رعب الفيروس

by Ahmed Farahat

في أحد معامل الفيروسات بمدينة (يوهان)، يتعرض الباحث (تشين) لحادث داخل غرفة الأبحاث، ويحاول إخفاء الأمر، بيد أنه يصاب بفيروس مجهول ويتسبب بنشر وباء عبر مدينة (يوهان) بأكملها. ويظهر طبيب الأوبئة الشهير (وانج وي) ليحاول منع انتشار الوباء، ولكن الأمر يخرج عن السيطرة ويتسبب المرض الغامض في نشر الرعب والهلع في جميع أنحاء المدينة، وسط تكتم السلطات المختصة.

372 pages, Paperback

First published January 20, 2021

About the author

أحمد فرحات: كاتب، وروائي، ومترجم مصري «عضو اتحاد كتَّاب مصر»
من مواليد عام 1983 بمدينة القاهرة، تخرج من كلية التجارة بجامعة عين شمس عام 2009.
بدأ الكتابة عام 2015، وتفرغ لها عام 2017 بكتابة كتاب «تاريخ الفكر الإنساني» الصادر عام 2018.
بدأ كتابة أول أعماله الروائية «خيڨا» عام 2019، ونشرت الطبعة الأولى عام 2020 بمعرض القاهرة الدولي للكتاب، وتأهلت الرواية للقائمة الطويلة لجائزة الشيخ زايد دورة 2020، وترشحت لعدة جوائز أخرى منها الجائزة الدولية للرواية العربية (بوكر).
ممثل الشباب، والمسئول عن وضع تصور عملي للنهوض بالثقافة بمؤتمر "مستقبل الثقافة في مصر" 2023 المقام تحت إشراف اتحاد كتاب مصر.
شارك في موسوعة تراث الإنسانية للنشء والشباب الخاصة بمكتبة الإسكندرية بكتاب «الخوارزمي: رجل غيَّر تاريخ العلم».

صدر له خمس روايات:
- «خيڨا» عام 2020
- «رحلة إلى السجل المدني» عام 2021
- «إيكولوجي» عام 2022
- «رعب الفيروس» عام 2022
- «76 عاما: مسيرة ابن خلدون» عام 2024

وثمانية كتب:
- «تاريخ الفكر الإنساني» عام 2018
- «الثقافة العربية المعاصرة» عام 2022
- «كواليس وحكايات كرة القدم» عام 2023
- «مستقبل الثقافة» عام 2023
- «الخوارزمي: رجل غيَّر تاريخ العلم» عام 2023
- «ابن رشد: آخر فلاسفة العرب» عام 2023
- «الكتابة في الظلام» عام 2024
- «آخر أيام الحشاشين» عام 2024

وترجمتان:
- رواية الجانب الآخر من الملعب (إتش إن خان) عام 2025
- رواية ملكة الأيام (جريتا كيلي) عام 2025

Reviews

[Sara EL-Sayed · Rating 5 out of 5]

‏‎رعب الفيروس رواية متفائلة بيها من ساعة ما كانت حلقات صغيرة على تويتر وكانت جزء مهم بستناه في يومي، رواية متعوب فيها أوي وباين دا في كل كلمة فيها، رواية هتسحلك معاها من اولها وتقلق وتتوتر وتفكر وتتعب وتنجح وتفشل مع ابطالها..
‏رواية مش سهلة خالص واقعية بشكل يخض يعني مفيش حاجة فيها سالكة كده لازم يحصل حاجة تصعب الهدف اللي المفروض يوصلوله زي ما بيحصل لأي حد في الدنيا عاوز يعمل حاجة 😂
لو فاكر انك هتدخل الرواية دي تتسلى بس أو تقرأ قصة حلوة ف أنت غلط، الرواية دي فيها كم معلومات كبير اوي هتسفيد منه، ‏هتلاقي معلومات عن الفيروسات، هتلاقي معلومات عن اوبئة وأمراض خدت أرواح ملايين من البشر، هتلاقي معلومات عن معامل دراسة الفيروسات دي وازاي بيشتغلوا فيها وازاي بيوصلوا للقاح في الاخر، هتلاقي معلومات عن انظمة سياسية حاكمة فاسدة وازاي بيفكروا وبياخدوا قرارات لمصالحهم الشخصية ‏قبل مصالح الشعب اللي بيحكموه، هتلاقي معلومات عن الإنترنت وشبكات الحماية وطريقة عملها وفكرة انهم يخترقوها بتمشي ازاي.
كل دي معلومات هتحسسك قد ايه الرواية متعوب فيها فعلا في البحث والتنسيق وازاي يزودك بالمعلومة دي وتحس انها جزء من القصة عادي..

‏الشخصيات 😍
تنوع الشخصيات في الرواية عجبني جدًا الحقيقة ومتعوب فيه برضه كل شخصية ليها حكاية ومتوضح جذورها وايه اللي وصلها لشكلها النهائي دا ..
هتلاقي شخصية الدكتور القائد اللي عنده ثبات ويقدر يتصرف تحت ضغط وياخد قرارات ناجحة، هتلاقي شخصية الجبان اللي اتربى طول عمره انه يمشي جمب الحيط ودا نتيجة لظروف سياسة حكم البلد، ‏هتلاقي دكتورة بتحاول تثبت نفسها بشتى الطرق في مجتمع ومكان عمل ذكوري عايشة وبتشتغل فيه، هتلاقي المبرمج الذكي الشجاع الجدع اللي مفكرش مرتين عشان يقبل مساعدة صديقه مع انه مدرك الخطر اللي هيبقى فيه، هتلاقي شخصية صاحب المنصب المهزوز اللي حاسس بالتهديد من أي حد ناجح ومبيفكرش مرتين قبل ما يدمره، هتلاقي واحد كل شغلته في الحياة ازاي يزيف الحقايق للرأي العام ويعمل قصة تتصدق عشان يداري على مصايب المسؤولين وهكذا..

التفاصيل..
الاهتمام بالتفاصيل حلو أوي ودقيق، يعني مثلاً هتلاقي تفاصيل صغيرة كده بس بتفرق زي انهم معندهمش واتساب زينا بس عندهم برنامج تاني اسمه وي تشات، معندهمش تويتر عندهم برنامج زيه اسمه ويبو، وفي مرة كان بطل من الابطال بيعمل أكل والكاتب أهتم حتى بالأكلة إيه هي ومقاديرها، دا حتى في شخصية ظهرت في أول الرواية في جزء بسيط الكاتب منسيهاش في الاخر مع اني شخصيًا كنت نسيتها 🤭

‏اخيرًا الرواية دي تعتبر نموذج لل team work في الحقيقة هي ملهاش بطل كلهم أبطال ❤️


اقروها مش هتندموا بالعكس هتقضوا وقت لطيف وهتستفادوا كمان