کاسێتەکەم بە پایز مەسپێرن

by بەکر عەلی

282 pages, Unknown Binding

Reviews

[Lana Amir · Rating 4 out of 5]

شاعیر و شەهیدی دەستی وڵاتێک کە بیرمەندی تیایدا گەورەترین تاوانە! ئەم جۆرە کەسایەتییانەی کە تا ئێستا هەوڵدەدرێت لە مێژوودا ونبکرێن پێویستە چیرۆک و نووسینەکانیان هەمیشە بە زیندووی بهێڵینەوە.

هەر کاتێک چیرۆکی ژیانی نووسەر و بیرمەند و شاعیرێکی کورد دەخوێنمەوە زیاتر تێدەگەم لە هۆکاری ئەوەی وڵاتمان پڕبووە لە نەفامی ناسراو و بیرمەندی خنکاو!

ماوەیەکی زۆرە بە دوای نووسەری کورددا دەگەڕێم کە شایەنی ناسراوییەکەی بێت و نووسیەنەکانی بەڕاستی جیاواز و خوڵقی ناخی خۆی بن، لەم ماوەیەدا فێربووم کە سەرجەم نووسەر و شاعیرە مەزنەکان کارەکانییان شاردراوەن و تەنها کۆیلەکان یاخود بیرکردنەوە سادەکان لەم وڵاتە ڕێپێدراون!

[Amir · Rating 5 out of 5]

هۆ پەپولەی سەر بەردەکانی باوەنور
ئاخر گوڵم هۆ حەبیبەکەی شارەزور

ئەم دڵە باڵندەیەکە، شەوانە دێ
پەڕو باڵی لە دەرگاکەتان هەڵئەسوێ

کەواتە چۆن دەمەو ئێوارانێ کە دێی
نەزانانە پێی پیا ئەنێی

ئالێرەدا ئەبم بە خۆڵی سەر ڕێگا
ئەبم بە بەرد، ئەبم بە ئاو، بە ڕەشەبا

گەر بزانم تۆ کە هەر خوێنم ئەڕێژی
فڕێم نادەی لە پرچەکانتا ئەم نێژی

چۆن وانە بم، باوانەکەم کە دڵنیام
وەک توولەڕێی قەد پاڵێکی گۆیژە تەنیام

ئەوا ئێستاش لەم ڕێیەدا کە وەستاوم
واتێنەگەی پەیکەرێکی بێ هەناوم

حەزم ئەکرد بەر لە وەی کە بڕۆمەوە
نازدارەکەم لە پێکێکدا بتخۆمەوە

بەڵام چی بکەم دەروونی تۆ سەیرترە
دەرونی تۆ لە ژورەکەم تەزیوترە

دەروونی تۆ دەریایەکی هێند واڵایە
بێگومانم گۆڕی سەدان "ئەراگۆن"ی لە بندایە


بەکر عەلی