гэж бас овоо л юм болох байх... Гэхдээ их л зориг ороод явчихав :P

[Nomiko_med · Rating 5 out of 5]

Дутуугийн мэдрэмж, дутуугийн комплекс, давуу чанарын комплекс, хуурмаг давуу чанарын мэдрэмж зэрэг ихэнх хүмүүсийн мэддэг ч миний мэддэггүй олон утга санаануудыг энгийн үгээр тайлбарлан хүргэжээ. Энэ номыг уншихад философи, сэтгэл судлал их сонирхолтой санагдаж, цааш дэлгэрүүлэн судалмаар санагдав 2 хүний харилцан яриагаар дүрслэн бичигдсэн нь таалагдаж “залуу”-ийн оронд өөрийгөө тавьж ойлгохгүй байгаа, асуухыг хүссэн зүйлийг минь мэдсэн юм шиг л лавшруулан асуух хэлбэрээр тайлбарласан байна. Угтаа энэ ном миний хувьд “шинэ зүйл, шинэ ертөнц” байлаа. Алфред Адлерын онолыг хэрэгжүүлэх нь хэцүү санагдсан ч илүү ихийг мэдмээр байна.

[Хулан Г. · Rating 5 out of 5]

Хэн нэгэнд бүр өөртөө ч ад үзэгдэх зоригтой байна гэдэг боломжтой юу?
Зориг гэдэг бидний боддог шиг хэн нэгэнд өөрийгөө батлан харуулахын төлөөх үйлдэл үү? Магадгүй хүн бүрийн хувьд өөр байх биз. Өдөр бүрийн хийдэг үйлдэл. Аз жаргалын төлөөх амьдрал. Гэвч бид хэзээ аз жаргалтай байдаг вэ? Аз жаргалыг хайж явах зам зууртаа юу эсвэл хүрсэн гэж бодох үедээ юу. Айдаа . Хүрэх цэгээс илүү туулах зам нь хөгжилтэй баймаарсандаа.
Бүхий лзовлонгийн эхлэл нь ХҮН хоорондын харилцаа ажээ. Эргэн бодохнээ тийм ч юм шиг, сөхөн харахнээ эргэлзмээр ч юм шиг. Зовлонгүй жаргал гэж нэгээхэн ч үгүй билээ

[Анударь Ганболд · Rating 5 out of 5]

Энэ ном нь хүнийг ухааруулсан ном бөгөөд хүний боддог бүх л зүйлийг болон бодит байдлыг няцаасан. Мөн хүн хоорондын харилцааны утга учир, асуудлуудаа хэрхэн ангилах талаар маш сургамжтай өгүүлсэн. Хэдэн ч насны хүн өөрийнхөө амьдхалын хэв маягийг хүссэннээрээ өөрчлөх боломтой гэдгийг харуулсан. Харилцан ярианы хэв маягаар бичсэн нь маш ойлгомжтой хүртээлтэй бүтээл болсон.

[Б. Мөнхжаргал · Rating 5 out of 5]

Уншихад амар хэлбэрээр бичигдсэн ч яагаад ч нэг дор уншиж чадамгүй бүтээл. Нэг бүлэгийг нь уншихад л тархи ачааллаар дүүрч бодолд автуулах хэмжээний ухаарал хайралж амьдралыг, оршин буй бүгдийг өөр өнцөгөөс харахад тусласан ном байлаа.

[Oyuntsetseg · Rating 4 out of 5]

Өвөрмөц хэлбэрээр бичигдсэн. Уншихад гэмгүй л ном.

[Uka · Rating 5 out of 5]

Анх уншихдаа сайн ойлгоогүй л дээ. Амьдрал дээр яг буухгүй гэсэн үзэл бодолтой байсан. Залуу шиг. Гэхдээ философич маш сайн тайлбарлаж байсан учраас санал нийлсэн үү. Тиймээс нийлсэн.

[Amartuvshin Bayarmagnai · Rating 5 out of 5]

Сэтгэл зүйчтэй ярилцсан мэт л боллоо...

[Bodio · Rating 3 out of 5]

Yaj unshfdag ym bol nomoo

[Erdenetsetseg Enkhtur · Rating 5 out of 5]

Нээрээ тийм юм байна тээ...гэдэг бодолууд олон төрлөө.


Яг Энд, одоо хурцаар тод гэрэлт🤍

[mystv · Rating 5 out of 5]

Анх энэ номыг уншиж эхэлхэд маш жоохон байжээ амьдралыг харах нүдээ ч нээгээгүй байх үедээ филсофи ериөнц рүү ррж амьдралыг ойлгож билээ

[Uyanga Gavaa · Rating 4 out of 5]

Ном их уншдаг хүмүүсийн иш татдаг, магтан дуулдаг номнуудын нэг юм билээ.

Гэтэл надад тэгтлээ их сэтгэгдэл төрүүлсэнгүй. Дэвшүүлсэн санаануудынх нь ихэнх надад танил, ойлгоод хүлээн зөвшөөрсөн санаанууд байх шиг санагдсан. Тэгтэл бас яг тэр санаануудыг амьдралдаа хэрэгжүүлдэггүй шиг болоод байгаа юм би (эгчийн маань хэлснээр :-) Тэгэхээр зүгээр онолын хувьд ойлгож, хүлээн зөвшөөрдөг ч амьдрал дээрээ хэрэгжүүлж чаддаггүй юм болуу даа. Бага залуугаасаа л сэтгэлээ чагнаж, өнгийж, чих тавьж сурсан болохоор тойрч болох асуудлаас бол тойроод гарчихдаг л гэж өөрийгөө боддог юм уул нь кк

Ямар ч байсан олон хүнийг сэтгэлийн шаналал, бухимдал, гутрал цөхрөлөөс гэтэлгэх хүчтэй санаанууд орсон байдаг ном гэж ойлгосон. Сэтгэлзүй сонирхож байгаа, эсвэл өөрийн сэтгэлзүйгээ ойлгохыг хичээж байгаа хүмүүст уншихыг зөвлөнөө.

[Sarangoo Sainkhuu · Rating 5 out of 5]

#Бид өөрийн болоод өрөөлийн асуудлыг ангилж; бусдын бодол, үнэлэмжид хүлэгдэлгүй тууштай бөгөөд зоригтойгоор өөрийн луужингаа даган хорвоогийн уудам талд анхаарлаа хандуулаарай.
Turn on your 🔦 brightly