كوابيس قبل النوم 2

كوابيس قبل النوم #2

by عبدالرحمن حجاج

‏نستكمل في الجزء الثاني من رواية كوابيس قبل النوم قصة الطبيب النفسي يونس أحمد الليل والذي يعاني من الكثير من الاضطرابات بسبب ماضيه الغريب والمظلم ‏والذي يجد نفسه في أحداث الجزء الثاني أمام المزيد من الأسرار التي ترتبط بطفولته وقصته مع والديه وزوجته الأولى ياسمين، يجد نفسه أمام المزيد من الأسرار المظلمة والذي يجب عليه أن يحلها جميعا في مصحة مخيفة بمفرده‏ وإلا سيخسر كل شيء

Paperback

Published February 20, 2021

About the author

عبدالرحمن حجاج
كاتب وروائي مصري، تخرج من كلية الاعلام قسم اذاعة وتلفزيون، تصدرت رواياته قائمة الأكثر مبيعاً في مصر والدول العربية، صدر له العديد من الروايات أهمها السكان الأصليين للقلب، حاوي وثلاثية كوابيس قبل النوم.

Reviews

[Donia Darwish · Rating 3 out of 5]

كيف لى أن أدرك ما الحقيقى وما الخيالى فى حياتى بعد الآن؟!

مبدأيا علشان تفهم الجزء التانى من الرواية لازم تكون قاريت الجزء الأول ومن قريب علشان مش تحتاس حوستى 🙆‍♀️ الفكرة أنى قاريت الجزء الأول من شهر ٨ / ٢٠٢٠ فنصيحة منى اقرا الجزئين ورا بعض علشان مش تتهوه فى الأحداث😁

من محاولات تجميع الأبطال والأحداث كنت هدخل المصحة مع يونس مش كده 🤪

يونس الشخصية المضطربة نفسيا اللى قابلناها فى الجزء الأول بهلاوسه وكوابيسه هنشوفه فى الجزء التانى بشخصية مختلفة ...

جواب من زوجته ( اللى كان فاكر أنها ماتت) غير توجهاته وعلى أثره قرر يونس أنه يسيب أسوان ويرجع للبحث عن زوجته ياسمين (فى مصحة الموت الأسود ) وديه نفس المصحة اللى كان بيتعالج فيها فى الجزء الأول ...

رحلة هيتعرض ليها يونس داخل المصحة هيكتشف ما وراء مصحة الموت الأسود و أثناء بحثه عن نفسه وعن زوجته ... هيقابل حالات وهيتعاطف معاها بس الغريب أن بعض الحالات هيفجروا ليه مفاجآت كتير ...

الرواية مليئة بالأحداث ... حسيت بس بلغبطة وملل شوية فى بداية الرواية لحد ما جمعت احداث الجزء الأول كنت أفضل أن يكون فى بريف كده فى رغيف للجزء الاول ...
لالا لا قصدى نبذة يعنى فى بداية الرواية الجزء ٢ 🙋🏼‍♀️) 😁

ابتداء من النصف الثانى للرواية هتلاقى تحول تام فى الأحداث ومفاجآت كتير غيرت مسار الرواية ...👇🏻

"الإنتقام عامل زى القهوة ، لازم يتعمل على نار هادية علشان يطلع مظبوط".
الإنتقام ☝🏼 وده اللى غير مسار الرواية فعلا 😟

كثيرا ما سمعنا عن نظريات المؤامرة أو أن يتحد البعض للقضاء على شخص لسبب ما، ولكن كيف لكل هؤلاء أن يتحدوا على أذية شخص واحد ليحاسب على جريمة لم يرتكبها وخيانة لم يقم بها؟!


*ملحوظة صغيرة كده ويارب مكونش تقلت عليكم 😁

عندى اعتراض على حاجة بسيطة فى الرواية وهى شرح وتعريف بعض الأمراض النفسية بشكل علمى بحت ( هى معلومات حلوة جداااا بس مش فى محلها ) كنت أفضل أنها تتكتب فى الهامش مش بين صفحات الرواية لأنها كانت بتفصلنى عن الأحداث).

[Nourhan Abuelyazed · Rating 5 out of 5]

فخورة أني أول قارئة تخلص الرواية في وقت قياسي كمان 🤗
من أول لما قريت كوابيس قبل النوم ١ وجذبتني أحداثها كنت أول قارئة في انتظار كوابيس قبل النوم ٢ وجذبتني لقراءتها أكتر وأني أقرأ كمان باقي روايات حجاج
أنا حبيبت الرواية جدًا بكل حاجة فيها من شخصياتها وأحداثها والتناغم الحلو اللي يجذبك تكمل قراءة لأخر سطر والفلاش باك في الاحداث الممتع والشخصيات المفاجأة
برشح أي قارئ يقرأها هيكون مبسوط بيها وهيعرف معلومات نفسية منها مفيدة 🥰
يا حجاج أنت بتكتب عظمة 👌❤
شابو حجاج 👏👏

[Asser elnokaly · Rating 5 out of 5]

واووو
احلي كتير من الجرء الاول...
احداث ومفاجآت غير متوقعة...

[Ayatt · Rating 5 out of 5]

5⭐️
مكنتش أتوقع إني أديله 5 فالأول؛ لأني قرأت الجزء الأول من سنه تقريبا فواجهت صعوبه شويه إني أفتكر الأحداث، بس مع أول كام شابتر بدأت الصدمات تتواري وكانت فعلا رحله حابسه للأنفاس
كل شابتر ال plot twist بتاعته twisted أكتر من الشابتر اللي قبله.
كان في صراحه حجات من كتر الصدمه كنت بقول أنا متوقعه دا يحصل بقي بالمره" علي سبيل الصدمات يعني" ولكن بتصدم أكتر إن الحاجه دي بتحصل فعلا!😂
الجزء دا أحسن من الجزء الأول بكتير النهايه مش صادمه زي اللي فاتت كفايه إن الكتاب كله صادم😆، ولكن متحمسه جدا أعرف إيه هيحصل فآخر جزء🙌.

[Youssry Effat · Rating 3 out of 5]

الجزء التاني معانا خلينا نقول انه تكمله بشكل او باخر لحياة يونس
ايضا كٱنه زوم اوت ع كتير من حياة باقي الشخصيات و كمان فلاش باك لتاريخهم و ماضيهم السابق و كأن الكاتب بيحاول يخلينا نرتبط اكتر بيهم
و نعرف اكتر عنهم مع استكمال لمغامرة يونس و ووجوده فى المصحة
و اكتشافه لكتير من الاسرار فى حياته و حياة كل المحيطين بيه

تفتكروا باه ع الجزء التاني كان اضافة جيدة للكوابيس و هل وجوده كان لازم و لا كان ممكن الكاتب يخلى الكوابيس جزء واحد بس


بس مع الجزء التاني و فرد مساحة اكبر للتعريف عليهم حسيت وقتها بالتقصير فى ابراز الشخصيات فى الجزء الاول و خصوصا الابطال
بس احساس ان كان ممكن الجزئين يبقى حكاية واحدة كبير نسبيا
مع اعادة ترتيب و تظبيط ليها كان كل شىء هيطلع فيها مظبوط جدا
قفلة الجزء الاول حسستني بالكروتة و الخضة و كأن الكاتب استعجل انه يقفل الرواية هنا ..رغم انه كان سايب خيط للنهاية دى بس كان خيط بعيد جدا و ضعيف اوووى
استخدام الابطال من جديد و فردهم بشكل اوسع و اشمل ف الجزء التاني فكرة حلوة و استغلال جيد جدا و كأن الجزء التاني هو الاحداث المهمة اصلا
و ان كل اللى حصل ل الجزء الاول ما هو الا امور ف الخلفية

الحقيقة انا احترت بين ان كل حكاية منهم مممن تبقى لوحدها و بين ان الانتين مرتبطين ببعض و الحقيقة مش قادر اقول ده شىء حلو ولا وحش
بس اللى انا عارفه انى اتبسط و استمتعت بالروايتين و بقالى فترة مقرتش حاجة شدتتي و اجبرتني مبصش ع الساعة او عدد الورق اللى وصلتله


Instgram : Bookaffe
Youtube : Bookaffe

اشوفك دايما مبسوط بالقراءة
و متنساش دايما ان كتابك اللى جاي هنا فى بوكافية
#bookaffe #بوكافية

[Basant Salem · Rating 3 out of 5]

عبد الرحمن حجاج مبدع في توصيل المشاعر وأنها تلمس قلبك بجد، الرواية مش طبيعية بجد حاجه مقرأتش زيها قبل كدا واستمتعت جامد والنهاية تحفهه متحمسه للجزء الثالث جدا.

[Alanoud Talal · Rating 4 out of 5]

عدد الصفحات : ٢٣٠ صفحة
نوع الكتاب : خيال - غموض
لهجة سرد الكتاب : الفصحى و الحوارات بالمصري



نبذة عن الكتاب : تكمل احداث الجزء الثاني ما يحاول فهمه وحله يونس من الغاز و مؤامرات كانت له بالمرصاد لتدمير حياته ، عصفورة التي كانت طوق النجاة ليونس حتى يعيش حياة جميلة وهادئة ولكن لم تستمر هذه الايام لانه قرر الذهاب الى المصحة التي تدور حولها الاسرار ومحاولة انقاذ ياسمين من هذه المصحة





حبيت الجزء الثاني اكتر لان فيه مفاجأت كتير وصدمتني صراحة و حتى نهاية الجزء كانت حلوة ولو مااعرف انو في حزء ثالث كانت حسبت انو خلاص انتهينا ، اسلوب الكاتب برضو ما ااتغير انو استخدم اكتر من اسلوب ( اسلوب دمج الخيال مع الحقيقة ، اسلوب ادخال المعلومات الطبية على احداث الرواية ، اسلوب دمج شخصية حقيقية ( فان جوخ ) مع احداث الرواية ) كل دي الاساليب حسيتها شتتني ولخبطتني شويا وحسيتها ما اندمجت مع بعضها على قولة المثل كتر الطباخين يخربو الطبخة 😂😅افضل لو استخدم اسلوب واحد او حتى ما استخدمها وقدم الرواية كرواية عادية حتكون برضو حلوة لان الفكرة نفسها مرة حلوة واحداثها حبيتها جدا

[Nouran Esmat Elraghy · Rating 5 out of 5]

الكتاب تحفة جداً جداً ونهاية غير متوقعة
يونس اللي شوفناه في الجزء الاول بشحصية مضطربة نفسياً بهلاوسه وكوابيسه هنشوفه في الجزء التاني شخصيه تانيه خالص بصراحة عبد الرحمن حجاج قلم يستحق القراءة يجبرك انك تفضل ماسك في الروايه لحد الآخر من غير ما ابص في الساعة ولا تعد الصفحات اللي خلصتها
وميزة الجزء ده بقي انه بيعرفك بشكل مبسط علي الامراض النفسيه بتوسع شويه من غير ملل او اسلوب علمي صعب
احلي الاقتباسات
(الانتقام عامل زي القهوة لازم يتعمل علي نار هادية عشان يطلع مظبوط 🤣🤣)

[Ayman Attia · Rating 2 out of 5]

زي الجزء اللي فات في احداث كتيرة حصلت مكنش ليها اي بناء منين عادل ده ظهر و مكنش له اي تلميح سابق و منين دخلتني في جو الجن و الاعمال و القرين اللي بيساعدك مع انك باني في الجزء الاول انه حالة نفسية ده غير كل شويه شخصية تموت و تعيش تاني فا فعلا مفيش اي حبكة في الرواية و بالنسبة للمصحة فا هي نسخة من المصحة في مسلسل هانيبال ده غير كمان انك ذكرت الامراض النفسية النادرة اللي اتذكرت في المسلسل فالتقليد حتي مش مظبوط

[Yassin · Rating 3 out of 5]

4.5/5

[Ahmed Ezzeldien · Rating 3 out of 5]

الجزء الثاني من رحلة دكتور يونس مع كوابيسه، جزء حمل الكثير من المفاجآت، العديد منها كان إيجابيًا استمرارًا للإيجابيات التي خضتها في تجربة قراءة الجزء الأول، مثل مشاهد الماضي والهلاوس والتلاعب الزمني وغيرها، بالإضافة لبعض الصدمات الأخرى.

تحذير ببعض الحرق: شعرت بأن الرواية قد تأخذ منحنى قريب من فيلم (Shutter Island)، وقلقت أن يأتي هذا المنحنى، لكني سعدت بأن الرواية أخذت منحنًا آخر، ربما فقط لم أشعر بالحماس لوجود عوامل ما ورائية أكثر من اللازم، ولا أتكلم عن (زيتون) و(نصير)، بل عن الخواتم والأحجار الكريمة والأعمال وكل هذه الأشياء التي تبدو لي كـ"حل سهل"، بينما كنت معجبًا بالجوانب النفسية والذهنية التي يمكن أن تصنع كوارث بالفعل من خلال الهلاوس وتزييف الذكريات.

ومع علمي بوجود جزء ثالث، والذي أقترب منه بحذر، عكس الحماسة التي أنهيت بها الجزء الأول ودخلت بها الجزء الثاني، لأني أتخوف من أن يدور الجزء الثالث بنفس الدائرة المغلقة هذه، حيث أني أشبع بتشبع كبير من قصة دكتور يونس وماضيه ومشكلات عائلته بعد هذا الجزء.. لذا، أمنية مسبقة بأن يحتوي الجزء الثالث على جوانب وقضايا جديدة.

[دينا ممدوح · Rating 3 out of 5]

نستكمل بعد الجزء السابق من كوابيس يونس الحكاية
ولكن عليك أن تكون قرات ما سبق حتى تفهم ما سيأتي بعد ذلك.
يبدأ يونس في اكتشاف المصحة التي هرب منها في نهاية الجزء الأول، والتي نبدأ في الاستماع للكثير من الحكايات والحالات الأخرى التي تحتاج إلى علاج.
أقف في المنتصف لا أفهم كيف انتهى الجزء السابق بكل من ماتوا دون أي عقاب ووقفت عاجزة عن تحديد ما هي الخيالات والحقيقة.
لا أنكر أنني شعرت بالتشتت وقررت خفض التوقعات ومنح هذا الجزء تقييم أقل.
حتى جاءت النهاية بتويست يبرع فيه الكاتب فأعادت روح القصة مرة أخرى وتركتنا كما في الجزء السابق على حافة التساؤلات لا نملك الإجابة فنركض على الجزء الثالث والأخير لنعرف القصة.
نهاية أنقذت كل التشتت السابق لها ولكنني لم أفضل فقط أنها كانت مفاجأة أي لم يكن لها أي تمهيد فيما سبق هذا حتى دون حرق لها، ظهور الأخ بشكل مفاجئ هكذا كان لغز وغير واضح وأنتظر توضيحه في الجزء التالي.

[Adam Sherif · Rating 5 out of 5]

"كشريط سينمائي هزيل ، تعود المشاهد مشوشة ، بطيئة و غير متزنة "

انا مقراتش حاجه بالروعة دي من ساعة السكان الاصليين للقلب و يبقي فعلا حجاج كل مرة بيثبت انه قادر يبدع و يفكر برا الصندوق مختلفه تماما ، كتاب مليان تويستات و بنتعمق اكتر في شخصيه يونس و ليه ممكن يكون رجع للمصحه تاني ؟ و هل هيكسر جملة ان الي بيدخل المصحه مش بيخرج منها و لا لا ؟ اسئلة كتير ملهاش اجابات بس الاجابات كلها موجودة في كوابيس قبل النوم الجزء الثاني الي حقيقي احلي من الاول و انا مش عارف التالت هيبقي واخد مستوي الحلاوة لفين بجد🫶🏻🫶🏻
5/5 💞

[Hashem · Rating 4 out of 5]

الجزء الأول والثاني روعة 👏🏼👏🏼 تويست ورا تويست ورا تويست، من كتر التويستات يعني انا قولت في الاخر اكيد في غلطة الكاتب وقع فيها بس مش عارف هي ايه 😅
رغم بس شوية مواقف مش منطقية بس في المجمل كانت مش مؤثرة عالاحداث الرئيسية.
الثاني كان احلى من الاول، يمكن عشان التويست في الجزء الاول كان مكشوف شوية، بس الثاني كان رهيييب 👏🏼👏🏼

[MARIAM · Rating 4 out of 5]

جزء قوي، تفاصيله محبوكة بشكل مدهش صراحة
حجاج بيفتح ثغرات كتييرة جدًا أثناء القراءة ،و مع خط سير الرواية كل حاجه بتتوضح و بتخرج فاهم كل تفصيلة كانت ليه و مقصود منها اي
جدير بالذكر و اللي يهمني أوي و يمكن محدش تطرق للنقطة دي..
هي اني استفدت جدًا علي الجانب العلمي من ناحية المعلومات الكتيرة اللي عن الطب و الأمراض النفسية
عمل قوي يا حجاج 🤍

[Khalid Marey · Rating 4 out of 5]

الجزء ده احسن بكتير من الجزء الاول
البلوت تويست ممكن تكون أقل علشان اتعودنا على أسلوب الكاتب ولكن still صدمة برده
كمية الرسائل معقولة مش زي الجزء الاول
والنهاية اكبر صدمة خدتها وكمان لما لاحظت إنها نفس نهاية السكان الأصليين للقلب🤩🫶

[MalakElfar · Rating 4 out of 5]

من امتع ما قرأت 🤍✨
حجاج بياخدنا في رحلة لحياته وحياة مرضي مصحة الاسود للأمراض العقلية والنفسية...يا ترى مصحة بيتقال عليه الموت الاسود ايه اللي بيحصل فيه ..وليه اللي هيقابل يونس اللي كان في بلاد ولد الهلالية هناك
ممتازة 🌺✨

[Mariam Ayman · Rating 5 out of 5]

الجزء التاني اسبت. اهم حاجه في حياتي ان احمد داه أسم توكسك و إنسان توكسك ولكن الجزء التاني بصراحه تحفه ال blood twist الي فيه بجد تحفه و اهم ما في الأمر الي هنتعلمه هو ان مش كل الي بيلمع دهب و ان الفضه بردو حلوه 🌚♥️

[Rahma |Roomana✨ · Rating 5 out of 5]

تحفة تحفة تحفة
الجزء التاني جاي اقوى من الاول في تطور جميل لشخصيه دكتور يونس والدوشة اللي بتحصل حواليه
مش مملة ابدا التويستات كالعادة مبهرة
بناء الشخصيات والشخصيات اللي اتضافت ماشيه بسلاسه في القصه
كلهم مرضى نفسيين بجداره
فوق الروعة بجد

[Ahmed Mamdouh · Rating 4 out of 5]

مقارنة بين هذه الرواية والرواية الأولى: فهذه رواية مثل أي رواية لها بداية ووسط ونهاية، على عكس الرواية الأولى التي كان معظمها هلاوس. لكن عمومًا بدأت أفهم لماذا جعل الكاتب الرواية الأولى بتلك الطريقة. هذا الجزء أجمل بكثير من الجزء الأول.

[Mo Emad · Rating 4 out of 5]

رواية عظيمة جدا وبقيت واقع في غرام روايات الحجاج بجد ومتحمس لل٣

[Amr · Rating 2 out of 5]

2.5/5

[Ashraf Hamdi · Rating 5 out of 5]

جامد ❤️

[Manosha Ahmed · Rating 5 out of 5]

تحفة بجد
اي كمية الصدمات والاحداث دي ❤❤

[The blue sticky note🌧️ · Rating 5 out of 5]

يمكن من اكتر كتب اللي معرفتش اسيبها من ايدي غير لما اخلصها الحبكة الدرامية ذكيه ومتناغمه بشكل الكاتب كانه كان بيعزف

[Alaa' Nabil · Rating 5 out of 5]

استمتعت جدا معرفش لما اخلص الجزء التالت هعمل ايه من غير يونس.

[Amira Yehya · Rating 4 out of 5]

احلي كتير من اول جزء حبيت الplot اوي🖤

[Hazem Mahmououd Al halaly · Rating 5 out of 5]

روعه

[Abdallah Ahmed · Rating 5 out of 5]

بجد انا لحد دلوقتي مصدوم و مش مستوعب الروايه من اول ص��حة لحد آخرها كلها plot twists بذات اخر خمس فصول انا بجد لحد دلوقتي مش قادر اتخطي و مش عايز اخلص السلسلة التحفة دي

[Abdullah Ashraf · Rating 5 out of 5]

4.5⭐️
أحلى من الجزء الأول